"SAZIN, SÖZÜN SƏRRAFI"
(Sənədli televiziya filmi)
Sərraf Qasımın 80 illik yubileyi münasibətilə Naxçıvan Dövlət Televiziyası tərəfindən xüsusi bir sənədli televiziya filmi hazırlanmışdır.
Sərraf Qasımın həyat və yaradıcılğı haqqında hazırlanmış "SAZIN, SÖZÜN SƏRRAFI" adlı bu televiziya filmi ilk dəfə 21.02.2020-ci il tarixdə və daha sonralar isə bir neçə dəfə təkrar şəkildə Naxçıvan Dövlət Televiziyası vasitəsilə yayımlanmıdşır.
Bu sənədli televiziya filminin müəllifi və baş redaktoru Naxçıvan Dövlət Televiziyasının şöbə müdiri Ruhiyyə Rəsulovadır.
Sənədli televiziya filmində aşağıdakı şəxslərin Sərraf Qasım haqqında səsləndirdiyi fikirlər öz əksini tapmışdır:
Professor Əsgər Qədimov - Tədqiqatçı və folklorşünas alim, filologiya üzrə elmlər doktoru, Naxçıvan Dövlət Universitetinin Azərbaycan dili və ədəbiyyatı kafedrasının müdiri (2020)
Aşıq Aydın Cəfərov - Tanınmış ustad aşıq və saz müəllimi
Maarif Təmkin - El şairi, Azərbaycan Yazıçılar Birliyinin üzvü
Qüdrət Cəlilov - Aşağı Qışlaq kənd orta məktəbinin müəllimi
Filmin VİDEO versiyasını aşağıda təqdim edirik:
“SAZIN, SÖZÜN SEHRİNDƏ - SƏRRAF QASIM”
(Naxçıvan Dövlət Televiziyası tərəfindən Sərraf Qasımın yaradıcılğı haqqında hazırlanmış televiziya verilişi) 01.03.2020
Naxçıvan Dövlət Televiziyasının Ədəbi-bədii verilişlər redaksiyası tərəfindən hazırlanan “SAZIN, SÖZÜN SEHRİNDƏ” adlı televiziya verilişinin 01.03.2020-ci il tarixli buraxılşı Naxçıvan ədəbi mühitinin görkəmli nümayəndəsi, çağdaş Naxçıvan aşıq məktəbinin banisi, şair və aşıq Sərraf Qasımın yaradıcılığına həsr olunmuş və efirə çıxmışdır. Bu veriliş sonradan da Naxçıvan Televiziyası vasitəsilə bir neçə dəfə təkrar şəkildə yayımlanmışdır.
Veriliş zamanı Sərraf Qasımın Naxçıvan mühitində aşıq-saz məktəbi yaratması və Naxçıvanda saz-söz sənətinin inkişafına xüsusi və əvəzsiz töhfələr verməsi barədə tamaşaçılara ətraflı məlumatlar verilmişdir. Eyni zamanda Naxçıvanlı aktyorların ifasında Sərraf Qasımın bir neçə şeiri səsləndirilmişdir. Həmçinin tanınmış Naxçıvan aşıqlarından biri olan Aşıq Aydın Cəfərov tərəfindən bir neçə saz havası ifa olunmuş və həmin saz havalarının üstündə Sərraf Qasımın şeirləri oxunmuşdur.
Verilişin VİDEO versiyasını aşağıda təqdim edirik: