（一）
他又站在了那兒。
隔着櫥窗靜靜看進來，默默地看著這堆白色紅色黃色的花，然後每次視線最終都會落在紫色的桔梗上。看一看就一個多小時，不過沒關係啦，這花店本來就沒甚麼客人，不是媽媽留下的，我早就把它關了。
「40baht吖，多謝你。最近點啊？」
「都係咁啦，保重身體啊。唔該曬。」
又是紫色蝴蝶花，又是一枝，這樣想起來已經兩年了吧。
最初見他，不是一個人的。
（二）
「痴線，你唔使諗住而家買返紮花氹我啊，我唔受呢套㗎。」
「對唔住啦，琴日寫歌寫夜咗，所以今朝先遲咗起身咋嘛，但我最後都趕得切嚟睇你律師宣誓啊，唔好嬲啦煩膠仔。」
「一世人得一次㗎咋，讀咁耐law就係為今日！你花都無紮仲敢嚟court搵我。」
「哎啊，而家補返數。」
我在暗暗打量這兩個大男生在花店外拉拉扯扯，兩個個子都高高的，左面這個皮膚白白的，穿着一身挺拔的西裝、光亮的皮鞋，露出纖細的腳踝，跺著腳在吵鬧，但仔細一看，眼底全是笑意。右邊那個嘛，膚色略黑，輪廓極深，貌似帶有點混血色彩，棕色恤衫卡其色長褲帆布鞋，還背著個吉他，他眼裡好像只有他。
「其實呢，兩位先生，不如入嚟慢慢睇啦，齋睇唔買都無所謂嘅，你哋喺我舖頭出面都玩咗幾個字㗎啦，好似嚇走咗我幾個客⋯⋯」
「對唔住啊。」異口同聲，他們立刻對望了一眼，忍俊不禁笑了。
天天都待在這花店，來買花的都是去拜祭的老人家，難得有養眼的帥哥，還是兩個，當然要叫他們進來了。
「呃，小姐我想問呢，有咩花嘅花語係解一份愛，又係永遠都唔變㗎？」
「桔梗吖，又細細朵，幾cutecute，襯曬你男朋友吖。」
刷一聲白皙的皮膚變得通紅，他摸摸他頭，說：
「嗱，咁我送桔梗畀你啦，唔准再嬲豬㗎啦煩膠仔。」
高個子點點頭，嘴角扯起大大的弧度。可這笑容只出現了一秒，他又假裝甚麼事都沒發生過一樣。
「咁⋯⋯我返去可唔可以摸你個胸啊？」
立馬頭部就被重擊，被打了還笑得這麼開心，這一對真閃。咳嗯⋯⋯清一清喉嚨，我還在的。
「咁我幫你搵其他花搭下，細細紮擺落去啦。喺條街度攞住無咁揚，不過我諗你哋都唔介意㗎啦，睇怕都日日放閃⋯⋯」
感受到他們兩個的臉越來越紅，頭也越放越低，突然覺得自己像個八卦的大嬸，別管了我還是應該趕快跑去工作。
「300baht得啦，你哋真係好cute，唔知你哋叫咩名呢？」
「Sarawat」「Tine」
（三）
從那天開始，我的生活好像有了點變化。大概兩三個星期就會看到他們一次，有時候他們是一起來的，有時候就各自來。
「喂後日咪去探Fong個b嘅，我哋買紮花去咯。」Tine的眼睛亮晶晶，一閃一閃的。
「得啦，真係嚇親，Grad咗唔夠一年咁快就做人老豆。」
「同翻佢條女復合嘛，咁佢愛情專家嚟，知道自己最中意邊個咪狗衝mark住個女仔囉。」
「係囉，我都知喎，咁你係咪可以被我mark住？」
「痴線！」
Tine拍開Sarawat搭在肩膀的手，把頭轉開。
我忍不住偷瞥一眼，他在笑。只見Sarawat：
「我係咁壞㗎，你使唔使狠狠咁懲罰我？我哋今晚...」
最後那幾個字，他貼在他耳邊說，我聽不清楚，但我看到了Tine更紅的臉。
「喂呢紮好靚啊，香檳玫瑰⋯⋯？」
喂別直接拿起來看，有刺沒除的，我正想提醒Tine，就聽到Sarawat說：
「Tine，你睇吓呢啲蘭花都好靚啊。」
他指了指前面的蝴蝶蘭，順手接過Tine手中的玫瑰，他⋯⋯在拔玫瑰的刺。
「吓，但買蝴蝶蘭...又唔係新年！我都係中意玫瑰多啲。」
「嗯...都係！今日送呢紮畀你。佢花語係⋯⋯」
Wat轉頭向我求救，我。只。鍾。情。你。一。個。
「喂！花語都要人提，咁無heart㗎咩。」
