籌備咗一段時間，集合咗大家嘅努力，852 第一個緊縛工作坊終於喺二月尾順利舉行！好多謝一眾工作人員嘅協助，特別係我哋嘅導師小明；亦都要鳴謝場地負責人，提供咗一個咁舒適咁 Kinbaku friendly 嘅地方俾大家。最難得嘅係當日嚟參與嘅十七位學員，喺呢個咁艱難嘅時候仍然願意出席活動研習 BDSM。

因應武漢肺炎，我哋都做咗好多準備功夫，確保所有參與者十四日內都無到訪過中國。當日亦有為所有人探熱、消毒雙手，做足衛生措施。儘管社會現況不明朗，今次活動依然喺安心放鬆嘅氣氛當中進行。

介紹一下我哋嘅導師先，小明學咗緊縛已經有兩年。佢最出名嘅就係「無嘢可以阻到我講嘢」，正宗口水多過浪花。雖然有時比較長氣，但今次小明嘅講解詳盡得嚟具趣味性，學員都好投入去聽。小明講解咗緊縛嘅歷史發展、優點缺點、用繩材質、安全事項等要點，大家都反映話內容非常實用，對自己有所增益。

今次小明教授咗四款基礎繩結帶大家入門，分別係單柱縛、雙柱縛、木乃伊縛法、直臂縛。單柱縛同雙柱縛可以話係入門必學，好多縛法都係以佢哋為基礎嫁。小明仲示範咗點樣喺 Play 到應用，將繩模肢體固定喺指定物件到。至於木乃伊同直臂縛就係雙柱縛嘅延伸，用兩條繩就可以令繩模掙扎不能、任人魚肉。

大家都好留心聽書學得好快，出嚟嘅效果有板有眼。我哋嘅豆腐爸爸兼大會攝影師亦為咁多位仔仔女女用鏡頭記錄咗佢哋美麗嘅作品。一齊嚟欣賞吓學員嘅努力成果啦～

活動嚟到尾聲，我哋嘅導師為大家即場表演太股縛半吊綁，帶嚟親身觀賞吊縛嘅難得機會。 

    進行嘅時候有好多顧慮：又怕講得唔清楚、又怕超時、又怕助教起飛腳，儘管如此都係戰戰兢兢地順利完成了。希望大家番到去能夠活學活用、多多練習，揸起兩條繩就享受到緊縛嘅樂趣。 今次處女 Show 緊張到爆，姿勢同流程都唔係好顧到，但個結就因為練熟曬綁得幾流暢，咁大家就明白練習有幾重要啦。 

導師 — 小明 

導師：小明

編輯：雲

攝影：LL 

#異色活動