Görkəmli şair Rüstəmli Sərraf Qasım Əyyub oğlunun həyatında və bədii yaradıcılığında onun dini yaradıcılığı və dini əsərləri xüsusi yer tutmuşdur. Elə buna görə də Sərraf Qasım xalq arasında "Əhli-beyt şairi" və eyni zamanda "haqq aşığı" (yəni yalnız dini şeirlər söyləyən bir aşıq) kimi tanınmışdır. Çoxsaylı dini şeirlərin müəllifi olan Sərraf Qasımın yazdığı mərsiyələr, növhələr və sinəzənlər isə əsasən fərqli tərzlər və formalarda (o cümlədən cığalı və mənsur şeirlər və bayatılar janrında) yaranmış, bununla da Sərraf Qasım Azərbaycan mərsiyə ədəbiyyatına bir çox yeniliklər gətirmişdir.

Sərraf Qasımın dini əsərlərinin böyük bir hissəsi "Sovet məfkurəsi" dövründə, İslam dinin öyrənilməsi və təbliğ edilməsinin qadağan olunduğu bir şəraitdə yaranmışdır. Buna görə də onun bu əsərləri hər zaman maraqla qarşılanmış və böyük əhəmiyyət kəsb etmişdir. Tədqiqatçılar tərəfindən Sərraf Qasımın həmin dövrdə Azərbaycan şairləri arasında ən zəngin dini yaradıcılığa və mərsiyə yaradıcılığına malik olan bir şair olduğu müəyyən edilmişdir.

Abid, arif və mömin insanlara xas bir şəkildə həyat tərzi yaşamış Sərraf Qasımın indiyədək dini əsərlərdən və əsasən də mərsiyələrdən ibarət olan “Hüseyn matəminə qərq olanlar gəlsin” adlı 570 səhifəlik bir kitabı çap olunmuşdur. Buna baxmayaraq, Sərraf Qasımın dini əsərlərinin böyük bir hissəsi hələ də çap olunmamış vəziyyətdə qalmışdır.

* * * * * * * * * * *

Sərraf Qasımın dini yaradıcılığı və dini əsərləri aşağıdakı qaydada üç hissədən ibarətdir:

* Dini şeirlər; Daha ətraflı >>

* Mərsiyələr, növhələr və sinəzənlər (KİTAB); Daha ətraflı - (PDF) >>

* Dini mövzular üzərində qurulmuş dastanlar və poemalar; Daha ətraflı >>

* * * * * * * * * * *

DİQQƏT: Hazırda Sərraf Qasımın dini şeirlər və əsərlərinin kiçik bir hissəsi sayta yerləşdirilmişdir. Sərraf Qasımın digər dini şeirlər və əsərləri isə gələcəkdə hazır vəziyyətə gətirildikdən sonra sayta yerləşdiriləcəkdir.

* * * * * * * * * * *