Min stad på veven

Fødd 1952 i Stavanger. Biblioteksjef i Tysnes kommune 1998-2016. Bakgrunn frå pocketbokbransjen 1977-1998. Særlege interesseområde er norøn kultur i vesterveg og slektsforsking. Debuterte som lyrikar på Det Norske Samlaget 1997. Arbeider for tida med ein historisk roman.


Fast bidragsytar på lokalhistoriewiki.no. Redaktør for Sunnhordland Årbok (årboka til Sunnhordland Museum) 2007-2012, redaksjonsmedlem frå 2003. Redaktør for Sogeskrift for Tysnes 2002-2004. 2014-2016 leiar for prosjektgruppa til 100 års jubileet for forfattaren og historikaren Johannes Heggland 2019. Administrator for Facebook-gruppa Tysnes før i tio. 2015-2016 leiar for arbeidet med digitalisering av Lokalhistorisk biletsamling i Tysnes kommune. Frå 2017 fast bidragsytar på Heimskringla.no, der eg arbeider med tekstgjenkjenning, korrekturlesing og redigering.

Har skrive ei lang rekkje artiklar om lokalhistoriske emne, i tillegg til bøker og større prosjekt. Ei oversikt over den "tyngste" delen av mitt lokalhistoriske forfattarskap finn du i menyen under Publikasjonar. Her finst også lenkjer til nettsider og nedlastbare pdf-filer.