補充篇
1.人生
1. 一樣生，百樣死
2. 人之初，性本善
3. 人生親像大舞台，苦齣笑詼攏公開
4. 人的心，攏是肉做的
5. 三寸氣在千般用，一旦無常萬事休
6. 天不生無用之人，地不生無根之草
7. 月到十五光明少，人到中年萬事休
8. 父母恩深將有別，夫妻義重也分離
9. 世上萬般愁苦事，不如死別與生離
10. 世間過日若眠夢，苦濟甘少攏相仝
11. 有百年厝，無百年主
12. 死生有命，富貴在天
13. 孤貧不死，富貴早亡
14. 青瞑的，有目金的通牽
15. 神仙難救無命囝
16. 棺材貯死，無貯老
17. 無風無搖，倒大欉樹
18. 無禁無忌，食百二
19. 會發做糕，勿會發做粿
20. 閻王註定三更死，絕不留人過五更
2.乞食
1. 乞食下大願
2. 乞食也有三年好運
3. 乞食好命八月日，歹命四月日
4. 乞食弄拐仔花
5. 乞食灶，無論好歹柴
6. 乞食呵咾好身命
7. 乞食神，孝男面，早睏晚精神
8. 乞食無交落粿
9. 乞食嫌飯餿
10. 乞食過溪，行李濟
11. 乞食趕廟公
12. 乞食講仙話
13. 乞食轉厝－到營；倒贏
14. 長工望落雨，乞食望普渡
15. 相爭做乞食頭
16. 破粿當乞食
17. 做乞食，也著一個茭芷本
18. 做乞食，勿會堪狗凌遲
19. 較貧憚過乞食
20. 騙乞食，過後厝
3.天氣
1. 正月寒死豬，二月寒死牛，三月寒死播田夫
2. 正月雷、二月雪，三月無水過田隙
3. 春天，後母面
4. 四月芒種雨，五月無焦土，六月火燒埔
5. 四月初八，落到五日節（梅雨）
6. 勿會食五日節粽，破裘毋甘放
7. 六月曝田埕，較慘死阿娘
8. 出虹掛關渡，風颱隨時到
9. 風颱做了無回南，十日九日澹
10. 專驚七月水，毋驚七月鬼
11. 九月九，風吹嗎嗎哮（滿天哮）
12. 十月日生翅，懶爛查某領勿會直
13. 十二月春，有通食擱有通賰
14. 十二月雷，眾牲免用槌
15. 送神風，接神雨
16. 西北雨，溪魚滿沙埔
17. 田蠳若結堆，戴笠穿棕簑
18. 地上透風起土粉，天頂落雨起烏雲
19. 天氣多變化，出門紮雨傘
20. 天無雨，人無路
4.天理
1. 一好佮一睚(gai5)，無兩好通相排
2. 一時風，駛一時船
3. 人欲害人天毋肯，天欲害人佇眼前
4. 天公，無目睭；天地，顛倒反
5. 天地圓輦輦，專枵枵獨身
6. 人無照天理，天無照甲子
7. 天落紅雨、馬發角
8. 天飼人，肥律律；人飼人，賰一支骨
9. 日子未到，毋是天道無報
10. 日頭赤焱焱，隨人顧性命
11. 歹心的食雷肉，好心的予雷拍
12. 好心的倒咧枵，歹心的戴紗帽
13. 有時星光，有時月光；圓人會扁，扁人會圓
14. 有經霜雪，有逢春；食甜，著憶著鹹
15. 做天，也勿會得中眾人意
16. 好心好行，無衫通穿；做惡做毒，騎馬轆硞
17. 善討善食，閹雞拖木屐
18. 順風，拺倒牆；順風，好駛船
19. 當天白日（關門厝內坐），雨潑對天窗入來
20. 識時務為豪傑，知進退是英雄
5.失志
1. 大人看牛，囡仔吩咐
2. 毋驚人毋倩，只驚藝不精
3. 甘願予gau5人做奴才，毋替頇顢做軍師
4. 甘願做牛，免驚無犁通拖
5. 好好馬，縛佇死欉樹
6. 好好馬，縛佇將軍柱
7. 好都好，無錢買勿會倒
8. 好琵琶，吊佇壁
9. 此處不留人，自有留人處
10. 英雄，無用武之地
11. 做甲流汗，嫌甲流瀾
12. 淺山，勿會飼得獅王
13. 這溪無魚，別溪釣
14. 棚頂做到流汗，棚跤嫌到流瀾
15. 有苦無地講，有氣無地敨
16. 愛都愛，王爺都毋派
6.巧戇
1. 第一戇，車鼓馬；第二戇，飼人娘嬭
2. 第一戇，食薰歕風；第二戇，撞球相碰；
第三戇，插甘蔗予會社磅
3. 第一戇，選舉替人運動；
第二戇，插甘蔗予會社磅
4. 一理通，百理同
5. 千斤力，毋值一兩智
6. 手夯大鼎，喙喝賊
7. 功德，做佇草仔埔
8. 用盡，食盡，當盡，才去自盡
9. 倩鬼，提藥單；倩賊，守牛槽
10. 家己提索仔，箍頷頸
11. 家己舉指頭仔，挖目睭；飼鳥鼠，咬布袋
12. 精的出喙，戇的出手
13. 漏氣漏觸
14. 盤屎，過嚳
15. 豬屎籃，結綵
16. 歕螺，予人賣肉
17. 薄冊仔，拍桶－假功夫
18. 捌算毋捌除，糶 thio3米換蕃薯
19. 聽王祿喙，轉厝吐大氣
20. 聽話頭，知話尾
7.犯錯
1. 一失足，成千古恨；一擺賊，百擺賊
2. 入虎口，無死嘛烏拗；入虎喉，無死嘛臭頭
3. 大路毋行行彎嶺，好人毋作作歹囝
4. 少年若無一遍戇，路邊哪有有應公
5. 少年勿會曉想，食老著毋成樣
6. 仙人拍鼓有時錯，跤步踏差啥人無
7. 目睭看著粿，跤踏著火
8. 行路倚壁邊，做事較大天
9. 狗母若無搖獅，狗公毋敢來
10. 青瞑毋驚槍，啞口毋驚兵
11. 偷食，勿會瞞得喙齒；做賊，勿會瞞得鄉里
12. 偷捻偷佔，一世人欠
13. 過嚨喉，著毋知燒；粒仔堅疕，著勿會記得痛
14. 細空無補，大空艱苦
15. 細漢偷挽匏，大漢偷牽牛
16. 敢，著緊作媽；悾，著緊作公
17. 無肝無腱，食一把膽
18. 賊性入骨，仙洗勿會脫lut4
19. 魂身燒渡纔知死
20. 錢毋用是銅，賊毋作是人
8.生理
1. 一兼二顧，摸蜊仔兼洗褲
2. 小錢毋願趁，大錢無塊趁
3. 內行看布底，外行綴人買
4. 加減趁較勿會散，加減抾著免借
5. 忍也忍，忍著一個金石輪
6. 忍氣生財，激氣相刣；罔趁，才勿會散
7. 佮字，僫寫
8. 信用毋顧，人客斷路
9. 俗物無好貨，好貨毋俗賣
10. 做生理做到刣牛，做穡做到揀蕃薯
11. 做官騙厝內，做生理騙熟悉
12. 麥仔貴，食麵的出錢
13. 跋筊錢一陣煙，生理錢在眼前
14. 喙水甲你抹，價錢無走差（紙）
15. 買入來的像土，賣出去的像金
16. 買物無親情 ciann5，有俗著行
17. 買物愛看，關門愛閂
18. 買賣算分，相請無論
19. 趁錢有數，道理愛顧
20. 會曉算勿會曉除，糶 thio3米換蕃薯
9.地名
1. 一間貨，賣了了 —通霄
2. 九塊碗，十個人 —基隆
3. 千金小姐，欲出嫁 —大庄
4. 公司董事長 －社頭
5. 木 －林邊
6. 歹看面 －民雄
7. 行天宮 －關廟
8. 囡仔人放尿 —小港
9. 把守第一關 －頭城
10.兔 －後龍；虎尾
11.厝頂尾披 —三塊厝
12.產前產後 －大肚，基隆
13.跋歹筊 －下營
14.菜籃貯砂 —沙鹿
15.飯匙裝泔 －澳底
16.賣魚的無舉秤 －景美
17.薄情郎 —高雄
18.規世人無破病 －永康
19.攏是你害的 －苑裡
20.藥仔百百款 －萬丹
10.年節
1. 有爸有母初二三，無爸無母頭擔擔
2. 鑽燈跤，生卵脬
3. 壓倒牆，欲娶好姿娘；偷剾蔥，嫁好翁
4. 跳菜股，娶好某；開粿，發傢伙
5. 跳過火，無事尾
6. 二月，踏草青；三月，痟siau2媽祖
7. 清明無轉厝無祖，過年無轉厝無某
8. 五月五，龍船鼓滿街路
9. 淡水河若無扒龍船，當年一定增加新孤魂
10. 五月十三，乜旗嘛有
11. 六月雷，七月湧，六月那拔，七月龍眼
12. 七月開鬼門、普渡放水燈
13. 豬頭毋顧，顧鴨母卵；大北門外，祭無頭鬼
14. 七月頓頓飽，八月攏無巧
15. 年驚中秋，月驚十九
16. 大人亂糟糟 chau1，囡仔欲年兜
17. 大人煩惱無錢，囡仔歡喜過年
18. 有錢日日節，無錢節節空
19. 囡仔歡喜新年到，大人心內亂糟糟
20. 食尾牙面憂憂，食頭牙撚喙鬚
11.有孝
1. 久長病，無孝子
2. 大人嘛著囡仔扶
3. 天無邊，海無底，鴨仔出世無娘嬭
4. 父母死上山，傢伙由人搬
5. 父母疼囝長流水，囝惜父母樹尾風
6. 四枝釘仔釘落，才知哀
7. 在生一粒土豆，較贏死了拜一粒大豬頭
8. 在生若不孝，死後毋免哭
9. 在生無人認，死落規大陣
10. 君不正，臣必不忠；父不慈，囝定不孝
11. 翁親某親，老婆仔拋車輦
12. 放手尾錢，富貴萬年
13. 後生哭傢伙，新婦哭面皮，查某囝哭骨髓chue2
14. 活毋祭嚨喉，死才欲祭棺材頭
15. 家己刣老爸，勸別人盡孝
16. 草索拖阿公，草索拖阿爸
17. 倩人哭，無目屎
18. 望做忌，無通望趁飼
19. 飼囝無論飯，飼父母算頓
20. 囡仔喙食到畏，才有通落公媽喙
12.老人
人若老，坐咧直哈唏，倒落睏勿會去，
見講講過去，隨講隨勿會記
食老三項歹：第一哈唏流目屎，
第二放屎厚尿滓，第三放屁兼滲屎
1. 七十無拍，八十無罵
2. 人生七十才開死，你干四十算啥乜
3. 不怕少年苦，只怕老來窮
4. 少年gau5風騷，食老著認錯
5. 少年拼出名，食老惜名聲
6. 毋聽老人言，你會拖屎連（食苦在眼前）
7. 毋聽老人話，你會誠狼狽
8. 老人，囡仔性
9. 老仔食名聲，少年仔靠拍拼
10. 老的毋講古，少年仔毋捌寶
11. 老的老步定，少年較搭嚇 tah4 hennh4
12. 老罔老，擱會哺土豆
13. 老骨碇吭吭，老皮勿會過風
14. 囡仔放尿漩 suan7過溪，老人放尿滴著鞋
