مسرحيات واسكتشات مسيحيه جديده

بسم الاب والابن والروح القدس اله واحد امين

تأليف : باسم كمال

مسرحيه كوميديه هادفة / اعطو تعطو

بسم الاب والابن والروح القدس الاله الواحد امين

اسكتش / اعـــطــو تــعــطــو

الادوار :-

الام : ميرولا / الاب : عادل

البنت : انجي / الابن : باسم

(المشهد الاول : تظهر الام ثم انجي)

الام : انجي يابنت انتي فين

انجي: ايه ياماما انا هنا

الام: طيب خدي اما اقولك تعالي هنا

انجي : قولي ياماما قولي انتي زي اختي متخافيش

الام: ادخلي جهزي الاكل زمان اخوكي وابوكي جاي

انجي: هوا علي طول كده انجي انجي

(وتذهب ناحيه المسرح ) ياماما

الام : نعم // انجي : عايزه 300 جنيه اجيب لبس

الام : بتقولي ايه يامقصوفه الرقبه

انجي : لا ابداا ياست الكل بقولك عايزه 3 جنيه اجيب شويبس

(يظهر عادل)

عادل: مساء الخير

الام: مساء النور يا ابو باسم يعني راجع بدري من الشغل

انجي : اه صحيح انت تعبان ولا ايه يابابا

الام: امشي يابت اخرجي برا شوفي اخوكي فين

انجي : حاضر اهو نازله ياساااتر

عادل: النهارده خلصت بدري وقبضت كمان

الام: يعني هانجيب فراخ النهارده

(يظهر باسم وف ايده 3 كتب)

باسم: مساء الخير : ازيك يابا

الام والاب: مساء النور

(ويدخل باسم الحمام)

عادل: مين في الحمام

باسم: انا ياعم انا

عادل: بتعمل ايه في الحمام

باسم: بصطاد سمك (ويخرج من الحمام)

باسم :(للام) سخنتي الميه ..انا عايز اتشطف

الام: طيب مش كنت تقول قبل ما اغسل الهدووم

باسم: طيب وانا هالبس ايه لواقتي

الام: البس اي حاجه من الدولاب

باسم : بجد مش عارف اشكرك ازاي

تصدقي من غيرك كنت هالبس من التلاجه

عادل: ماتتكلم كويس مع والدتك

باسم : حاضر..ايه انا كنت سامع حد بيقول فراخ

عادل: انت ايه اللي قومك من قدام المذاكره

باسم : يعني هيا المذاكره هاتطير

عادل: خد تعالي هنا ايه ريحيه السجاير دي انت بتدخن !!

باسم : اه بدخن القميص جوا البنطلون

عادل: انت بتهرج

باسم: وساعات بهرج القميص برا

عادل: (يمسكه) ايه الريحه دي هاه

باسم: ده ده تلاقي الواد طفاشه زميلي ما انت عارفه بيشرب

سجاير

عادل: كام مره اقولك ماتمشيش مع طفاشه هاه يا ابني يا ابني

الواد طفاشه ده بتاع بنات وبيشرب سجاير وهايضيعك

باسم : هوا انا جنيه يابا هايضيعني

عادل: امشي غور من قدامي علي اوضتك

الام : تستاهل عشان مش بتسمع الكلام

الاب:طيب بقولك ايه تعالي نروح السوق عشان

نجيب شويه حاجات كده

(وينزلو وباسم قاعد يزاكر وحواليه الكتب وتظهر انجي)

انجي : الله هالله

باسم: اهلا يا اختي شرفتي

انجي: (تمسك الكتاب – عامل ايه في الماده دي ؟

باسم: لا دي كلها حفظ وانا مابعرفش احفظ

انجي : طيب والماده التاني دي ؟

باسم : دي كلها فهم وانا مابفهمشي

انجي : فايق انت ورايق وامك بتزعقلي

باسم: ياستي ماتزعليش كل مشكله وليها معلش

انجي : كل حاجه انجي انجي

باسم: بصي انتي ممكن تكسبي اي انسان بكلمه حلوه

الا امك متكسبيهاش الا لو غسلتيلها المواعين

انجي: تصدق صح // المهم ذاكرت ايه

باسم: ماذاكرتش / يعني لما تذاكري سنه بحالها

عشان امتحان ساعه ونص يبقا فين كرامتك لامؤخذه

انجي:متشائم ليه فين احلامك الجميله راحت فين

باسم: عند ام لطفي اللي بتنور وتطفي

انجي: مش هاتبطل اسنفزاز بقي

باسم: لا / انجي : علي فكره انا جبت اخري

باسم : جبتيه بكاااام / انجي : وانت بتذاكر ازاي بقا يافالح

باسم:بفرد الكتب حواليا / انجي : وبعدين

باسم : بلمهم تاني وانام

انجي : يا ابني ركز عشان تنجح

باسم : انا مستعد اعمل اي حاجه عشان انجح

انجي : طيب ما تذاكر ( باسم : لا مش للدرجادي يعني

انجي : ازاي يعني

باسم: ماتحاوليش تفهمي كل حاجه عشان النور الزياده بيعمي

(تظهر الام وبيدها شنطه)

الام : تعالي يابت امسكي مني

انجي: حاضر ياستي

الام: وانت ذاكرت ولا لا

باسم: ذاكرت اه اه ذاكرت ههههه جبتي ايه معاكي

الام: مابتروحش الكنيسه ليه كام مره الاخ رمزي يجيلك

باسم: ما انا بصلي في البيت

الام: بس لازم تروح عشان تشكر ربنا وتقدمله العطا

زي ما بيرزقك ومحافظ عليك

باسم :العطا اه ما انا اما بروح بدفع عطا كتير

بتاع 3 مرات احضرهم ورا بعض

الام: وهوا انت فاكر ان ربنا محتاج عطاياك ولا مستني

الكام جنيه اللي بتدفعهم في الكنيسه

انجي : ما انتي كمان ياماما كل شويه العطا العطا

ما احنا بندفع كتير برضو

الام: بس انتو بتدو من اللي فايض منكم مش من قلبكم

باسم:انا مش فاهم !! يعني انتي عاوزه تقولي اني اعطي

للرب واسيب المشاكل اللي عندي وماساعدش ابويا

الام : لا طبعا بس اعمل زي الارمه اللي في سفر (مرقس 12 :41) لما قدمت العطا ماكنش معاها غير فلسين وقدمتهم

مع ان دول كانو كل اللي حيلتها .بس ربنا عوضها

انجي : يعني لما ندفع العطا ندفع كل فلوسنا ولا ايه

الام: لا طبعا يا اولاد ..بس لما تقدموالعطا تقدموه بحب وفرح

لان العطا ذبيحه مش مجرد روتين بنعمله

وفي ايه بتقول (المعطي المسرور يحبه الرب /والرب هايكرمكم ويحل كل مشاكلكم

باسم: طيب اشمعنا العطا يعني

الام: العطا مش لازم يبقي فلوس خدمتي للرب عطا لما أدي وقتي للرب أو أدي حنان لحد محتاج لحنان أو أدي لبس قديم عندي لحد محتاج او اشكر ربنا واساعد اي حد فقير كل ده عطا حتي لما اكلم الناس عن الكنيسه واشجعهم يحضرو كل ده عطا

