المرحلة الاولي :.. التجهيز

1. إزاي تبحث صح على جوجل في تخصصك؟

البداية دايماً من هنا! عشان توصل لأفضل الأبحاث في مجالك، لازم تعرف تدور صح. هنا هتلاقي كل التفاصيل:

https://youtu.be/49DvLTS-WSQ?si=72RQwNtO3SGg-zyu

2. لقيت البحث... إزاي تقراه وتفهمه بجد؟

مش كفاية تلاقي البحث، الأهم إنك تفهمه بعمق! الفيديو ده هيساعدك تعرف إزاي تتعامل مع الأبحاث وتقراها صح:

https://youtu.be/CxttxeXI_yM?si=kUG2CYFEWy26h6Ly

هتلاقي ان بعض الجرافات اصلا مش واضحة بالنسبة ليك ومحتاج تعرف معناها :

المحاضرة دي هتقولك اهم انواع الجرافات الي ممكن تقابلها وشرح ليها

https://youtu.be/UPtNwpyuA4I

3. تفصيص البحث وكتابته 3 مرات (مرحلة احترافية هتغير مستواك!)

دي أهم مرحلة عشان تبني فهم عميق وقدرة على التحليل والكتابة العلمية:

المرة الأولى: القراءة العميقة وإعادة الكتابة (زي ما هو)

اقرأ البحث بكل تفاصيله. افهم كل كلمة، كل تقنية، كل تكنيك، ليه اتعمل وإزاي، وإيه البدائل المتاحة. ركز على تشريح أجزاء البحث الأساسية (المقدمة، المنهجية، النتائج، النقاش). بعد كده، أعد كتابة البحث بأسلوبه الأصلي عشان تثبت المعلومات في ذهنك.

المرة الثانية: تغيير الأسلوب مع الحفاظ على الفكرة والنتائج

هنا هتبدأ تحط بصمتك! أعد صياغة البحث بأسلوبك الخاص، بس خليك ملتزم بالنتائج والتكنيكات الأصلية. الهدف هو إنك تعبر عن نفس الأفكار بطريقتك، وده هيساعدك تطور أسلوبك الكتابي الخاص.

المرة الثالثة: تغيير التكنيك، الأسلوب، والنتائج (افتراضية!)

المرحلة دي هتخليك تفكر كناقد ومبتكر. غيّر في التكنيكات المستخدمة، الأسلوب، وكمان حط نتائج متوقعة أو وهمية لكنها مبنية على التكنيكات الجديدة اللي استخدمتها. المرحلة دي ممكن تاخد منك من 3 أسابيع لشهر كامل، لكن نتيجتها هتكون مذهلة!

لو أنت Biotechnologist (أو في مجال مشابه)

في بلاي ليست هتساعدك جداً تعرف تقنيات زيادة في تخصصك:

https://youtube.com/playlist...

مهارات أساسية لازم تكون معاك بالتوازي:

الإحصاء وتحليل البيانات: دول مفتاح فهم أي بحث علمي. لو شاطر فيهم، هتعرف تفهم كل جراف وplot بيستخدم إمتى وليه، وده هيجي مع قراءة أول 10 أبحاث ليك بتركيز.

خليك متابع أول بأول!

بشكل يومي أو أسبوعي، لازم تقلب في المواقع دي عشان تعرف إحنا وصلنا لفين في الأبحاث. مش كلها بنفس القوة، لكن أغلبها بيحط مصادر كويسة، اتأكد منها دايماً!

https://phys.org/

https://www.iflscience.com/

Science

Nature

Cell

Science Alert

the New Scientist

https://news.mit.edu/

https://www.sciencedaily.com/

https://www.genengnews.com/

https://membs.org/

The Scientist

دول معظم اللي بتابعهم، ولو افتكرت حاجة تانية هزودها!

وصلت لأول مرحلة: الفهم العميق والكتابة!

دلوقتي، بقيت بتقدر تقرأ بحث وتفهمه كويس جداً، عارف الـ Aim والـ Method بتاعته، وبتقدر تكتب بحث (بدون بيانات حقيقية). وكمان، بقيت عارف إيه التخصص اللي شدك!

المرحلة التانيه : التحديد

الخطوة الجاية: اقرأ ريفيوهات وأبحاث في التخصص اللي اخترته. بعد عدد معين من الأبحاث، هتلاقي إن فيه طرق أو تكنيكات مشتركة.

اعمل حاجة من اتنين:

اتعلمها عملي بفلوس.

اتعلمها عملي عن طريق التطوع مع باحث شغال في نفس التخصص.

زود نفسك في الجانب العملي على قد ما تقدر، ومتبطلش أبداً:

المرحلة التالته  : . الانتشار ...

الاطلاع على الأبحاث والأخبار الجديدة والقراءة في تخصصك.

تطوير بروفايلك على LinkedIn، لأنه هيعرفك إيه المهارات أو الخبرات اللي ناقصاك (خبرة، كورسات، أبحاث).

أفضل مواقع الكورسات للمبتدئين:

Future Learn: عليه كورسات مجانية بشهادات، نظام خفيف وسهل، ممكن تخلص الكورس في "قعدة شاي"!

Open Learn: كورسات متنوعة من خفيفة لطويلة، سهلة ومريحة وفيها امتحانات، وكمان ببلاش!

EdX: عليه دعم كويس وممكن تاخد الكورس من غير شهادة لو حابب تركز على المحتوى.

Coursera: ده خليه آخر مرحلة ليك، لأنه ممكن يكون صعب على أي حد مبتدئ أو متوسط وبيحتاج وقت طويل.

استغل ChatGPT بذكاء!

استخدم ChatGPT عشان يساعدك تفهم المعلومات الصعبة بسرعة ويوضح لك أي نقطة مش واضحة.

بناء وجهة نظرك وتراك بحثي خاص بيك!

دلوقتي، بقيت معاك مهارة قوية، فهم نظري عميق، وبحث علمي قوي. اللي فاضل إنك تبني لنفسك وجهة نظر وتراك بحثي معين. ده مش بيتبني بين يوم وليلة، هو عملية تراكمية!

لما تكون وجهة النظر دي أو اللي عاوز تعمله بالظبط واضح ليك:

هتبتدي تبني علاقات على أساسها.

هتكون عضو في فرق بحثية.

هتبدأ تنشر أبحاثك!

أهمية النشر والمؤتمرات:

النشر العلمي الأصيل: هو الناتج الحقيقي والفعلي لرحلتك في البحث العلمي.

المؤتمرات: مهمة عشان تعرف أفكار جديدة وتسوق لنفسك، لكن النشر الأصيل هو الناتج الأهم.

طرق تفكير هتخليك مميز:

خلال رحلتك دي، هتحتاج تطور مهارات تفكير معينة هتلاقي ليها كورسات على المواقع اللي ذكرتها:

Digital Thinking

Design Thinking

Critical Thinking

حاول تاخدهم بجدية، لأن دول اللي بيخلوك مميز بجد وبيخلوا مخك شغال مش مجرد شخص "من ضمن المؤسسة أو المجال" وبس!

يارب أكون قدرت أوصل لكم الفكرة دي بشكل مفيد ومناسب!

Industrial aspect of Bioinformatics 

https://youtu.be/MUlZEr9E98E?si=6041a_Howxn9oVeT

تطبيقات وفروع المعلوماتية الحيوية 

https://youtu.be/77W7D70hr6w?si=GfFCdjW938P__qSk

الارساء الجزيئي molecular docking -بودكاست

https://youtu.be/W4XWlMoE9DE?si=h2_OTsxGuDl2Gq0L

Bioinformatics session FA_Model_BU

https://youtu.be/EcFrEd3_dgw

محاضرة منصة علماء المستقبل .

https://www.facebook.com/DrEnasElyamany/videos/1250926260081130 

الناس بتشوف الإنجازات في النهاية، لكن اللي ما يعرفهوش كتير هو الكواليس. ست سنين من 2019 لحد النهاردة، كانت رحلة طويلة مش سهلة أبداً. بدأت باني اترفضت مرتين في التقديم لتصفيات مسابقة في الكلية , كنت اقل من العادي , معنديش معلومة غير المناهج ومش شايف اني اتظلمت لانها كانت الحافز اني اشتغل علي نفسي ومبقاش في النص , الكل بيجري وانا لسه حتي مدخلتش السبق و..

بدأت بسؤال هو انا لما اخلص الكلية هعمل اي ؟؟

بفكرة، مجرد فكرة لمشروع بسيط، لكنها كانت بداية كل حاجة

من كام سنة فاتوا، كنت واقف على أول طريق جديد في حياتي، وفي دماغي حلم كبير وشغف بال Automation وال bioinformatics . ورغبة في إني أسيب بصمة في الدنيا، وإني أشارك في البحث العلمي الي هو هوايتي بشكل اساسي . الطريق ماكانتش سهلة خالص، كانت مليانة تحديات ومحطات كتير

على مدار 6 سنين، اتعلمت وسعيت وبذلت كل جهدي. كل خطوة كنت باخدها كانت بتزودني إصرار، وكل إنجاز كنت بحققه كان بيشعل جوايا حماس جديد. والنهاردة، ببص على كل اللي وصلت له بفضل ربنا، وبقول الحمد لله. تعالوا معايا في رحلة سريعة نشوف كام محطة من المحطات دي اللي كانت نقطة تحول في مسيرتي.

البداية والشغف (2018-2020)

بدأت رحلتي في عالم المعلوماتية الحيوية كمحرر مقالات، وكانت دي الشرارة اللي دخلتني المجال ده. في 2019، أول إنجاز ليا كان المركز التاني في حاضنة أعمال أكاديمية طيبة. وبعدها في 2020، كان ليا الشرف إني مثلت عين شمس وأخد المركز التاني في مسابقة SOLE، واللي شاركت فيها بـ abstract كان هو الأساس لأبحاثي اللي جاية وفي نفس السنه كان فترة كورونا, خدتها فرصة اني مضيعش وقت واتعلم في البيت كل الي محتاجه بخصوص ال bioinformatics , وشاركت في اول بحث ليا بشكل اونلاين في رمضان 2020 وبما ان دي سنه تخرجي فكان في مشكله في مشروع تخرجي لانه اي حد يسمع عنه كان يقول عنه انه (وهم) ودي مش حاجه لطيفه , هي وهم فعلا , وكان في ال DNA origami وبسبب قلة المصادر و بالتدريب علي الاخطاء اتعلمت تصميمة ودخلت ب اول تصميم ناجح Sole بس اول نشر مكنش دلوقتي لاني كنت محتاج فرصة زي الصياد اني استني اشوف ازاي هطبق المشروع وازاي هنشر فيه واشتغله ف استنيت براقب الابحاث فيه ونفس الفترة بردو جتلي فكرة اول اداة اعملها , استعنت فيها بخبير في المجال عشان يحطلي اساس الكود بتاعها ولكن للاسف مكنش ليها توفيق في المؤتمرات الي دخلتها عشان كدة خليت الكود معايا بردو واستنيت لغايه ما استخدمها وابلورها , خسرت فيها مسابقة ومؤتمر مدلختوش اصلا بعد ما تم دفع فلوسه وكالعادة , قلت هفضل استني لغايه ما تيجي الفرصة ليه واكون مؤهل ليه