15. 過橋較濟你行路，食鹽較濟你食米
16. 薄球使雄勢，鈍刀出利手
13.自私
1. 公車無車栓，公牛四人扛
2. 公家某，肥雋雋；公家牛，賰一枝骨
3. 公廳無人掃，公親情 ciann5無人叫食晝
4. 天飼人，肥律律；人飼人，賰一支骨
5. 用別人的尻川，做面底皮
6. 用別人的拳頭母，掙石獅
7. 死道友，毋是死貧道
8. 別人的囡仔，死勿會了
9. 別人的桌頂，挾ngeh8肉飼逐家
10. 別人的錢，開勿會疼
11. 徛懸山，看馬相踢
12. 詛咒，予別人死
13. 開公錢，解私願
14. 過桌，捏 ne1柑
14.求學
勤勤勤勤，不勤難為人上人，
苦苦苦苦，無苦如何通今古
1. 一日拍鳥，三日挽毛
2. 一理通，萬理徹；一勤，天下無難事
3. 人信字，牛信鼻；三日無餾，爬上樹
4. 夫字作天，馬字作焉；真人，看做直入
5. 少年毋拍拼，食老老歹命
6. 少年gau5風騷，食老著認錯
7. 少年勿會曉想，食老毋成樣
8. 四書五經讀透透，毋捌黿鼇龜鱉灶
9. 多藝多師藝不精，專精一藝可成名
10. 好天，得積雨來糧
11. 字是隨身寶，財是國家珍
12. 坐轎無人知，騎馬較囂俳 pai1
13. 求道恨無早，無閒食到飽
14. 花開在春天，求學在少年
15. 做人好內材，學問滿腹內
16. 捷講喙會順，捷做手勿會鈍
17. 敢問的，見笑一時；毋敢問的，見笑一世
18. 智慧無底，錢銀僫買
19. 會讀冊是戇父母，勿會讀冊是戇弟子
20. 搰力吃力，貧憚吞瀾
21. 戲棚跤徛久，著是你的
22. 讀書無捌理，不如展跤睏
23. 讀書須用心，一字值千金
24. 讀詩千首，免做自有
15.男女
1. 三禮拜，六點鐘－食醋
2. 女人心，海底針
3. 歹油厚渣，歹查某厚目屎
4. 半壁吊肉貓跋死，看有食無病相思
5. 四目相對，亂紛紛；失戀，食香蕉皮
6. 好囝毋免祖公仔業，好女毋免父母嫁妝
7. 有人興燒酒，有人興豆腐
8. 花心採了，過別欉；青仔欉，勿會見笑
9. 查某毋認禾黑，查甫毋認戇
10. 草蜢仔弄雞公，雞公嗶噗跳
11. 勿會食直直綴，食了嫌歹奧 au3貨
12. 這是天地所設，毋是弟子做謔
13. 悾的無藥，三八的定著
14. 焦柴，拄著熱火；愛到，流目油
15. 愛是金，毋愛是土
16. 愛著嫣投，無尾溜
17. 惹熊惹虎，毋通惹著刺查某
18. 煞 sannh4著，頂八卦
19. 媠禾黑無塊比，合意較慘死
20. 雙跤踏雙船，四目亂紛紛
16.肚量
1. 一文，看作三文大
2. 一個錢，一點血
3. 一個錢，拍廿四個結
4. 十二月天，睏厝頂－凍酸
5. 乞食，無通加落粿
6. 大牛，惜力
7. 毋捌看著大隻猴放屎
8. 牛蜱，有入無出
9. 甘食甘分，有通食擱有通賰
10. 有，也著甘
11. 有量，才有福
12. 狗喙，哪有通加落屎
13. 為仁不富，為富不仁
14. 凍酸員外，大路狼狽
15. 真gau5算，賰一條貫
16. 專敗敗大空，專好鼻霜甕
17. 開錢，較脆皮
18. 開鹽館，賣鹹鰱魚頭
19. 愛相刣，也驚了槍藥
20. 慷慨，錢著了
17.言語
1. 一支喙，恰若飯匙凊咧（若雞母尻川）
2. 一句話，三斤六重（三尖六角）
3. 一個講鱟桸，一個講飯籬；人講天，你講地
4. 一喙水，二風水
5. 人濟話著濟，三色人講五色話
6. 心歹無人知，喙歹上利害
7. 出喙，有字；加食無滋味，加話毋值錢
8. 正剾，倒削；正剾金熠熠，倒剾一缺一缺
9. 生言造語，無刀殺人；禾黑瓜厚籽，禾黑人厚言語
10. 好歹在心內，喙唇皮相款待
11. 好話加減講，歹話莫 mai3出喙
12. 好話無出門，歹話脹破腹肚腸
13. 有喙，講到無瀾；有喙講別人，無喙講家己
14. 相輸毋捌贏，相諍毋捌輸
15. 臭跤gau5踢被，臭耳人gau5翻話；臭彈，免納稅
16. 清朝重風水，民國重喙水；魚食溪水，人食喙水
17. 喙唇一粒珠，相罵毋認輸
18. 會聽聽話頭，勿會聽聽話尾
19. 擔水擔水頭，聽話聽話尾
20. 講話中 tiong3人聽，較好大細聲
18.翁某
1. 一斤肉毋值四兩蔥，一斤囝毋值四兩翁
2. 一個某，較好三仙佛祖（天公祖）
3. 夫妻本是同林鳥，父子本是怨業消
4. 翁仔某，褲帶結相黏；翁某相惜過一世
5. 姻緣天註定，毋是媒人跤gau5行
6. 會得兩人睏共枕，較好露水凍花心
7. 雙雙對對，萬年富貴
8. 翁生某旦，食飽相看（目睭安電線）
9. 彼號旗出彼號鼓，彼號翁出彼號某
10.臭耳人翁，青瞑某
11.翁某相拍常事，勸的人奇事
12.做著歹田望後冬，娶著歹某一世人
13.娶著好某，較好作祖；娶著歹某，一世人艱苦
14.猛虎住佇房間內，半暝展威無人知
15.家欲齊，置雙犁；家欲破，置雙妻
16.妻賢夫禍少，子孝父心寬
17.某若會食氣，翁著會長志
18.睏破三領草蓆，掠君心肝勿會得著
19.買厝愛看樑，娶某愛看娘
20.種田著愛好田底，娶某著愛好娘嬭
19.宗教
1. 心肝若好，風水免討；修心，較好食菜
2. 毛呼、龜、粿、粽，紅包隨你送
3. 北港媽祖，興外庄；和尚，食施主
4. 正跤跪紅紅，倒跤拜死人
5. 有食有行氣，有燒香有保庇
6. 尪姨循話尾，假童害眾人
7. 食，食施主；睏，睏廟宇；念經，無夠人拄
8. 家家阿彌陀，戶戶觀世音
9. 神毋通無信，也毋通盡信
10. 神明會成人，也會敗人；神明興，弟子散
11. 神得金，人得口林
12. 做人若有良心，初一十五免點燭燒香
13. 問神著毋著，看先生著食藥
14. 頂街天主教，下街基督教，中央陳烏炮
15. 無想貪，著免信神
16. 善有善報，惡有惡報
17. 會顧得東嶽，勿會顧得城隍
18. 頭日香，尾日戲
19. 龍爿入，虎爿出（登龍門，出虎口）
20. 舉頭三尺，有神明；人塊做，天塊看
20.朋友
1. 人交陪是關公劉備，你交的攏是林投竹刺
2. 人情世事陪夠夠，無鼎擱無灶
3. 人情留一線，日後好相看
4. 仁義莫交財，交財仁義絕
5. 交友無交錢，交錢無朋友
6. 交官散，交鬼死，交尼姑，倒甕仔米
7. 交陪醫生，腹肚做藥櫥；交陪牛販仔，騎瘦牛
8. 交情仁義重，口林水也心涼
9. 你讓人有步，著是予家己有路
10. 和好人行，有布通經；和歹人行，有囝通生
11. 朋友若欲好，著愛誠懇湊陣
12. 相識滿天下，知心能幾人
13. 若是愛計較，量早拆爐灶
14. 衫著新，人著舊
15. 酒肉兄弟千個有，患難時陣半個無
16. 新枕頭無油垢，新蚊罩無蚊哮
17. 龍交龍，鳳交鳳，隱龜交侗戇
18. 舊籠床好炊粿，舊柴草好燃 hiann5火
19. 捌人，較好捌錢
20. 鬱鬱在心底，笑笑陪人禮
21.勇氣
1. 一人敢死，萬人不敢當
2. 一日落海，三日勿會放屎
3. 一命，配一命；拍死，無退
4. 不入虎穴，焉得虎子
5. 甘願為人掃廳，毋願開喙叫兄
6. 甘願徛咧死，毋願跪咧活
7. 有病死，無枵死
8. 死毋敢，逐項攏敢
9. 肉予人吃，骨毋通予人囓 khe3
10. 拍斷手骨，顛倒勇
11. 拍斷喙齒，含血吞
12. 雨傘雖破，骨格原在
13. 城隍爺的尻川，你也敢摸
14. 城隍爺的頭殼，你也敢挲so1
15. 看田面，毋通看人面
16. 敢，著緊作媽；敢死的，提去食
17. 敢死，免驚無鬼通做；敢死，擱驚做鬼
18. 敢放屁，毋敢做屁主；驚死，擱欲看目蓮
19. 脹死大膽，枵死小膽；驚驚，勿會著等
20. 歹奧 au3草仔花，也有滿開；鞋破，底原在
22.待遇
1. 下昏，討無明仔早起頓
2. 工課嚴，物配鹹
3. 毛管空，流汗錢
4. 西北雨，落勿會過田岸
5. 赤跤的迮鹿，穿鞋的食肉
6. 呼 khoo1狗，食家己
7. 放尿濺 cuann7水面，有趁無錢賰
8. 查某女間摜肉，生看熟無份
9. 食，食頭家；睏，睏頭家娘
10. 食，無；拍罵，有
11. 食勿會死，脹勿會肥
12. 食飽，換枵；倚索，分魚
13. 做媒人，貼 thiap4聘金；無功，不受祿
14. 無得湯，無得粒
15. 無通生食，哪有通曝乾
16. 較毋值，牽乞食放屎
17. 慘到，勿會落樓梯
18. 點燈有份，分龜跳崁
19. 騙食，騙食
20. 鐵拍的，都無雙條命
23.待客
1. 人來才掃地，人走才煎 cuann1茶
2. 入門看人意，出門看山勢
3. 入門禮捌，出門禮毋捌
4. 入港隨灣，入鄉隨俗
5. 乞食，趕廟公；乞食伴羅漢，好味好素
6. 土地公白目眉，無人請家己來
7. 大細目，懸低耳；目睭看懸，無看低
8. 手空空，毋通做人客
9. 目睭生佇頭殼頂，看人無夠重
10. 見官莫向前，作客莫在後
11. 客無親疏，來者當受
12. 勿會見笑，才是好人客
13. 烏面祖師公，白目眉，無人請家己來
14. 羅漢，請觀音；鳥鼠空，擺八仙桌
15. 揀佛燒香（賣麵的），看人撒suah4油
16. 揪到胛仔無手袂 ng2
17. 無棄嫌，菜脯罔咬鹹
18. 會曉吃麵，菜免濟；誠意，食水甜
19. 熟似人，行生份禮
20. 豬母豬囝，帶 chua7規陣
24.政治