انجي : انا كنت فاهمه غير كده خاالص

الام: ربنا مش محتاج ل عطايانا بس من عطايانا بيعرف

ان احنا بنحبه ولا لا /واتاكدو ان ربنا بيعوض في حاجات كتير

باسم: انا ماكنتش فاهم كده خاالص ..بس اوعدك هاروح الكنيسه علي طول وادفع العطا كمان

الام: وانتو كمان لازم تعرفو ان ربنا بيحبكم ومحتاج انكم تقربو اكتر واكتر منه وتتعمقه فيه وخليكم فاكرين ان العطا مش عطا فلوس ...العطا عطا وقتي للرب خدمتي للرب تعبي من اجل الرب

اني اساعد حد محتاج / اطبطب علي حد مكسور

اشكر ربنا / اجيب ناس للكنيسه / احب غيري

كل ده عطا . وربنا بيعوض وتعويض ربنا مافيش زييه

انجي : وهكذا قال الرب : اعطو تعطو /وشكرا

(وتنتهي المسرحيه – تأليف // ابــن الــمــلــكـ)

باسم كمال

مسرحيه صديق وحبيبه 2018

مسرحيه / صديق وحبيبه

(الادوار)

( 1) باسم

(2) رمسيس

(3) نورا

(4) الظابط

(5) المسيح

نورا:انا بنت حلوه واموره وباخد دروسي وشطوره

واستاهل حد احسن من رمسيس بكتير..وباسم بكتير

بس انا لازم العب عليهم لعبه واضحك عليهم ..يلا بقا اروح اجهز هاعمل ايه...

(يظهر رمسيس وباسم)

رمسيس:ازيك ياباسم )_ باسم:تمام كويس .

رمسيس:واخبارك ايه )_باسم:تمام نشكر ربنا

رمسيس:يعني تمام )_باسم: طيب ثواني يقا

رمسيس:رايح فين

باسم:(بغضب)هاروح اجيبلك حد من الشارع يشهد اني كويس ..سالتني 100 مره ..انت كويس ..عامل ايه

رمسيس :معلش اصل انا متكهرب شويه

باسم:شويه بس ده انت مشحون علي الاخر

رمسيس:ياجدع مش بيقولك الصاحب الجدع مالوش مرتجع

باسم :يا اخي يا اخي انا نفسي مره تصلي وتسيبك من كلام الشوارع ده

رمسيس:(تليفونه يرن ويشاورعليه ويقول) وانا نفسي مره واحده تاخد بالك من ده.... الو الو ..ايه ياقلبي وحشتيني..طيب انتي فين ..ايه طيب انا جايلك حالا(وينزل)

باسم:(بأستغراب) هوا ايه الواد ده ..يمشي كده من غير لا سلام ولا كلام ..امال ايه الصاحب المرتجع مالوش جدع اللي كان بيقول عليها دي ومحسسني انه مصاحب بنطلون وتيشرت ..يلا اما اقوم اروح الكنيسه

(وينزل ويظهر رمسيس ومرمر)

رمسيس:بقولك ايه اوعي باسم يعرف ان احنا بنتقابل نورا:لا ماتخفش ..ده لو عرف ان احنا عاملين علاقه مع بعض ممكن يموتنا فيها

رمسيس:اصل باسم مش كويس..وعامل نفسه بيحبك

نورا:لا طبعا باسم مش كده خالص ..انت بتقول ايه

رمسيس:ده صاحبي وانا عارفه ...عاملي فيها قسيس وهوا من ..برا دين ومن جوه طين ..اساليني انا

نورا:بس باسم غير كده ومحترم وكل الناس بتحبه

رمسيس: هوا لازم يبقي كده قدام الناس ...عشان لو اتقدم ل اي بنت توافق عليه ...ده اصلا بتاع بنات

نورا:تصدق عندك حق طيب ماشي امال عامل فيها بيحبني انا ليه

رمسيس: هوا كده بيبين لكل الناس انه حلو وجدع

نورا:(تليفونها يرن )ايوه ياماما لا لا انا جايه حالا

..طيب انا هامشي عشان ماما

رمسيس:طيب يلا اتمشي معاكي شويه

(وينزلو ويظهر باسم ومرمر)

نورا: زمان باسم جاي ..اما اجهز نفسي(وتبص في المرايه)

باسم: ازيك يانورا )_ نورا: تمام كويسه وانت

باسم:انتي كنتي فين عمال ارن عليكي ومابترديش

مرمر:معلش اصل ماما كانت جنبي.واديني جيت

باسم:ياشيخه خضتيني عليكي (بأبتسامه) وبعدين انتي عارفه انتي عندي ايه

مرمر: طيب ما انت كمان عارف انت عندي ايه ...ده انا حتي بطلت اكلم ناس كتير زي مابتقولي

باسم:عشان كده عارفه يامرمر لو لفيت العالم كله

مرمر:(تقاطعه بابتهاج) اممممممم

باسم : رجلي هاتوجعني

مرمر:رجلك هاتوجعك ..امممم هيا امتحاناتك امتي

باسم:يوووه..فكرتيني هيا الورقه كانت هنا (ويدور حواليه) هيا راحت فين دي فيها التاريخ

نورا:خلاص خلاص ابقي كلم حد من صحابك

باسم:هيا عمتا الامتحانات علي الابواب

نورا:(بهزار)علي الابواب ولا علي الشبابيك

باسم: هيهيهيهيهيهي ..لا علي الابواب

نورا:طيب لو مزاكر قوم افتحلها

باسم(يتخض ويقوم من مكانه) هيا مين

نورا: ههههه الامتحانات

باسم:ياشيخه خضتيني افتكر امك جت

.انا نفسي مره تيجي الكنيسه وتصلي وتسيبك من جو الرعب والهلوسه بتاعتك دي

نورا:انت بتقولي انا كده ..اهو انت بتروح الكنيسه وعامل فيها بتصلي بس صوره قدام الناس

باسم:لا طبعا مين قالك كده ..انا كده برضو يانورا

نورا:وانت لو مش كده ازاي بتصلي وتروح الكنيسه ومرتبط بيا.

