Waiata o Wikitōria

I tāraia taku whatu i Maungatapu

Te koinga ka whakamaua ki te kakau

Anei taku toki pakohe

Ka mau kia ita

Ko Te Tūāhu o Matua Hautere 

I kohia taku Ika Ngāhue i Maitahi

Te kōpio a runga kāwiti, ki te reke o te kakau

Anei taku mere pounamu

Ka mau kia ita

Ko Te Ika Kuratea o Aorere moana

I whatua taku hīeke i te wharariki

Te papanga ka takotoria kia inaki

Anei taku kahu hīeke

Ka mau kia ita

Ko Te Maru Awatea o te Whenua e

I rukua taku kākara i Hinemoana

Te tātara ka tauherea ki te ngutu rākau

Anei taku pūtātara

Ka mau kia ita

Ko Rongo Taketake o Wikitōria 

Ko te kāwai kōrero o Wikitōria

Ko Wikitoria hi aue hi!