中一迎新
中一迎新
【2022/08/26】
今年我地嘅迎新活動非常特別,中一同學會收到一張印花卡,佢地每完成一個攤位遊戲就可以獲得一個專章貼紙,例如製作飲管紙飛機並且學識原理之後就可以‘考獲’初級航空活動章️、體驗搭建原野烹飪柴堆之後就可以獲得原野烹飪章嘅貼紙。完成所有攤位之後就可以獲得紀念品一份。再次感謝統籌活動嘅團隊長以及各位小隊長。
【2022/08/30】
係暑假嘅尾聲我地空童軍團參觀左位於灣仔童軍百周年紀念大樓嘅航空訓練中心。首先由航空教練向童軍成員教授點樣進行爬升下降、轉向以及起飛降落,再由童軍成員完成一次由香港國際機場飛到石岡機場嘅飛行體驗。對童軍黎講係一個難忘嘅體驗。
【2022/11/05】
宣誓儀式係我地空童軍團同埋深資空童軍團嘅年度活動,今年我地好榮幸能夠邀請到九龍華仁書院校長周子詩女士蒞臨參與我地嘅宣誓儀式🙎🏻♀️。當日一眾童軍提早返到旅部開始準備宣誓儀式嘅事宜。深資空童軍團員亦帶領各童軍團員進行彩排💪。係宣誓儀式入面,我地先進行空童軍新團員嘅宣誓儀式。每個小隊嘅新團員係小隊長嘅帶領之下,先由領袖詢問其是否明瞭童軍規律,再逐句背誦童軍誓詞,領袖就會為童軍佩戴會員章同埋帶上旅巾⚜️。
係新團員宣誓儀式之後我地隨即進行小隊長嘅晉升儀式,期望各小隊長能夠係新一年發揮領導才能,努力帶領小隊🏆。
今年有9名空童軍團員晉團成爲深資空童軍,加入 @11kgvasu 嘅大家庭。希望深資空童軍能夠繼續實踐薪火相傳,發揮自務自治嘅精神同建立合作精神,服務旅團及社會。
完成宣誓儀式後我地亦都係足球場進行步操以及進行抛帽儀式,並以降旗結束今次嘅宣誓儀式。