1. 一世官，九世牛；一世官，九世冤
2. 三年官，二年滿；縣官，不如現管
3. 大工一下指，小工作半死；一盤魚仔，全全頭
4. 分久必合，合久必分；分勿會平，拍到廿九暝
5. 毋驚官，只驚管；仙拼仙，害死猴齊天
6. 古意人毋通插政治，插政治勿會輸咧作兄弟
7. 伊通放火燒厝，我勿會當點火食薰
8. 有天理，才有地理；有後台，才行有跤步
9. 坐官椅，毋管百姓生抑死
10. 做官若清廉，食飯著攪鹽
11. 做官做官，有田有山
12. 做官騙厝內，做生理騙熟似
13. 做頭，勿會得合眾人意
14. 國清才子貴，家富小兒驕
15. 國亂思良將，家貧思賢妻
16. 欲做頂司狗，毋作下司官
17. 欲做雞頭，毋做牛尾
18. 逐家落水平平沉，全無重頭輕
19. 頂司管下司，鋤頭管畚箕
20. 嚴官府出厚賊，嚴父毋出阿里不達
25.相爭
1. 人比人，芎蕉比樹欉；人比人，氣死人
2. 人掠厝拆，雞仔鳥仔掠甲無半隻
3. 小生苦旦免相瞞，跤花先踏出來看
4. 牛知死，毋知走；全捌全驚，毋捌毋驚
5. 仙拼仙，害死猴齊天
6. 先到為君，後到為臣；先下手，為強
7. 好性地人人都是親家，歹性地人人攏是冤家
8. 你有你的關門計，我有我的跳牆法
9. 忍氣生財，激氣相刣；兩虎相爭，必有一傷
10. 後尾落船，代先上山（上岸）
11. 相讓食有賰，相搶食無分
12. 相拍雞，頭無冠；相爭，做乞食頭
13. 看欲死豬哥，抑是欲死豬母
14. 做乞食勿會曉揹茭芷，做小旦勿會曉點胭脂
15. 做生無生才，做丑無詼諧，夯軍旗驚人刣
16. 猛虎，勿會得對猴群；粗人，勿會做得工課
17. 敢死驚做鬼，敢做匏桸驚滾泔燙
18. 無踏伊的尾，伊著勿會咬咱的跤
19. 媠，媠無十全；禾黑，禾黑無加圇 nng5
20. 輸人毋輸陣，輸陣歹看面
26.看輕
1. 一箍槌槌，敢若豬
2. 七仔，笑八仔
3. 力重千斤，智無一兩
4. 毋捌芋仔抑蕃薯
5. 毋捌食著豬肉，嘛捌看著豬放屎
6. 好好鱟，刣到血若流
7. 好柴，流勿會過安平溪
8. 好種毋傳 thng3，歹種毋斷
9. 有錢烏龜 kui1坐大廳，無錢秀才人人驚
10. 你看我普普，我看你霧霧
11. 受人酒禮，予人剾洗
12. 穿尼龍的－看現現
13. 草地倯，府城戇
14. 割香，勿會記得佛
15. 敢食敢脹，毋驚人鄙相
16. 圓仔花毋知禾黑，大紅花禾黑毋知
17. 歹奧 au3柴勿會刻得尪仔
18. 歹奧 au3鹹魚假沙西米，菜店查某假淑女
19. 戇鳥毋知飛，戇柴剖勿會開
20. 戇雞母孵鴨孫，戇外媽疼外孫
27.食穿
1. 一日剃頭，三日嫣投
2. 一食二穿三行四用，無食無用，啥路用？
3. 一塊才落肚，一塊喙若哺，一塊佇半路，
一塊佇盤仔底顧
4. 二八，亂穿衣
5. 人重妝，佛重扛；三分人，七分妝
6. 少食有滋味，濟食無趣味
7. 歹米厚糠，禾黑人厚妝
8. 毋驚火燒厝，驚跋落屎嚳 hak8
9. 刣牛也這身，拜佛也這身
10. 甘願做衫奴，毋通予衫誤
11. 吃飯扒清氣，才勿會嫁貓翁
12. 有毛食到棕簑，無毛食到秤錘
13. 有錢食鮸，無錢免食
14. 有錢著有膽，有衫著有威
15. 身內無衣被人疑，腹內無膏無人疑
16. 查甫欲食望人倩，查某欲食望生囝
17. 食，若武松拍虎；做，若桃花過渡
18. 烏貓穿裙無穿褲，烏狗穿褲激拖土
19. 貪食無補所，澇屎著艱苦
20. 敢食敢脹，毋驚人譬相
21. 菱角喙，無食喘大氣
22. 寧塞無底坑，難塞鼻下橫
23. 趕人生，趕人死，趕人食飯無情理
24. 頭無梳，面無洗，跤擱無穿鞋
25. 鴨母扁喙，裝金也是扁喙
26. 禾黑人愛照鏡，歹命愛看命
28.冤屈
1. 三條溪水，洗勿會清
2. 予賣火碳的睏去，揣染布的討錢
3. 白白布，染到烏
4. 夯天，來蓋 kham3人
5. 狗肉無食，狗湯有口林 lim1
6. 咱的錢，較細圓
7. 偷夯古井，也著認
8. 欲死，牽拖鬼
9. 欲哮無目屎，欲哭無路來
10. 無食烏豆，叫伊放烏豆屎
11. 無冤受屈，掠貓來折骨
12. 觀音媽，偷食鹹魚－冤枉人
29.厝邊
1. 一人一家代，公媽隨人峙
2. 人知，厝捌
3. 千金買厝，萬金買厝邊
4. 山頂一蕊花，毋值平洋一枝草
5. 山頂無好叫，山跤無好應
6. 日頭赤焱焱，隨人顧性命；田無交，水無流
7. 徛著好地理，較好捌拳頭
8. 在家靠父毋，出外靠朋友
9. 好貓，管百家，好厝邊照顧逐家
10. 死道友毋是死貧道，共我無治代
11. 你看我浮浮，我看你霧霧
12. 作田愛有好田墘，買厝愛有好厝邊
13. 做田好田墘，起厝好厝邊
14. 無好厝邊，相連累
15. 愛佮厝邊頭尾較捷來行踏，毋才會親
16. 隔壁有事咱著行，厝邊較好咱親情ciann5
17. 隔壁見面有呼請，較好自己塊教囝
18. 隔壁親家，禮數原在
19. 刣豬公無相請，嫁查某子貺大餅
20. 麵線親，毋值厝邊
30.娛樂
1. 一口道盡千秋事，十指弄成百萬兵
2. 一暝看到天光，毋知皮猴一目
3. 千里路途三五步，百萬軍兵六七人
4. 布袋戲上棚重講古，九甲戲上棚撞long3破鼓
5. 日時搬布袋戲，暗時唱歌仔戲
6. 父母無捨施，送囝去學戲
7. 有歌有曲心頭鬆，無歌無曲成戇人
8. 頭日香，尾日戲
9. 看戲看到扛戲籠，開查某開甲做當番
10. 食肉食三層，看戲看亂彈
11. 毋刣奸臣予人看，看戲的毋願散
12. 棚頂媠，棚下鬼；搬戲悾，看戲戇
13. 有人興燒酒，有人興豆腐
14. 有錢三頓口林，無錢當衫口林；君子，避醉人
15. 酒醉，誤江山；酒醉心頭定，酒痟siau2無性命
16. 口林燒酒穿破裘，無口林燒酒嘛穿破裘
17. 無錢共查某講無話，無酒共神明跋無桮
18. 廿一點佮十點半，輸著傢伙了一半
19. 食薰無採喙，食檳榔咯咯呸
20. 棋中不語真君子，起手無回大丈夫
31.師徒
1. 也著箠，也著糜
2. 大鼎未滾，細鼎強強滾
3. 分勿會平，拍到廿九暝；囡仔人，怨無無怨少
4. 牛愛貫鼻，人愛教示
5. 先生不在館，學生搬海反
6. 有狀元學生，無狀元先生；名師，出高徒
7. 有寒著有熱，有艱苦著有快活
8. 囡仔人，驚好喙，毋驚激氣
9. 坐轎無人知，騎馬較囂俳 pai1
10. 坐轎嫌艱苦，扛轎嘛嫌艱苦
11. 押雞，毋成孵；掠人毋作穡，掠蜂毋作蜜
12. 佮字，僫寫
13. 口林，口林人歡喜酒；趁，趁人甘願錢
14. 暗時全步數，天光無半步
15. 滿山樹，毋是師父取無樑
16. 罵若會變，雞母嘛會舉葵扇
17. 樹頭徛予在，毋驚樹尾作風颱
18. 舊的抱牢牢 tiau5，新的著勿會曉
19. 嚴官府出厚賊，嚴父母出阿里不達
20. 鬱鬱在心底，笑笑陪人禮
32.假仙
1. 六月芥菜－假有心
2. 孔子公放屁－假斯文
3. 毋捌字，擱欲激嚨喉空
4. 毋捌戲文，隨人大氣掠得歕
5. 水雞生尾－假龜
6. 尻川挾ngeh8火金姑－tinn3星
7. 死豬仔肉，漲懸價
8. 抾著錢，假行無路
9. 食水龜，無擘殼－無老實（無落翅）
10. 枵鬼假細膩，愛食假客氣
11. 拳頭母收佇手袂ng內
12. 海龍王辭水－假細膩
13. 勿會博假博，勿會仙假仙
14. 勿會曉挨絃仔，顧捲線；勿會曉唱曲，顧呸瀾
15. 提薑母，拭目墘
16. 無毛雞，假大格
17. 無奶，假病囝
18. 無食假拍呃，無穿假抄踔 chik8
19. 頭戴雞毛筅－假番
20. 鴨母，妝金也是扁喙
33.做人
1. 一人苦一項，無兩人苦相仝
2. 一丈槌，著留三尺後
3. 一不作，二不休；三不作，結冤仇
4. 一面抹壁，雙面光
5. 一樣米，飼百樣人
6. 七月半刣鴨仔，鬼嘛知
7. 人前一面鑼，人後一面鼓
8. 人若衰，煮飯嘛牢鍋
9. 人情留一線，日後好相看
10. 人濟話著濟，三色人講五色話
11. 大工無人倩，小工毋願行
12. 六月芥菜－假有心
13. 公親變事主，好心予雷唚
14. 天不言自高，地不言自厚
15. 毋成雞仔，擱放五色屎
16. 牛毋通gau5行，人毋通出名
17. 世情看冷暖，人面迮懸低
18. 未食直直綴，食了嫌歹奧 au3貨
19. 甘願為人掃廳，毋願開喙叫兄
20. 甘願做牛，免驚無犁通拖
21. 甘願徛咧死，毋願跪咧活
22. 白鴒鷥，飛到胭脂巷也是白
23. 目睭，大細蕊；目睭看懸，無看低
24. 好馬毋停蹄，好牛毋停犁
25. 好頭好面，臭尻川
26. 有來有往，無來清爽
27. 肉予人吃，骨毋通予人囓 khe3
28. 行東往西，四界囂俳 pai1
29. 坐人戶木奠 ting7頭，拍人的囡仔
30. 坐的，毋知徛的艱苦
31. 見笑勿會死，慣勢著好
32. 走魚大，死囝乖
33. 狗尾搖晃晃，人尾無塊看
34. 近報在家己，遠報在囝孫
35. 雨傘雖破，骨格原在
36. 青盲的興跋桮，跛跤的興跳童
37. 面皮，比王城壁較厚
38. 食人，汗流；看人食，瀾流；
予人食，目屎流
39. 食若牛，做若龜
40. 食飯若武松拍虎，作穡若桃花過渡
41. 枵鬼假細膩；工夫無蝕本
42. 家己刣老父，勸別人盡孝
