Engadimos este site ou páxina web ao xa coñecido blog do Remuíño. A idea é engadirlle novas funcionalidades, xa que este formato que hoxe iniciamos axéitase máis á hora de arquivar e ofertar ao profesorado materiais e documentación. De calquera xeito, van convivir e todo o que hai no blog vai estar dispoñible neste novo espazo. Agardamos dar cumprimento, deste xeito, a un dos proxectos do plan estratéxico cal era o de facilitar e simplificar a búsqueda dos documentos facendo máis amigable o sistema de mellora. Agora toca ir enchendo as lapelas do site con xeito, e para iso agardamos a colaboración, en forma de suxestións e aportacións de calquera tipo, da comunidade educativa á que nos diriximos: o Centro de Ensino Público de Infantil e Primaria dos Muíños.