拍拚建立一个有元氣、互助合作的組織，促成各年級之間的交陪，保證師生之間溝通順序，而且積極和別系建立好的關係。

　　按算透過濟樣的活動，予系上的同學閣較深入去接觸台灣語言、文學佮文化，培養對本土的認同和熱情，閣加上創新的思想和科技抑是媒體工具，向望共台灣語言、文學佮文化推捒到社會，甚至到國際。

1. 包容佮多元性：尊重而且包容無仝背景的同學，鼓勵多樣化的意見佮想法，促成創意與合作。

2. 合作佮互助：宣傳合作精神，予逐位同學攏會使佇系學會當中揣著家己的定位，共同為推廣台灣語言、文學佮文化努力。

3. 創新佮成長：鼓勵創新思考，通過試辦新形式、新內容的活動，推捒系學會和同學的成長佮發展。

　　希望透過台語系學會的支持，培養出願意傳承系學會理念佮堅持的人才，和各方維持良好的互動關係，而且不斷推捒台灣語言、文學佮文化的生活實踐，向望佇未來得著閣較濟的認同佮發展空間，相信逐家貢獻的每一份力量會使建立一個系統化閣充滿愛佮希望的台語大家庭。