Vuohčču
Vuohčču- Suoma lulimus sámegilli
Soađegilis sullii 90 km davás. Kakslauttanen ja Tankavári lahkosis.
Ássit 303 (sistisdoallá Burdnomohki)
Soađegili gieldda gilli, gos olmmošlohku lassána.
Dovddus vuohččulaččat: Erkki Hetta (Reutu), Eero Magga, Andreas Alariesto, SomBy, Ravggon, Martti Hetta (Kuru-Martti), Tiina Aikio, Tuula-Maija Magga-Hetta, Olli Magga, Pekka Aikio.
Eanaš oassi vuohččulaččain leat badjedilis. Guovllus lea nana boazodoallokultuvra, man ruohttasat leat guhkkin historjjás.
Vuohču historjá
Vuohčču dehege guhkes jeaggi.
Gili olmmošlohku lassánišgođii Lokka ja Porttipahta dahkujávrriid huksema maŋŋá 1960-logus, goas jávrriid vuollái báhce oassi guovllu boares giliin; Gurojávri, Mutenia, Korvanen ja Riesto.
Mohkkás Riestojohka ja Tankajohka leat leamaš dehálaš johtolagat dolin. Historjjálaš luodda gitta Jiekŋamerrii, Ruijabálggis, johtá Vuohču beaggán duoddariid, Náttáš-duoddariid badjel.
Boares kárttáin Vuohču guovlu lea merkejuvvon namain Sompio-By.