تأسيس وبناء (2021)

في 2021، انطلقت في مسيرة تدريس وبحث مكثفة. كنت محاضر في مؤتمر BioCode، وكمان دربت عدد من الطلاب وأشرفت على الأبحاث بتاعتهم عشان يشاركوا في مسابقة SOLE 2022، وده جاب نتايج مبهرة بعد كده. شاركت كمان في المؤتمر الدولي التاني URF اللي كان بيتكلم عن استخدام الذكاء الاصطناعي في تصميم الأدوية والمؤتمر الي بعده الي شاركت فيه بعرض عن علاقة ال covid-19 ب فصايل الدم ، واديت محاضرات في vaccine design – drug design في مركز الهندسة الوراثية بكلية الزراعة في جامعة عين شمس الي شكلت جزء كبير من علاقاتي وكمان كانت فاتحة خير كورسات عليا كتير وكان هدفي منها اضافي وهو اني افتح الباب للطلبة انهم يكونو assistance في الكورسات عشان يتعلمو منها زي ما كنت حابب يحصل لي زمان ، وده فضل مستمر لحد 2023. الفترة دي كمان شافت تأسيس معملي الخاص، i-mole lab I-Mole labاول معمل اساسي في انتاج برمجيات (برامج ) وخدمات الbioinformatics وتدريباته ، عشان أبدأ رحلة ريادة الأعمال وفضلت اتعلم فيها بالتدريج واتعلمت الادارة من خلال مدير الشركة الي كنت نازل تدريب فيها في نفس الفتره دي , لاني زي ما بنصح بيكوون عندك احيانا فترة لازم تتدرب فيها من حد اكبر منك عشان تقدر تبقي معلم , بعد ما تبقي صبي , وفي خلال الفترة دي كنت بدأت اتابع بردو مشروع تخرجي الي في 2020 واي اخر تطورات الابحاث ال in silico فيه وجتلي فكرة اني اعمله محاكاه واكتب فيه اول فصل من كتاب كتبته وعملت كدة فعلا واستنيت بردو لغايه ما يجي فرصة اقدم فيها

حصاد (2022)

سنة 2022 كانت بالنسبة لي سنه الحصاد وكانت مليانة لانها غيرت في تفكيري من ناحية علاقاتي الاجتماعيه بسبب كمية الرفض الي جالي سواء في تقديمات او غيره وخلالها وبفضل ربنا ودعم الاصدقاء الي لولاهم بعد ربنا مكنش حاجه تمت . قدمت محاضرة في مؤتمر TEDx جامعة بنها بعنوان "سحر الأرقام في تصميم الأدوية"،وعلي الرغم اني حصلي حالة وفاة ولكن كان لازم اطلع منها فسافرت الفيوم في مؤتمر IEEE. كان ليا الشرف أشارك في الحصول على المركز التاني لأحسن مشروع تخرج في كلية زراعة جامعة عين شمس، وده بيأكد قد إيه الشغل الجماعي مهم. كمان أخدت المركز الأول في مؤتمر جامعة بنها لطلبة الدراسات العليا وأبحاث ما بعد التخرج وكانت بمشروع مهم في الDrug design ساعتها وكان عمل مركب يقدر يستخدم في اكتر من طفرة من نفس البروتين بشكل اعلي من العلاج الي موجود بالفعل وهو نفس الي دخلت بيه مؤتمر urf ، وأخدت المركز الأول في مسابقة "عين شمس تبتكر" في المسار الزراعي. وتخيل ب اي ؟؟؟ بنفس المشروع الي كان مشروع تخرجي وكنت مستني فيه فرصة وبدعم اكبر من الشخص الي اتعلمت منه ريادة اعمال والأهم من ده كله، بدأت رحلتي في النشر العلمي، ونشرت 15 بحث ما بين 2022 و2025، منهم بحثين في مجلات Q1، و3 أبحاث كانوا مشاريع تخرج، و4 فصول في كتب مختلفة، والباقي في مجلات Q2. وتخيل ان اول بحث فيهم كان 2022 كان بقاله سنتين متعلق في النشر , ايوة خمنت صح كان بحث الي اشتغلته في فترة كورونا .. وشابترين منهم مشروع تخرجي والي اتذكر فيه مشروع تخرجي باستفاضة داخل الشابتر بشكل مفصل حتي بالي وصلتله ,

وبدأت اسعي اكتر في الشركة واحاول اعملها انتشار و علاقات اكتر

الأفق (2023-2025)

في 2023، أخدت المركز الأول في مؤتمر Cellena، وهو مؤتمر طلابي وكان سبب تواجدي فيه وتقديمي فيه واصراري عليه هو اني حبيت اعمل دعم مباشر للاصدقاء الي دربتهم والي اشتغلت معاهم لاني مكنش عندي ده وانا في الكلية ف حبيت اكون سبب فيه , وأسست أول مسابقة وhackathon للمعلوماتية الحيوية في مصر، بهدف تشجيع ودعم الجيل الجديد من الباحثين. وكمان أخدت جايزة أحسن بوستر في مؤتمر الشبكة الألمانية العربية للبحث العلمي. GARN وكملت رحلة التدريب و الانتشار لشركتي في 2024، لما اديت محاضرة في مؤتمر طب القصر العيني، وشاركت في الحصول على المركز الأول في مسابقة SOLE X. سنة 2024 شافت مشاركتي في واحد من أحسن 5 مشاريع على مستوى برنامج الشراكة المصرية الأمريكية و عشان الشركة متكونش واقفه مع سفري بدأنا التوسع اكتر في العلاقات والتعاقدات وحتي التسجيل في الامم المتحدة والتسجيل مع اكتر من جهة ، وبدأت دراسة الماجستير في معهد كيوتك. وكمان بقيت مراجع في مجلة علمية، وشاركت في مبادرة "باحثون ما بعد التخرج" في الجامعات المصرية، وهي مبادرة فضلت مستمرة لحد 2025. ولغاية قبل سفري حتي ب يوم مكنتش متأفف اني ادي محاضرات مجانية اقدر اوسع بيها انتشار سواء المجال او الفكر او الامل عند الطلبه في URI وبوداكست Qualified biotechnology وغيرهم من المؤتمرات والفعاليات الي لسه شغاله لغاية دلوقتي

وعشان اقولك ان الطريق مش وردي ولا حتي هتوصل عند نقطة تقول انا بقيييت, في 2024 بس انا خسرت 4 مسابقات دخلتهم لاسباب مختلفة سواء في سوء الاختيار الخاص بالفريق سواء بسوء تدريب سواء بسوء تقدير او حتي تاخير في الوقت , مسابقات وحاضنات اعمال زي اولومبيات عين شمس وزويل وغيرهم مكنتش النهاية للقصة لاني كملت علي الافكار الي كانت فيهم وتخيل اي , كانت واحدة منهم الاداه الي انا كلمتك عنها في 2020 ودلوقتي شبه المشروع الحمد لله اكتمل

ولسة مبقتش اخيرا , انا كتبت البوست ده ليه؟

لاكتر من سبب لاني حابب ازود عليه كل سنه , ولاني حابب اقولك لو انت مشتت ومكاني وشايف مفيش شغل ومستقبل ف انا كنت مكانك في يوم وسمعت نفس الكلام بس كنت مقتنع ان صبر اللحظة دي والشغل فيها هو الي هيخليك شيء تفتخر بيه خاصة اكتر لحظة انت زهقان ويائس فيها وكنت مقتنع حتي لو لسه مش عارف , المهم متبطلش سعي

الرحلة دي كلها مش مجرد إنجازات شخصية، دي دليل على إن الشغف والمثابرة هما مفتاح النجاح. أنا بشارككم المحطات دي مش عشان أتفاخر، بس عشان أقول لكل شاب: "مافيش حاجة مستحيلة". ابدأ بخطوة، وثق في قدراتك، وكمل سعي. المستقبل بيصنعه اللي عنده الجرأة يحلم ويشتغل عشان يحقق حلمه.

إيه هي الأحلام اللي بتسعى ليها دلوقتي؟

 مشروع التخرج ده هو "المرحلة الاخيرة و تكليل فترة الجامعه " 

. يعني الخلاصة بتاعة كل اللي درستيه في الـ 4  سنين اللي فاتوا، بس بدل ما تمتحني في ورقة، بتعملي "منتج"  او (مشروع ) حقيقي بإيدك.يثبت انك عندك مهارات اتعلمتيها وانتجتي منها  وبتعرفي تشغليها وفهمتيها ف طبقتيها في حاجه قدامك اهي 

​عشان أبسطهالك اكتر شويه، الموضوع بيمشي كالتالي:

​1. الهدف من المشروع  إيه؟ ودي نصيحتي دايما في الطريق الصح انك تمشي بالعكس من ورا ل قدام  

انا عاوز اشتغل فين . اي المهارات الي عاوزها اولف ده علي مشروعي ازاي 

​الجامعة عايزة تتأكد إنِك مش بس "حافظه" كلمتين، لا.. دي عايزة تشوفكٍ وأنتي بتفكري ، وبتحل مشكله بتواجه المجتمع ، وبتشتغل في فريق (Group). الهدف إنك تطلعي حاجة تنفع تتقدم لسوق العمل أو تكون بداية لشركة خاصة بيك. او حتي حل لمشكله .. يعني البدايه بتكون فكره في حل مشكله ..موجوده بتتفقوا عليها مع المشرف للي بتختاروه .. وده اول كل حاجه لازم يكون عنده الكفاءة انه يكون خبره في المجال ده ف يعلمكم و يأهلكم ويوجهكم وانتو تتعلموا وتساعدوه وتفكرو معاه كمان  

احيانا المشرفين هم الي بيقترحو الافكار ..طبعا ده مفيش منه مشكله بس الاحسن تكوني موجه مشروع التخرج في طريق الي عاوزه تشتغلي بعد التخرج بحيث تشتغلي مهاراته وتطلعي منه انتاج كويس سواء بحث او ريفيو او مهارات بس او حتي مناقشه عرض في مؤتمر .. فمثلا انا عاوز اشتغل في مجال المبيدات تحديدا عاوز اشتغل في معمل تحليل متبقيات ف سالت في المعامل قالولي انك لازم تعرف تقنيه س .. هدخلها في مشروع تخرجي واتعلمها بالمره 

​2. بيتعمل إزاي؟ (الخطوات)

​تكوين الشلة: بتجمع صحابك اللي "دماغهم راكبة مع بعض" (عادة من 3 لـ 7 أفراد حسب القسم). وكل واحد ليه فايده وميزه داخل الجروب 

​الفكرة: بتقعدوا تهبدوا مع بعض لحد ما توصلوا لفكرة "جامدة ". فكرة تحل مشكلة موجودة فعلاً في مصر أو تطور حاجة قديمة.

