«Мек­тептің жүрегі – мұғалім» деп Ыбырай Алтынсарин бабамыз айт­қандай, алдымен мұғалімді жан-жақты, білімді және рухани бай тұлға етіп өсіруіміз керек. Баланың көзін білімге мұғалім ашады. Ең бастысы, ұстаз бүгінгі өмір ағымына ілесуі керек. Қазіргі мұғалім жаңа білім беру парадигмасы негізінде ин­но­вациялық технологиялар мен интерактивті әдіс-тәсілдерді те­рең меңгерулері тиіс.

Мұндай үрдіс оқушының білім сапасын арттырып қана қоймайды, оның білімге деген біліктілігін арттырып, ізденімпаздылық пен шығармашылыққа деген іскерлік пен дағдыларын қалыптастырады, білім кеңістігіне жол ашады.

Білім сапасының 5 жылдық динамикасы : әр жыл сайын сыныптарда қазақ тілінен өсу байқалады.

2016-2017 о.ж – 1 тоқсанда – 55.3%, 2 тоқсанда – 61.5 %, 3 тоқсанда – 62.2%, 4 тоқсанда – 64% білім сапасын көрсетті. Оқу үлгерімі 100% болды.

2017-2018 о.ж – 1 тоқсанда – 59 %, 2 тоқсанда – 65%, 3 тоқсанда – 65%, 4 тоқсанда – 66% білім сапасын көрсетті. Оқу үлгерімі 100% болды.

2018-2019 о.ж – 1 тоқсанда – 61%, 2 тоқсанда – 63 %, 3 тоқсанда-63%, 4 тоқсанда – 68% білім сапасын көрсетті. Оқу үлгерімі 100% болды.

2019-2020 о.ж – 1 тоқсанда – 65%, 2 тоқсанда – 68%, 3 тоқсанда – 70%, 4 тоқсанда – 70% білім сапасын көрсетті. Оқу үлгерімі 100% болды.

2020-2021 о.ж – 1 тоқсанда – 66%, 2 тоқсанда – 68%, 3 тоқсанда – 72%, 4 тоқсанда – 72% білім сапасын көрсетті. Оқу үлгерімі 100% болды.

Бес жылдың ішінде оқушылардың үлгерімін талдай отырып,осы жылдардың ішінде өте жақсы оқитын оқушылар мен жақсы оқитын оқушылар саны біртіндеп өсіп келе жатқанын, әр сыныпта әлі де болса үлгерімі төмен оқушылар да кездесетінін атап өткен жөн.

Бұл тіпті коронавирустық инфекцияның таралуы кезінде де (2020 жылдың сәуір-мамыр) оқушылардың үлгерім саны кеміген жоқ, керісінше көбейді.

Сараптама жүргізу барысында төмендегідей өзгерісті аңғаруымызға болады:

8 «Ә», 8 «Б», 7 «Ә» сыныптарында білім сапасының көрсеткіші тұрақты болғанын байқауға болады. Оқушылар қосымша тапсырмаларды үнемі орындаумен қатар үй тапсырмасына көбірек көңіл бөлді. Сабақта оқушылар белсенділік танытып, пәнге деген қызығушылықтары арта түсті. Оқушылардың сабаққа үнемі дайындықпен келетіндері байқалады. Үй тапсырмасын орындау барысында ата- аналар тарапынан қатаң қадағалау жүргізілетіні көрінеді.

6 «Г» сыныбында білім сапсының көрсеткіші төмен болды. Бұның себебі, морфология саласы бойынша тақырыптардың күрделілігі қиындық туындатты. Кейбір оқушылардың сабаққа немқұрайлық танытуы байқалды.

Нәтижелерді жақсарту үшін қосымша сабақ жүргізіледі.Оқушыларымызға грамматиканың әр саласындағы қиыншылық тудыратын тақырыптарға тоқталдық. Мысалы, фонетика саласы бойынша үндестік заңын дұрыс айыра білмеуі, морфология бойынша әр сөз таптарға тоқталып, соның ішінде оқушыларымыздың қиындық тудыратын тақырыптары шылау сөздерге, одағай сөздерге, етістік тарауы бойынша мәліметтер беріледі.

Шешу жолдары:

• үлгерімі төмен балаларды қадағалау, қосымша жұмыс жасауды жалғастыру,

• ата-аналармен тығыз байланыста болу.

• оқушылармен түзету жұмыстарын жүргізу; қатесіз жазып үйрету мақсатында алдын-алу жұмыстарын жүргізу; орфографиялық, пунктуациялық қателерді жібермеу үшін жаттығу жұмыстарын орындау;

• жаңа сөздерді өту барысында олардың жазылуына оқушылардың назарын аудару;

• бағдарламада қарастырылған негізгі тақырыптарды мақсатты түрде қайталап отыру.

Сараптама берген: Мамешева А.У.