باسم:(بتوتر)عشان انا ما اقدرش ابعد عنك خالص وانتي عارف بكل حاجه

نورا: لا بس المفروض ما ادام بتصلي ماتعملش حاجه زي كده

باسم:ده مش غلط بس انا ما اقدرش ابعد عنك لانك غاليه عليا ...وبعدين ان شاكك انك عاوزه تسيبيني

نورا: لا طبعا ..ده انا حتي مش بروح الكنيسه عشان مشغوله بيك علي طول

باسم:يعني انتي عاوزه تفهميني انك حتي لو رحتي الكنيسه في الصلاه والترانيم بتبقي بتفكري فيا انا

نورا: اه طبعا عشان كده مش برضا اروح

باسم:هيهيهيهيههي تصدقي يابت ابتديت احبك

نورا:اه طبعا امال انت فاكر ايه يابسبوستي(وتليفونها يرن) يانهاااار اسوود

باسم:ايه يابت البيت ملغم ولا ايه

نورا: لا ماما بترن(وترد ع التليفون) ايوه ياماما

طيب انا جايه جايه (وتنزل)

باسم:نورا ...نورا ..حتي انتي كمان من غير لا سلام ولا كلام..يلا اما اروح اشوف الامتحانات

(وينزل ويظهر رمسيس ونورا)

رمسيس: ماشي يانورا كل ده تاخير واما بكلمك تقوليلي جايه ياماما ماشي

نورا(تظهر) معلش اصل الزفت باسم زنق عليا في الكلام وكنت خايفه لا يعرف ان احنا مرتبطين

رمسيس:(بخوف)اوعي يكون عرف حاجه

نورا:لا ماتخفش ده انا نورا الاموره ولا نسيت

رمسيس:طيب بقولك ايه ماتيجي نخرج شويه

نورا:اوك يلا بينا (وينزلو ويظهر باسم)

باسم:ياااه الامتحانات قرب اووي ..والمدير الرخم ده كمان عاملي فيها استاذ فلسفه (ويرن تليفونه)

الو..الو ...ايوه انا باسم الجمال ..انت مين

(صوت من تحت المسرح) مش لازم تعرف

المهم الي انت فاكره صاحبك وحبيبك مقضيها مع نورا

باسم:(باندهاش) انت بتقول ايه ..انطق

صوت: زي مابقولك كده دول بيحبو بعض ومرتبطين وماكلينك البسبوسه وانت مش قادر تحدد طعمها

باسم:طيب ماتقول القلاشه احسن من كده

صوت:ده عشان التجديد ...المهم لو مزش مصدقني هما عند البيت القديم

باسم: اه عارفه ...بس عارف لو طلع كلامك غلط هايكون اخر يوم في عمرك..ولو كلامك صح هايكون اخر يوم في عمرهم(وتنتهي المكالمه)

انا مش مصدق رمسيس يبيعني انا ولا نورا هيا كمان معقوله تكون عامله نفسها بتحبني .

لا لازم اروح اشوف ايه الحكايه

(وينزل ويظهر رمسيس ونورا)

رمسيس:اما كانت خروجه جامده بعيد عن وش باسم

نورا:خلاص بقا ماتفكرنيش بالزفت ده

(ويظهر باسم وهوا يجري ومصدوم.. وهما يتفاجئو)

باسم:معقوله رمسيس ونورا مع بعض

رمسيس:(بخوف) انا انا..اه انا

باسم(بصوت عاالي) انت ايه .هه انت ايه انت يارمسيس تبيعني ومع مين.. مع البنت الي انت عارف اني بحبها ومرتبط بيها ..كده تبيعني وانا الي كنت فاكرك صاحبي وأمنتك علي بيتي وكل اسراري ..تقوم تعمل فيا كده

هوا انا عملت معاك ايه عشان تعمل فيا كده

رمسيس: باسم انا

باسم:انت تخرس خالص

نورا:ياباسم استني افهمك

باسم: تفهميني ايه وزفت ايه ..انا فهمت كل حاجه

وياريتني ماعرفت..انتي يانورا هوا(باستهزاء) ده الي ماما بترن عليا .).وانا الي كنت فاكرك بتحبيني وبتخافي عليا

زي مابتقولي لاكن بالعكس انت بتلعبي بيا ..انا عملت ايه معاكي وحش عشان تبعيني انتي كمان

نورا:انت الي اناني وعاملي فيها قسيس ومش بتحب غير نفسك وعامل فيها الكبير

رمسيس:(بتوتر) باسم انا ماليش دعوه ..ده هيا الي خلتني ابيعك صدقني

نورا:انت بتقول ايه ..اش حال ماكنتش انت الي اتفقت معايا عليه ..تصدق انك ماعندكش نخوه

باسم:بس بس كفايه ..انتو الي اتنين اوحش من بعض ..انتولازم تموتو(ويمسك في رمسيس ويموته ونورا تجري وتقول...لااااااا)

باسم:(بحزن)ليه كده يارمسيس ليه ليه عملت فيا وف نفسك كده ...اقوم اخبيه بدال ما حد ييجي

(ويركنه علي جنب ويغطيه بملايه ويظهر المسيح)

المسيح:ليه عملت كده ياباسم

باسم:(بخوف) انت مين ..مين

المسيح: هيا دي وصايايا الي علمتهالك وسيبتهاالك علي الارض هيا دي المحبه والتسامح ل اخواتك

باسم:سامحني يارب ..انا ماقدرتش اتحمل ..هوا الي اطرني اعمل كده

المسيح:ليه ما قدرتش ..امال كنت بتروح الكنيسه وبتصلي بين الناس ازااي

(ويظهر فجأه الظابط)

الظابط:مساء الخير ...(ويشوف رمسيس ميت) ايه ده ..مين فيكم الي قتل الراجل ده

باسم:(بتوتر وقلق) انا انا ..انا ماقتلتش حد ..ده ده انا حتي ماعرفوش

المسيح:ورجعت انكرت زي بطرس زمان ياباسم ...انا الي قتلته ياحضره الظابط

الظابط:قدامي علي النيابه يامتهم

باسم:(بندم) معقوله يارب تيجي تشيل همومي وخطيايا ..وتتسجن مكاني ...سامحني يارب سامحني انا ندمان .معقوله يارب تتصلب عشاني وتاخد مكاني وتيجي تاني تتسجن مكاني ..سامحني يارب انا خاطي سامحني يارب .....والخ

(وتنتهي المسرحيه) (تاليف / باسم كمال)


مسرحيه الكذب مالوش رجلين 2018

† مسرحيه // الكذب مالوش رجلين

† الادوار :

† (1) مجدي ..استاذ

† (2) عادل .. طالب

† (3) مينا .. طالب

† (4) نورا .. طالبه

† (5) القس

† (6) المدير

† (يظهر كل من عادل.مينا.نورا)

† عادل:يووه جينا للمدارس والدوشه تاني .

† مينا: ما كنا مرتاحين .امتي نخلص بقا .

† نورا: هاتخلصو دلواقتي وهاتقولو ياريتنا ما خلصنا .وهاتموتو عشان ترجعو يوم واحد تاني بس فيها

† عادل : بس نخلص بس

† مينا: طيب احنا أتاخرنا علي المدرسه يلا بينا ..عشان الامتحان اول حصه

† عادل: ياعم احنا نفطر الاول وابقا نقول للاستاذ مجدي العربيه عطلت بينا

† نورا: عندك حق ..يعني الامتحان هايطير

† مينا: طيب يلا حتي نجيب من عند المرحوم الي هناك ده

† نورا: طيب يلا ياعم الميت

† وينزلو..ويظهر مجدي

† مجدي:... يبان انه بيمسح الصبوره حتي يظهرو الطلاب .

† مينا/عادل/نورا : صباح الخير يامستر مجدي

† مجدي: صباح الفشل صباح الوكسه ..انتو جايين بعد الامتحان ماخلص

† مينا: بخوف ورعبه ويمسك مجدي : اسكت يا استاذ مش واحنا جايين العربيه عطلت وكنا هانموت

† عادل: اه وفضلنا قاعدين مستنين لحد ما العربيه اتصلحت

† مجدي : طيب خلاص خلاص انا هاعيدلكم الامتحان الاسبوع الجاي يلا روحو (وينزلو )

† مجدي: انا هاعرف لو كنتو بتكدبو عليا ولا لا...ويقطع 3 ورقات ويقرا وهوا بيكتب

† العربيه عطلت الساعه كام !