​المشرف: بتختاروا دكتور من القسم يكون هو "الريّس" بتاعكم، بيوجهكم ويقولكم الخطوات صح ولا غلط. وعليه دور يساعدكم ويقولكم الدنيا بتمشي ازاي واي دلاله كل قيمه و ازاي افهم الدنيا وازاي احل المشكلات وانا اساعده ب اني اكون سابق وملتزم 

​الشغل (المرمطة): هنا بقى بتبدأوا تنفذوا.. لو هندسة بتعملوا ماكيت أو جهاز، لو حاسبات بتبرمجوا أبلكيشن، لو تجارة بتعملوا دراسة جدوى، وهكذا. 

​3. اليوم الموعود (المناقشة)

​ده يوم التقييم  بتاع المشروع. بتلبسوا حاجه تفرحو بيها وسهله ومريحه   ، وبتقفوا قدام لجنة من الدكاترة (المناقشين).

​بتعرضوا "بريزنتيشن" (PowerPoint) تشرحوا فيه عملتوا إيه.

​الدكاترة بيسألوكم أسئلة عشان يتأكدوا إنكم فاهمين مش ناقلين الكلام.

ملحوظه : انا مش مع ابدا البهرجه في المناقشه والاحسن توفر الفلوس لعمل حاجه دايمه ليك ولكن ده بيرجعلك لو عاوز تبسط نفسك 

​في الآخر بتاخدوا الدرجة، ودي بتبقى نسبة كبيرة من مجموع السنة الأخيرة.

​ليه مشروع التخرج مهم بجد؟

​الـ CV: ده أول حاجة بتتحط في السي في بتاعك وأنت لسه "فرش" (Fresh Graduate).

​العلاقات: بتتعامل مع شركات وموردين ودكاترة، وده بيفتح لك سكك شغل.

​ثقة في النفس: لما تخلص حاجة كبيرة وتنجح فيها، بتحس إنك فعلاً بقيت "بشمهندس" أو "أستاذ" بجد.

​نصيحة أخيرة: اختار "الشلة" صح قبل ما تختار "الفكرة"، عشان دول اللي هتقضي معاهم أحلى (وأصعب) شهور في حياتك الجامعية!

دلوقتي احنا عندنا امراض زي #اللوكيميا وامراض تانيه لقينالها علاج بعد ما قعدنا سنين منعرفهلهاش حل يعني في ناس بتموت وبعد 10 سنين نلاقيلهم علاج ..طب لي بقي منجمدش البشر دول الي عندهم امراض ونبعتهم المستقبل لما يتلاقيلهم علاج ؟؟ ولي منبعتش اصلا بشر للمستقبل لو الحضارة اختفت يبنوا تاني ؟؟ لي بقي

الحقيقة السؤال ده طرحة استاذ فيزياء اسمه #روبرت_ايتنجر لما كان ماشي في مستشفي وهفت عليه يكتب عنه قصة اتنشرت سنه 1948 في مجله محترمه اوي (Starling stories )

بعدها بعشرين سنه اتفتحت اول شركتين شغالين في المجال الي هو #cryonics او التجميد وهم alcor في اريزونا و cryonics في ميشيغان ده من ساعتها لغايه دلوقتي ..بيجيبو الراجل الي عاوز يتجمد بعد ما يموت يدفعوة 28000 دولار ويحطو في ايدة ساعه او سوار كدة بيحدد مكانه وحالته الصحيه عشان يبقو جمبه دايما واول ما الراجل ده قلبه يقف بيجوله ويركبوله كام جهاز كهرباء كدة عشان يحافظ علي وظايف اعضاءة حيه (بس القلب متوقف ومش هيرجع تاني ) وبعدها بيحقنوه بكام ماده بتمنع تجلط الدم وترسيبه الي بيحصل طبيعي بعد ما تموت وياخدوة ينقلوة بطيارة لمقر الشركة في امريكا وهناك بيحطوة في تلاجة بتحفظ جسمه بل بتقلل درجة الحرارة بتاعته من 37 ل 125 واحيانا 196 درجة تحت الصفر في النيتروجين المسال ..وبيفضل المسؤولين عن العمليه دي متابعين الجسم اول ب اول بمجسات وحاجات عشان يضمنو ويامنو بقاء الجسم بحيث ميمتش لغايه ما يتجمد تماما لفترة معينه 10 او 15 سنه او اكتر ..لكن يطلع للشركات دي العلم ويقولهم استنو عندكو ..

لما بتوصل درجة الحرارة في الخلايا ل 25 درجة مئوي طبيعي ان الخلايا الحساسة والخلايا بصورة عامه بيحصل انها بتتحول لشكل زجاجي وبتبقي معرضة بسبب تغير درجة الحرارة انها تتشقق او تتكسر تحت تاثير الضغط الحراري وان بعض الانسجة بتتعرض للضرر عشان اثار التجميد لكن بردو الشركات موقفتش وبدأت سنه 2000 انها تعمل مركبات كيميائيه بتحمي الانسحة دي من اثار التجميد لكن بتفضل المواد دي سامه لو وصلت تركيزاتها لدرجة معينه عشان هي بتكون سامه للخلايا وطبعا دي بتشتغل انها تقلل درجة الحرارة الي بتتجمد عليها المواد ف الخليه او انها تمنع تكون الكريستالات الي ممكن تموت الخليه

طيب احنا كدة عرفنا نحافظ علي العضو حي ..هل تتخيل انه ممكن بعد 60 سنه حتي انهم يصحو الميت ده ؟؟

قبل ما اقولك امثله وتجارب علي كدة خلينا نتلكم في حاجه الاول ..علي موقع الشركة المسؤوله عن الكلام ده بيقولك انهم معندهمش اصلا طريقة انهم يرجعو بيها الناس دي دلوقتي ولكنهم بيراهنو ان العلم هيتطور وهيلاقي طريقه يرجعهم بيها قدام وغيركدة هم كل الي عليهم يعملو كل حاجه مظبوط ويهتمو بالمريض اطول فترة ..

اول تجربه اتعملت علي الانسان في الحكايه دي كانت 1967 لما جمدو اول طيبب نفسي وكان عنده ساعتها70 سنه وتطوع ان تتعمل عليه التجربه دي بعدها ابتدت الشركة تتوسع وتاخد من الناس فلوس ويبتدو يوسعو انشطتهم لدرجة ان اخر احصائيه بتقول ان في 1500 شخص في العالم متجمدين ومستنين انهم يتعملهم احياء بعد 50 او 100 سنه حتي ..بس الحقيقة الكلام ده بردو احنا لازم نجرب الكلام ده علي الحيوانات ..الحقيقة في سنه 1980 بتقول الشركة انها عرفت ترجع كلب بعد ما جمدته كام ساعه كدة و سنه 2016 عرف العلماء انهم يحافظو علي مخ ارنب من غير ما يحصل ضرر لمعلومات دماغه او خلاياه لكن ..مكنش جواه اي حياه ممكنه للاسف ..

يعني ده معناه اننا منقدرش اهو نرجع واحد من الحياه ..مش ارنب ..الحقيقة احنا لسه مستنين الشركات دي لغايه ما تعلن عن حاله بشريه نجحت في ده وده منطقيا غير عمليا صعب لان المادة الوراثيه نفسها هيتغير شكلها فما بالك ان الخليه نفسها مش هتبقي قادرة تتكيف علي الي هي فيه ..بس مش ده بس الي واقف قدام الموضوع ده ..الموضوع ده اتقصفت جبهته اخلاقيا وقانونيا ..خد عندك احتمالات ان الشركة متعرفش ترجع الناس الي دفعو 28 الف و 200 الف في بعض الحالات وهم متفقين انهم يرجعو .واحتماليه ان اصلا الشركة تفلس وميبقاش عندها القدرة انها تهتم بالعدد ده من المرضي .. وزي ما حصل في حاله من الحالات ان الاب والام يتخانقو علي ان الابنه تتجمد لغايه ما يلاقولها علاج وطبعا كان رفض الاب بسبب ان البنت لو صحيت بعد 25 او 30 سنه مش هتلاقي حد تعرفة وهتبقي حرفيا عاوزة تنتحر ..لانها مش هتاخد صحابها وعلاقاتها ده غير ان الذكريات الي عندها هتجننها لانها مبقتش موجودة ومش هتعرف تتعايش مع الواقع الجديد غير طبعا ان في الطبيعي ان الانسان لما بيموت بيرجع العناصر الي اخدها من الكوكب ليه تاني لما بيتدفن وده برضو بيحط معضلات قدام الدين هيتوزع ورث الراجل ده ولا لا ؟

خد عندك برضو انك كدة بتبقي عاوز تقول اني هخدع او هقهر الموت وده هيوقعك في مشاكل علميه قبل دينيه لانك بتعتبر الموت عمليه يمكن عكسها وده الي نفاه العلم والي بيقول ان الموت هو مش عمليه هو مصير محتوم ..النجوم بتموت وبتتحول ل اقزام سوداء بعد اعمار بالمليارات والحيتان بعد 200 سنه بتموت ..قرش الغرينلاند بيموت بعد 300 بس لازم يموت ..ممكن تاخر عمر الشيخوخة بس مش هتقدر تمنعه ولا تقدر تمنع الموت ..ودينيا طبعا ده مش مقبول لانه تدخل في مصير شخص دونا عن حاجات تانيه

طبعا الموضوع اتفتح للنقاش بشكل غريب بين المحاكم وفي 2016 حكمت محكمة في لندن علي احقية الام في القصة الي حكيناها فوق ولسه الدول ما بين مؤيد معارض للفكره ..وفي 2013 الشركة كانت منزله حملة جمع تبرعات عشان تعمل الموضوع ده لبنت عندها 23 سنه كانت مصابه بسرطان المخ