43. 烏仔魚，勿會堪得濁水激
44. 留目睭，看你拖屎連
45. 破雨傘－興展
46. 勿會肥假喘，無錢假好額人款
47. 情理人，褲家己褪
48. 欲死去死，毋死食了米
49. 深犁重耙，較好放橫債
50. 細膩貓踏破瓦，細膩查某走過社
51. 陰鴆 tim1狗，咬人勿會哮
52. 鳥鼠哭貓－假真情
53. 割肉予人食，擱夆嫌臭臊
54. 喙gau5，較輸手強 khiang3
55. 揀佛燒香，看人撒油
56. 散罔散，靠跤錢勿會憖趁
57. 無人緣，臭老羶
58. 無錢，假大範
59. 溜溜瞅瞅，食兩蕊目睭
60. 煙火好看，無外久
61. 腹肚貯牛肉，喙唸阿彌陀
62. 落水叫三界，上水叫無代
63. 飽穗的稻仔，頭攏犁犁
64. 寧欺八十老公公，不欺三歲小孩童
65. 刣豬公無相請，嫁查某子貺大餅
66. 豬肚面，講反著反
67. 豬屎籃，摜出來鼻香
68. 豬頭毋顧，顧鴨母卵
69. 賣某做大龜，生囝叫阿舅
70. 賣麵的，看人撒油
71. 鞋破，底原在
72. 齒疼，才知齒痛人
73. 恬恬 tiam7，食三碗公半
74. 橫人，理路直
75. 橫柴，夯入灶
76. 橋一過，拐仔著放掉
77. 瞞生人目，答死人恩
78. 褲跤內，攏是鬼
79. 貓哭鳥鼠－假慈悲
80. 閻羅王娶新婦－奸鬼
81. 頭仔番喧，毋通尾仔多端
82. 點燈有份，分龜跳崁
83. 騙乞食，過後厝
84. 囂俳 pai1，無落魄的久
85. 鷹眼、猴手、狐狸心
34.做事
1. 一人囥，百人揣
2. 一心欲死，一心欲食米
3. 一日徙栽，三日徛黃
4. 一步棋，一步著
5. 一跤戶木奠 ting7內，一跤戶木奠 ting7外
6. 一暝專頭路，天光無半步
7. 一樣天，各樣月；八仙過海，隨人變通
8. 七做，八毋對；三問，四毋知
9. 十八般武藝，件件皆能；也會粗，也會幼
10. 也勿會擔擔，也勿會算錢；丑仔跤，哪有將才
11. 大人看牛，囡仔吩咐
12. 大隻雞慢啼，gau5人僫出頭
13. 小鬼，勿會做得大頭路；小船，勿會堪得重載
14. 中主人意，便是好功夫
15. 心正，毋驚邪；心裏無邪，不怕鬼
16. 心有餘，而力不足；心肝，十個五個
17. 毋知天地幾斤重；毋知路，擱欲夯頭旗
18. 毋捌一粒芋仔抑蕃薯
19. 毋捌東，毋捌西；毋捌香，毋捌臭
20. 毋捌鱟桸抑飯籬
21. 加減抾，較贏對人借
22. 半桶師；半路，認老父
23. 半暝刣豬，也是天光賣肉
24. 古井水雞，望欲出頭天
25. 外行人，做內行工課
26. 奴欺主，食無久；巧新婦，無米煮無飯
27. 未上三寸水，著欲扒龍船
28. 未食三年仙屎，著欲上西天
29. 甘願共gau5人做奴才，毋替頇顢做軍師
30. 甘願做牛，免驚無犁通拖
31. 好好鱟，刣到屎若流；好琵琶，吊佇壁
32. 好駛牛，臭肩頭；年頭飼雞栽，年尾做月內
33. 扛轎的喝艱苦，坐轎的嘛喝艱苦
34. 有心拍石石成穿，有心開山山成園
35. 有功無賞，拍破愛賠
36. 有風毋駛船，無風才欲激
37. 有寒著有熱，有艱苦著有快活
38. 有錢開無路，台胞著走路
39. 死道友，無死貧道；你溜，我閃
40. 江湖一點訣，講破毋值三針錢
41. 抑勿會學行，著欲學飛
42. 車盤雞母，生無卵
43. 東港無魚西港拋，這溪無魚別溪釣
44. 近山剉無柴，近溪擔無水
45. 長工望落雨，乞食望普渡
46. 查某女間摜肉，生看熟無份
47. 洗面洗耳邊，掃厝掃壁邊
48. 看人擔擔，免出力
49. 看有食無乾焦憖，親像佛祖凊油煙
50. 食飯大碗公，做工課閃西風
51. 秧抾、牛借，有著割、無著煞
52. 缺喙食米粉－看現現
53. 勿會生囝，先號名；勿會先種籽，想挽瓜
54. 勿會食看飯斗，食飽看海口
55. 起頭興興，尾手冷冷
56. 做到流汗，嫌到流瀾
57. 做衫無夠，做褲有賰
58. 做無一湯匙，食欲規畚箕
59. 做穡相推挨，食飯爭做前
60. 偷掠雞也著一搣米
61. 欲刣豬，著捌刀路；淺山，勿會飼得獅王
62. 牽豆藤，挽豆莢 ngeh4；粗人，勿會做得幼粿
63. 細膩無蝕本；張持無蝕本
64. 貧憚牛，厚屎尿；麻糬，手內出
65. 鳥跤蜘蛛肚，會食勿會行路
66. 徛三年藥店櫃頭，著欲做大先生
67. 徛著好地理，較好捌拳頭
68. 媒人包入房，無包生雙生
69. 敢作鱟桸，毋驚滾湯
70. 棚頂做到流汗，棚跤嫌到流瀾
71. 無二步七仔，毋敢過虎尾溪
72. 無掖種，無收成；無工，做幼粿
73. 無彼號尻川，也敢食彼號瀉藥
74. 無錢，做無頭路；猶有二步七仔
75. 猴齊天，七十二變
76. 程咬金，擋無一下斧頭銎 khing1
77. 著牽牛鼻，毋通牽牛尾
78. 買鹹魚放生－毋知死活
79. 趁食，趁食，無趁無通食
80. 鈍刀，出利手；飯包若空，毛蟹走入空
81. 會的人出喙，戇的人出力
82. 擋無三下斧頭銎khing1，著欲喝收兵
83. 頭過，身著過；頭興興，尾冷冷
84. 戲好看，蚵仔出漿 cionn1
85. 關老爺面前，弄大刀
86. 驚驚，勿會著等；戇到，勿會曉扒癢
35.婆媳
匏仔光光滑滑，無削皮你也罵；
苦瓜貓貓粗粗，削皮你也罵
麵線摻鹽，你也罵；豆簽無摻鹽，你也罵
1. 一人看出一家，新婦看出大家
2. 一日燒，兩日凊，三日叫勿會應
3. 一世人的父母，兩世人的妗仔兄嫂
4. 一年新婦，兩年話拄，三年師父
5. 三年做大風颱，都毋飼人新婦仔栽
6. 大姑大若婆，小姑賽閻羅
7. 大家有話，新婦無喙
8. 歹歹新婦三頓燒，有孝查某囝路頭搖
9. 加水加豆腐，加囝加新婦
10.翁親某親，老婆仔拋車輪 lin1
11.阿姑叫茶，阿嫂做狗爬
12.做雞公著早啼，做人新婦著早起
13.會作大家是清閒，勿會做大家踞灶前
14.會做新婦兩頭瞞，勿會曉做的兩頭傳
15.會曉小姑大家額，勿會曉小姑無地食
16.濟囝枵死爸，濟新婦磨死大家
17.雜唸大家，出蠻皮新婦
36.情緒
1. 心涼，脾土開
2. 三跤走，兩跤跳
3. 魚勿仔魚食著皇帝肉－暢到無鰾
4. 雞母，跳破卵
5. 歡喜到，獅尾夯半天懸
6. 孔明，氣死周瑜
7. 見笑，轉受氣
8. 氣死，無雙條命；氣死，驗無傷
9. 氣到，鼻空空殼
10. 鬚聳，目降
11. 一滴目屎，三斤重
12. 一聲天，一聲地，一聲母，一聲父
13. 心肝，宛然彈月琴；目屎，流入無流出
14. 目屎，准飯吞；目屎流，目屎滴
15. 西北做了，誠緊回南
16. 指天，揬地
17. 風颱做了，才回南
18. 哭到，有天無日頭
19. 欲哮無目屎，欲哭無路來
20. 臨邊好天，臨邊落雨
37.遷拖
1. 人塊食米粉，你塊喝燒
2. 十二月食菜頭，六月才轉嗽
3. 不孝怨父毋，欠錢怨債主，股票跋輸怨政府
4. 水牛無牽過溪，屎尿毋甘放
5. 半暝食西瓜，天光反症
6. 平平錢，掠豬仔咬輸人
7. 伊規腹火無地敨 thau2，遂掠你來拄數 siau3
8. 死囝乖，走魚大
9. 自恨枝無葉，莫怨太陽偏
10. 青盲，怨壁
11. 抾無屎，摃死牛屎龜
12. 屎放勿會出，怨豬母
13. 枵欲死，牽拖鬼掠
14. 家己勿會肥，嫌人跤肚生肉
15. 勿會生，牽拖厝邊
16. 勿會泅嫌溪隘，勿會生牽拖厝邊
17. 勿會曉泅水，嫌溪隘；偷夯鼎，怨偷掘芋
18. 勿會曉睏，擱嫌眠床歪；勿會曉駛船，嫌溪彎
19. 喙食，尻川毋坐數
20. 無米拍鼎，無錢拍囝
38.貧富
1. 一代儉腸捏肚，二代看錢若土，三代當囝賣某
2. 一更窮，二更富，三更起大厝，四更拆勿會付
3. 人貧志短，福至心靈；人窮志短，馬瘦毛長
4. 人親情ciann5，錢性命；三人扛，四人扶
5. 千年土地，八百主；千家富，勿會顧得一家散
6. 心頭若無定，錢著愛無命
7. 孔子公請落去，財神爺請起來
8. 白翎鷥較gau5討食，嘛無跤後肚肉
9. 好額等後世，做官學扮戲
10. 有趁虎吞，無錢虎睏；有錢三頓，無錢當衫
11. 有錢日日節，無錢節節空
12. 有錢講話會大聲，無錢講話無人聽
13. 僥倖錢，失德了；冤枉錢，跋輸筊
14. 豬肚煮湯嫌無菜，土豆擘 peh4爿你著知
15. 抾著美國屎，較贏討大海
16. 錢大把人著落肉，錢小把捷趁成塔
17. 錢有，毋驚世事；錢無，行路死趖
18. 講著新台票，鬢邊摔摔叫
19. 懸椅坐，低椅靠跤，食飯配豬跤
燒茶捧來哈
39.跋筊
輸甲無衫擱無褲，三頓無米通孝孤；
予筊害到遮艱苦，枉費予咱做查甫。
筊若無跋人忠厚，筊若跋著人糊塗；
想到今日欲啥步，予筊害甲面變烏。
嫁著跋筊翁，跋若贏，一手摜肉，一手摜蔥；
跋若輸，當甲空空空
1. 二十一點十點半，輸著家伙去一半
2. 世間若無跋筊漢，哪會輪流好額散
3. 半暝報贏筊，天光報上吊
4. 四個人湊牌，五個人愛錢
5. 望做工，毋通望筊東
6. 貪字，貧字殼；賭字，貪字心肝
7. 跋十胡筊，輸甲家伙爛糊糊，傾家蕩產起糊塗
8. 跋筊蚶殼起，做賊偷搣米
9. 跋筊錢，勿會做得家伙
10. 筊鬼，較媠戲妲
11. 筊欲跋，先趁都勿會快活