† طلعت من البيت الساعه كام !

† في انهي مكان بالتحديد عطلت العربيه !

† (وينزل ..ويظهرو الطلاب)

† مينا: يعني احنا نيجي بدري الاستاذ يتاخر

† عادل: عندك حق ده استاذ مجنون

† نورا: بس بس خلاص هوا جاي اهو

† مجدي: صباح الخير

† الطلاب: صباح النور يامستر

† مجدي: يلا بقا عشان الامتحان ..مينا اقعد هناك ..عادل اقعد هناك ..نورا اقعدي هنا..اي حد منكم هايبص علي التاني هاسحب من ورقه الامتحان وهاسقطه .ويوزع عليهم ورق الامتحان

† مينا: يستغرب ويبص وراه

† مجدي: تعال يامينا هات الورقه دي .. انت كده سقط في الامتحان ...اقف هنا

† نورا: طيب انا هاكتب ايه دلواقتي

† خايفه اكتب حاجه وعادل يكتب حاجه تانيه

† والاستاذ يعرف ان احنا كدبنا عليه ..ولو بصيت علي مينا افهمه الاستاذ هياخد الورقه ويسقطني زي مينا

† عادل: وانا هاعمل ايه لو كتبت ميعاد ..اخاف نورا تكتب غيره ونسقط والاستاذ يعرف ان احنا كدبنا عليه

† مجدي : (بعد 1 دقيقه) ها خلصتو ..

† مينا / نورا : (حاله استغراب) اه خلصنا

† مجدي: يبص في الورقتين...هههه هههههه

† ورقه مينا ..طلعت من البيت الساعه 7

† العربيه عطلت الساعه 7,5

† وعطلت بالتحديد عند الكبري الكبير ...

† ورقه نورا..طلعت من البيت الساعه 7,5

† العربيه عطلت الساعه 8,5

† وعطلت بالتحديد عند كنيسه العدرا

† مينا / نورا : يبصو لبعض باستغراب

† مجدي:برافو احب اقولكم انتو ساقطين

† الطلاب : (يا استاذ احنا)

† مجدي: انتو ايه ..انتو كدابين كل واحد وواحده كاتب مواعيد غير التاني ..علي اساس انكم ماكنتوش جايين مع بعض

† مينا: بس يا استاذ ..

† مجدي: شوفتو اخره الكدب ايه ..لو كننتو قولتولي الحقيقه كنت عذرتكم ..يلا مع السلامه....(وينزل)

† مينا : طيب هانعمل ايه دلواقتي

† نورا: ولا حاجه ادينا سقطنا ..

† مينا:منكو لربنا عشان انا ماكنتش هاتبعكم ..حلو كده ادينا سقطنا

† نورا: خلاص وانت حد قالك تبعنا ..ادينا سقطنا كلنا

† مينا: طيب خلاص خلينا نشوف شغلنا ..

† عادل: ده في اجتماع المدير عامله في الشركه النهارده .ولازم نبقي موجودين

† نورا: اه صح يبقي لازم نروح عشان الشغل

† عادل: طيب مايلا عشان المدير ده مابحبهوش ..وشايف نفسه كده

† (وتغلق المصابيح وتفتح ثانيتا )

† نورا: ادي ياعم عادل بقالنا ساعه ملطوعين والمدير لسه ماجاش

† (يظهر المدير .. وعندما يقول مساء الخير .يقفو الطلاب)

† المدير : مساء الخير

† مينا / عادل / نورا : مساء النور ياباشا

† المدير : كويس انكم جيتو قبل اجتماع الشركه مايبداء ..

† مينا : اه طبعا ياباشا

† المدير : طيب انا هاوزع عليكم كل واحد بزره فاصوليا ..تاخدوها وتزرعوها .والي هاتبقي زرعته احسن من التاني هياخد جايزه من الشركه

† عادل : طيب وهانزرعها في ايه ..ودي هاتشرب ميه عاديه ولا ميه معدنيه

† نورا: هانزرعها في برطمنات بلاستيك .. فهمت

† المدير : برافو يانورا ..عايز تقول حاجه يامينا

† مينا : لا ولا حاجه ياباشا

† عادل : انا عايز اقول حاجه المدير : قول ياعادل

† عادل: دلواقتي ياباشا انا عندي استفسار ..الزرعه دي هاتشرب ميه سخنه ولا ميه ساقعه

† المدير : انا مش هارد عليك عامتا ...يلا مع السلامه .ماتنسوش الاجتماع الجاي بعد 15 يوم ..(وينزل)

† عادل: نورا....نورا نورا: عايز ايه

† عادل : هانزرعها ازاي دي نورا: ماتعولش هم انا هازرعهم

† عادل : وانت يامينا هاتزرع معانا ولا لا

† مينا : لا ياعم انا هازرعها انا طلعت حلوه ليا طلعت وحشه ليا

† نورا: البذور دي بايظه ومش هاتطلع عادل: طيب هانعمل ايه

† نورا: لازم نجيب غيرها عشان ناخد الجايزه عادل : اه طيب

† (ويغلق الستار حتي يزرعو البذور.ثم يفتح ويظهر المدير)

† المدير: صباح الخير

† مينا: صباح النور يا باشا

† المدير : ها كل واحد يورني زرعته

† نورا: اتفضل ياباشا .. عادل : اتفضل ياباشا

† المدير : ها وانت يامينا ... مينا:اتفضل ياباشا

† المدير: ايه ده يامينا ..يعني مافيش حاجه مزروعه

† مينا: لا ياباشا انا زرعتها وهيا الي ماطلعتش .وحاولت تاني ومانفعتش

† المدير: احييك يامينا عشان صدقك ده انا هاعينك نائب مدير الشركه بدال ماكونت عامل ..

† نورا / عادل : حاله استغراب ..

† عادل: طيب واحنا ياباشا احنا زرعناها وطلعت اهيه

† نورا:ايوه ياباشا وتعبنا كمان

† المدير: انتو كدابين ..واشتريتو غير البذور الي اديتهالكم وزرعتوها ..

† البذور الي اديتهالكم كانت مطبوخه ومستحيل تزرع وتطلع ..

† .مافيش غير مينا هوا الي صدق فيكم ..وهايبقي النائب بتاعي ..