تفتكر العلم قادر بعد سنين يعمل كدة ؟؟

www.cryonics.org

https://ieet.org/index.php/IEET2/more/Vyff20130121

https://science.howstuffworks.com/life/genetic/cryonics4.htm

www.alcor.org

https://www.youtube.com/watch?v=NOA91X6kRUs 

يمكن واحد من كوابيس اي جهاز الكتروني هو الفيرس ..
فيرس الجهاز ميختلفش كتير عن فيرس الطبيعه بينهم شويه تشابهات كدة هنقولها واحنا ماشيين ..بس الاول ..هو لي سموة فيرس ..لي السيرة الهباب دي يعني ياباشا ؟
اول فيرس اتعمل في التاريخ كان علي ايد مهندس (روبرت توماس) في شركة امريكيه محترمه يعني (#bbn) ومكنش قصدة بيه يعني اذي ولا حاجه لاسمح الله هو بس كان عاوز يهزر شويه مع الاجهزة المركزيه ويفرد عضلاته كمصمم برامج محترف فقال انا هخضهم شويه فهعمل برنامج خفي بيكرر نفسه اول ما يوصل الجهاز ومش هيعمل فيه اي ضرر بس كل الي هيعمله انه هيطلع رساله كدة (I'm the creeper catch me if you can) وكان اسم البرنامج ده طبعا #creeper الحشرة الزاحفة او #الزاحف ايا كان المسمي وطبعا الشركة اتقلبت ع الموضوع ده لان خلي بالك اننا بنتكلم عن 1971 ايام الحرب علي سينا اساسا
سنه 74 و75 دول كانو بالنسبة للفيروس حاجه كدة متتصورهاش يعني اخر تطور ..بدأت الفيروسات تتطور انها تنسخ نفسها بسرعه جدا زي #Wabbit الي كان بينسخ نفسه بشكل سريع وكتير ممكن يوقف الجهاز او يوقع الSystem بتاعه
وطلعت كتب الخيال العلمي تتكلم عن الموضوع زي Shockwave Rider لجون برونر الي كان فيها البطل هاكر وبيخترق الاجهزة عن طريق #trojan الي ظهر ساعتها وكان لسه صغير كددة مبيضرش حد بيدخل مع الالعاب الجهاز
بعدها طبعا طلعت موضة لو انت عاوز تهزر او تفزع اي حد اعمله برنامج كدة محترم خافي نفسه يطلعله رسايل في كل حته يطلعله صور يلعب معاه باي شكل ..بس زي اي حاجه حلوة عمرها قصير الفيروس اتطور سنه 1982 علي ايد مراهق اسمه ريتشارد سكرينتا الاخ ده طور الفيروس بعد ما جتله فكرة لي ميكنش البرنامج المخفي ده يقدر يدخل جوا ذاكرة الجهاز ويلعب فيها احلي لعب ..يمسح ملفات ..يعمل ثغرة هاك ...يكرر نفسه لبرامج تجسس او اي حاجه بقي وفعلا عمل كابوس ابل ساعتها الي كان بينتشر بالfloppy disk وسماه Elk Cloner ومن ساعتها يا معلم العالم بقي بيشوف مهازل في التاريخ بسبب الحرب الباردة بالفيروسات والهاك دي وفي الفترة الي بنتكلم عليها كان لسه متسمي دودة الاجهزة او computer worm بس طلعلنا اكاديمي محترم احتار في تسميه paper وقالك ابدا انا هسميه فيروس ..علما ان الفيروس يعني مش جديد ده مكتشف اصلا سنه 1898 علي ايد بينجيرك الي اداله اسمه ده من اصل كلمه لاتيني اسمها سم البكتيريا عشان في الاول كانو فاكرينه بكتيريا بتعدي من المرشحات ..لا طب سم ..طب هو سم بكتيريا كويس كدة ؟؟  والفيرس واقف يتفرج عليهم ويقول هاه ؟!
اختصار القول ..الفيروس الطبيعي هو كائن تحت حي مش هينشط الا لو لمس عائل (خليه) ساعتها المستقبلات بتاعته بترتبط بالخليه وبيدخل جواها بنفسه ويتحلل غلافه ويدخل مادته الوراثيه جوا النواه وهناك بيتبلطج عليها ويتكاثر عشان يطلع من نفسه كتير او يلعب في الخليه شويه بعد كدة يدمرها زي الايبولا مثلا ..
الفيروس الالكتروني بقي شبهه الفيروس اصلا هو برنامج زي اي برنامج او اي لعبه مكتوبه بلغة برمجة مبني علي اوامر معينه.(لو عملت كذا اعمل كذا ) مثلا لو فتحت الجهاز او لو الجهاز اتفتح ..انسخ نفسك او روح للجزء الفلاني وغير كود فيه او امسحة ..
انا مش عاوز اقولك ان الموضوع ده مدمر فعلا ميقلش عن فيروس الطبيعه في الخطورة تخيل ان بلد مخنوقة من بلد وعاوزة تعملها اذي باي شكل فتعملها فايرس يصيب الاجهزة الي شايله بيانات المرضي في المستشفيات الي الحمايه فيها مش قوي ..تلعبلها في بيانات حساباتها او حتي تعملها هجمات الكترونيه زي الي حصلت من سنه علي اوكرانيا واسرائيل وامريكا وحركه سرقة الحسابات السنه دي ..
او انه يعطل جهاز تنظيم ضربات قلب لاي مسؤول كبير عن طريق فيروس علي الجهاز الي شايله ..قيس ع كدة دمار لحاجات كتير جدا ..
زي ما للفيرس البشري والطبيعي انواع..للفيروس ده بردو انواع
منها worm :بينسخ نفسه اول ما الجهاز يفتح وبيبعت نسخه منه لاي حاجه ممكن تتبعت برا الجهاز ..
او انه يمسح بيانات او يرتبط ب اي ملفات ويخرب فيها ..
boot:دي بقي يا سيدي كيفها انها تشتغل علي اي عمليه حيويه او اساسيه علي الجهاز فبيبقي كيفها اوي انها تدمرلك النظام كله مش مجرد بيانات
trojan: بتدخل الجهاز مخفيه كدة علي شكل برنامج حلو وكيوت في نفسه بس هي عكس كدة مها حاجات مش مؤذيه علي كل اجهزتنا بتتنقل وسط اللعب وكدة ومنها الي بينفخ الجهاز جدا يعني
وفي نوع كدة اسمه macro حلاوته في انه بيضيعلك اي ملف مهم زي الوورد او الايكسل .
وانواع فيروسات تانيه بتدخل جهاز الضحيه من خلال لينك موقع ..مجرد ما تفتحه ..او تشوف فيديو ..شكرا علي كده ..

بس يعني الحاجات دي عمرها ما كانت حالات فرديه ابدا الحرب الالكترونيه كانت مستمره من سنه 1982 لغايه انهاردة ..في احصائيه اتعملت في2018 قالك ان في اكتر من 3 مليون موقع او #urls اتعرف عليهم برامج لمكافحة فيروسات المواقع انهم مواقع ضاره
61 الف فيروس موبايل لسرقة حسابات البنوك .
الفيروس مش بس بيدخل جهازك عشان يدمرة ..هو ممكن يكون داخل يعرضلك اعلانات ..يتجسس علي الملفات الصوتيه والمسجل والكاميرا واي حاجه انت ممكن تتخيل انها تكون التارجت بتاعه ..يفتح الكاميرا ..ياخد معلومات عنك ..يسجل مكالماتك ..يعرضلك اعلانات رخمة اول ب اول علي البرامج اول ما انت تفتح النت ..
يفضل السؤال ..هل الجهاز الي صنعته البشريه لراحتها يكون سبب تعاستها؟؟ ..هل ممكن فيرس يتسرب للاجهزة الخاصه بالمفاعلات النوويه او شبكات المستشفيات ويتسبب في كارثه !

تنويه ..البوست ده بينور في الضلمة .لذلك لو عندك اي مصدر ضوء جمبك اطفيه وكمل البوست للاخر ...
#ارسطو زمان في كتابه #دي_انيما الكتاب التاني وثق واحدة من اغرب الظواهر الطبيعيه ساعتها وعلي مر العصور لكن مكنش في امكانيه لاكتشاف الظاهرة دي وتأكيدها خاصة ان اغلب الي كتبه ارسطو في اغلب كتبه طلع غير علمي ومجرد مشاهدات واراء شخصيه لكن ارسطو المرة دي سجل ملاحظات عن اضواء بتنتجها الكائنات الحيه زي اليرعات والحشرات والاسماك وقال عنها انها ضوء لا ينتج عنه حراره
بعدها سنه 1667 طلع #روبرت_بويل بأول توثيق للظاهره دي وقال انه كل الي هي محتاجاه عشان نشوفها هو الهواء حلو اوووي بدأت العجله تدور اهي وتطلع قطن ..
طلع بعده #رافاييل_دوبوا وقالك ان اهم عنصرين عشان يبقي عندي ضوء في حاجه زي كدة في طحلب ولا حشرة ولا حتي سمكه هو مركبين كميائيين واحد اسمه ..لوسيفريين وواحد تاني انزيم علي نفس اسمه انزيم اللوسفراز وحطلهم الاسماء المعقدة دي بناء علي معني الاسمين في اللغه اللاتينيه ومعناهم حاملي الضياء ..واستخلص المركبين دول من الكائنات دي وكله بقي تمام
تعالو نتكلم علم بقي شويه عن الظاهرة دي
الظاهرة دي ياسيدي اسمها العلمي – #الضيائيه_الحيويه او (#bioluminescence)
ودي بتحصل لما بيرتبط مركب اللوسفرين ( #Luciferin ) بالاكسجين في وجود انزيم اللوسفرياز( #luciferase ) الي بيكون مرتبط طول الوقت ب الاي تي بي atp لغايه ما يجي اشارة ينفصل بسببها عن الاي تي بي ويبدأ تحفيز الاكسجين عشان يرتبط باللوسفرين ويعملولنا مركب اوكسي لوسفرين الي بينور في الضلمة بعد سلسله تفاعلات بيختمها بالضوء
حلو اوي ..طب الكائنات دي بتعمل اي بالنور ده ؟
كائنات زي الحشرات مثلا بتستخدم العمليه دي في جذب الشريك عشان التزاوج
كائنات زي البكتيريا الي بتعيش في البحر في عيشه تكافليه مع الاخطبوط بيستخدم الاخطبوط الخاصيه دي من البكتيريا في التخفي تحت ضوء القمر ..
كائنات بتنور لنفسها الضلمة بليل في اعماق كبيرة من المحيطات ..
واحنا حاليا بنحاول نستخدم العمليه دي في اكتر من حاجه .
اولهم اننا ننتج ضوء حيوي عالي الكفائه كبديل للمصابيح العاديه الي ليها اضرار كتير
بنستخدمها في الdna /protein blotting
واحيان كتير بنستخدمها ك marker لمركبات انها وصلت مكان معين او غيره

من ضمن الاسئله الوجوديه الي جاتلي الفترة الاخيرة وبدأت ادور وراها ..هي لي انا دلوقتي بكلمك عربي وفاهمني رغم اني لو كلمت الشجر مش هيطلعي زرع يعني .ويقولي اشطا عليك يا دكترة ..

لي الشجر عندة لغة ..وانا عندي لغة و الحيوان كل صنف منهم عندة لغة ؟ لي التباين الكبير اوي في اللغات رغم ان كلنا عايشين علي ارض واحدة يعني ومفروض نحترم نفسنا ونتعايش ...

ده حتي في نفس السؤال لي انا عندي لغة وبعد فيها 1.2.3 بالعربي كده وحد تاني في امريكا ميفهمش كلامي ده مثلا او واحد عايش في قبيله علي شط الامازون في امريكا الجنوبيه معندوش نظام العد ده وعنده 1.2.كتير يا معلم (انا لسه هوجع دماغي واعد )

واحدة واحدة ابتدت الفكرة تنور لما ابتديت ادور ورا الموضوع وارضي فضولي الي عاوز يوديني في داهيه

خلينا نبدأ بالجزء الاسهل والي ممكن نلاحظة بالمتابعه ..ايووووة بالظبط الطبيعه ..الطبيعه مليانه لغة لان ببساطة اي كائن محتاج يتواصل مع نفس نوعه او عشيرته لاي سبب .التزاوج ..الخطر ..اماكن الاكل ..الكره ..هم اصلا مجتمع واي مجتمع يحتاج للتواصل ب اي شكل ..لذلك تلاقي كل لغة بتختلف من كائن للتاني مش بس في المملكة الحيوانيه لا كمان في المملكة النباتيه وتوصل كمان للبكتيريا في بعض الاراء بتحط قيود شويه من ناحيه تعريف اللغة وبتقول ان شروط ان يكون عندك لغة مقبوله ككائن حي هو انك تتمتع ب 4 خصائص

اولها انها تكون عندها وحدات منفصله زي الكلمات تقدر تعبر عن حاجات معينه ..ويكون عندها قاعده معينه او قواعد تربط الكلمات دي عشان تطلع حاجه مفهومه زي ان الحيوان يقول انا عاوز اكل مش عاوز اكلك مثلا المفهوم هيختلف ..

