Cristagl Péz Regina

Il cristagl gigant ei turnaus a Lumbrein

Ils 27 d'october 2009 ha la Pro Lumerins suttascret il contract da cumpra per il cristagl dil Péz Regina.

Grazia al grond sustegn dalla vischnaunca da Lumbrein mo era da tuttas ulteriuras vischnauncas lumnezianas eis ei reussiu alla Pro Lumerins da recaltgar la gronda part dalla summa da cumpra.

Suenter ch'il cristagl gigant ei staus exponius en differnts loghens naven da Glion tochen el Giapun eis el ussa turnaus ella Val Lumnezia. Dapi Daniev 2011 ei il cristagl dil Péz Regina exponius en casa da scola a Lumbrein. Per igl avegnir ha la Pro Lumerins formulau ina visiun che preveda in spazi per plazzar il cristagl a Sietschen/Tumbas ed integrar quel ella senda mitologica che duei manar atras l'entira Val Lumnezia.

Cun la fusiun dallas vischnauncas Lumnezianas il 2012 ein ina nova opziun sedada.

L' anteriura casa communala da Lumbrein ei vegnida instituida sco nova casa da cultura per la nova vischnaunca Lumnezia cul num Casa d' Angel. Igl anteriur tschalèr e pli tard archiv da vischnaunca ei vegnius modificaus architectonicamein sco cuvel per il Cristagl dil Péz Regina.

Exposiziun:

Tenor indicaziuns CULTURA EN LUMNEZIA

Giudas Cristagl:

Mintgamei la mesjamna allas 17:00 (unviern) ni allas 18:30 (stad) tenor annunzia tier Lumnezia Turissem

Pressa:

26-04-2011, Riesen-Bergkristall ab Sommer ausgestellt

14-01-2011, Il cristagl ei turnaus

11-12-2009, Il cristagl tuorna al pei dil Péz Regina

Contribuziuns per il cristagl:

Per finanziar la summa restonta per il cristagl ei la Pro Lumerins avisada sin ulteriur sustegn.

Contribuiziuns san vegnidas transferidas sil conto dall' uniun en favur dil cristagl:

PRO LUMERINS

Uniun da cultura Lumbrein

7148 Lumbrein

Conto: 92-697174-4 ("Project Cristagl") tier postfinance

Afons Derungs cul cristagl gigant dil Péz Regina

Foto: Thomas Schüpch

Elmar Collenberg, Ramun Capaul, Alfons Derungs e Gian Derungs cul contract