SARRERA

Webgune honetan biltzen dira Berritzegune Nagusiko hizkuntza arloko aholkulariek proposatzen dituzten tresnak eta materialak Hizkuntza Proiektua garatzen laguntzeko. Material hauek zonaldeetako Berritzeguneetako aholkulariekin batera sortu diraBi helburu hauek dituzte: 

  • ikastetxeei laguntzea hizkuntzen inguruko erabakiak hartzen eta erabaki horiek jasoko dituen Proiektua egituratzen. 
  • eta ikasleei laguntzea hitzez, hitzik gabe eta baliabide digitalak erabiltzeko konpetentziaz gain, hizkuntza komunikaziorako eta literaturarako konpetentzia garatzen.
Hizkuntza Proiektuak ikastetxeko irakasle guztiei eragiten die eta, horrenbestez, denek hartutako erabakiak behar ditu. Hori dela eta, beharrezkoa da klaustroko kide guztiek Hizkuntza Proiektua garatzeko prozesuan parte hartzea, proiektuaren koordinazio batzordearen bidez.

Lan-prozesu honi etekina ateratzeko, ezinbestekoa da, halaber, ikastetxeko irakasleen eta Proiektuaren koordinatzailearen arteko elkarlana. Horretarako, antolakuntza malgua behar da ikastetxean, prozesuan zehar sortuko diren beharrei erantzun egokia emateko.