† وانتو يلا مع السلامه ...مش عايز اشوف وشكم تاني (وينزلو)

† مينا: معلش سامحهم اديهم فرصه تانيه

† المدير: يلا بس احنا عشان ورانا شغل كتير

† (وينزلو ويظهر عادل ونورا)

† نورا: هوا ايه الي بيحصل ده انا مش فاهمه حاجه

† عادل: سقطنا في المدرسه وفشلنا في الشغل ..وخسرنا حاجات كتير

† (ويظهر مينا) مينا: طيب يلا عشان نروح الكنيسه نسمع الوعظه

† نورا: يلا عشان القسيس سال علينا

† (وينزلو ويظهر القس ثم ..الطلاب)

† القس :بسم الاب والابن والروح القدس الاله الواحد امين

† مينا / عادل /نورا : ازيك يا ابونا

† القس: اهلا اهلا اتفضلو يا اولاد

† هانتكلم في الاسبوع الجاي عن موضوع الكذب ..اتمني انكم تكونو حاضرين

† مينا: اكيد يا ابونا هانحضر

† القس : طيب اتمني كمان انكم تقرو في انجيل مرقس الاصحاح السابع عشر عشان تبقو فاهمين الموضوع الي هانتكلم فيه

† عادل : حاضر ياابونا

† القس : طيب يلا يا اولاد عشان متأخروش..

† ويقفو بجانب المسرح حتي ينزل القس ويجلسو

† عادل: وبعدين طيب عدي اسبوع والاجتماع في الكنيسه النهارده وانا ما قارتش حاجه زي ما قال ابونا ..

† نورا : ياعم هوا مش الموضوع عن الكذب لو سالنا هانبقي نقوله اي مقولتين عن الكذب وخلاص

† مينا : لا انا مش هاكدب تاني ..واقول الي عملته

† القس: ازيكم يا اولاد

† مينا / عادل / نورا : كويسين يا ابونا

† القس: الوعظه النهارده عن الكذب ..مين قرا الاصحاح السابع عشر في انجيل مرقس

† عادل .. نورا ..يرفعو ايديهم

† القس:قول ياعادل

† عادل: استفدت منه ان الصدق ينجي عن الكذب

† نورا: و ان الكذب خطيه ومن ضمن الوصايا العشره

† القس: وانت يا مينا ..ما قرتش ليه

† مينا: با ابونا مافيش في انجيل مرقس الاصحاح السابع عشر

† القس : برافو عليك يا مينا انت هاتبقي المثالي ..

† عادل/ نورا : يبصو لبعض باستغراب

† القس: نورا ولما انتي عارفه ان الكذب خطيه ومن ضمن الوصايا العشر بتكدبي ليه

† ..وانت ياعادل .لما انت عارف ان الصدق ينجي عن الكذب كدبت ليه

† نورا : يا ابونا ازاي

† القس ازاي ايه ..مافيش الاصحاح السابع عشر في انجيل مرقس

† حتي في الكنيسه بتكذبو ..لازم تعرفو ان الكذب مالوش رجلين

† عادل: بس دي كذبه بيضاء يعني دي مش كدبه

† القس: ماافيش حاجه اسمها كذبه بيضاء او كذبه سوداء

† مافيش ولا ايه في الكتاب المقدس عن الكذبه البيضاء والسوداء

† لاكن بالعكس احنا بنخدع نفسنا ونقول كذبه بيضاء عشان نداري غلطنا واحراجنا او بنحس ان احنا لو قولنا الصدق ممكن يقولو علينا اغبياء ومانعرفش حاجه او عشان ننجي نفسنا من حاجه احنا مكثوفين نقولها

† نورا: ايوه يا ابونا احنا غلطنا ..وكذبنا كذه مره قبل كده .وخسرنا حاجات كتير

† القس:وطول ما انتو بتكذبو هاتخسرو حاجات كتير واولهم ربنا

† عادل: بس احنا بنطر ان احنا نكذب عشان مانتأذيش

† القس: وهوا انتو كده متئذيتوش ..انتو سقطو في المدرسه بسبب كدبكم واترفضو من الشغل عشان الكذب ..يبقي انتو كده ماتئذيتوش

† نورا:لا اتائذينا بس احنا بنحس ان احنا لو كدبنا مش هنتحاسب علي غلطنا

† القس:حتي لو ما اتحاسبتوش علي غلطكم هنا ..خافو من حساب ربنا

† مينا:عندك حق يا ابونا ..

† القس: في ايه في (افسس 4 :25) بتقول..اطرحو الكذب عنكم وتكلمو بالصدق.

† عادل: طيب احنا بنكدب وبننرجع نندم يبقي ايه ده !!

† القس:عشان مش ممتلئين من الروح القدس

† ..والكذب مش بس في الحاجات الي بتحصل

† مينا :امال في ايه تاني يا ابونا

† القس: في المبالغه في الكلام .وعدم التدقيق في الكلام

† ان حد يكلمك في موضوع وانت تتفلسف عليه وتدخل

† في حاجات خارج عن الموضوع.عشان تبين انك فاهم كل حاجه

† عادل : طيب انا بقول انا بكدب عشان انا لسه صغير

† لاكن لما اكبر مستحيل هاكذب

† القس: الكذب زي الادمان مالوش سن معين ..

† ولازم نعالجه بالصلاه وبالايمان ...

يلا كلنا نصلي مع بعض

وانتو كمان صلو معانا

† (وتنتهي المسرحيه // تأليف // باسم كمال)

مسرحيه يوم الحساب 2018

(بسم الاب والابن والروح القدس الاله الواحد امين)

(مسرحيه : يوم الحساب)

الادوار

(1) باسم : رجل اعمل

(2) عادل : سكرتير باسم

(3) اشرف : الشحات

(4) يوسف : اخوات

(5) دميانه :

(6) انجي : اصدقاء

(7) ميرنا :

(8) المسيح :هاني

(9) الشيطان : بولس

يظهر باسم وعادل مؤخرا))

باسم : ياااه مين كان يصدق اني اوص في يوم للي انا فيه..ويبقي عندي شركات وفلوس كتيره ومشهور (يظهر عادل)

عادل: مساء الخير ياسياده اللوز

باسم:انت ايه اللي اخرك لحد دلواقتي (بنرفزه)

عادل: مافيش اصل العربيه مش راضيه تشتغل

باسم: ليه يعني

عادل:بتقول مش هشتغل غير لما اخلص دراسه

باسم: انت بتقول ايه (باستغراب)

عادل: هيا الشركه عملت ايه

باسم: ابدا ياسيدي..واحد رجع في كلامه

عادل:وعمل ايه

باسم:صدم اللي وراه

عادل:(في سره : اممم ده هايستظرف بقا

باسم:بتقول حاجه ياعادل

عادل: ههه لا لا يااه يابيه ..ده ده تلاقيه اتجنن

باسم:قولي ياعادل انت عمرك اشتريت حاجه لاهلك ولطشت الباقي

عادل: ههههه ده انا نص ثروتي من وراهم ...لا طبعا مستحيل

باسم:عارف ياعادل ... الشركه دي تعب اووي..بالي مابيرتحش لحظه

عادل: هوا انت ليه ياسياده اللوز موافقتش علي عقد شركه .. اجري ورايا

باسم: عشان شركه طماعه ... تخيل بضاعه بمليون جنيه عاوزين يشتروها بكام

عادل: بكام ياسياده اللوز

باسم : ب 6 مليون جنيه بس ..... شوف ياسيدي

عادل: يندهش .. يعني انت عاوز تفهمني ..ان بضاعه ب مليون جنيه .. شركه اجري ورايا عايزه تاخدها ب 6 مليون

باسم: اه تصور

عادل:امال لو شركه اجري قدامي كانت خدتها بكام

(يخبط الباب ... ويظهر اشرف .ويقف تحت المنبر)

