موقع الشقة
على شارع خالد بن الوليد _ بعد تقاطعه شارع خليل حماده بعمارتان
ثانى نمرة من البحر على شاطئ الاسكندرية المميز
على بعد خطوات من الشاطئ
أمام هيبر ماركت فتح الله
إحداثيات العمارة على جوجال
31.264711,29.987949
مدخل الشقة
مجلد بالواح من الخشب الارو
الان تخيل انك وصلت بالسلامة لباب الشقة وسوف تدخل معى بجولة لمعاينة الشقة يلا بينا
مدخل باب الشقة وهو مدخل شيك مغلف بالواح من الخشب الارو به طرقه صغيرة شيراميك اسود شيك وبه صندوق للأحذية ( جزامة ) كما ان الحائط على الشمال مغلق بالمرايات مع اضائه مبهرة كى تشيك على نفسك كده و انت نازل وعلى يمينك حمام الضيوف ( حمام صغير ) كما تم دهانه حديثا
دى صورة للحمام الصغير الموجود على مدخل الشقة يتميز بموقعة المناسب بجوار الباب لخدمة الضيوف من غير ما يدخل الشقة من الداخل كما انه وظيف جدا وبه تواليت و حوض بمرآه ودش سماعة وطبعا ادوات النظافة اساسيه به
بعد ما شفت الحمام امامك الان جزئ من الريسيبشن فى المواجه شباك الوموتال عرض 6 متر عندما تقف به ترى باب العمارة أسفلك كما ترى شارع خالد بن الوليد على يمينك ويكون البحر على يسارك لكنك لا تراه لان بينك و بين البحر عمارة واحده بمعنى انك عندما تخرج من باب العمارة متجه للبحر تسلك شمالا وتعدى شارع البحر تكون على رمال الشاطئ بعد 4 دقائق فقط امام الشباك موضوع حجرة انتريه بها كنبه سرير وعدد 2 فوتيه وتليفزيون توشيبا بالريسيفر الخاص به ولاحظ ان بكامل سقف الريسيبشن بيت نور بلمباط 120 سم الوان كما توجد مراوح سقف نجفه لمزيد من الهواء مع ملاحظة ان الشقة جيده التهوية لكونها قريبه من البحر جدا
ده منظر تانى للريسيبشن لاحظ به الاتى
1- الفوتيه الذى خلفه عمود مكسى مرأه , خلف هذا العامود حجرة مرتفعة المنسوب عن الريسيبشن بدرجه من الرخام الشيك هذه الحجرة موضوع بها ترابيظة الطعام ومن الافضل وضعها بدل من الانتريه الدمياطى امام فتحة مناولة المطبخ
2- يظهر سهم لطرقة طوييله بها توزيع لحجرات الشقة
يظهر هنا فتحة مناولة واصله بين المطبخ و الريسيبشن وهى الان بوضع الاغلاق ومن الانسب وضع ترابيظة الطعام امامها ورفع الانتريه بالحجرة المرتفعة ويظهر ايضا هنا كولدير المياه للناس ال متعوده تشرب مياه معلبة
يلا بينا الى الداخل
بالترتيب كده اول حاجة على يمينك المطبخ يليه الحمام الرئيسى بالوجه حجرة النوم الروز وعلى الشمال حجرة النوم الزرقاء وخلفها الحجرة المرتفعة وخلى بالك الفوتيه ال على الشمال ده بظهرة عمود مرآه فلا تنخدع بصوره التليفزيون دى ولاحظ وجود انتركام بالطرقة بوسط الشقة لطلب البواب واستقبال المكالمات من اسفل العمارة
دى الحجرة المرتفعة ال على شمالك وانت داخل موضوع بها هنا ترابيظة الطعام و ترابيظة المكواه المزوده بمكواه ناشيونال وكذلك مكنسة كهربائية توشيبا
مطبخ شيك نظيف جدا جدا به دواليب كثيرة ثلاجة 16 كريازى - غسالة 18 برنامج زانوسى - كبه - مفرمة بصل - خلاط فرن كهربائى - بوتاجاز يعمل بالغاز الطبيعى - باسكت زباله كبير وعليك اخراج كيس الزبالة بمغرب كل يوم ليأخذه البواب
لاحظ فتحة المناولة الواصلة بين المطبخ و الريسيبشن ببرواز رخام شيك من ناحيه المطبخ وبرواز الوموتال من ناحية الريسيبسن
الحمام الرئيسى يتميز بالنظافة ويتكون من طقم صحى ايديال استاندار تواليت - بيديه - بانيو ك - حوض بمرآه - دولاب زجاجى شيك بأربعه أرفف - غسالة بيبى ناشيونال - سخان 50 لتر كهربائى اوليمبيك
صورة أخرى للحمام
حجرة ( 1 )
حجرة النوم الروز
عدد 2 سرير - دولاب ملابس شيك - كومون بالمرآه - تليفزيون بريسيفر خاص ولها شباك يطل على شارع خالد بن الوليد
حجرة ( 2 )
حجرة النوم الزرقاء
بها عدد 2 سرير - دولاب شيك - كومون بمرأه - شباك يطل على الممر وفاراندا كبيره على شارع خالد بن الوليد مغلقة بالاوموتال ازرق شيك
لاحظ انك وانت تطل من الفاراندا بترى امامك من جهه اليمين محل عصير مكة ومن على شمالك ترى مدخل شارع خليل حماده من البحر كما ترى ايضا من امام شمالك محلات السمك الشهيرة بشارع خالد بن الوليد