وان تكون اللغة دي او نظام التواصل ده عنده القدرة علي انه يتشكل عشان يصنع عدد رسائل يقدر من خلاله يتواصل بيه مع قبيلته ويبدع في كدة والاخير انه يقدر يعبر عن انواع رسايل من مكان بعيد زي اني لقيت اكل في اكتوبر بعد تالت حودة من ميدان الحصري مثلا ..

لكن لو خدنا من منظور الطبيعه ف الكلام ده مش موجود في اغلب انواع الكائنات الحيه.. كائن زي النحل مثلا ممكن ينطبق عليه القواعد دي لان وسيله التواصل بتاعته بتبقي عن طريق حركات رقص معينه بيرقصها عشان يحدد مكان الاكل ونوعه ووفرته بالظبط او يحدد نوع مفترس جي

وكائن تاني مثلا زي دلافين البحر الي بتستخدم صفارات في انها تتواصل وبتقدر تحدد بيها العمر والجنس والاسم والمكان زي بردو انواع من الحيتان لقوها في المحيط الهندي بتتواصل عن طريق موجات مختلفة بيظبط التردد بتاعها ع مزاجه عشان تطلعله نغمات معينه بيستخدمها في موسم التزاوج ..بس في انواع من سرطان البحر الي بتبقي وسيله تواصله هي طرقعه المخالب ووسيله التزاوج بتاعته بتبقي حجم المخلب للذكر فالقواعد الي فوق كدة بتقول انها معندهاش لغة تتواصل بيها رغم اننا لو لاحظنا هنلاقي انها عندها اكتر من وسيله تواصل عشان تجذب شريكها طورتها بمرور الايام والسنين زي المركبات الكيميائيه الي اغلب الكائنات بتفرزها خصوصا الحشرات والي اسمها الفرميونات الي بتقدر تجذب بيها الشريك زي الوسائل الصوتيه وحاجات تانيه احنا لسه ممكن منكنش وصلنالها

وبم اننا اتكلمنا عن ان اللغة مرتبطة بكونك في مجتمع وطرق تواصل واتكلمنا عن النحل الي حتي ليه اكتر من وسيله تواصل غير الرقص زي الفرميونات الي بتطلقها الملكه والشغالات وقلت ان دي رسائل كيميائيه ليها روايح معينه عشان توصل رساله معينه زي ..انا في خطر ..او انا مستعد للتزاوج ..او او ..

ومدام فيها مجتمع ..ونحل ..ولغة ..وفرميونات ..يبقي فيها نمل ..

النمل واحدة من اكتر الكائنات الي بتستخدم لغة الكيميا في وجة الارض

حتي ان كل مجموعه من النمل عايشين مع بعض ليهم نوع معين من الفرميونات متفقين عليه مع بعض لو حد شم فرميون مختلف يطردوه من المستعمرة فورا وده الي اكدته التجربه لما علماء غمسو نمله في نوع فرميونات ودخلوها مستعمرتها تاني ..النمل اتلم عليها وطردها ومقربولهاش تاني لغايه ما كل المواد الي عليها تطايرت ..بل وبتوصل اللغة دي انها بتتكلم بتقول النمله دي خرجت فين بالظبط لان اي نمله بتفضل ترسم وراها خط متقطع من الفرميونات عشان تقول طريقها فين

نسيبنا من النمل والنحل شويه ونرجع للنبات .

النباات من اكتر الكائنات الي بتحب فكرة المجتمع والتواصل وكدة عشان كدة نشر فريقين حسب ما عرفت سنه 1983 ورقة بحثيه بتشرح طرق تواصل النباتات عشان يحذرو بعض من حشرة آكله للاوراق ..وبعدها ابتدي العالم يبص عشان يفسر الظواهر دي منهم د سوزان سيمارد الي لاحظت انتقال الكربون من الاشجار المعمرة للشتلات والنباتات الاصغر عشان مكنش واصلهم غذاء ولا ضوء ومش بس كدة لا ده كمان في دراسه من ران سين سينج من جامعه جنوب الصين لقي ان فيي تواصل بين النباتات عشان تحذر بعض من خطر محتمل وف دراسه تانيه من جامعه ابردين لاحظو ان النباتات بتجسس علي بعض عشان يتلافو الاخطار المحتمله زي النيماتود وغيرها ..طب ازاي النباتات دي بتتواصل ..مش هتصدق .

بشكبه غير مرئيه تحت الارض متواصله بالاف مستعمرات الفطر الي عايشه علي جذور النباتات والي بتاخد من النبات الغذاء والمكان الي تعيش فيه مقابل انها تديها شبكة اوسع من شبكة جذورها في انها تتواصل مع غيرها او حتي تجيبلها الاكل من التربه زي المياه والاملاح ..

وزي ما في واحد من صحابك او قرايبك عنده عقدة نقص فبيديلك كل ما يكلمك كلام زي السم فالنبات كمان عنده العقدة دي زي نبات فانتوم اوركيد الي بتمتص المواد الغذائيه من النباتات الي حواليها زي مصاص الدماء عشان معندهاش كميه كافيه من الكلوروفيل او مثلا اشجار الجوز الاميريكي الي مبتحبش حد من النبات ينافسها علي اكلها فبتنشر السموم في التربه وفي طرق التواصل عشان تعيق النباتات التانيه

بس احنا لسه متكلمناش عن وحش البيولوجي ..الي مش موجود في حته لانه هو تقريبا موجود في كل حته علي وجه الارض البكتيريا ..البكتيريا عندها نظام تواصل شبه عمليه التصويت في الانتخابات من خلال ملاحظة نشاط بكتيريا بحريه اسمها فيبريو فيشري قادرة انها تنتج الضوء الحيوي الي اتكلمت عنه في مقال قبل كدة لاحظو ان البكتيريا دي زيها زي كتير من الانواع التانيه بل كل الانواع التانيه عندها نظام تواصل من خلال بروتين بينتج وع معي من الانزيمات خارج الخليه بيزيد عدده بزيادة عدد الخلايا الي هيطلعلي من انقسام البكتيريا الواحدة اول ما يوصل عددة لحد معين نوع من المستقبلات الي علي ضهر الخليه بتستقبله وتفعل وظيفة معينه او بتبقي قاصدة بيها رساله معينه زي الضوء الحيوي مثلا فبيبقي تعبير جماعي من المستعمرة البكتيريه الناشئه عن غرض واحد زي الضوء الحيوي او افراز هرمونات معينه او منتجات معينه او هجوم ويمكن هجوم دي هي الي غيرت كتير من نظرتنا للنظام المناعي في اجسامنا فلاحظنا ان البكتيريا بتستني لغايه ما توصل لعدد معين وتعمل نظام الاقتراع ده وبعدها تبدأ هجومها علي الجسم المضيف وطبعا لكل بكتيريا او مستعمرة الكلمات بتاعتها من حيث شكل الجزيئ نفسه ويمكن الي محتاج حلقة لوحدة هو ان نوع جديد من المضادات الحيويه ابتدي يشتغل علي انه يقفل مستقبلات الخلايا البكتيريه دي فيمنع قرارها الجماعي بالهجوم او يمنعها من التكاثر حتي ويمكن بردو هو ابتدي يشتغل كويس علي الحيوانات ومين عالم ممكن يكون حل لازمه المضادات الحيويه مش بس كدة لا ده كمان جوجول سويل في جامعه كاليفورنيا سنه2010 عمل دراسه عشان يفهم سلوك البكتيريا في المجتمعات الضخمه فلاقي ان لما يوصل حجم المستعمرة لحجم حرج بيبدأو يتبادلو اشارات كهربيه في حاجه اشبه بالخلايا العصبيه عشان يوصلو معلومه ان الخلايا الي في السطح توقف انقسام والباقي يتكفل بعمليه امداد الاكل والغذاء للمستعمرة ..

طب خلاص كدة البكتيريا مبتتكلمش غير كدة يعني ..لا طبعا دول كمان سنه46 ان البكتيريا بتعمل عمليه اقتران بتبدل بيها مادتها الوراثيه الحلقيه او اجزاء منها بينها وبين باكتيريا تانيه عشان الصفه تتنقل وتعيش خد عندك بقي ..مقاومه للمضادات الحيويه .اساليب مناعيه جديده .صفات جديدة ...الخ ..

ولان الانسان لوحدة محتاج حلقة عشان اتكلم عنه وازاي قدر يكون 6000 لغة وامهم كمان ..سيبونا نشوف دي في حلقة تانيه ..

كنت في معمل تشريح ماده في الكليه اسمها حيوان عام وهووب بدأت الاسئله الوجوديه تطلع مرة واحدة كالعاده زي اي امتحان ..

هو لي دورة حياة الناموس وعمرهم قصير بالنسبه للضفادع والانسان او الغوريلا مثلا ..لكن كان في سؤال اعمق من ده لازم اسئله الحقيقه ..اي الي بيحدد عمر الكائن الحي ..