عادل: اتفضل ياعم اشرف اتفضل

اشرف: اسندني ياابني ربنا يكفيك شر وجع الركب يا ابني

باسم: ايه ده مين ده ياواد ياعادل

عادل:ده عم اشرف الشحات ياسياده اللوز

اشرف: اي حاجه يابيه ربنا يعلي مراتبك

(باسم يمد ايده في جيبه ويخرج المحفظه واشرف يكمل الجمله)

..ويعمل فيك كل اللي انا عايزه

باسم: طلع الراجل المجنون ده من هنا ياعادل

اشرف: اي حاجه يابيه ..ده انا راجل غلبان وعايش تعبان ..ربنا يعليك كمان وكمان

باسم:.(يبتسم اها كده ) اشرف:وفلوسك كلها تروح للايتام

باسم:(بغضب)ايتام ايه وبتاع ايه اطلع برا

اشرف:ماتزعقش انت شكلك ماتعرفنيش كويس ..انا

كلامي زي الساعه

(باسم يبص عليه بغضب ..اممم ..واشرف يخاف)

اشرف: لا بيقدم ولا بياخر (بسخريه) ها ها ها ها ها

باسم:عادل طلع الراجل العبيط ده من هنا(ويدفعه)

اشرف: الله يسامحك يابيه ياااه..وانا اللي كنت فاكرك

(باسم يبص عليه بغضب ..امم.واشرف يخاف)

اشرف:طلعت اتاريك.هوا انا عشان فقير ومحتاج ايد تساعدني وحد يشيل عني تقول عليا عبيط

باسم: امال انت ايه .... (اشرف: مجنوون(بسخريه) ها ها ها ها ها

باسم:امشي اطلع براا خنقتني (ويدفعه ناحيه عادل)

اشرف:عيب عليك تطردني يابيه ..ده انت حتي كبير ومطلع سنان

باسم:لا وبعرف اعض كمان ....اطلع براا

(اشرف وهوا نازل يطلع عادل 100 جنيه ويديها ل اشرف)

عادل: اتفضل ياعم اشرف حاجه مش علي قد المقام

اشرف: شكرا يا ابني ...روح ربنا يجعلك من المسكاين

عادل:يعني انا مديك 100 جنيه عشان تدعيلي ولا تدعي عليا ..مساكين ايه

وانت ياباشا مش لازم تاخد كل الامور بشكل جدي

باسم: امال اخدها ازاي

عادل: خدها بشكل ستي

باسم:في اي اجتماعات النهارده

عادل: لا مافيش كل المواعيد اتأجلت

باسم:طيب خلاص خلاص ..بينا علي البيت

(وينزلو ويظهر يوسف ودميانه)

دميانه: يا ابني انت مش راضي تفهم ليه

يوسف: بس بس بلاش هبل ....بقولك ايه هيا الساعه كام

دميانه: (بنرفزه) ماعرفش

يوسف: ياااه ده معايا انا ماعرفش الا خمسه

دميانه:يايوسف يايوسف سيبك من الهزار وفكر كويس

يوسف:(بتكبر) انتي عايزاني انا انا انزل للمستوي ده

دميانه:بصراحه .. انت اللي يشوفك يفتكرك فارس في

ساحته ومايعرف انك حتي الشراب شاحته

يوسف: انا لسه عايز اخطب .واجهز في الشقه ..سيبني بقا في الحب والهوا

دميانه:وهوا الهوا ده اخرته ايه

يوسف: بيهز كمي كل العيال اتجوزو وانا لسه قاعد

جنب امي

دميانه : هزر هزر ... انا رايحه الكنيسه

يوسف: انتي علي طول كده ..الكنيسه الكنيسه..وبعدين

انتي لسه صغيره علي الكلام ده

دميانه: يا يوسف ..الكتاب المقدس بيقول .. اذكر خالقك في ايام شبابك .

يوسف:(بغضب)كنيسه ايه وبتاع ايه طيب ما انا كنت بصلي واصوم ..وكل اصحابي نجحو ودخلو كليات وانا الوحيد اللي سقطت في وسطيهم ...ومستقبلي ضاع

دميانه: مين قال ان مستقبلك ضاع محدش في ايده المستقبل غير ربنا وهو وحده اللي عارف مستقبل كل واحد فينا

يوسف: طب لما انت بتقولي مستقبلنا في ايد ربنا ليه بيتحكم فينا وفيا انا بالذات ويسقطني مع اني كنت معاه وكنت بصلي وبصوم وديماً في الكنيسة هوا ده العدل

دميانه: ربنا مكتوب عنه انه الديان العادل ..وماتسمحش لاي موقف يقلل ثقتك بربنا ..دي كلها تجارب

يوسف: انا عندي شغل ودراسه ومش فاضي زيك ...بلاش كلام فاضي

دميانه: طيب ما انا كمان عندي دراسه زيك وشغل البيت

كمان .. بس لكل شيئ تحت السما وقت ... ده انت حتي بتروح الكنيسه وعارف

يوسف:بقولك ايه انا مش فاضي ..شوفيلك حد اضحكي عليه بالكلمتين دول

دميانه: يايوسف ربنا مش بيديك حمل تقيل غير لما يديك

كتف يشيل .. ودي كلها تجارب من ابليس بيحاربك اول

باول كل ماتقرب خطوه من ربنا

يوسف:طيب ومش المفروض ربنا يساعدني اوصله

دميانه:ربنا قال .. ادعوني في وقت الضيق انقذك فتمجدني .وبرضو قال انا اخبط علي الباب واقرع من فتح ادخل واتعشي معه وهوا معي

يوسف: لا بس بس هوا لو قرب مني انا كمان هاقرب منه

دميانه: هوا انت عايز كل حاجه علي الجاهز .. يا يوسف يا اخويا ...انت عشان تخرج من المدرسه بتعمل ايه

يوسف: ودي محتاجه فكاكه ..بنط من علي السور

دميانه:قصدي عشان تتخرج تتخرج

يوسف: بذاكر طبعا واجتهد واخد دروس

دميانه:طيب وعشان تشتري ملابس لازم تعمل ايه

يوسف:لازم ارن علي مودي لحد مايطلع عيني

دميانه:طيب ومودي ده ايه دخله تشتري ملابس ولا لا

يوسف:ماهوا الي بيسوق الموتسريكل وانا اللي بخطف الهدوم

قصدي:مابهزرش..عشان تشتري اي حاجه بتعمل ايه

يوسف:بشتغل طبعا وبتعب عشان اقدر اجيب فلوس

دميانه: زي مابتتعب عشان تشتغل لازم تتعب عشان ربنا زي مابتجتهد وتنجح .لازم تجتهد عشان توصل لربنا .زي مابتخاد حقك من الدنيا ادي ربنا حقه

يوسف: اه بس انا ..عشان اقرب من ربنا هاخسر ناس كتير وكمان هايتريقو عليا ..وانا مابحبش كده

دميانه:ماتخترع شماعه تعلق عليها فشلك ..لان المسيح بيقول: بدوني لا تقدرون ان تفعلو شيئ.. ولازم تتحكم في نفسك مش نفسك اللي تتحكم فيك ..ربنا بيجرب المؤمنين