「呢句嘢我都唔知同你講過幾多次啦。反而係你！都無講過，點解中意我！」
嘩反客為主，Wat你真厲害，我又看到Tine耳朵紅得滴血了，他就這樣跑了出去。
啊我的玫瑰，你們不要啦？
對沒錯，他們每次來都放閃，其實我都慢慢習慣了，花式放閃的層次很高，就算是單獨來也絕對ok。
「唔好意思啊小姐，我想要一紮細細哋嘅花，主花係⋯⋯」
「蝴蝶花嘛。」
對，Tine沒甚麼新意，Sarawat買過很多品種的花，但Tine總是從一而終地選擇蝴蝶花，花語是想念你。他說：
「哦，係啊條友好多花款㗎，有時返到屋企就會見到佢擺紮花喺度，通常會有埋錄音筆嘅，錄咗佢彈同唱嘅情歌囉，肉麻到死！我就懶好多，呢排越嚟越忙，超正Issac Tanapon收咗我做徒弟，佢行內勁出名㗎！我梗係要畀心機啦。呢排我成日要幫師傅搵case，搞到要喺firm過夜。不過佢都忙，少咗好多時間喺度陪我。我買花畀佢，都係想同佢講掛住佢㗎咋。」
「其實你點解會中意Wat嘅？」
「除咗好錫我之外，我仲中意佢份人好簡單，一覺得嗰樣係啱嘅，會一路一路做落去。」
他說這句時是看著地上的，但即使沒有看見他正面，我還是瞄到他那淺淺的微笑。
嗯，隔空也要被塞狗糧，我都習慣了。不過說實話，這兩個人真的很甜。
（四）
「Wat你又嚟咗啊？今日返咗啲太陽花幾新鮮幾靚㗎。」
「係⋯⋯」
「花語吖嘛，係愛慕。啱你㗎喇。」
他靦腆地笑笑，我白眼一反。真是夠了，常常露出這表情，難道不知道會讓我這個女生也傾倒嗎？
唉，他有男朋友了！！！
「喂，你今次又做錯咩？」
「無做錯啊⋯⋯就到紀念日。」
「拍拖紀念日？咁太陽花好似唔啱feel，你等等。」
他連忙把我叫住。
「唔係⋯⋯係佢枝吉他5歲生日⋯⋯」
「吓？我聽咗啲咩？」
「枝吉他我買畀佢嘅，無啦啦有一日，佢話要幫佢改名，咁咪改囉，然後又話如果幫佢慶祝埋生日，枝吉他被我哋彈，都彈得開心啲喎。」
夠了夠了我不應該過問的，情侶的白痴互動，單身狗如我又怎會理解。
♩遇上他是場緣 像真似假 我竟困惑了 ♫
他電話鈴聲響起了。
「喂？」
「你睇撚住啊，仆街暴徒，我實搞鳩你，搞埋你條女㗎！」
電話裡面的人嗓門大得連沒開擴音都聽得一清二楚，Wat怎麼會招惹到這樣的人？
「Wat你⋯⋯」
「sorry你打錯。」
他切了電話，聳聳背。
「而家成日都有人打錯㗎啦。戇鳩。」
「你無嘢吓話⋯⋯」
他搖搖頭。我就到後面去幫他紮起鮮花，眼角好像督見他衣服髒髒的，有點紅紅的，擦擦眼睛，應該是我多心了。
（五）
後來Sarawat和Tine不時都會來花店買花。他惹怒了他、他們倆的紀念日、他單純想要表示愛意。理由有千千萬萬個，我也不小心聽了好多故事。
有一天我印象特別深刻。那天雨突然下得很大，我慌忙跑出去把放在外面的盆栽收進來，然後撞上一個人，差點把東西砸了，還好有隻手把它接住。抬頭看看，對上一張憔悴帶有淚痕的臉。Sarawat⋯⋯
「你無事吖嘛？」
「入去先講⋯⋯」
聲音沙啞，頭髮也亂糟糟的。滴答滴答，水珠不停在他棕色外套上滴下來，我才發現他全身都濕透。我拿了一條毛巾讓他把身體擦一下，叫他在沙發上先休息。
啪！
吉他譜散落一地。
「我執得啦。」
「我幫你啦，你成身都濕晒，一陣啲紙霉晒啊。」
他那個大大的黑色吉他袋子好像被劃破了，所以樂譜才全都掉出來。
在純白的紙堆裡面，一疊被腥紅墨水塗污的照片特別顯眼。
【咪 以 為 我 唔 知 你 住 邊 啊 冚 家 剷】
一張比一張更不堪入目，然後手中的照片被一把搶走。
「當睇唔到，好無？」
「呃wat⋯⋯你有咩可以講喎，雖然我唔係你邊個⋯⋯」
沈默。
