Nos historia

Nos historia

St. Dominicus College tabata den tempo di zuster y frères, un scol pa mucha homber. Despues di algun tempo ela bira un scol mescla: mucha homber y mucha muher. Asina e la crece den populacion y SKOA a dicidi pa parti e scol den dos.

E parti na Indianenweg (patras di Universidad di Aruba), e tempo ey conoci pa 'de kleine kant (e parti chikito)' cu a bira un scol independiente di locual tabata 'de grote kant (e parti grandi)' (St. Dominicus College).

Na 1992 Colegio Frère Bonifacius a nace.

For di existencia di Colegio Frère Bonifacius te awor (anexo 2024), scol a conoce 3 diferente cabesante.

1992 te 2000 sra. Elly Wong; 2001 te cu december 2021 sra. Arline Kock y di december 2021 te awendia sr. Derek Peterson.

Hopi ta e docentenan cu a traha na Colegio Frère Bonifacius, y te ainda tey.

Desde 2012 e ex-edificio na Indianenweg 5 a wordo declara inapto, pa motibo di peligro basha abou.

Aña escolar 2012-2013 scol mester a muda pa Burunbundu Pos Chikito y tabata transporta nos (alumno y maestro) cu bus pa y di Burunbundu. Esaki no tabata e mihor desicion,  pasobra mayor tabata prefera di pone e yiu na un scol na playa, mas serca. Asina nos a perde alumno. Esaki nos no tabata un situacion saludabel; na prome lugar no pa e alumnonan, y sigur tampoco pa e team.

E aña despues 2013-2014 scol a wordo ubica den un edifico di oficina na playa (edificio di VAD) y te ainda nos ta eyden. Ainda no tin perspectiva pa un scol nobo pa Colegio Frère Bonifacius.

Mientras tanto e edificio di nos scol situa na Indianenweg a wordo basha por completo abou, y solamente un tereno bashi tin awor.

A pesar di tur contratiempo, nos a cuminsa cu e projecto di iPad, cu yudansa di Mac4U, bou di guia di sr. Peter Figaroa.

Na 2014 nos scol tabata e prome pa cuminsa como scol digital, despues di un aña di estudio y planificacion.

Nos scol actualmente ta conta cu 149 alumno.