يوسف:ايمان ايه اللي يزلني قدام الناس ويخليني في نظرهم فاشل..وبعدين تعالي هنا هوا انا بس المؤمن وكل الناس دي خاطيه ..عشان يعمل فيا كده ..لا لا ربنا مابيحبنيش

دميانه:اذا كان ربنا اخد منك حاجه فا ده عشان يعوضك بالاحسن

الكتاب المقدس بيقول:ولكن اذا قد حكم علينا نؤدب من الرب لكي لا ندان مع العالم

يوسف: يعني انتي عاوزه تفهميني ان ربنا كده بيحبني

دميانه:اه بيحبك .انت لو بتقراء في الانجيل هاتعرف ..وفي ايه بتقول : لان الذي يحبه الرب يؤدبه وكأب بابن يسر به

يوسف:بس مافيش اب بياخد من ابنه الحاجات اللي بتفرحه ..ده قاصد يزعلي

ليه انا اللي اللي بياخد مني حاجات كتير .ويسيبني لوحدي

دميانه:لو الحاجه اللي راحت منك دي هاتنفعك ومش هاضرك .ماكنش ربنا بعدها عنك

حاجات كتير بتحصل حوالينا .. ونقول ليه ومش ليه ..وبننسي قصد ربنا ايه

يوسف:ربنا لو كان بيحبنا كان حقق لكل واحد دعواته ورغباته علي طول

دميانه:لو علي كلامك كان كل واحد مدايق م واحد يدعي انه يموت فايموت

يوسف: بقولك ايه .. انا تعبان وورايا الف حاجه عايز

اعملها ...سلام (وينزل)

دميانه: استني يايوسف استني (وتنزل وتظهر ميرنا وانجي)

ميرنا:اعقلي بقا انتي مش صغيره

انجي: خدي بس اقري الرسايل دي وانتي تعرفي بيحبني قد ايه وبيموت فيا

(تاخذ التليفون منها وتقرا)

بحبك حب البطه للبطوط والفرخه للكتكوت والجربان للبرغوت

انجي : شوفتي بقا .... ميرنا : شوفت ايه هوا ده حب ولا مرض

انجي: هاتي التليفون ده ..انا هارد عليه(يانايم في العسل وعامل زيطه كمل ياحبيبي نومك نامت عليك حيطه

ميرنا: يابنتي افهمي اللي بتعمليه ده مش صح

انجي: ياميرنا انا لازم اعذره برضو ما اهو لسه بيكون

نفسه

ميرنا: ده بيضحك عليكي.مابيحبكيش ..وانتي عايشه في الوهم ..دوري علي الحب الحقيقي

انجي:لا بيحبني ..بس هوا ظروفه صعبه شويه

ميرنا: يا بنتي الارتباط يادبله في اليمين يادبله

في الشمال غير كده يبقي لعب عيال

انجي: يابنتي اسكتي انتي جاهله ماتعرفيش حاجه

ميرنا: يابنتي الحب اللي مابيجيش في وقته كلام فاضي

انجي: لا هوا ده الحب الحقيقي .. اش عرفك انتي

ميرنا: الحب الحقيقي هوا ربنا اللي خلقك وخلقني وخلق

كل الناس ...وبعدين روحنا مش ملكنا نتصرف فيها

زي ما احنا عايزين ...دي ملك ربنا....

ده حتي الكتاب المقدس بيقول: اما تعلمون انكم هيكل الله وروح الله يسكن فيكم ان كان احد يفسد هيكل الله فيفسده الله لان هيكل الله مقدس الذي هوا انتم

انجي: الكلام ده تروحي تقوليه في الكنيسه مش عليا انا

هاتعملي نفسك قديسه عليا ..

ميرنا:لا بس لازم تعرفي ان العمر مش مضمون وربنا ليه حقوق عليكي ..ربنا خلقنا عشان نعبده

ونعيش بحبه ..مش عشان نعمل خطايا ونجرحه ..

انجي:ياستي فكك ..كده كده ربنا بيسامحنا ..حتي لو عملنا خطايا الدنيا..فا احنا نعيش حياتنا بطريقتنا وبعد كده عادي نرجعله

ميرنا:ربنا اذا كان بيسامحنا بيسامحنا عشان بيحبنا ..مش قميص مركون في دولاب ..وقت مانحتاجله ..ندور عليه الدنيا كلها

انجي: انا لسه ماعجزتش ولا حاجه .ولازم اعيش ايامي ..لازم اشبع من الدنيا .. وانا لسه جميله وعسليه كده

ميرنا: وانتي بقا فاكره نفسك مين ..ورده ولا شرين

انجي: لا انجي بنيامين

ميرنا.يابنتي ياحبيبتي ربنا لما خلقك وخلقني وخلق كل الناس جميله عشان صنعنا علي صورته كشبهنا ...بدال ماتجملي في نفسك ......اشكري ربنا علي كل حاجه ميزك بيها ..

انجي:بس بس ..وبعدين انتي اش عرفك اني بصلي ولا مابصليش

ميرنا:لانك مهتمه بشهوات العالم والشعر واللبس مهتميه بجسدك مش بروحك ..وربنا قال: لان من يزرع لجسده فمن الجسد يحصد فسادا ومن يزرع للروح فمن الروح يحصد حياه ابديه

انجي: انا كده مرتاحه

ميرنا: يا انجي انتي صاحبتي وانا لازم انصحك

انجي: لا انا عارفه نفسي بعمل ايه

ميرنا :براحتك انا عملت اللي عليا .(وتبص في الساعه)

يلا عشان نحلق ميعاد الدرس

(وينزلو وتنطفئ الاضاءه .ويظهر. باسم..عادل..اشرف )

باسم(باستعراب) ايه ده احنا فين احنا فين

عادل:وايه المكان الغريب ده

اشرف: احنا باين علينا موتنا ولا ايه

عادل:يعني احنا موتنا وفي الثلاجه

اشرف: لا ده احنا في عتمه وانا مش شايف حاجه

باسم:موتنا !! موتنا ايه ياعم انت مجنون .مستحيل

عادل:كل اللي انا فاكره .ان احنا كنا راكبين العربيه انا

رايح الكنيسه وانت رايح الشركه

باسم:ايوه ايوه احنا عملنا حادثه ..بس ازاي موتنا واشمعنا

احنا الثلاثه بس هنا ...(ل اشرف) ماترد

اشرف: وانا كل اللي فاكره اني جيت اخدت منك فلوس

وانت ضردتني ..وفجأه لقيت نفسي هنا

عادل:يعني ايه يعني احنا موتنا خلاص

باسم: وايه ده مين اللي جاي هناك ده

(ويظهر المسيح)

عادل: ايه ده انت مين ياعم انت

المسيح:انا الرب الهك

اشرف: (باندهاش) الرب يسوع الرب يسوع اخير شفتك

يارب ..ده انا عايز اقولك حاجات كتير

المسيح: عارف كل اللي هاتقوله ..تعال يا اشرف معايا

..وانت كمان ياعادل تعالي معايا

باسم: طب طب وانا يارب مش هاجي معااك

المسيح: انت عشت عمرك كله تجري علي المال وشهوات العالم الفانيه وجيتلك كتير وانت ماقبلتنيش

