Craving? Hanap mo rin ba iyong mapapa “OH WOW!” ka sa sarap at nanunuot na panlasang Pinoy? Kung gayon, ito ang tamang blog na para sa’yo! Sa Tiki-Tikim siguradong hindi ka lang basta titikim, kundi mapapaKAIN ka sa sarap at sustansya ng mga putaheng ito. Hali na at samahan mo kami sa busog-lusog journey na ito!

Vegetarian ka ba? O kaya'y sawa na sa karne? Alin man sa dalawa, ito ang putaheng para sa’yo at tiyak na hahanap-hanapin mo, Ang Utan Bisaya ng Cebu!

Ang Utan Bisaya ay isang sikat na sinabawang gulay ng mga Pilipino na nagmula sa isla ng Visayas. Ito ay naglalaman ng iba’t ibang uri ng mga pinakuluang gulay, kabilang na doon ang talong, okra, luya, kamatis, at iba pa. Bukod pa rito, mayroon ding mga pagkakataon na nilalagyan ito ng isda. Ang Utan Bisaya ay mayroong pagkakahalintulad sa mga putahe mula sa iba’t ibang rehiyon sa Pilipinas, tulad ng dinengdeng ng rehiyon ng Ilocos, bulanglang ng CALABARZON, at laswa ng kanlurang kabisayaan. Ang putaheng ito ay mukha mang simple lamang, nagbibigay naman ito ng mga bitamina at nutrisyon na maaaring magpalakas sa ating kalusugan.

WASTONG PARAAN SA PAGLUTO NG UTAN BISAYA:

Ang pagluto ng Utan Bisaya ay simple lamang at hindi komplikado. Gayunpaman, ito ay mayroon pa ring tama at sunod-sunod na hakbang upang makamit ang malinamnam na lasa ng putaheng ito.

Ang mga hakbang sa pagluto nito ay ang sumusunod:

1. Lagyan ng tubig ang kawali at pakuluan ito. Siguraduhing sapat lamang ang sukat ng iyong tubig sa mga sangkap na mayroon ka.

2. Hiwain ang mga kasangkapan sa marapat nitong hugis at sukat.

3. Ibuhos ang luya at kalabasa sa kawali at takpan ang kawali. Hayaan itong kumulo pa sa loob ng 8 minuto.

4. Pagkatapos ng 8 minuto, ihalo naman ang okra, patola, at string beans. Hayaan itong kumulo ulit at saka ihalo ang talong at green pepper.

5. Kapag nakakasigurong malambot na ang mga gulay, ihalo naman ang dahon ng alugbati at tanglad upang magbigay ng halimuyak sa pagkain.

6. Kapag ang dahon ng alugbati at tanglad ay malambot na, ilagay ang malunggay at ang mga kamatis. Takpan at iluto sa loob ng 3 hanggang 5 minuto.

7. Lagyan ng asin para sa karagdagang lasa.

8. Pagkatapos ng mga naunang hakbang, maaari mo na itong ilipat sa mangkok at ihanda sa hapag-kainan.

Hilig mo ba iyong juicy-licious, meaty-licious, at smack-a-licious na inihaw na manok? Pwes, inihahandog mula sa City of Smiles, ang ipinagmamalaki ng Bacolod City na Chicken Inasal!

Ang Chicken Inasal ay isa sa mga pagkaing kinikilala at tinatangkilik sa probinsya ng Bacolod. Ang “Inasal” ay mula sa salitang Ilonggo na kung saan ang ibig sabihin nito ay chargilled o roasted meat. Naiiba ito sa mga karaniwang barbecue na ang gamit ay soy sauce sa pag marinate, ang Chicken Inasal ay ginagamitan ng mga kasangkapang hindi pangkaraniwang ginagamit sa mga inihaw na manok o karne na nagbibigay ng kakaibang lasa sa putahe. Ito ay dinarayo ng mga turista—hindi lamang ng mga banyaga kundi pati na rin ang ating kapwa Pilipino na mula sa iba’t ibang rehiyon ng bansa. Ang Chicken Inasal ay inihahanda sa maraming okasyon, tulad nalang sa mga kaarawan, pista, binyag, reunion, o ‘di naman kaya kahit sa simpleng mga handaan, pagtitipon, o hapagkainan ng pamilya.