12. 筊豬，生理虎；輸筊，十個九個起痟siau2
13. 寶骰四面銅，無跤無手會食人
14. 贏筊去食麵，輸筊去看戲
40.喪葬
1. 父母死上山，家伙由人搬
2. 父母恩深終有別，翁某義重也分離
3. 在生一粒土豆，較贏死了拜一粒大豬頭
4. 在生若不孝，死後毋免哭
5. 在生無人認，死落規大陣
6. 有祖接祖，無祖接石鼓
7. 死爸死母眾人扛，死翁死某割心腸
8. 死爸扛去埋，死母等待後頭來
9. 見靈不哀，不如無來；放手尾錢，富貴萬年
10. 後生哭家伙，新婦哭面皮，查某囝哭骨髓
11. 查某孫擔來看，查某囝收一半
12. 活毋祭嚨喉，死才欲祭棺材頭
13. 倩人哭，無目屎
14. 草索拖阿公，草索拖阿爸
15. 棺材扛上山，無埋也著燒
16. 幡仔舉上肩胛頭，才知哭
17. 過兩個七，無過兩個十一
18. 對年對哀哀，三年無人知
19. 蔭屍蔭家己，對囝孫不利
20. 驚死娘嬭，擱愛食文頭底
41.詐騙
1. 七佬食八佬，木蝨食家蚤
2. 十五枝拐仔夯雙手－七拐八拐
3. 土地公、土地婆，許你蟶than1，許你蚵，到時逐項無
4. 牛仔，毋捌虎；牛鼻，拄著賊手
5. 交囉交手指，無做你會死
6. 好詼諧，歹奧 au3腹內；欲知，嘛莫mai3
7. 囡仔，騙大人；吞瀾落去，白賊起來
8. 弄鬼相咬；尪姨仔喙，糊瘰瘰 lui3
9. 尪姨循話尾，假童害眾人
10.佬仔假羅漢；佬仔假大爺
11.到喙無到喉，到喉無到心肝頭
12.青盲，騙目光；屎桶仔彬假辜顯榮
13.司公哄死鬼，和尚毋畏佛
14.恁公欠阮公的錢，恁媽欠阮媽跤尾棉
15.做賊，勿會瞞得鄉里；偷食，勿會瞞得喙齒
16.帶chua7人去泅水，衫褲提得走
17.歹奧 au3鹹魚假沙西米，菜店查某假淑女
18.瞞者，瞞不識；識者，不能瞞
19.勸人爬上樹，樓梯夯得走
20.溜溜 liu1瞅瞅 chiu1，食兩蕊目睭
42.開銷
1. 一代儉腸捏肚，二代看錢若土，三代當囝賣某
2. 人佮錢，使性地；三代粒積，一代開空
3. 有去路，無來路；有趁虎吞，無趁虎睏
4. 有錢買蚊仔香，無錢買蚊罩
5. 死窟仔水，捷戽也會焦；米粉筒 tang5－百百空
6. 身軀無錢，對淺位上山
7. 知進毋知退，捌算毋捌除
8. 前手接錢，後手空；某囝，著寄人飼
9. 皇帝，嘛會欠庫銀；食米，毋知米價
10. 食肉滑溜溜，討錢面憂憂
11. 橐 lak4袋仔，袋磅籽；剪內裾，補尻脊
12. 掠生，塞死；欲做猴頭，毋做會頭
13. 徛塊放債，跪塊討債；散借，富還
14. 無債，一身輕；無錢，擱欲做大哥
15. 無錢通買藥，有錢通買棺材
16. 趁了了，食了了；開錢，恰若開水咧
17. 會曉算勿會曉除，糶 thio3米換蕃薯
18. 隨人收，隨人食
19. 濟虱勿會癢，濟債勿會想；濛濛雨，落久也會澹
20. 規身軀，專專債；蹺跤，撚喙鬚
43.痟siau2貪
1. 一個貪豬肉，一個貪百八秤
2. 人心肝，牛腹肚；人的喙，掩勿會密
3. 人無橫財勿會富，馬無險草勿會肥
4. 人講天高未是高，看來人心節節高
5. 也欲好，也欲蕃薯生袒倒
6. 也欲甜，也欲滇 tinn7，也欲大碗擱滿墘
7. 心肝，較大牛肺；心肝有所貪，頭殼鑽雞籠
8. 毋免貪，著免信神；水鬼，騙城隍
9. 目睭，出火金姑；目睭，起濁
10. 目睭看著粿，跤踏著火
11. 目睭掛斗概，看人物著愛；石獅，食到爛肚
12. 多藝多師藝不精，專精一藝可成名
13. 刣虱母，也欲趁腹內
14. 青盲騙目金，囡仔騙大人
15. 食濟，哺勿會爛；食雞肉，搵味素
16. 枵貓，數 siau3想水底魚
17. 家己添飯，食勿會飽；偷夯鼎，恨偷掘芋
18. 偷捻偷佔，一世人（缺）欠
19. 貪心，無尾溜；貪伊一斗米，失去半年糧
20. 貪字，貧字殼；貪利，連母煞咬去
44.勤儉
勤勤勤勤，不勤難為人上人；
苦苦苦苦，無苦如何通今古
1. 一日掠魚，三日曝網；一屑仔，攏無拍交落
2. 一粒米，百粒汗；一勤，天下無難事
3. 三分天註定，七分靠拍拚
4. 食，欲食好，做，欲做輕可
5. 食睏，無分寸；食飯流汗，做工課畏寒
6. 食飯若武松拍虎，作穡若桃花過渡
7. 食飯著我，做工課著咱
8. 食飽睏，睏飽食；枵呻飽呻，食飽叫艱難
9. 耕作得認路，田園著照顧
10. 貧憚，兼荏爛；貧憚人，講有話
11. 透早驚露水，中晝驚曝死，暗暝擱驚鬼
12. 勤快勤快，有飯擱有菜；勤儉，有補所
13. 勤儉較有底，浪費不成家；愛拼，才會贏
14. 會儉起樓堂，勿會儉賣田園
15. 搰力食，貧憚做；搰力食力，貧憚吞瀾
16. 儉穿得新，儉吃著賰；儉腸，捏肚
17. 播田面憂憂，割稻撚喙鬚
18. 隨分耕鋤收地利，他時保暖謝蒼天
45.煩惱
煩惱若咧煩惱，天若欲甲人創治，
什麼gau5人嘛無法度伊
1. 一人煩惱一樣，無兩人煩惱相親像
2. 一日煩惱日落申，一暝煩惱雞報寅
3. 一生不為中，一生不為保，一生無煩惱
4. 一項煩惱無夠，煩惱別項來湊 tau3
5. 人生不滿百，常懷千歲憂
6. 人無千日好，花無百日紅
7. 十七八歲煩惱便，煩惱會老勿會少年
8. 今朝有酒今朝醉，明日愁來明日當
9. 天作天擔當，毋免老婆擔水來沃秧
10. 甘願作牛，免驚無犁通拖
11. 目眉，拍規絿；好天，著存雨來糧
12. 食家己的米，煩惱別人的事志tai3 ci3
13. 家己睏桌跤，煩惱別人的厝漏
14. 捏 tenn7驚死，放驚飛
15. 雁叫一聲，散人一驚
16. 會離門戶，勿會離腸肚
17. 煩惱十三代囝孫，無米通煮
18. 憂頭結面，操心擘腹
46.運途
1. 一更報喜，二更報死；一空，掠雙隻
2. 一兼二顧，摸虫利兼洗褲；七蓋，八笑
3. 人一下衰，種匏仔生菜瓜
4. 人gau5，毋值命運作對頭
5. 人欲害人天毋肯，天欲害人在眼前
6. 三年著賊偷，毋值著一年火交落
7. 千變萬化，毋值得造化；大風，吹冇phann3粟
8. 歹司公，拄著好日子
9. 毋捌抾豬屎，拄著豬漏屎
10. gau5算，毋值拄搪；冇phann3粟收落好米籮
11. 有手伸無路，有跤行無步
12. 有時星光，有時月明
13. 行船，拄著報頭風；行著卯字運
14. 住佇苦瓜園，三頓專食苦瓜湯
15. 品命底，無品好馬；前無救兵，後無糧草
16. 偎山山崩，偎壁壁倒，偎豬椆死豬母
17. 無米，兼閏月；無風無搖，倒大欉樹
18. 項羽有千斤力，毋值劉邦四兩命
19. 圓人會扁，扁人會圓；塞翁失馬，焉知非福
20. 萬事不由人計算，一切攏是命擔當
47.道德
1. 人有人情理，賊有賊情理
2. 毋捌好人心，狗咬呂洞賓
3. 各人伸手摸心肝
4. 好心，害了心
5. 好面空，歹肚腸
6. 有風，毋驚流
7. 有量，著有福
8. 有錢，難買背後好
9. 你無嫌人大跤蹄，人勿會嫌你穿草鞋
10. 你讓人有步，著是予家己有路
11. 作牛著拖，做人著磨
12. 做田愛有好田底，娶新婦愛有好娘嬭
13. 作雞著掅，做人著反；做雞著筅，做人著反
14. 君子，不念舊惡；君子，不奪人所愛
15. 君子，有成人之美；君子可瞞，不可欺
16. 君子落魄，扁擔苦力
17. 看戲愛知戲文內意，做人愛捌人情義理
18. 根深不怕風搖動，樹正何愁月影斜
19. 做人留後步，日後有退路
20. 眾人面前摃掃帚頭，走到門扇後會毋著
48.團體
1. 一人一個心，無錢通買針；一人行一路
2. 一人主張，毋值兩人思量
3. 一人智，毋值眾人議
4. 一句毋知，百般無代
5. 一樣人，百樣話；三個人，行五條路
6. 人氣若好，做空課著輕可
7. 大工一下指，小工做半死
8. 大欉樹跤，好蔭影
9. 公廳無人掃，公親情ciann5無人叫食晝
10. 尺有所短，寸有所長
11. 毋驚虎有三支喙，只驚人有兩款心
12. 巧的人出喙，戇的人出手
13. 合攻，破曹；有緣才作夥，作夥是有緣
14. 有諸葛亮，嘛愛有子龍將
15. 狗死，狗虱也著無命；佮字，僫寫
16. 相分食有賰，相搶若食潘
17. 相佮米，才煮有飯；相推，駛死牛
18. 陳拄陳，舉刀相殘；蔡拄蔡，公媽弄弄破
19. 猴死，豬哥嘛無命；落水，平平沉
20. 豬母豬囝，帶chua7規陣
49.算命
1. 一喙水，二風水；入土八字命
2. 一貴破九賤，一賤破九貴
3. 心思無定，抽籤算命
4. 歹運愛看命，禾黑人愛照鏡
5. 自古文章、風水、茶，真正捌的無幾的
6. 佇唐山毋捌字，來台灣會看日
7. 男生女手，免儉自有；男生女相，貴不可量
8. 河溪對門路，也有蕃薯也有芋
9. 虎沙過面，逼虎傷人；虎沙篡堂，囝孫少年亡
10. 相師能相別人，不能相自己
11. 問神若問鬼，食藥若食水
12. 帶鉸刀爿、鐵掃帚；陰地，不如心地
13. 富貴在手足，聰明在耳目
14. 算命若會準，石頭頂嘛會生竹筍
15. 算命無褒，食水都無
16. 頭殼尖尖，無福氣
17. 龍沙篡堂，囝孫興旺
18. 龍驚臭，虎驚鬧
19. 戲虎哈燒茶，司公虎穿破鞋
20. 讀書不成，相命醫生
50.緊慢
1. 一下候，二下候，六月蔥變韭菜頭
2. 人著愛早早磨，毋通慢慢仔拖
