Te Karakia a Ruawharo
Waiata mai te karakia o Ruawharo e…..
Tū mai awa, tū mai moana
Ko koe takahia noatia e au
Tupe aunuku, tupe aurangi
Whati ki runga, whati ki raro
Uru marangaranga
Pērā hoki rā taku manu nui nā Tāne
Ka Tatau atu ki roto o nuku ngaere
Maia whiwhia
Maia rawea
Maia whakatakaia
Ka taka te huki rawea
Koro i runga, koro i raro
Koro i Tawhirimātea
ki korā hoki koe tū mai ai
Ka hura te tamatea nūnui
Ka hura te tamatea roroa
Te kauaka nuku, te kauaka rangi
Te āio nuku, te āio rangi
Te kura mai hukihuki
Te kawe autetere, kawe aunuku,
kawe autoi oi
Tumatakokiritia
Hoatu waka ki uta, hoatu waka ki tai
Ngaru hinga atu, ngaru hinga mai
Kei runga te mata wahine
Kei raro te mata tāne
Huki nawenawe
Tēnei te waka ka whakairia
Ko Tākitimu te waka e
Ko Tamateaarikinui te Tangata