Sa paghahanda ng Chicken Inasal ay kinakailangan ng mga kasangkapan, materyales, at taglay na sipag at pasensya sa mahabang proseso na paggawa nito. Ang pagsunod sa mga hakbang nang tama at may wastong sukat ang bawat sangkap, makakamit mo ang manamis-namis at malinamnam na Chicken Inasal ng Bacolod!

Naririto ang mga sangkap para sa putaheng ito at mga hakbang sa pagluluto:

Pulutan ba ang hanap mo? Kung oo, ito na ang putahe na hinahanap mo! Ang Bopis, ito ay isang maanghang na pagkaing Pilipino na sinasabing nanggaling sa mga Espanyol, bagaman walang nagpapatunay dito. Ang mga recipe para sa Bopis ay maaaring magkakaiba sa bawat rehiyon at pamilya sa pamilya, patungkol sa mga sangkap, at pampalasa. Marami na ang bersyon ng Bopis ang nagkalat sa iba’t ibang parte ng Pilipinas, katulad ng Kandingga o Kanding-ga, isang paraan ng pagluluto ng Bopis ng mga Bicolano. Ngunit, wala pa ring tatalo sa istilo ng pagluluto ng Bopis ng Batangas. Ang Batangas ay kilala sa kasaganaan ng sariwang pagkaing-dagat at isda sa tubig-tabang, gayundin sa produksyon ng de-kalidad na baka at baboy.

Ang Bopis ay maanghang na pagkaing gawa sa tinadtad na baga, puso at atay ng baboy o baka. Maari itong ihain bilang pampagana para sa serbesa at inuming may alkohol; itinuturing din itong pangunahing ulam at pinakamainam na ihain kasama ng mainit na kanin. Ang baga, puso at atay ng baboy o baka ay ginigisa sa sili, sibuyas at kung minsan ay kamatis at pinipirito hanggang malutong, na nagbibigay sa iyo ng dagdag na iba’t ibang texture sa bawat kagat.

mga sangkap at hakbang sa pagluto

1. Hugasan ng maigi ang mga laman loob at alisan ng tubig.

2. Ilagay ang mga laman loob sa isang malaking kaserola at lagyan ng sapat na tubig para matakpan, pakuluan at pakuluan ng 20-25 minuto.

3. Alisin mula sa kaserola at alisan ng tubig, hayaan itong lumamig.

4. Hiwain ng diced ang mga laman loob at itabi.

5. igisa ang bawang at sibuyas sa isang malaking kawali.

6. Idagdag ang diced bopis at haluing lutuin ng 3-5 minuto o hanggang sa magsimula itong kumulo.

7. Ilagay ang suka at lutuin ng 2-3 minuto, ngayon idagdag ang annatto oil, Patis, at itim na paminta, pukawin ang pagluluto para sa isa pang 2-3 minuto.

8. Magdagdag ng 3 tasa ng tubig at kumulo ng 3-5 minuto ngayon idagdag ang carrots, labanos, mushroom at siling labuyo, kumulo ng isa pang 3-5 minuto o hanggang ang karamihan sa likido ay sumingaw.

9. Tamang asin kung kinakailangan.

10. Idagdag ang bell pepper at lutuin ng isang minuto o dalawa.

11. Maaari nang ihanda.

Tunay ngang mapapalingon ka agad kapag tinawag ka ni Inay kung ang mga putaheng ito ang mga nakahanda sa inyong lapag. Sa bawat higop ng sabaw, bawat subo ng kanin, tiyak na manunumbalik ka iyong pagkabata. YOLO nga sabi ng mga millennials. You Only Live Once. Hindi ka kailanman mananatiling bente anyos, o hindi kaya trenta anyos, kung kaya't enjoy mo lang ang life! Dumayo, kumain, dumayo at kumain. Paulit ulit lang, para kung pumanaw ka man bukas, atleast masasabi mong nagawa at nakain mo ang lahat ng nais mong kainin.

Foodtrip is a must kada-lakwatsa mo! I-save ang blog na ito at i-share sa barkada, kapamilya at kapuso upang may pamantayan kayo sa susunod na kainan— este gala ninyo.

May nakaligtaan ba kami? Maaari ninyo kaming i-email, xmarizy@gmail.com, o hindi kaya pindutin ang button sa ibaba.