Berriak

DBH4: Zumaiako Flyshera irteera

2026/02/03

Otsailaren 3an DBH 4ko ikasleek goiz osoko irteera izan zuten Zumaiara. 

Hasteko,  ALGORRI Zumaiako Natur Baliabideen Interpretazio Zentroko bi hezitzailek Flysch-ari eta marearteko bizidunei buruzko azalpenak eman zizkieten ikasleei Zumaiako Ubillos jauregian. Hamaiketakoa jan ostean, ikasleak oinez abiatu ziren Algorriko marearteko eremura, eta bertako bizidunak aztertu zituzten. Bukatzeko, Zumaiako Flysch-a bertatik bertara ezagutzeko aukera izan zuten, Algorritik hasi eta San Telmo ermitatik igaroz Itzurun hondartzan bukatu zuten ibilbidea. 

Eguraldia lagun, goiz polita pasatu zuten. 

DBH3: Espelelologia Debako Ermittia koban!

2025/10/08

DBH_3ko ikasleekin Espeleologia irteera izan genuen Mendi Federazioko Ramon eta Josurekin. Esperientzia ezin hobea izan zen gure barne beldurrei aurre egiteko. Zorionak denori! 

DBH4koak Surfeatzen!

2025/10/03

DBH_4ko ikasleekin surf ikastaroa izan genuen urriaren 3an Deban, Yakoko lagunekin. Egun ederra pasa genuen Naturak eskaintzen digun aukera honekin. Aupa zuek! 

DBH2koak AÑANARA GOAZ

2025/09/29

Astelehenak 29an, 2DBH-ko ikasleok Arabako bihotzean ezkutatzen den paisaia paregabe bat ezagutzera joan ginen, Añañako  Gatz Harana. Hasieran lekua ezagutzeko ibilaldi bat egin genuen, monitoreak azalpenak ematen zituen bitartean. 

Gesaltzan, 7500 urte baino lehenagotik, ur gazia historiako ondasun baliotsuenetako bat bihurtzen da: gatza. 

Lekua guztiz jasangarria da, egurrezko, harrizko eta buztinezko 5000 terraza baino gehiagok egitura ikusgarria marrazten dutelarik,  energia berriztagarriak erabiliz, eguzkia eta haizea. Gaur egun, gune kultural, turistiko eta gastronomiko gisa biziberritzen da antzinako jakintzaren lekuko. 

Gatza egiten ere ikasi genuen, eta ikasleak lanean ibili ziren antzinako ofizioa ikasteko, baina lasai, gero merezitako atsedena ere eduki zuten eta bertan dagoen spa txiki batean hankak sartu zituzten. 

Amaitzeko herriari bisita txikia eta hamaiketakoa egin ondoren, berriro autobusa hartu eta Soraluzera bueltatu ginenean, gatz zaku txiki bat eman genien egindako lanaren truke.

XOXOTERA IRTEERA 

DBH3 eta 4ko ikasleak ETB1en Hamaika Entzuteko programan

Sukaldaritza tailerrekoek webgunea sortu dute

2025/04/03

Hedatze orduetan, sukaldaritza tailerrean parte hartzen duten ikasleek webgune bat sortu dute. Bertan, tailerrean egindako errezeta bilduma egiten ari dira. Gustura ibiltzen dira ostegunero tailerrean. Hemen duzue webgunerako esteka.

Sugar Ostolaza Filosofia Olinpiadez Euskadi Irratiko Argi Ibili saioan

2025/03/18

Sugar Ostolazak 15 urte ditu eta bigarren sailkatu da EAE-ko Filosofia Olinpiadetan. Martxoaren 28an estatuko finalean izango da Mallorcan. Hori dela eta, martxoaren 13an, Garikoitz Udabek eta Egoitz Unamunok Euskadi Irratiko Argi Ibili saioan elkarrizketatu zuten. Bestetik, Plaentxia.eus-ek herriko zurrumurruak gezurtatzeko sortu berri duen kanalaz ere jardun zuten. Eduki osoa entzungai dago Guau.eus plataforman (11:20 minututik aurrera).  

Iturria: Plaentxia.eus

Arrikutzeko kobara irteera

2025/03/10

Otsailaren 18an, 1. mailako ikasleak Arrikutzeko kobara irteera egin zuten. Bertan, bi taldetan banatu ziren eta haibat ekintza egin zituzten: kobazulora bisita, historiaurreko tailerra eta suaren erakustaldia. Gustura ibili ziren.

Historiaurreko museoa ireki dute 1. DBHko ikasleek

2025/02/25

Historiaurreko museoa ireki dute kiroldegiko erakusketa gelan 1.DBHko ikasleek. Bisitak antolatu dituzte Plaentxi eskola, Jendarte eta gurasoentzako. Museoan Paleolito, Neolito eta Metal Aroko aztarnen 45 erreplika eta osatutako fitxak daude ikusgai. Tartean, Soraluzeko dolmenen inguruan topatutako aztarnen erreplikak daude.

Institutuko bi ikasle finalista izendatu dituzte Euskadiko Filosofia Olinpiadetan