مثلا كائنات زي الحيتان الي بتعيش في المحيط بيوصل اعمارها ل 200 سنه بينما كائنات تانيه زي الدود مثلا ممكن متعديش الاسابيع بينما الحشرات زي الدبان المنزلي اخره اسبوعين والكائن ده يموت بعد ما خلف اعداد من نسله تكمل مسيرته بل ممكن الاختلاف ده يقع بين افراد النوع الواحد نفسه بنسبه توصل ل 1-2

مثلا النموس الذكر بيكون متوسط عمره 10 ايام علي الاكتر بينما متوسط عمر الانثي الي بتسببلك الامراض زي الملاريا – الانوفيلس- والحمي الصفراء في بعض الانواع والي بتمص الدم وليها احتكاك كبير بالبشر ممكن يوصل متوسط عمرها ل من 3 اسابيع ل شهر ..لذلك كان لازم ادور علي سبب مقنع عن الي بيحدد عمر الكائن عن التاني حتي في كائنات النوع الواحد

واللمبه اخيرا نورت ..ونقدر نقول مبروك

,وبدأت بعد تدوير اني الاقي اجابه واحدة من الاسئله الوجوديه الي طرحتها ..مثلا عندك الناموسه دي بيكون ليها 3 اسباب انها تعيش اكتر من الذكر بتاعها وده بيرجع سببه لان دورة حياتها 3 مراحل او اكتر بعد المراحل الاساسيه لأي حشرة علي عكس الذكر الي يادوب يبلغ ويدور علي اي ناموسه يلقحها وخلاص كدة يقضي حياته عايش علي الرحيق وعصارة النباتات لغايه ما يموت واصلا التلقيح بيبقي في خلال 3 ايام بعد الفقس بس يا سييدي فالانثي بيبقي عندها 3 4 مراحل عشان تموت لسة هتتلقح ثم تلاقي مغفل تمص دمه وتهضم وتلاقي مستنقع ابن حلال تولد فيه فتطول مدتها في الحياة شويه غير انها بتحتك بالبشر عشان تمتص الدم فحسمها تأقلم علي انه يبقي اكتر عرضة للنجاة من الذكر

نيجي بقي للسؤال الوجودي التاني ..اي الي بيحدد عمر الكائن الحي

رخويات مثلا زي البطليموس او (ام الخلول) الي بتعيش في قاع المحيط قدر العلماء عمر الحجة دي علي انه 507 سنه ..سؤال منطقي في النص بقي ..هم عرفو ازاي عمر الحوت والبطليموس والكائنات السخيفة الي بتعيش 500 و1000 سنه دي ..اقولك ببساطة انك لازم تعرف حاجه الاول اسمها عمر النصف ودي المدة الكافيه لاي ماده(خاصة الكربون) ان نص كميتها تتحلل ودلوقتي العلماء بقو يعرفوها من غير اي حاجه يعني بقياسات بسيطة خالص تقدر تعرف عمر النصف لاي ماده من خلال معرفة التفاغل بتاعها مع البيئة وشويه حاجات كدة ..وتاني حاجه لازم تعرفها هي ان عضم الحيوانات والاغلفة الكيتينه الي عليه شبه الشجر ..كل ما بيتقدم في العمر كل ما بتزداد في اعداد طبقاتها ..لذلك كل الي انت محتاجة ..حوت حي ..حوت ميت ..وفترة عمر النص ..فترة عمر النص هتساعدك انك تعرف الحيوان ده ميت بقاله قد اي ..لو هو منقرض يعني او احفوري وعاوز تعرف مات من قد اي عشان تكون دقيق اوي في حساباتك (زي ما عملو في الديناصورات مثلا )

ولو عاوز تعرف عمر حوت حي ..هات عضم حوت ميت وقارنه بحوت حي وعد الطبقات الي في العضم ده والعضم ده ومن خلال عد الطبقات هتعرف عندة كام سنه ..

نرجع لمرجوعنا

بص يا سيدي الي بيحدد مدة بقاء الكائن الحي نفسه علي الارض عوامل كتيرة منها الجيني ومنها الي بيتحكم بيه الطبيعه المحيطة بيه ومنها معدلات الايض ومينفعش يكون عامل واحد بس هو المتحكم زي ما الدراسات قالت او اننا مثلا نقول ان خلاص كدة وصلنا للي هيطولنا غمر الكائن الحي ..كان غيرك اشطر

مثلا مقدار تكيفه نفسه مع ظروف الطبيعه المحيطة بيه ..زي نوع الجو الي عايش فيه والي بيأُثر علي معدلات الايض ومعدل ضربات القلب في الدقيقه

واوضح مثال علي ده الفرق بين عمر كائن زي الحوت الابيض مقوس الرأس 200 سنه ..بينما كائن تاني زي قرش الغرينلاند 500 سنه وكائنات زي المحار والطحالب والاسفنجيات ممكن تعمر لغايه 1000 و 10000 سنه كعمر متوقع والنظريه دي( ان معدلات الايض الاقل بتنتج فترة حياه اطول ) فضل بيتعمل عليها ابحاث ودراسات وليله حرتك من اوائل القرن العشرين لغايه 1954 و حتي 2005 لغايه ما العلماء وقف قدامهم كائن حجم جسمة مبيأثرش علي معدل الايض عندة خالص ..وهو الخفاش ..انهم لقو ان الخفاش والطيور بشكل عام مبتنطبقش عليهم قاعدة انك حجمك كبير فمعدلات الهدم والبناء عندك قليله فعتيش فترة اطول ..بالعكس حجم جسمهم ومعدلات الايض مكنوش زي معدلات اعمارهم الي مفروض يعيشوها ..وبدأ السبق في الي يلاقي السر والاحصائيات يا معلم تشتغل..منهم الي قال ان السبب في كدة بيرجع لطبيعه البيئة الي عايشين فيها

..زي نوع المفترسات المحيطة بيه ومعدل افتراسه في السنه الواحدة ومقدار انتاجيته ..وقدرته علي التصدي للمفترسات دي وطبعا الاهم كبر حجمه عشان فرصة انه ينقل جيناته تزيد وانه يقاوم اكله زي ما قال ماغلهايس وتوافر غذائه المفضل في محيطة بوفرة عشان مينقرضش لكن قبل كل ده كان لازم نسأل سؤال مهم ..اي الي بيخلي اي كائن حي يموت غير التهامه او انه يموت من الجوع مثلا

عندك مثلا وحش الشيخوخة ..التيلومير ..التيلوميرات دي يا سيدي بتمثل غلاف الحمايه بتاع الدي ان اي عشان ميتحللش ودي بتبقي تتابع معين الي هو

TTAGGG

وبتتكرر ل 3000 مرة عادة ..بس اي حكايتها بقي التيلوميرات دي ..دي ياسيدي عامله زي الغطا بتاع القلم الحبر الي بيحمي الدي ان اي من انه يشبك في بعضة او يتحلل او يفقد اجزاء منه خلال الانقسام عشان كل ما الخليه بتنقسم بتفقد من25 ل 300 قاعدة لذلك النقص ده بيجي علي حساب التيلومير فبينقص كل ما الخليه تنقسم بمعدل ثابت وبكدة يكون حمي الد ان اي من التلف وده لوحدة ليله عشان نفهم علاقته بالسرطان والشيخوخة بس خلينا دلوقتي نعرف ان الاخ ده كل ما بيقصر كل ما الخليه بتعجز وبالتالي لما يوصل للحد الحرج الي هو 20 تتابع الخليه بتدخل في حاله انتحار منظم او موت منظم عشان متقلبش بسرطان

نرجع بقي للحوت المقوس الرأس الي عايش في المحيط الهادي

الاخ ده اتدرس الجينوم بتاعه من استاذ الوراثة ف جامعه ليفربول ماجالايس واثبت ان عندة نظام في خلاياة لمقاومة الطفرات والسرطانات و اصلاح التلف غريب ودة بيرجع لاكتر من سبب طبعا غير ان عندهم جينات مسؤوله عن محاربه السرطان او نظام دفاعي زي التيلومير لمكافحة التلف والشيخوخة الا انهم لقو اليات دفاعيه تانيه ضد الشيخوخة والسرطان زي انهم النظام ده بيجبر الخلايا المريضة او السرطانيه او المتطفرة عموما في بدايه انقسامها انها تدخل في اطوار انتحار قبل ما تنشأ زي الي لقوه لما درسو الفيل الافريقي ان الفرق بين عدد وفياته بالسرطان وعدد وفيات البشر كان 5% للافيال مقارنه ل 25% في البشر وده طبعا راجع لاختلاف محتوي جيني ..الفيل بيحتوي علي 40نسخة من جين متحكم باصلاح التلف والبشر نسختين بس

طب احنا دلوقتي شفنا الفيل والقوقعه وحوت الغرينلاند المعمر بس مسألتش نفسك البكتيريا عندها نظام ممكن يطول عمرها؟؟

الدي ان اي البكتيري مختلف شويه عن الدي ان اي البشري او الحيواني وده لانه مش متكون من 46 كروموسوم او انه بينقسم زينا فلازم يحصله تلف او فقد بالعكس هو انقسامة بيكون بعمليه دائريه مبتكلفوش الفقد الي بيحصل في الخلايا البشريه العاديه بتاعتنا لذلك الشيخوخة بتاعته بتبقي متأخرة شويه ونتيجة عوامل تانيه زي تراكم الاضرار والطفرات في الدي ان اي وفي دراسة سنه 2011 كمان قالت انه بيتخلص من الاضرار دي ب انه بيعمل عمليه تبادل بينه وبين نسله ب انه يبدل الجينات المرتبطة بالطفرات دي بتانيه سليمه

يفضل في اسئلة كتير عن ازاي الحياه بتختلف بين الكائنات بالشكل ده لكن مبدأيا خلينا نقول اننا قدرنا نحدد كام سبب لغايه ما نكتشف اكتر ..

اشوفكو الحلقة الجيه

المصادر

https://www.ida2at.com/journey-into-eternity-museum-how.../

https://www.sciencedaily.com/rel.../2011/10/111027150207.htm

https://www.youtube.com/watch?v=7m8QlSPP7t0&t=141s

http://www.bbc.com/.../20170330-the-tricks-that-help-some...

انا كتير ..نظريه ختم مدام عفاف ..

ماذا لو انا مني كتيير ..واحد مثلا يروح الشغل مكاني وواحد يكمل كتابه المقال وواحد يعمل نسكافيه عشان مش عاوز اقوم بصراحه ..لكن السؤال ده الحقيقة عشان اجاوب عليه ..اعتبرو سؤال معلش ..

محتاج اكتر من حلقة سبنا نتكلم فيه من الاول 

عشان اعمل نسخ مني زي كدة هحتاج اعمل عمليه في الbiology ظهرت علي الحيوان في اوائل القرن الي فات واسمها الاستنساخ او cloning ودي معناها اني بعمل نسخه طبق الاصل من المحتوي الي عندي زي نظريه الختم والورق كدة او copy - past لكن علي معملي اكتر وخد عندك بقي استنتساخ مادة وراثيه بهدف اني عاوز اكترها ..استنسخ جين معين في محتوي ..استنسخ عضو ..كائن ..مقولكش 📷:D شغل نار يابا و خصوصا سنه 1902 لما هانس سبيمن قرر يخوض اول تجربه علي الحيوانات وكانت نظريته انه بم ان الخليه في عمر الجنين فيها المادة الوراثيه كامله وبتنقسم لخليتين كل واحدة قادرة تنقسم وفيهم المادة الوراثيه كامله وهي لسه متميزتش لخلايا معينه ..فهيحصل اي يعني لو فصلتهم في المعمل بالطرق البسيطة وفعلا جاب شعرة طفل من الصغيرة دي وفصل الجنين في عمر الخليتين لجنينين منفصلتين  ونجح ونما لكائنين متشابهين بدرجة تطابق عاليه  وكان اول حيوان يعمل عليه التجربه دي كان السلمندر ومن ساعتها استهوته اوي فكرة انه يفصل الخلايا ويلعب في الاجنه .(ليط يا حبيبي ليط كمان ) وان مكنش اول واحد يشتغل علي حاجه زي كدة ولكن هو كان مبتكر جدا في الشغل ده ..لدرجة زي ما بقولك مقدرش يبطل جاب حيوان تاني وقالك انا محتاج اعمل طرق تانيه عشان اقدر استنسخ الحيوانات في المعمل

