Guia didáctica

1. Xustificación:

Esta actividade está pensada para introducir, de xeito guiado, ao alumnado de 3º de Primaria na adquisición das competencias necesarias para a búsqueda, manexo e comunicación da información atopada en internet. A elección do tema ten relación cos contidos curriculares das áreas de lingua e ciencias sociais e coas conmemoracións escolares que xiran arredor do libro.

É unha actividade creada principalmente para que o alumnado traballe de forma individual, en canto se refiere a búsqueda de información, e de forma colaborativa na elaboración do producto final. Esto non quere dicir que non se poida tamén traballar en pequenos grupos.

2. Nivel:

• 3º de Educación Primaria

3. Áreas implicadas:

• Ciencias Socias
• Linguas
• Plástica

4.- Obxectivos:

• Recoñecer e valorar a importancia do libro e da lectura para conservar e transmitir a nosa cultura.
• Espertar e consolidar o interese do noso alumnado pola lectura como elemento de disfrute.
• Desenvolver a imaxinación e a creatividade do noso alumnado á hora de crear os seus propios textos literarios.
• Coñecer algúns escritores relevantes da literatura nacional e internacional.
• Coñecer algunhas das conmemoracións que teñen como eixe central o libro e a lectura
• Buscar e seleccionar información atopada en Internet.
• Elaborar textos literarios de forma colaborativa empregando as TIC

5.-Contidos:

• A escritura e o libro en diferentes épocas da historia.
• Conmemoracións escolares que se celebran no mes de abril relacionadas co libro e a lectura.
• Autores relacionados con estas conmemoracións: Hans Christian Andersen, Shakespeare, Miguel de Cervantes e Garcilaso de la Vega
• Búsqueda e selección de información na web
• Elaboración de traballos empregando as TIC

6. Temporalización:

• A modo orientativo e dependendo das características do grupo de alumnos de 8 a 10 sesións.

7. Recursos:

• Páxinas web proporcionadas ao alumnado
• Aula de informática do centro
• Os materiais necesarios para a realización do traballo requerido.