好我繼續去收拾，反正也快關門了，我索性把東西收一收，偶爾轉頭看看，他還是低著頭，默默地坐在那裡，不發一語。直到手上的瑣事已逐一解決，我開始裝忙，良久終於聽到他的聲音。
「我想⋯⋯整乾花，用桔梗⋯⋯」
「哦⋯⋯喂～等埋Tine一齊整啦，佢無一齊嚟嘅？鬧交？情侶鬧交好閒㗎啫，Tine仔唔會離開你嘅。」我用盡所有方法舒緩氣氛。
他抬起頭
「乾花點整？」
「Okay，唔想講。收到， sorry。」
尷尬地笑笑，我去準備做乾花的材料了。
在走進儲物室的那一步，我好像聽到很微弱帶著哭腔的一句：「係我要走。」
（六）
剪刀、麻繩、桔梗，製作乾花的用具就不多，但過程其實有點痛苦。把鮮豔欲滴的花瓣一片一片剝下，說是要延長它的期限，但要先親手把它粉碎。
他拿起剪刀，執著那朵桔梗，手抖震得我看不下去。好幾次快要剪到，又鬆開了手。
「其實⋯⋯」他開口了。
我連頭也不敢抬起，只點了點頭示意我在聽。
「我中意咗佢好耐，form6嗰年畀班friend拉去一個Scrubb嘅concert，講真呢啲場合真係唔太啱我，嗰陣幾乎想走，點知有條友企我前面，跳到勁hyper，仲一野踩咗落我隻腳度。佢轉身同我say sorry，我先見到佢個樣。真心成世都無見過笑得咁真嘅人，之後我成場都focus唔到，淨係望住佢。哈。」
他停了下來，笑笑。
「講到成個變態咁，唔怪得之佢話我係變態仔。」
他只有說起Tine才會是這種語氣，大概自己也不知道吧。
「跟住諗住跟吓佢，以為佢實會狗衝去同Scrubb影相啦，點知係同張poster影，痴線。但好似聽到佢話驚偶像辛苦喎，真係煩膠。」
「我以為見唔翻佢㗎啦，點知入到U，佢自己嚟搵我，話想我同佢扮拍拖，要賣甩另一條仔喎。最初好似係好感，但見住佢對所有人都咁真，明明覺得Green好煩⋯⋯啊，煩佢條友叫阿Green⋯⋯但又唔想hurt得佢太深，先搞咁大場大龍鳳咋嘛。痴線，畀著係我，一野收佢皮啦。我好似係咁先越來越中意佢。」
哦。原來他們是這樣開始的。
「頂⋯⋯講咗咁多，sorrrr。我覺得乾花呢⋯⋯真心好正，好似可以擺到好耐好耐。」
我噗嗤一聲笑了，從未見過轉話題轉得如此生硬的人。
Sarawat這冷面帥哥真的見多了就變嘮叨，不過我喜歡聽。
「係啊，可以擺好耐，永久保存。你今日整完我幫你風乾。」
「永久保存⋯⋯」
「嗯，係啊，之後返嚟攞啦，希望你哋一路都咁sweet啦。」
他終於動手開始做了，可他沒再答過話。
（七）
又是棕色恤衫卡其色長褲帆布鞋，他的打扮和那天一模一樣。
從桌下拿出一個淺藍的盒子，裡面有乾花還有我寫的祝福卡。
「Wat，乾花搞掂啦，我幫你擺咗入去，雖然整完係會淡色啲，但可以擺好耐都唔會凋謝！仲有啊，呢張卡啊，大大隻字寫住：唔該你哋sweet落去㗎！」我忘記那天有做過乾花紙張，可以送給他寫歌，所以轉身去後面拿，誰知東西真的放得太亂，找了好久。
「啊！你攞埋呢張紙去，我前幾日⋯⋯」
店舖裡空無一人，他走了，而那張卡就這樣放在桌上，他沒帶走。
（八）
自此之後我好久好久沒有看過他們兩個，兩三天⋯⋯兩三個星期⋯⋯兩三個月。
「喂你睇吓，而家啲政壇新丁咁鬼chur嘅，一嘢去單挑個法官。」
「聽聞呢個官奶共㗎，前幾日咋嘛，佢判咗幾個𡃁仔入去坐。」
「痴線㗎，貼文宣貼到要告暴動。你睇吓先啦，呢個新男神議員啊。」
好友們已經在旁吱吱喳喳說了一整個早上，我不以為然地瞧了一眼。
「What The Fuck，飛翻前少少！啡色恤衫卡其色長褲！正面呢！」
「咩啊？」
「我要正面啊，屌你。」
「痴線講咗成朝都唔應機，一見人米八高大就屌曬老母咁。」
手指快速滑過螢幕，看到那張熟悉的臉。
是他。
一直以來我聽過Tine是律師，但不知道Sarawat原來是新任議員。