3. 三工早，長一工；三冬早，長一冬
4. 上轎，才欲放尿；上轎，才欲縛跤
5. 水傷清著無魚，人傷急著無智
6. 火過，才炰芋；gau5人拚透早，戇人厚拖沙
7. 出山了，請醫生；半暝刣豬，也是天光賣肉
8. 平時毋燒香，急時抱佛跤；生米，煮熟飯
9. 先做先贏，才勿會叫阿娘
10. 拚傷忝，老牛會勿會犁田
11. 近溪坐無船，近山剉無柴；屎緊，才欲開屎嚳
12. 屎緊，褲帶拍死結；穿雙領褲，欲綴人走
13. 食緊弄破碗，緊辦三分輸；娘緊做，女間歹學
14. 真珠，囥到變鳥鼠屎
15. 做乞食緊，等僫；欲嫁，才縛跤
16. 慢牛，食濁水；慢牛，厚屎尿
17. 緊，踞落去；緊火冷灶，米心哪會透
18. 緊行無好步，緊走無好路
19. 緊事寬辦，緊事三分輸
20. 緊紡無好紗，緊嫁無好大家
51.綴人
1. 三兩雞仔，佮虎伴獅
2. 乞食婆，隨人走反
3. 序大無好樣，序細討和尚
4. 毋成狗仔，走袒橫
5. 狗，隨屁走
6. 准神成神，准佛成佛
7. 紙被，綴人煠虱母
8. 畫虎無成，變成貓
9. 學好三年，學歹三對時
10. 閹雞，趁鳳飛
11. 舉香，綴人拜
12. 舉香，綴司公
13. 雞囝，隨鴨母
52.糊塗
1. 一個查某囝，允廿四個翁婿
2. 三講，四漏氣
3. 有風毋駛船，無風才欲激櫓(kek4 loo2)
4. 巧巧人，買一個漏酒甕
5. 有眠床毋睏，欲佇蠔仔殼拋車輪 lin1
6. 有路毋行，行山坪；老戲，跋落戲棚跤
7. 放屎，無拭尻川；武松，歇毋著店
8. 用林投葉拭尻川
9. 近的毋買，欲遠的賒
10. 青瞑的看告示－看勿會出
11. 食家己的米，造別人的牆
12. 借尻川，畫獅頭；家己捧屎，家己抹面
13. 家己提索仔箍頷艮頁kun2
14. 烏矸仔貯豆油－看勿會出
15. 臭跤，擱踢被
16. 酒倒入舂臼，酒甕借別人
17. 做戲做到老，喙鬚提佇手頭
18. 偷食無拭喙；掠雞，抵鴨
19. 提錢，買奴才來做
20. 菜籃仔貯鱉－龜跤趖出來
21. 會曉偷食，勿會曉拭喙
22. 隔壁中進士，羊仔跋斷頭
23. 豬肚咬出去，草鞋咬入來
24. 賣後生，招囝婿；駛牛，去揣馬
25. 雞胿 kui1弄破，故鄉免住
26. 捌算毋捌除，糶米換蕃薯
27. 籠床蓋蓋無密－漏氣
53.養身
1. 一暝無眠，三暝補勿會盡
2. 土水驚掠漏，醫生驚治嗽
3. 子時睏會著，較好食補藥
4. 小口林小人參，大口林誤了身
5. 少年靠營養，食老靠保養
6. 巧的顧身體，戇的顧家伙
7. 平安，著是福；目睭金金，人傷重
8. 好命毋值勇健，好額毋值會食
9. 早起精神好，想濟血氣衰
10. 早頓食飽，中晝頓食巧，暗頓半枵飽
11. 垃圾食，垃圾肥，清氣食吐目蕾
12. 食甲魚魚肉肉，規身軀軟食夾食夾 kau4
13. 食清，睏宮，人精英
14. 食愛照三頓，睏愛照時陣
15. 食對藥，青草一葉；食毋對藥，人參一石
16. 問神著有毋著，看醫生著食藥
17. 飯後行百步，較好開藥舖
18. 暗頓減食一口，活到九十九
19. 萬金良藥，不如無病
20. 滿天全金條，欲挲無半條
54.歷史
1. 唐山過台灣，心肝結規丸
2. 無田無園，盡看鹿耳門
3. 王爺公無保庇，害死蘇有志
4. 過番貝春一半，過台灣無塊看
5. 基隆無城，食飽著起行
6. 一個某，較贏三個天公祖
7. 有唐山公，無唐山媽；台灣梟，堆山
8. 圓仔花，毋知禾黑；番婆仔好牽，三跤鼎僫安
9. 某大姊，坐金交椅；聽某喙，大富貴
10.溪底蕃薯厚根，平埔番仔厚親
11.爬過三貂嶺，著無想厝內的某囝
12.金門毋認同安，台灣毋認唐山
13.一府、二笨、三艋舺；一府、二鹿、三新莊
14.十二十三讓你歹，十九二十你著知
15.少年若無一遍戇，路邊哪有有應公
16.紅柿出頭，羅漢跤仔目屎流；
紅柿上市，羅漢跤仔目屎滴
17.食，食飯店；睏，睏豬砧；洗面佇剃頭店
18.你毋是辜顯榮，我毋是廖添丁
19.陳林，半天下；陳林李蔡施，鄭趙呂劉高
55.膨風
1. 一丈人，九尺無路用
2. 一隻蝨母，謗到水牛大
3. 小生苦旦免相瞞，跤花先踏出來看
4. 王祿仔喙，狀元才
5. 出岫雞母，咯咯叫
6. 半桶屎，擔塊泏
7. 四兩人，講半斤話
8. 禾黑瓜厚籽，禾黑人厚言語
9. 放尿作水災，放屁作風颱
10. 食四面風，講五色話
11. 食無三把蕹菜，著欲上西天
12. 臭彈，免納稅
13. 草厝，掛玻璃窗
14. 無穿褲，喝大步
15. 膨大海，歕雞胿
16. 膨風水雞，刣無肉
17. 膨風無底，蕃薯隨斤仔買
18. 膨風龜，行路看身軀
19. 閻羅王出告示－鬼話連篇
20. 鴨卵，勿會對得石頭
56.親子
1. 一千銀，毋值著一個親生囝
2. 一目金，一目闔kheh4
3. 一個囡仔，較鬧熱三個大人
4. 一粒紅紅，顧到大人；一朝無食，父子無義
5. 一龍九子，種種不同；人莫知，其子之惡
6. 二歲乖，四歲睚，五歲上歹
7. 十隻指頭，伸出來嘛勿會平長
8. 三歲乖，四歲歹，五歲著押去刣
9. 三歲看到大，七歲看到老
10.也著箠，也著糜；大人，嘛著囡仔扶
11.大人生日食肉，囡仔生日著拍
12.大姊做鞋，二姐照樣；大狗爬牆，細狗趁樣
13.公媽疼大孫，父母疼幼囝
14.天無邊，海無底，鴨仔出世無娘嬭
15.夫妻本是同林鳥，父子本是怨業潲
16.手抱孩兒，才知父母時；欠囝債，舉囝枷
17.歹囝，會飼父；歹囝也得惜，孝男無地借
18.父母疼囝長流水，囝孝父母樹尾風
19.父母教囝愛囝好，毋是拍囝欲佚陶
20.父母愛名聲，囝兒惜面皮
21.好田地，不如好子弟
22.好囝好佚陶，歹囝不如無
23.有囝有囝命，無囝天註定
24.有囝的人散勿會久，無囝的人富勿會長
25.有的，驚囝毋吃；無的，驚囝大吃
26.有影好話三遍，連狗嘛嫌
27.有樣看樣，無樣家己想
28.囡仔人尻川三斗火，也會煮飯，也會炊粿
29.囡仔人跳過溝，食三甌
30.囡仔會走，大人迮到嗎嗎哮
31.兒孫自有兒孫福，莫為兒孫作馬牛
32.拍囝拍心肝，氣囝氣無影
33.芥菜無擘毋成欉，囡仔無教毋成人
34.食飯食阿爸，趁錢積私奇 khia1
35.勿會生毋值錢，欲生性命相交纏
36.送伊魚，毋值著教伊掠魚
37.強逼張飛讀春秋，至親難免結冤仇
38.捷罵勿會聽，捷拍勿會驚
39.教囝學泅，毋通教囝爬樹
40.細漢若無熨，大漢熨勿會屈
41.捏 tenn7驚死，放驚飛
42.無欠無債無成父囝，無冤無仇無成翁某
43.無米有舂臼，無囝抱新婦
44.無咧苦，有咧惱 loo2；著惱 loo2，才會做祖
45.會生得囝身，勿會生得囝心
46.會離門戶，勿會離腸肚
47.葵扇頭，拍人勿會疼；鼓，無拍勿會響
48.銅鑼較拍銅鑼聲，後母較好後母名
49.罵若會變，雞母嘛會舉葵扇
50.豬毋大，大對狗去；龜跤，龜內肉
51.豬仔囝會上槽，豬母食屎無
52.豬生豬疼，狗生狗疼；豬肉無米前cinn3，勿會出油
53.賣囝無喝囝名，賣田無田頭行
54.樹惜樹皮，人愛面皮
55.遺子千金，不如教囝一藝
56.錢銀幾萬千，毋值囝孫出人前
57.錢銀纏半腰，免驚銀紙無人燒
58.鴨討食別人的田，生卵家己的
59.濟囝枵死爸，濟新婦磨死大家
60.濟囝濟女濟冤家，無囝無女活菩薩
61.雜唸大家，出蠻皮新婦
62.倖豬夯灶，倖囝不孝
63.嚴官府出厚賊，嚴爸母出阿里不達
64.雞母帶chua7囝會輕鬆，雞公帶chua7囝會拖帆
57.親情 ciann5
1. 丈人丈姆珍珠寶貝，老父老母路邊柴皮
2. 丈姆看囝婿，愈看愈可愛；丈姆厝，好佚陶
3. 囝婿一下到，雙跤攏攏作一灶
4. 兄弟不和，交友無益
5. 兄弟是兄弟，隨人顧家己
6. 兄弟若仝心，烏土變成金
7. 拍虎掠賊，著親兄弟
8. 有姑是姑丈，無姑是野和尚
9. 做豬食潘，做媽搖孫
10. 戇雞母孵鴨孫，戇外媽疼外孫
11. 天頂天公，地下母舅公
12. 外甥食母舅，親像食豆腐
13. 母舅食外甥，親像哺鐵釘
14. 一代親，二代表，三代毋捌了了
15. 貧來，親也疏；散赤人，無好額親情ciann5
16. 無囝毋通靠侄，無褲毋通靠裙
17. 飼豬仔好刣，飼外甥有去無來
18. 親堂好，相置蔭；歹，相連累
19. 親情ciann5是親情ciann5，隨人顧性命
20. 親欺，極無醫
58.職業
1. 一年換廿四個頭家
2. 一牽成，二好運，三本事
3. 人各有所長，一個人無雙重才
4. 八仙過海，隨人變通
5. 十八般武藝，件件皆能
6. 千辛萬苦，為著腹肚；先顧腹肚，才顧佛祖
7. 大工無人倩，小工毋願行
8. 毋去無頭路，欲去無法度
9. 水缺做久無換變田崩，長工做久無換變老翁
10. 有人入山趁食，有人落海討掠
11. 有頭殼，免驚無紗帽通戴
12. 油湯趁、油湯食，毋趁做乞食
13. 食，毋驚頭家散；做，毋驚長工死
14. 食，食頭家；睏，睏頭家娘
15. 討海人，翁富某毋知，翁死某無代
16. 做草笠毋驚日曝，做鱟桸毋驚泔燙
17. 第一醫生，第二賣冰
18. 這溪無魚別溪釣，東港無魚西港拋
19. 飯會濫糝lam7 sam2食，工課勿會濫糝做