مثلا كانت فكرته ساعتها انه يجيب خليه جسديه فيها نواه عدد كروموسوماتها كامل وينزع منها النواه بتاعتها ويدخل النواه دي علي خليه متشال منها النواه بتاعتها بس جنسيه (يعني نواتها فيها نص عدد الكروموسومات ) ويحطها في رحم الام تحت ظروف وبيئة متهيأه لده من ساعتها اغلب علماء الbiology دورو وعملو ابحاث واستنسخو كائنات فشلو ونجحو لكن كان اشهر واحد فيهم كان د كيث كامبل وعمل تجربتين اول تجربه كانت علي نعجتين اسمهم ميغان وموراغ (نواتج الاستنساخ ) وفيها لاول مرة غير كل التجارب الي فاتت جاب خلايا مش من جنين جديد لا جابها من الكائن نفسه واستزرعها في المعمل بنفس الطريقة الي قلنا عليها والتجربه الي بعدهم كانت الاشهر وهي دوللي ودوللي هي نعج اتولد سنه 1993 علي ايد علماء من اسكتلندا وكان اول حيوان ثديي يتولد بالاستنساخ والخلايا بتاعته متتاخدش من حيوان لسه مولود لا بل انه يتاخد من حيوان كبير ..والي حصل انهم بنفس الطريقة الي قلتها من شويه خدو بويضة من سلاسه ونزعو منها النواه وخليه مانحه من سلاله تانيه خالص وخدو النواه بتاعتها وبتمرير كهربائي بسيط جدا عشان ميحصلش اي طفرات دمجو النواه مع الخليه ..وبقت احلي كائن ده ولا اي ..بس احب اقولك ان العمليه دي مكنتش سهله ..خالص ..لان دوللي جت من ضمن 277 خليه فاشله معرفتش تتطور ...واخيرا المكنه اشتغلت والخليه ابتدت تجيب قطن وهوووب زرعوها في رحم ام تالته خالص ..

لكن الحقيقة بعد ما خلصنا من جنان الاخ الي اسمه سبيمن طلعلنا جنان كيث كامبل ..ومعرفش يبطل من ساعتها يا معلم ..قالك طيب بم ان المكنه اشتغلت وطلعت دوللي صغيرين ودوالي ودوال وحاجه حلوه اوي .لي مزرعش جين جوا كائن واشوف هينتج اي ..ومنها اكون ابتديت ازرع جينات جوا الحيوانات واطلع بدل القماش دهب ..هات عندك ادويه ..صفات محسنه ..الخ ..

وجتله الفكرة يا معلم 1997 وانتج polly وبوللي دي ليها حكايه ظريفة كدة سبني اقولهالك قبل ما اقولك حكايه الحوت ..وبعد الحوت الدرفيل 📷:D ما علينا

كان الحيوان المعدل او المستزرع وراثيا ساعتها المتعارف عليه انه كان بيتزرعله الجين جوا نواه الخليه المخصبه وده كان مكلف طبعا ناهيك عن ان في كائنات كانت احتماليه اضافة الجين ده  ضعيفة غير فشل التجربه ..لكن تعالي نشوف في حاله بوللي د كامبل كان صايع حبتين ..جاب جين مسؤول عن انتاج بروتين مسؤول عن عمليه في تخثر الدم اسمه ix وحطه في النواه الي هي 2n قبل ما يزرعها في الخليه المفرغه وعمل تاتش كهربائي كدة دخل الاتنين في بعض  وعمل التجربه اكتر من مرة حوالي علي 5 مرات وطلعله بعد الهيصه دي كلها احلي نواتج ولا اي ...موللي وبوللي ..نعجتين جوا حليبهم بروتين ix ..هيييييه وفرح المجتمع العلمي بعدها وقالو بس ..حطينا ادينا علي الي هيخصلنا من التتار ...

تتار ؟

اه مهو حضرتك ساعتها المجتمع العلمي كان بيتهان بسبب الامراض الي بتطلع والتكلفة وخطورة زحف الانقراض علي حيوانات والخ الخ ..

بس طبعا ساعتها الفكره نورت في دماغ ناس كتير ..الله ! اذا كان امكن اني اجيب نعجتين اهو ودوللي قبلهم واستنسخو كمان قرد وبقرة وضفاديع صغيرة كدة  وارانب وحياه فل خالص طب لي منجربهاش علي الانسان ..وبدل ما يبقي في احمد يبقي في احمد اس 2 و4 ونتكاثر ونغزو الكويكب الي في الشارع الي ورانا ونعمل عليهم تجارب ..بس الاول سبني قبل ما  اقولك ان كل الي انت بتقوله ده هتش ومينفعش ان في ناس عملت كدة او قالت انهم عملو كدة في كوريا سنه 1998وسمو الناتج من الاستنساخ ده eve وطبعا طلعو بيه السما بس قبل ما يقولو هيييه المجتمع العلمي قالهم عاوزين نعمل تحليل dna  عشان نثبت ان ده ابن دي ..رفضو ..طب فين ورقكو ..رفضو ..طب اقوله يا عيني ..ميردش ..يعملولهم اي اي ..قفلولهم المحل والدكان وطردوهم من الحارة وبقت سيرتهم علي لسان البوبي في المجتمع العلمي ومرة تانيه كان في كوريا بردو (ِشوف سبحان الله ) اعلن ووسوك هوانج وواحد من  العلماء في مختبر سيول في كوريا  ونشرو البحث بتاعهم في الscience  ودي مجله تنين كدة في المجال بتاعنا انهم نجحو في استنساخ اول بشري بس سنه2006 المجله سحبت البحث والاتنين دول راحو ورا الشمس عشان طلع البحث بتاعهم متفبرك  عشان بقو كدة عقبال امالتك جاب مجموع 90 % ودخلو كلهم السجن ..بس بردو انت ماقنعتنيش ..لي مينفعش نعمل استنساخ ولي لازم نعمله وازاي اصلا في تقنيه شغاله ع البشر نوعا ما شبهها ونجحت  يا افندينا

تعالي بقي افهمك الليله دي ..في فرق بين اني عاوز اعمل كائن كامل من خليه عندي ..وده الي صعب لو مكنش مستحيل وهقولك لي - بس بطل رغي واصبر-

وفرق اني عاوز اجدد نشاط خلايا باني ادمجها مع خلايا تانيه  وسبنا نقول كتخصص اكتر ..انا محتاج كائن سهل اني استخدمه كتير عشان نسبه الخطأ والفشل في حاجه زي دي كتييييير لدرجة ان وصلت ان كانت نسبه نجاح دولي تكاد تكون معدومه لو فاكر من شويه لما قولنا من اصل 277 خليه نجت واحدة بس وطلعت دوللي ..شوف بقي التكاليف ..غير ده لو اصلا الخليه مطلعتش حاجه او حصلها مشكله في الحمل او غيرة ..قابل بقي تكلفة عاليه ..والحقيقة ان العلماء مسابوش حاجه مفكروش فيها ..خد عندك الاستنساخ البشري مثلا دي حاجه لو اتشرعت او حصلت هتجيب ملاييين وهتتطور جدا ..العلماء قالو ان نسبه نجاح مستنسخ بشري كخليه اوليه هي 0.1 من اصل 3 يعني نسبه لا تذكر ..من اصل 1000 خليه وتجربه ((محتمل )) ان يطلع 30 خليه بس هم الي عليهم العين .وقابل بقي ال30 دول هيتنفخو ازاي يا معلم في عيوب النجاه من الاشعاع وتطورات الخليه ..ده لو موقفوش في ساعتها ..

بس كل ده مقدور عليه ..هنجيب راجل اعمال عنده ملايين مش عاوزهم في سبيل خدمه البشريه ..لكن هنا العلم يقف عائق هو والأخلاقيات في سبيل تطور البشريه ..

الحقيقه هنا هنفترق في طريقين ..طريق لي العلم بيقول ان الاستنساخ البشري ده (صعب لو مكنش مستحيل ) ومش هيجي بفوايد علينا كبشر ..

ولي الاخلاقيات بتقولك ..لو راجل اعمل بس تجربه استنساخ جنين بشري من الصفر - ومقصدش بده الاستنساخ العلاجي زي -خطوط تطور الخلايا الجذعيه او انمائها او زراعتها -

تعالي نشوف اول واحدة ..

اول عائق

هي عمليه انقسام الخليه نفسها والمسؤل عنها هي بروتينات خيوط المغزل ودي الي في اللانسان جمب الكروموسومات اوي في النواه ..فطبيعي لما اشيل النواه ..مفيش خيوط مغزل لذلك مفيش انقسام ..غير الي موجودة في الحيوانات مثلا ..الي موجودة في الحيوانات زي القطط والارانب منتشرة في كل انحاء البويصة فعادي لو فقدت خيوط المغزل الي في النواه الخليه هتنقسم عادي

طيب خلاص يا جدعان احنا هنتغلب علي المشكله ده  باي شكل بس المهم نعمل مننا نسخ بقي وحد منهم يروح يعملنا نسكافيه ..بس سبني اقولك ان الموضوع مش هيجيب همه..لانه مش هيبقي شكلك يا كبير لان التعبير الجيني متوقف علي الجينات الي بدورها بتتوقف علي البيئة المحيطة بيها من حيث كل حاجه  ..ولو بقي شكلك فالواد الي هيطلع هيبقي عجوز خلقة لان سرعه النقص في التيلومير هتبقي كبيرة فده الي هيؤدي في الاخر لشيخوخه مبكرة يعني هتجيب واحد من الاخر كدة نازل عنده 25 سنه (لو ده عمرك) وعنده نفس العيوب الجينيه الي عندك بس هو اصلا عمرة الاصلي سنه ..

بس خلينا الاول في سؤال صايع تاني مجاش علي بالك ..مش هم عملو استنساخ قردة ؟ والقردة زينا بروتينات المغزل الي هي  NuMA و HSET  جمب الكروموسومات ..طب كدة ينفع بقي نعمل مستنسخين

بس الاول احب اقولك انك متعرفش حاجه ..

لان الاليه الي تم بيها استنساخ القرده دي كانت مختلفة ..مكنتش نزع نواه وحط نواه تانيه..لا كانت دمج خليه جذعيه (غير متمايزة ) مع خليه جسديه منزوعه النواه بالتيار الكهربي البسيط ..فانقسمت الخليه عادي

واصلا اصلا ما بين 127 خليه تم التجربه عليهم خليتين بس الي نجحو والمكنه طلعت قطن زي ما بيقولو وجابت لنا ذكر قرد وانثي قرد ..

بس في مشكله تانيه للاستنساخ غير التيلومير الي بيحدد سن الهرم والي بيقل بسبب معدل انقسام الخلايا ..لا ده كمان الجنين الي هيطلع هيبقي اوفر دوس عيوب وتشوهات ..واغلب المستنسخين الي طلعو كان عندهم اما عيوب عقليه ..او في القلب او الكبد غير الجسم الي غير متناسق بالمرة

تعالي بقي نشوف الخازوق التاني الي بيقف قدام مسيرة البشريه في صنع المستنسخين .. الاستنساخ كان ماشي حلو اوي لغايه سنه 2009 واي واحد بيطلع بتجارب المجتمع العلمي بيديلو علي قفاه وينزل تاني وهكذا لكن مكنش في مسائله اخلاقيه وقضائيه لغايه ما ابتدي الموضوع يطرح علي علماء الدين والاخلاق والقضاه وعامه الشعب الهبيد بالفطرة ..