（九）
那天晚上，我上網查了好多Sarawat的資料。
原來他畢業後就和幾個同學籌組了年青政黨，本土路線，但因為是新黨沒甚麼人留意。直到最近他一個人單人匹馬跑去法院示威，才聲名大噪。
「你呢個狗官！成班後生仔前途就咁無咗啦，你夜晚訓唔訓得著啊？」
看著螢幕裡的他力竭聲嘶地在法院外大喊，我實在無法把這個他，與平日話不多的那個他扣連起來。侮辱法官是犯法的，雖然現在的泰城已經毫無公義所言。今天看到新聞好像說，他喊沒兩句就被抓走了，不知道現在怎麼了？
沒見他們好久，我的花店又回到那個只有公公婆婆來訪的情況。那兩個甜蜜的身影、那場大雨、那盒乾花，好像都不曾存在過一樣。對了，乾花，我還留著那時候的乾花紙張呢。把東西一盒一盒地翻開，才終於找回那張有點殘舊的紙。欸，是這張嗎？怎麼有字？
「花店妹：
好多謝你一路都咁撐我哋兩個。
其實我真係好想同佢一齊好耐好耐，但我發現原來係唔得㗎。
我呢排成日去探啲被狗咬嘅𡃁仔，佢哋個個都驚上court，因為聽講已經判咗幾個入去坐10年。
原來法律界已經藍到仆街，成班法官都被人滲透晒，有個仲係佢師傅 - 聽講法律界好緊張名聲。如果個名衰咗，就自此喺咁先。
你唔知，佢由細到大都好想做律師，捱咗咁多年，到而家終於做到，
如果畀人知佢同我呢個反泰嘅暴徒有咩關係，佢之後仲點撈？
我嗰日chok佢，問佢如果有一日我可能要違背自己良心先可以保得住啲嘢，咁應該點算？
佢諗都無諗，就咁叫我，一定唔可以咁做，如果係有嗰一日，佢就唔會再中意我。
要離開，同要佢討厭我之間揀，我好自私，揀咗前者。
你話要啲花保存得耐，就要先將佢摧毀，原來係真嘅。」
（十）
就在那之後不夠幾天，我店裏又出現了一個穿着啡色恤衫卡其色長褲帆布鞋的身影。
可他好像比較高，直到他走近了我才看清，是Tine。
他看起來，好像和以前不同，但我又講不上來有甚麼分別。
走到收銀處這麼近，我竟看到他臉上長了顆痘，但他好像沒甚麼介意。以前不是刮傷一點點都要貼膠布嗎？
大概是我盯著他看太久，他終於開口：
「紫色蝴蝶花一枝吖唔該。幾錢？」
語氣。以前講話很快，很高音，現在慢了許多，也沒有那份自信。
好像有幾分Sarawat的影子。
「40baht⋯⋯」你買畀邊個？我問不出口。
空氣彷彿凝結了一樣，我抿著嘴唇，不知道怎樣繼續這對話。良久，他說：
「有無得代寄？佢搬走咗之後我搵唔返佢，佢cut晒全部contact，我諗住送去佢office算。」
我用力地點點頭。Wat，他沒有討厭你，他還是很喜歡你的。
又靜了。到底是我以前一直沒發覺Tine其實很寡言，還是他現在失去了那份活潑？
「盒乾花⋯⋯」
「我收到。」
他停頓了三秒，看著地下輕笑了一聲。
「條變態仔，講分手玩不辭而別，但臨走又送埋晒啲掟煲禮物。痴撚線，無見過有人分手分到佢咁囉。」
他只有說起Sarawat才會是這種語氣，大概自己也不知道吧。
「永恒嘅愛，肉麻到死。以為自己係英雄啊戇鳩」
♩遇上他是場緣 像真似假 我竟困惑了 ♫
「sor…喂？師傅？好，我而家翻嚟。」
他好像真的很喜歡自己的工作。Tine你要加油。公義和愛你，他沒有放棄其中一樣，他選擇了換一種方式去傳遞。
我沒有告訴他，桔梗的花語，除了永恒的愛，還有一種：
無望的愛。
港字絲打後語：
風雨飄搖，大時代之下愛情總是顯得特別渺小脆弱。傘下，有多少個孤獨的靈魂在半空漂浮？
他與她、他與他、她與她的故事總是不盡相同，卻又說不出哪裡相似。
岸上沒有風，但火卻逐漸燎原。
如果熊熊大火能燃亮黑夜，均要靜候那一線最亮的光。因為屆時注定同行的人終會再被拉回一起。