母語童謠

唸謠一

人情留一線 日後好相看

入門看人意 出山看山勢

十枝指頭仔昧平長

三日無餾爬上樹

大隻狗爬牆 細隻狗看樣

唸謠二

少年昧曉想 食老毋成樣

未曾學行 著欲學飛

好也一句 歹也一句

倖豬揭灶 倖囝不孝

唸謠三

一的炒米香、二的炒韭菜、

三的沖沖滾、四的炒米粉、

五的五將軍、六的攬子孫、

七的七蝦米、八的縖肚倌、

九的倒在蠕、十的倚起來看。

唸謠四

一放雞、二放鴨、三分開、四相拍、

五搭胸、六拍手、七的七扎扎、八摸鼻、

九咬耳、十擷起、十一坐金交椅。

唸謠五

拍你千、拍你萬、

拍你一千過五萬、

老鼠仔欲叼就緊叼，

不叼給你拍到叼。

唸謠六

大箍獃，炒韭菜，燒燒一碗來，冷冷我無愛。

唸謠七

新娘新噹噹，褲底破一洞，

後壁賣米香，米香無人買，

跌落屎斛仔底。