Trygd og deiling
Brúka tína Chromebook á ein tryggan hátt
Loyniorð
Tú mást undir ongum umstøðum geva ella vísa títt loyniorð til onnur.
Hevur tú varhugan av, at onkur dugir títt loyniorð, skal tú boða tínum flokslærara ella kt-vørðinum frá, so at tú kanst fáa eitt nýtt loyniorð.
Logga av
Minst til at logga av, tá ið tú ert liðug/ur, soleiðis at onnur ikki fáa atgongd til tíni ting.
Hetta hevur serligan týdning, um tú brúkar eina teldu, har onnur hava atgongd t.d. eina Windows teldu ella ein iPad.
Samskifti við onnur
Tá ið tú samskiftir við onnur um netið, minst so til hesar reglur:
Tosa pent
Ver týðilig (ironi ella spei er ringt at skilja á skrift)
Hugsa teg um, áðrenn tú skrivar
Spyr um loyvi, áðrenn tú deilir nakað
Avmarka teg
Lær teg tíni rættindi
Tosa við ein vaksnan, um tú upplivir okkurt ódámligt
Minst til, at internetið gloymir ongantíð
Ver ein fyrimynd fyri onnur
Hvat kann eg deila, við hvønn og hvussu?
Tú hevur møguleika at deila bæði skjøl, myndir og video við onnur. Tað er tó ikki alt, tú kanst deila - okkurt er revsivert at deila við onnur.
Her eru nøkur ráð at hugsa um, áðrenn tú deilir:
Send ella deil ongantíð myndir ella video, ið eru særandi ella mannminkandi.
Strika særandi ella mannminkandi myndir og video.
Steðga útbreiðsluna av særandi ella mannminkandi myndum og video.
Tosa við ein vaksnan, um tú finnur særandi ella mannminkandi myndir ella video.