ทมๆ น้ำตีส่าน้ำเหล้าหม่าไหลทั่วธรณี ปึกมือนี้แหม่นมื้อฟ้าสง่า มื้อนี้ว่าแหม่นวันดี ศรีๆ ให้เจ้าขึ้นปาน
หิ่นบ่อฮู้เศร้า ให้เจ้าขึ้นปานไม่กว่าดิน ให้เจ้าขึ้นปานน้ำไหลลินออกบ่อ ขึ้นให้เจ้าปานไม้กว่าถ่อมุนมา ขึ้นให้เจ้าขึ้นปานนางสีดาบ่อฮู้เศร้า คำตักเหล้าให้ใหญ่มามวน ควรให้เจ้าเฮือนมาวิดมาพาย เพิ่นกะว่าบ่อฮู้วัดฮู้พาย เพิ่นว่าบ่อมีใจอันเที่ยง จึงเชิญบั้นเชียงมาวิดมาพาย เพิ่นกะว่าบ่อฮู้วิดฮู้พาย เพิ่นกะว่าบ้อมีใจอันพินิจ จึงเชิญบั้นทิตมาวิดมาพาย เพื่นกะว่าบ่อฮู้วิดฮู้ฟาย เพิ่นกะว่าบ่อมีใจอันพิบาล จึงได้เชิญบั้นจารย์มาวิดมาพาย เพิ่นกะว่าบ่อวิดบ่อพาย ข้ากะจักวิดไปทางใต้ถืกฝีพาย วิดไปทางเหนือถืกฝีฟาก นาคได้กินนาคก็ยองสองได้กินสองก็คุ้ม คุ้มให้เจ้าคุ้มทั้งเฒ่าแก่และลุงตา คุ้มให้เจ้าทั้งทาสีทาสา ข้อยข้าทั้งฮ้างม้าและวัวควาย คุ้มให้เจ้าคุ้มทั้งเผือกหัวมัน คุ้มให้เจ้าทั้งมันหัวใหญ่ เผือกให้เจ้าได้เผือกหัวคำมาฮ่วมแม่มารดาเจ้าเด้อ ห่วมพลมาพอล้าน หอมเสียงยังแตน นางแสนแวนและแสนแหว่น ให้เจ้าแล่นมาคุมศรีแม่เจ้าเด้อ ถ้าเจ้าไปทางใต้ให้มีผู้ช่อย เหลือ ไปทางเหนือให้มีผู้ช่วยข่าง แดดฮ้อนเจ้าอย่าได้วอนลม คอนอย่าได้ช้าย ตั้งแต่นี้มื้อนี้ไป หน้าให้คนกูอยู่สวัสดีเท่าวันเทอญ