Embedded Files
1NFINITY ∞
2018-2019年度 聖母無玷聖心書院
學生會內閣
同九位內閣成員一手一腳去組成一個學生會，為學生計劃唔同嘅活動，尋找有用嘅福利！雖知呢條路絕對唔簡單，身為會長嘅我會努力，帶領住九位內閣成員去盡力為同學服務，塑造一個充滿正能量嘅校園生活，希望同學你地每一日都可以開開心心咁翻學，充充實實咁放學，我地1nfinity🔗希望可以係2018-19學年陪住你地，滿足你地嘅需要，反映你哋嘅需求！
我會好好運用我17~18年度做學生會嘅經驗，讓學生會繼續改進、 為同學福祉繼續努力。同時，作為外務副會長， 我會竭盡所能， 與其他學校合作， 為同學提供聯校活動及學習機會。希望大家可以俾機會我哋，喺今年1nfinity中繼續服務大家。
作為內務副會長嘅我，喺未來一年將會盡力處理學生會內各種不同嘅事務務求令學生會由內到外，做好完善嘅準備去為學生們服務！雖然今次係我第一次參選學生會！但我亦會盡自己全力，做到最好，令同學能夠喺學校有啲屬於自己嘅回憶。享受校園生活！
作為文書，我會竭盡所能將所有會議記錄清楚記下， 方便其他幹事一齊工作。同時，我亦會將同學們的需求及意見記下，希望能為同學們提供最好的服務並作出改善！我承諾會盡力做到最好，激發大家無限嘅可能性，突破所有難關！
身為財政,我會盡好我嘅職責，我定必精打細算,竭盡所能將學生會嘅經費適切運用並管理,好好紀錄和報告！同時,我會善用學生會嘅金錢和資源,為同學提供更多元化嘅服務！
今次參選學生會對於我黎講係一個幾大既挑戰 而作為福利既我當然要為大家搜羅各種各樣既優惠俾大家！我地唔要以數量取勝而係要一啲大家真係會用得著既福利比大家！幫全校同學爭取優質既店鋪係我既本分！知道呢啲優惠對你地有用既話我會好開心的！希望大家可以投我地神聖既一票❗你地既每一票都係代表左對我地既支持 係好重要架 ！WE ARE 1NFINITY!!
作為一位盡責嘅出版，我會編輯學生會所提供嘅福利同埋我哋嘅宗旨務求大家可以清晰見到我哋候選內閣嘅熱誠。另外係新嘅一年我會努力，係學生報入邊為聖心大家庭記錄，各位「家庭成員」所發生嘅校園趣事，留下色彩繽紛多姿多彩嘅校園記憶，務求大家都可以喺聖心大家庭搵到自己嘅足跡！
我作為康樂，會儘量為大家提供既有趣，又正嘅活動。今次係我第一次參選，有好多嘢都令我有點陌生，但係我會儘我所能，向學生會提議大家想舉辦嘅活動。我希望透過我哋所舉辦嘅活動，能夠成為大家美好同懷念的回憶！
由於我在內閣擔任宣傳嘅職位，所以你地經常會係早會上見到我。我本身係一個比較內向嘅人，呢次嘅任務對於我都係一個大挑戰，但我會盡無限度嘅努力去令同學接收到有關學生會嘅消息。有關學生會嘅有趣活動既呢啲消息同活動都會通過我黎通知同學，所以，我係早會上肯定會長氣啲！
學生會要不斷提供唔同既活動俾學生參加,而當中並唔止會有康樂活動,更會有唔同既學術活動,而我亦會舉辦所種學術活動。希望你地會投你地神聖既一票比我地1nfinty！
Google Sites
Report abuse