PROXECTOS con outras Bibliotecas Escolares
DE ONTE A HOXE...LEMBRANDO O PASADO
Un día moi importante para as Bibliotecas Escolares
Xa inauguramos a Exposición "De onte a hoxe...lembrando o pasado"
O PROXECTO
Dentro do proxecto da Biblioteca e en colaboración con outras
Bibliotecas dos centros PLAMBE da zona (Plan de Mellora de
Bibliotecas Escolares), pretendemos cara as conmemoracións
dos vindeiros meses (mes do libro, Letras Galegas) propoñer ás
familias a participación nunha actividade que leva por título:
“DE ONTE A HOXE: lembrando o pasado”
Ten como obxectivos a
recuperación da literatura infantil como fonte de pracer,
fomentar hábitos de lectura,
recuperación e lembranza dos libros que forman parte da memoria das familias
Por iso enviámosvos un folio para que, co membro da familia que
decidades, recorde co neno/a os contos que lía de pequeno, cal
era o seu favorito e logo faredes:
· Na esquerda cubrides os datos que se vos pide.
· Na dereita unha pequena obra plástica libre (exemplos:
fotocopia da portada do libro, debuxo dos personaxes, fabricar
o zapato da Cincenta e pégalo,…)
Á volta das vacacións e ata o 13 de abril enviádenos o folio co
traballo plástico para facer unha exposición no centro e logo
farase outra conxunta cos centros participantes nun local
público.
TÍTULOS DOS LIBROS TRABALLADOS
Foi un acto entrañable no que participaron as comunidades educativas dos centros e ademais contamos coa presencia de Marta Coria e Pilar Sampedro, asesoras das Bibliotecas Escolares a nivel da provincia de Lugo e da Consellería de Educación. Moitas grazas polo voso apoio, as vosas palabras son un pulo importante para o traballo que se está a realizar nas Bibliotecas dos Centros.
EXPOSICIÓN NO COLEXIO
CLAUSURA DA EXPOSICIÓN
Na clausura da exposición "De onte a hoxe...lembrando o pasado" houbo sesión de contacontos coa participación das mestras de infantil e primaria: Cristina Freán, Rebeca Palmeiro
e Paula López; tamén participaron profesoras e alumnos de secundaria.
Foi unha velada moi especial e pasámolo moi ben!
EXPOSICIÓN EN VIVEIRO
SESIÓN DE CONTACONTOS