Eia nō kākou e noho paʻa nei ma ka hale. No ka nui o nā lā i hala iho nei o kēia noho paʻa ʻana, manakā paha kākou. Moloā paha kākou. Mai nō a poina i ka ʻōlelo a ko kākou poʻe kupuna, ʻaʻole loaʻa i ka noho wale. Mai makaʻu i hana, makaʻu i ka moloā.

E hoʻomanaʻo mau kākou i ko kākou Mōʻī Liliʻuokalani, noho paʻa ʻo ia i ka hale aliʻi no 8 mau mahina, ʻewalu mahina ka noho paʻa ʻana. ʻAʻole hiki iā ia ke puka i waho no 8 mau mahina, a he aha paha kāna hana? Noho mehameha me ke kaumana, noho moloā a hana ʻole. ʻAʻole hoʻi hā! I loko nō o kēlā mau mahina lōʻihi palena ʻole, humuhumu ʻo ia. Kākau puke ʻo ia. Haku mele ʻo ia.

He aha ana paha ka hua e loaʻa mai iā ʻoe ma ka hopena o kēia noho paʻa ʻana?