وبدأ السباق

في مقال اتنشر في الtime سنه 1998 بخصوص اخلاقيات الاستنساخ البشري ..قال ان 75 %  من الناس الي اتعمل عليهم الاستفتاء قالو ان الاستنساخ مش حاجه كويسه خالص بينما 74 % منهم قالو انه مخالف لارادة ربنا 91% منهم لما اتسالو لو هم عاوزين يتم استنساخهم قالو لا و 95 % منهم اصلا مكنش عارف المعني الحرفي او الفعلي للاستنساخ الا من افلام الخيال العلمي ..

حاليا وبعد 2009 اكتر الدول الي حوالين العالم بتحظر اي تجربه ممكن تشتغل علي الاستنساخ البشري التكاثري ..لكن في دول زي استراليا والدنمارك معندهاش مشكله مع الاستنساخ العلاجي ...طب وهو في فرق ؟

احب اقولك اكيد ..من حيث الاغراض فالاستنساخ العلاجي كل الي هو عاوز يعمله انه ينتج خط من الخلايا الجذعيه الي  لسه متوظفتش ويوظفها (قلب او نخاع شوكي مثلا)هو اما انه يعمل عليها تجارب ويعرف قابليه التجارب دي عليها قبل ما يجربها ع الجسم ..او انه يحطها في الجسم اصلا

لكن علي الرغم من ده خلينا نقول ان الاستنساخ مش مرعب زي ما هم مصورينه احيانا (بس المهم يبعد عن البشر ) الا ان العلماء بدأو يستخدموه في انتاج انواع معدله وراثيا من الحيوانات وانهم ينقذو حيوانات مهددة بالانقراض  من الخطر ده

متنساش تبص علي المصادر

http://learn.genetics.utah.edu/content/cloning/clonezone/

http://www.sciencemag.org/news/2003/04/problem-cloning-primates

https://www.genome.gov/25020028/cloning-fact-sheet/

https://www.slideshare.net/Armanfiroz1/history-of-cloning-and-ethical-issues-of-human-cloning 

تفتكر ليه ممكن يكون انتشر تريند التنمر علي الفلاحين او حتي الناس الي بتغلب طبع مهنتهم الفلاحه ؟

لا بجد لي الناس دي عرضه للتنمر ؟ طب ليه الامريكان عدت عليهم فتره طويله جدا بيتنمرو علي العرق الأسود في البشر خاصه بعد تصريحات جيمس واطسون الأخيرة (وهو واحد من مكتشفين تركيب الdna ) ب ان العرق الأسود بيكون اقل ذكاء من باقي البشر ..

تعالي نتكلم شويه عن ما وراء #التنمر ..وهنا اقصد الجانب #البيولوجي من القصه ككل ..في مقال سابق ليا اتكلمت عن العنصريه واساسها البيولوجي وعن رهاب الأجانب واتكلمت عن احصائيه في أمريكا بتقول ان في اخر اعلان لمشروع تكافؤ الفرص في امريكا 2018 قالك ان فرصة تحسن المستوي المعيشي للاسر ذوي البشرة السوداء 2.5 مقارنه بالاسر البيضاء بيوصل ل10.6 . طب كويس .. يعني أي بقي تنمر ؟

تنمر هو نوع من أنواع الهجوم اللفظي علي شخص ووصفه بصفه مهينه او اخذ صفه فيه علي انها اهانه او حتي وصم انتمائه بالاهانه بشكل او اخر ..وهو نوع من العنق اللغوي عموما

تنمر ضد السود ..تنمر ضد المصابين بتوحد ب انك تشتم بلفظ (متوحد) ..تنمر ضد الفلاحين .. الخ ..

طب هل ده ليه أساس نفسي ؟ .. لو الأطفال عندهم نفس الحكايه يبقي الموضوع ملوش علاقه بالعوامل المحيطه والي بتخليك تكبر تلاقي نفسك كدة ..لذلك في دراسه اتعملت سنه 2009 علي أطفال في عمر 6 سنين لقوهم بيبحلقو في صورة شخص اخر مختلف عن لونهم او جنسهم عن شخص من نفس جنسهم وده معناه انهم بيلاحظو اختلافات او (مخهم) بيلاحظ الاختلافات دي وبيرصدها وبيحاول يحللها ...ماشاء الله متنمر صغير

وفي نفس الدراسه علي عينه اكبر علي أطفال من نفس العمر تقريبا لمدة 3 أسابيع خلو الأطفال دول وهم في المدرسه يلبسو لونين (احمر وازرق) والمدرسين مذكروش قدامهم أي معلومات ممكن تخليهم يميلو ناحيه لون مقابل التاني او حتي ذكرو الوان المجموعه او خلطو المجموعتين ببعض أصلا .. وبعد ال3 أسابيع سالو الطلاب عن اللون الاذكي والاسرع لو في لونين في سبق والاجمل .. وكانت اجابه كل مجموعه باللون الي هي كنت لابساه ..

طب برضو أي سبب ان الأطفال عدوانين كدة ؟؟ أي سبب ان الانسان عنده غريزه العدوانيه كدة ؟؟

في تجربه سنه 2010 لقت ان أي شخص ممكن نسميه (#اخر) او أي شخص برا مجموعتنا او أي شخص بينافسنا بشكل او ب اخر علي أي حاجه لما الشخص ده بيتعرض ل الم او تعذيب او ضرر لقت من خلال فحوصات الدماغ ان جزء المسؤول عن المكافئه بينشط وبيشتغل بسبب هرمونات الدوبامين وغيرها ..ده غير ان في ورقه بحثيه في الnature بتقول ان في منطقتين في الدماغ مشهور عنهم اوي مشاعر عدم الراحه لكل ما هو اجنبي اسمهم acc - dlpfc#

طب نيجي بقي للسؤال المهم بقي ..بيولوجيا ..الانسان فطرته بتحركه ناحيه التنمر ؟ وليه ؟؟

بيولوجيا ..اه ولكن نفسيا الانسان الي يعمل كدة غير سوي ..اقولك ليه ..

بص بيولوجيا وتطوريا .الانسان نمي صفه التنمر دي غصب عنه لما كان في غابه ومضطر انه يدافع عن نفسه ضد الوحوش والجماعات الي من نفس جنسه لذلك كان لازم يكون في جزء من المخ بيريحه كل ما يشوف دم عدوه بيتسفك كنوع من الدفاع عن نفسيته هو من الاذي ولذلك طور الجزء الي بينشط الساديه فيه عشان يقدر يعيش ويتكيف علي طبيعه وجودة ومكانه ..طب هل ده معناه اننا نسيب المتنمر في حاله عشان هو كدة بيعمل صفته الفطريه ؟ طبعا لا وده لان في ورقة اتنشرت سنه 2015 بتتكلم عن منشأ التنمر وبتقول ان المنشأ ممكن جدا يكون من خلال تأثير قريب زي المدرسه والبيت والاصحاب ومؤثرات ابعد زي البيئه والثقافه والجو العام ..وفي دراسه تانيه لقت ان الفران الي بتتعرض للتخويف بتبقي اكثر عدوانيه تجاه الحيوانات التانيه .. ده غير خد عندك بقي ان في نفس الدراسه دي لقو انحرافات سلوكيه عاليه جدا في سلوك الحيوانات الي اتعرضت للتخويف ده غير ان الضغط بيأثر علي الجهاز المناعي من خلال افراز عدد اكبر من كرات الدم البيضاء او wbcs والي بالتالي بتفرز مواد بتساعد علي الالتهاب عشان مكافحه العدوي والي برضو بالتالي بتأثر علي وظايف المخ.. وبرضو بالتالي بيكون في تغيرات كبيرة جدا في شكل الdna والميتوكندريا الخاصه بيك .. مش بس كدة لا كمان الحيوانات الي بيتم تخويفها لقو في مخها كميات كبيرة جدا من الكورتيكوستيرون وده هرمون بيتفرز في لحظات الاجهاد وبيؤدي زيادته أحيان كتير لميول في تعاطي المخدرات ومش عاوز اقولك بلاويه لانه فعلا ليه بلاوي خاصه لما يفضل فتره في المخ زي ما هو موجود في البحث ..

شفت بقي بتعمل أي في أي شخص لما بتعرضه لتنمرك الي بتسميه هزار ؟؟ انت مش بس بتخلي نفسيته تكون مشوهة لفتره طويله ..انت بتقتله حرفيا ...

لذلك

#لا_للتنمر

http://www.keepyourchildsafe.org/bullying/bullying-biology-nature-genetics.html

https://www.facebook.com/notes/ahmed-g-soliman/شوية-عنصريه/2167424806915467/

https://www.apa.org/pubs/journals/releases/amp-a0038929.pdf

https://www.brainfacts.org/thinking-sensing-and-behaving/childhood-and-adolescence/2015/bullying-and-the-brain 

عمرك فكرت اننا ممكن نصحي منلاقيش لحوم تاني علي الارض بسبب الزيادة السكانيه ؟
الحقيقة بعد ما بقي عددنا علي ضهر كوكب الارض 10 مليار نسمة بقي في عجز وخوف كبير من مصير اكلنا للحوم الطبيعيه والعاديه ومش بس عشان بقي عددنا كبير لا كمان كميه العلف والمياه والمساحة الي بنربي عليها الحيوانات بتتناقص عشان كدة بدأ العلماء يفكرو في طريقة تخلصنا من المشكله دي او نلاقيلها بديل
1- نبقي نباتيين !
طبعا مش حل منطقي
2- نزرع اللحمة في المعمل ..بالظبط كدة اتجهت معظم الدول دلوقتي انهم يحاولو يوفرو الحل ده بشكل امن اما عن طريق زراعه الانسجة انهم ينتجو نسيج عضلي كامل من خليه يقدرو ينموها في المختبر وبم ان الحل ده في الاول كان مكلف وكان قدامه فترة عشان يبقي ارخص (بقي ارخص فعليا الفترة الاخيرة ) وعشان يبقي اكتر قابليه انه ينزل السوق والناس تتقبله بعض الشركات زي .beyondmeat انها تاخد البروتين من النبات وتعالجة بالضغط والحرارة وتعمل منه الياف شبه الالياف الي في اللحمة بالظبط ويحطو عليها شويه مكسبات طعم وغيره وبتبقي بنفس السعرات الحراريه او اقرب في السعرات الحراريه الي موجودة في اللحمة الطبيعه واحيانا اعلي والميزة فيها غير انها غير مكلفة انها بتبقي مناسبه لناس كتير لانها خاليه من الكوليسترول ..
هل تقدر تاكل بديل نباتي عن اللحم الطبيعي ؟؟
#ع_الماشي