20. 會發做糕，勿會發做粿
59.雜唸
1. 一枝喙，敢kan2若破雞筅ching2
2. 一枝喙，敢kan2若鴨喙
3. 一枝喙直直陳，尻川予人犁田
4. 三千年的狗屎乾，也抾起來餾
5. 加食無滋味，加話毋值錢
6. 北港廟壁－畫仙
7. 石敢當徛街－鎮路
8. 有影好話三遍，連狗嘛嫌
9. 阿公娶某－加婆；家婆
10. 咳咳嗽，無食中晝
11. 會講的講一句，勿會講的講十句
12. 會聽聽話頭，勿會聽聽話尾
13. 龜龜毛毛
14. 雜唸大家，出蠻皮新婦
60.雜插chap4
1. 五里鴟鶚，欲啄七里雞
2. 好貓管百家，歹查某管一天跤下
3. 好貓管百家，好狗管通天跤下
4. 扛轎毋扛轎，管新娘放尿
5. 扛轎仔毋扛轎，煩惱新娘毋放尿
6. 有錢，免擋土地公娶某
7. 孝男，扲gim7棺
8. 阿公毋做，欲做孫
9. 紅目有，湊鬧熱
10. 食家己的米，煩惱別人的事志tai3 ci3
11. 家己睏桌跤，煩惱別人的厝漏雨
12. 烏卒仔，食過河
13. 淡水魚，入鹹水港
14. 清閒人毋做，欲做雞母筅糞圾
15. 鴨母毋管，欲管鵝
16. 鯽仔魚，食過河
17. 藥店甘草－雜插
心適激骨話彙編
1. 一空掠雙隻─好空
2. 一手舉香，一手舉銃－射神；謝神
3. 一目的看戲－一目了然
4. 一個人食圓仔－獨吞
5. 一間貨賣了了－通銷；通霄
6. 一盤魚脯仔－專專頭
7. 七月半鴨仔─毋知死活
8. 二十兩－斤四；近視
9. 人徛佇路燈跤－有影
10. 人客罰徛－無椅賜；無意思
11. 八戒成仙－豬哥神
12. 八芝蘭米糕－食有紲
13. 十二月天食葡萄－凍酸
14. 十二月肉湯─穩凍；穩當
15. 十二月芥菜－有心
16. 十二月南風─當面暴；當面報
17. 十二月風吹─痟siau2甲無尾溜
18. 十五支柺仔舉雙手─七拐八拐
19. 十五仙土地公峙兩爿－七土八土
20. 十全欠兩味－八珍
21. 十角－一箍散散
22. 十個老父－十種；雜種
23. 三好加一好－四好；死好
24. 乞食伴羅漢－好味好素
25. 乞食呵咾好身分－毋知家己禾黑
26. 乞食婆綴 tue3人走反－加無閒
27. 乞食跋倒－摔管；啥講
28. 乞食跋倒－管加落；講加落
29. 乞食過溪－行李濟
30. 乞食抾著錢－管欲拈；講欲呢
31. 乞食轉厝－倒營；倒贏
32. 千金小姐欲出嫁－大妝；大庄
33. 土公仔洗手－埋完；台灣
34. 土地公毋驚風雨吹－老神在在
35. 大兄坐無正－歪哥
36. 大石頭硩 teh4毛蟹－壓霸
37. 大嚨喉叫人─好喊；好險
38. 大某打細姨─大出手
39. 大紅花－禾黑毋知
40. 大腸好食－啊！屎管；阿使講
41. 大腸店頭家－賣屎管；勿會使講
42. 大道公佮媽祖婆－風佮雨
43. 大樓的電梯－起起落落
44. 小卷花枝－無血無目屎
45. 山猴變猴弄－卡變嘛迄幾步
46. 五支指頭仔－三長兩短
47. 五月十三－麼旗嘛有；乜奇嘛有
48. 五百鮮豬仔－敢若 na7一支喙
49. 六月芥菜－假有心
50. 六月棉被－揀人蓋
51. 公共便所－眾人漩 suan7；眾人訕
52. 天公酒甕－天酡；天忒
53. 天公帳簿─大冊；大慼 cheh4
54. 天然痘出透透－破痘；破逗
55. 太子爺起跤－閬lang3港
56. 太太的私傢錢－妻鈔；腥臊
57. 文王拖車－一步一步好
58. 日本凊飯－壽司；輸死
59. 日本銅鼎─無臍；無才
60. 毋是在欉黃的－穩的
61. 水肥車排規列－拖屎連
62. 水淹到頷艮頁kun2－拄著
63. 火車行到基隆尾－盡磅
64. 火車軋 kauh4塗豆－破格
65. 火葬場的大鼎－沖沖chiang5滾
66. 火葬場的大鼎－炒死人；吵死人
67. 火燒甘蔗園─無葉hap8；無合
68. 火燒竹林─無竹殼；無的確
69. 火燒林投─勿會死心
70. 火燒厝─厝味；趣味
71. 火燒罟koo寮─無網；無望
72. 火燒茶鈷店－落缶崔sui1
73. 火燒墓仔埔─薰鬼
74. 火燒豬頭─面熟面熟
75. 火燒雞寮─芳貢貢
76. 牛面前讀經－無採喙
77. 牛鼻拄著賊手－去了了
78. 牛踏破塗豆－破格
79. 王見王－死棋；死期
80. 北港石壁─厚畫；厚話
81. 北港香爐－眾人插
82. 北港媽祖－蔭外境；興外庄
83. 北港廟石壁－厚畫；厚話
84. 北港廟壁－畫仙；話仙
85. 半暝仔食西瓜－天光反症
86. 半暝仔記數 siau－暗算
87. 半暝吹電風－暗爽
88. 半暝看日頭─猶早咧
89. 司公拍桌─嚇（hann2）鬼
90. 司公唸咒－呼神；胡蠅
91. 台南迎媽祖－麼奇嘛有；乜旗嘛有
92. 台南擔仔麵－好康湊tau3相報
93. 台灣糖籠－有去無回
94. 台灣蟳－無膏
95. 四十錢提兩厘─三八
96. 四兩豬肉切兩盤－好看擱省錢
97. 四兩雞仔半斤頭－大頭雞；大頭家
98. 外省人食柑仔─酸；旋 suan＝溜走
99. 外省人搬戲－做戲；做死
100. 外省仔麵─麵啦；免啦
101. 外省仔麵線─麵線；免鮮
102. 外甥仔點燈火－照舅；照舊
103. 奶母抱囝－別人的
104. 尼姑做滿月－無彼號事志tai3 ci3
105. 幼招園招生─老不收；老不修
106. 甘蔗規枝囓─無斬節
107. 生理人擔大肥－賣屎；勿會使
108. 用酒矸仔盛雨水－矸盛；奸臣
109. 田底石頭－抾确(khioh4 kak8)
110. 田螺含水過冬─等時機
111. 田螺趖過－有痕
112. 白布沐著打馬膠－歹洗；歹勢
113. 白布落落去染缸內－洗勿會清
114. 白矸仔貯墨水─烏到心
115. 白賊七仔講古─騙戇人
116. 石敢當峙街－鎮路
117. 石壁摃鋼釘－硬拄硬
118. 立地成佛－放殺；放捨
119. 夯刀切肉－撩落去
120. 尻川挾ngeh8火金姑－tenn3星；tenn3生
121. 先生娘寫的－細字；細膩
122. 先生節脈－摸講；罔講
123. 冰箱底講話－冷言冷語
124. 囡仔坐火車－嘟嘟好；拄拄好
125. 囡仔放尿－小港
126. 囡仔食蟳－興管；興講
127. 囡仔做大戲－做無路來
128. 囡仔跋倒－媽媽敷敷；馬馬虎虎
129. 囡仔學唱歌－無譜
130. 在欉黃的－無穩
131. 好料的食勿會椆腹－吞吞吐吐
132. 曲痀馬─駱駝；樂陶 lok8 to5
133. 曲痀跋落海─彎泅；冤仇
134. 曲痀拄著大腹肚─密拄密 ba7
135. 曲痀的放屁－彎彎曲曲
136. 有湊柄－好舉；好額
137. 有應公的童乩－講鬼話
138. 死人畫妝－有死人扮；有死人範
139. 死狗做墓─無名無姓
140. 死蛇活尾溜－死趖
141. 百百款－萬金
142. 百發百中－無毋著
143. 竹管仔底挾 ngeh8塗豆－一粒一
144. 米苔目包餡─勿會做得
145. 米甕摃銅鐘－空空
146. 老人叫囡仔叔公－論輩無論歲
147. 老人食紅蟳─管無效；講無效
148. 老人食麻油─老熱；鬧熱
149. 老人留鬍鬚－老不修
150. 老爹過渡－該載；佳哉
151. 老猴爬上竹篙尾－無步
152. 老猴穿花衫－無四su3配
153. 老歲仔咳嗽－霧風；霧峰
154. 老歲仔穿針－揣空揣縫
155. 老道士放屁－句句真言
156. 鳥鼠仔入牛角－穩篤篤tak4
157. 鳥鼠仔食油－目睭金
158. 鳥鼠揣無路－扣扣闖cong5
159. 鳥鼠無洗身軀－鼠味；趣味
160. 西瓜藤，搭菜瓜棚—出風頭
161. 西裝店歇睏－不服
162. 佛蘭西水－食一點氣
163. 含頭剾─無剉；無錯
164. 搣鹽拄心肝－豉心；死心
165. 李鐵柺學狗吠－狗聲乞食喉
166. 杜康過身－酒鬼
167. 灶空炰 pu5鱔魚─燒鰻；相瞞
168. 灶空炰 pu5田蛤－燒蛤；相合
169. 秀才的包袱仔－包書；包輸
170. 秀才看遺言書－讀死冊
171. 見著網，目箍紅－看破
172. 兩角找五鮮─角五；覺悟
173. 和尚扒船－無髮渡；無法度
174. 和尚衫－無鈕鈕；無了了
175. 和尚頭揣虱母－誣賴
176. 底片走光─無影
177. 抽籤入浴間－鬮洗；剾洗
178. 放尿攪沙－勿會做堆
179. 放屎無拭尻川－無理解
180. 狗吠火車─無路用
181. 狗咬鳥鼠－管閒仔事
182. 狗咬鐵釘－毋願放
183. 狗食秫米－無變
184. 狗蟻爬樹－隨人爬
185. 狗蟻跋落鼎－炒死；吵死
186. 初十廿五－無理髮；無你法
187. 初來新娘，月內幼囝－僫款待
188. 金仔山查某─礦區女；控固力
189. 金雞拖木屐－罔賺罔食
190. 門牌改一號－換頭家
191. 阿公娶某－加婆；家婆
192. 阿兄無頭路－閒哥；鶯歌
193. 阿兄徛樓頂－哥哥在上；高高在上
194. 阿里山的杜定－青跤
195. 阿婆仔生囝－誠拼咧
196. 阿婆仔放尿－沓沓滴滴
197. 阿婆仔炊粿－倒塌
198. 阿婆仔穿戴安芬－勿會博假搏
199. 阿婆仔食蟳－講無效
