Naat-e-Pak
Pyare Nabi Ummat Ko Apni Gham Se Chudaane Wale Tum
Rehm-O-Karam Ulfat Se Inki Bigdi Banaane Wale Tum
Kya Suraj Kya Chand Sitare Dhool Tumhare Khadmoun Ki
Arsh Tumhare Paoun Ka Zeena Arsh Pe Jaane Wale Tum
Haq Ki Neimat Kha-Kar Haq Se Ghafil Houne Wale Hum
Peth-Pe Pathar Baandh Ke Apni Bhook Mitaane Wale Tum
Firqoun Mein Tabqoun Mein Bat-Kar Chain Gawane Wale Hum
Dushman Se Bhi Aage Badh Kar Haat Milane Wale Tum
Achoun Ko Bhi Gumrahi Par Maael KarNe Wale Hum
Gumrahoun Ko Haat Pakadh Kar Raah Dikhane Wale Tum
Apnou Hi Ke Kashanoun Par 'Barq' Girane Wale Hum
Apne Ashkoun Se Dozaqh Ki Aag Bujhane Wale Tum
-Barq Kadapavi