باسم:ايوه يارب بس انا كنت رايح الكنيسه و وهاقبلك بس

موت ..وعادل كان معايا اهه ..صح ياعادل قوله قوله

المسيح:عادل عاش حياته يساعد الفقراء والمحتاجين .وقبلني في حياته مخلص ليه ...انت عشت حياتك تجمع مال

باسم:طيب اشرف ده شحات وكان ..كان بيجيلي وانا بديله فلوس ..واشرف ده شغال عندي ... قوله يا اشرف قوله ياعادل ...خليه ياخدني معاه

المسيح:لاتوجد للحياه الابديه وسائط هذه بحسب اعمالكم ...(وينظر الي اشرف وعادل).اما انتم الحق اقول لكم : نعما ايها العبد الصالح والامين كنت امينا في القليل وساقيمك علي الكثير ..ادخلو الي فرح سيدكم (يظهر الشيطان ويمسك باسم من ذراعه)

باسم:اديني فرصه يارب اديني فرصه اديني فرصه

المسيح: انت بلا عذر ايها الانسان

(ويذهب المسيح ومعه اشرف وعادل الي جانب المسرح والي الجانب الاخر الشيطان ومعه باسم وكل اتباعه ..وتطفئ الاضاءه وتظهر دميانه ويوسف)

دميانه: ايه ده ايه المكان ده ..

يوسف: ايه ده انا فين انا فين ياناس حد يرد عليا انا فين

دميانه: انت مين

يوسف: انا انا اه افتكرت انا يوسف

دميانه: انا دميانه اختك يايوسف ...هوا احنا فين

يوسف:انا خايف انا خايف ايه المكان الغريب ده وايه اللي حصل

دميانه:انا كنت بحاول افهمك تصلي وبعد كده انت مشيت وانا نادمت عليك ..وماعرفش ايه اللي حصل فجأه لقيت نفسي هنا

يوسف:انا مش فاهم حاجه واشمعنا انا وانتي بس هنا

دميانه:لا اطمن اطمن مافيش حاجه ..احنا موتنا بس

يوسف: اه طمنتيني ..ايه موتنا موتنا ليه

دميانه : مين الراجل اللي جاي ده (ويظهر المسيح)

المسيح: انا الرب يسوع :لا تتعجبو من هذا فانه تاتي ساعه فيها يسمع جميع الذين في القبور صامته ..فيخرج الذين فعلو الصالحات الي قيامه الحياه..والذين عملو السيئات الي قيامه الدينونه

دميانه:اخيرا اخيرا يارب شفتك ...ما اعظمك يارب الجنود

المسيح :تعالي معايا يادميانه

يوسف: طيب وانا وانا يارب مش هاتخدني معاك

المسيح:الشرير يطرد بشره .اما الصديق فواثق عند موته

(ويظهر الشيطان ويمسك بذراع يوسف)

يوسف:( يصرخ) دميانه دميانه خليه ياخدني معاكي ..ده انا حتي اخوكي ..قوليه قوليه استني.. يارب ماتمشيش

دميانه:مش هاينفع يايوسف وانا ياما نصحتك وانت ماسمعتنيش ..

يوسف : طيب طيب ..انا هاعمل كل اللي تقولي عليه ..بس بترجاكي خليه ياخدني معاكي ..

(دميانه تحرك رأسها بعلامه لا)

طيب يارب اديني فرصه تانيه فرصه واحده بس.. بس ماتسيبنيش هنا

المسيح:كانت قدامك الفرصه وانت اللي ضيعتها ...وها قد اغلق الباب والجاهلات وقفا خارجا

(ويذهب المسيح ويذهب الشيطان اللي ماكنهم وتظهر ميرنا وانجي)

انجي: ايه ده انا اتعميت انا اتعميت مش شايفه حاجه

ميرنا: ايه ده احنا فين انا مش شايفه حاجه ...انجي انجي احنا فين

انجي:احنا ايه اللي جابنا هنا ...

ميرنا:احنا كنا رايحين الدرس وعربيه جايه سريع ..يادوبك قولت حاسب وماعرفش ايه اللي حصل

انجي: يعني ايه ..ومين اللي جاي من هناك ده

المسيح:انا الرب يسوع ..وجاي اخدك ياميرنا تعيش معايا في الملكوت

انجي:طب وانا يارب وانا مش هاجي معاك

المسيح:اذهبو عني ياملاعين للنار المعده لـ أبليس وملائكته

(ويظهر الشيطان ويمسكها من ذراعها)

انجي: يارب ماتسبنيش ..ماتسبنيش يارب ..انا كنت لسه هاتوب...ميرنا قوليله ياميرنا فوليله ده انتي صاحبتي قوليه خليه ياخدني معاه .. بس مايسبنيش هنا

ميرنا: ياريت كان ينفع ياما نصحتك وانتي ما اسمعتيش

انجي :هاسمع كلامك وهاتوب بس مش عايزه افضل هنا

ميرنا: مش هاينفع يا انجي انا قولتلك كتير وماسمعتيش ..بعد الموت مافيش فرصه

انجي: يارب يارب ماتسبنيش هنا ... (والشيطان يسحبها ..يارب اديني فرصه اديني فرصه ) (ويغلق الستار مع الاضواء)

صوت حارجي: واما المؤمنون سيذهبون الي السماء..هيا ماقيل عنها .مالم تره عين وما لم تسمع به اذان ولم يخطر ببال انسان ..واما الخطاه فيطرحون في الجحيم للنار المعده لأبليس وملائكته

(يفتح الستار مع الاضواء)

باسم:رفع الشيطان ايده وقال

عادل:معايا عز وجاه وكل اللي بتتمناه

اشرف:واللي معايا ياسعده ياهناه

بولس:هاتعيش مبسوط طول الحياه

هاني:وسيبك من يسوع وسماه

يوسف:ده طريقه صعب وكله اه

دميانه:ودا تمنك وانا عارفه كويس

ميرنا:كله فلوس وسعد وجاه

انجي:تخليك معايا احسنلك ولا معاه

باسم:رفع المسيح ايده وقال

عادل:ده انت ابني ونور عينيا

اشرف:من صغرك منقوش علي كفيه

بولس:من حبي ليك اتصلبت

هاني:عشان اضمنك الابديه

يوسف:وانت عندي اغلي

دميانه:من كنوز الدنيا ديه

ميرنا:وفلوس الدنيا بحالها

انجي:كلها عليك شويه

باسم:فكر يا انسان واوعي تقف حيران

عادل:مابين يسوع الديان واغراء الشيطان

اشرف:فكر وخد قرار قبل فوات الاوان

بولس:انا هاقولك كلمتين

هاني: فكر كويس وشوف مصلحتك فين

يوسف:بس خد بالك لا توقع في حيل ابليس اللعين

دميانه:بعد الموت مافيش فرصه عيش لربك امين

ميرنا:خد قرار وبلاش تحتار لا تعيش في عزاب

انجي:مسرحيتنا بتتكلم عن يوم الحساب

( تأليف ..ابـن الملكـ باسم كمال)

(اخوكم : باسم كمال)