200. 阿猴厝頂－青仔欉
201. 阿媽生查某囝─生菰；生姑
202. 阿媽欲嫁尪－公管；公館
203. 青盲的拍算盤－勿會見帳；勿會見笑
204. 青盲的放炮－亂彈
205. 青盲的放粉鳥－毋知去向
206. 青盲的看戲－有聽見聲，無看見影
207. 青盲的食圓仔－心內有數
208. 青盲的掛目鏡－無路用
209. 青盲貓咬雞－毋願放
210. 青盲的看告示－無採工
211. 佮啞口問路－無採喙
212. 便所彈吉他－臭彈
213. 保護三藏去取經─著猴
214. 剃頭店公休－無理髮；無你法
215. 城隍爺出巡－大事志tai3 ci3
216. 城隍爺的尻川－歹摸
217. 姜子牙釣魚－線仙；散仙
218. 客人的鼎蓋－莫怪
219. 客人穿鞋－足害
220. 客人食龍眼－死憖憖
221. 客人做新衫－做一站
222. 客人種蕃薯－存範死
223. 扁擔削做尺－大材小用
224. 查甫人放尿－晃頭仔
225. 查某人喙齒－女牙；你的
226. 查某女間摜肉－生看熟無份
227. 查某囝大漢－好嫁；好價
228. 看人食包仔－喝燒
229. 穿尼龍的－看現現
230. 紅龜抹油─媠面
231. 胡蠅戴龍眼殼－崁頭崁面
232. 胡蠅跋落鼎─炒死；吵死
233. 胡蠅塞虎喙－騙喙騙喙
234. 苦瓜燉鰱魚－苦鰱；可憐
235. 茄仔開黃花－變相
236. 蠓仔叮牛角－無採工；無震動著
237. 食毋著藥─換帖
238. 食芎蕉皮－失戀
239. 食紅柿配燒酒－毋管死活
240. 食滷卵配高梁酒－穩死
241. 食蟳－興講
242. 香港跤發作－皮塊癢
243. 倩鬼拆藥單－穩死
244. 孫仔佮阿媽睏－鎮公所
245. 孫悟空赴蟠桃會－無人請，家己來
246. 恩主公口林燒酒－看勿會出來
247. 拳頭母拍家蚤－有力使勿會出
248. 拳頭師父相拍－無照步來
249. 桌頂拈柑－真簡單
250. 浸水棉紗－歹紡
251. 海結仔無抹油－崁頭崁面
252. 海龍王辭水－假細膩
253. 烏牛大影－好看無好食
254. 烏矸仔貯豆油－無底看；看勿會出
255. 烏鶖騎水牛－無四配
256. 眠床跤放風吹－勿會凊
257. 破甕內大龜－龜跤趖出來
258. 缺喙的－歹唚；歹心
259. 缺喙的食米粉－看現現
260. 缺喙的賣蠣仔肉－密仔密
261. 缺喙的講話－漏氣
262. 臭頭包布－防蠅；風神
263. 草人拍火－自身難保
264. 草人幪棕蓑─假鬼假怪
265. 草厝湊鐵窗－無四配
266. 草蓆捲籤擔－雙頭吐；雙頭土
267. 茶鈷破空－漏茶；漏題
268. 鬼摸閻羅王尻川－大膽
269. 恁厝賣火炭－烏鼻管；烏白講
270. 做賊點燈火─真憖頭
271. 啞口的相罵－毋知啥人著
272. 啞口的談戀愛－比來比去
273. 啞口的硩 teh4死囝－無話講
274. 啞口的讀冊－無話講
275. 娶新婦，嫁查某囝－一入一出
276. 接骨師父－湊跤手
277. 捧糖無洗手－糖甘甜
278. 欲食免想－no2-sut4
279. 添丁進財－加人加福氣
280. 牽豬哥的－趁暢；趁爽
281. 猛日曝菜脯 －快乾；快官
282. 產婆摸尻川－外行
283. 第一銀行－錢仔頭
284. 細姨講話－小說
285. 荷蘭豆性－快熟
286. 郭仔魚假赤鬃─無夠紅
287. 陳布衣嫁查某子－濟畫；濟話
288. 魚勿仔魚食著皇帝肉－暢共無鰾
289. 麥芽膏罐－愛人撬；愛人譙
290. 博士班畢業－無校；無效
291. 跋歹筊－會贏；下營
292. 喙唇皮抹油－滑溜秀
293. 喙唇糊糊仔－歹開喙
294. 喙齒咬沙－足礙虐
295. 喙鬚貼膏藥－有毛病
296. 寒天起火爐－暖暖
297. 插雉雞尾－假番
298. 提薑母拭目睭－假哭
299. 棺材內伸手－死愛錢
300. 棺材內唱曲－毋知死活
301. 棺材內鳥鼠－齪死人
302. 棺材底放炮─驚死人
303. 棚頂的皇帝－做勿會久
304. 無刀刣王梨－咬目
305. 無牙的食甘蔗──加減吮cng7
306. 無囥發粉－無發；無法
307. 無崁牛喙檻－亂食
308. 無貫牛鼻－亂闖cong5
309. 無齒食豆腐－拄仔好
310. 犀牛照角－見面著觸
311. 猴叫豬哥－師弟；輸濟
312. 猴穿衫－仝款歹看
313. 發條冗ling7去－欠人轉cuan7
314. 菩薩著賊偷－失神
315. 菜瓜摃狗－缺一橛；去一橛
316. 菜脯搵豆油－加了的
317. 菜籃仔貯沙－沙落；沙鹿
318. 開飯店驚人大食－豈有此理
319. 飯坩囥傷懸－僫貯；澳底
320. 飯匙貯泔－僫貯；澳底
321. 口林滾水放茶米茶－火大
322. 黃金甕入水－激骨
323. 黑矸仔貯醬油─看勿會出來
324. 傳家佛經－世世唸；踅踅唸
325. 圓仔炒大麵－膏膏ko1纏
326. 圓仔花－毋知禾黑
327. 塗牛入海－一去無回
328. 塗豆仁拍落去豬血桶－血仁；廢人
329. 塗豆擘殼－愛仁；愛人
330. 媽祖宮起毋著面－痟siau2的才會出勿會盡
331. 新娘無洗身軀－佮仙；甲仙
332. 新被送牽手－好妻蓋；好差教
333. 溫罐破空－漏熱；鬧熱
334. 溪沙埔拍矸轆－歹轉踅；周轉不靈
335. 煙筒崁蓋─勿會沖（ching3）
336. 煙筒管吊八粒李仔－八李薰；八里坌pun7
337. 當衫仔褲買燒酒－顧喙無顧身
338. 矮人爬山－步步高升
339. 矮人爬樓梯－步步高升
340. 矮人看戲－綴人拍噗 phok4仔；綴人喝
341. 腦衝血－頭殼歹去
342. 蜈蚣行入狗蟻岫－該死
343. 賊仔拍官司－穩輸
344. 跤帛掛竹篙－臭颺；麼奇嘛有
345. 跤底抹油－旋suan
346. 跤底抹粉－裝跤；庄跤
347. 隔壁歕燈火－佮你無治事tai7
348. 鼎內炒狗蟻－走無路
349. 銃子拍著肚臍空─註死的
350. 墓仔埔放炮－吵死人
351. 墓仔埔凊煙－薰鬼
352. 墓仔埔做大水－濕墓；失望
353. 墓仔埔童乩－講鬼話
354. 壽星唱曲─老調
355. 對頭冤家主－鑿目；礙目
356. 對鹽館入去，對染房出來－鹹擱澀
357. 慢牛過溪－厚屎尿
358. 摸蜊仔兼洗褲─順紲工
359. 旗山芎蕉－穩的
360. 種匏仔生菜瓜－有夠衰
361. 算盤籽－無大無細
362. 聞太師行到絕龍嶺－進無步，退無路
363. 銅銀買紙靴－雙頭暢
364. 魁星跳落海－無筆；未必
365. 齊天大聖做投手－豬哥承；豬哥神
366. 儉錢買檳榔－留後哺；留後步
367. 寫真館著火－燒像；相相
368. 數簿拍無見去－勿會見數；勿會見笑
369. 澎湖菜瓜－十稜；雜唸
370. 線穿針－拄仔好
371. 蝦仔行路－倒彈
372. 豬八戒拜天公－家己刣家己
373. 豬頭皮－炸 cuann3無油
374. 賣豆菜無夯秤－亂挲
375. 賣魚無夯秤－揀尾；景美
376. 賣碗盤的捙倒擔─缺了了；去了了
377. 賣鴨卵的捙倒擔─看破
378. 墨賊仔頭－無血無目屎
379. 騎飛魚放屁－臭氣沖天
380. 擔沙填海－了戇工
381. 擔肥去市場－賣屎；勿會使
382. 機關安佇倉庫－其中必有緣故
383. 貓爬樹－毋成猴
384. 貓面的開會－歹面相看
385. 貓食鹽－存範死
386. 閻羅王出火籤－應該死
387. 閻羅王出告示－鬼話連篇
388. 閻羅王無米－枵鬼
389. 閻羅王開酒店－毋驚死的做你來
390. 閻羅王講話－鬼知影
391. 閻羅王變魔術－騙鬼
392. 頷艮頁kun2生瘤－拄著
393. 頭殼戴烘爐－腦熱；鬧熱
394. 鴨仔過溪－無撩liau5；無聊
395. 鴨仔聽雷－聽無
396. 鴨卵擲tan3過山－看破
397. 鴨卵磕石頭－勿會磕得
398. 龜爬戶木奠ting7－看按怎反
399. 戲棚頂的翁仔某－有名無實
400. 舉量仔量棺材─大鉤棺；大交關
401. 薄冊仔打桶－假功夫
402. 薄情郎－哥雄；高雄
403. 蟑蜍展氣功－膨風
404. 隱痀死過年─勿會直
405. 鵁鴒講話－綴人話尾
406. 規欉好好－無剉；無錯
407. 鎮守古廟－老神在在
408. 雙跤踏戶木奠 ting7－無入無出
409. 雞仔拄著一堆蟲－總捅；總統
410. 雞仔跋落米甕－好食睏
411. 雞母抾食－觸喙觸舌
412. 攏是你害的－怨你；苑裡
413. 攏褲過溪－大撩；大寮
414. 羅漢請觀音－一客九主人
415. 藥仔百百款－萬丹
416. 藥店甘草－逐項都摻著；雜插
417. 關公賣豆腐－簡單
418. 關門拍狗－無塊走
419. 魔王嫁查某囝─嫁鬼嫁怪；假鬼假怪
420. 籠床崁無密─漏氣
421. 籠床崁蓋－勿會凊
422. 鹽水港－闊莽莽
423. 鹽館的頭家－有夠鹹
424. 廳頭吊款─看款
425. 觀音媽偷食鹹魚－冤枉人
426. 鱷魚蠓仔香－擱卡濟來嘛無夠看
427. 戇囝婿食水薰吹－薰到茶也到
428. 戇蠓叮神明－無震動著
台北縣鄉土語文輔導團兼任輔導員 鄭安住老師提供台灣俗諺佮激骨話