Mulleres da Ponte
O C.E.I.P. Ponte dos Brozos está situado nunha poboación semiurbana, dinamizada polo Polígono Industrial de Sabón e moi preto da Coruña, pero non por iso deixa de ter afluencia de alumnado que procede do medio rural.
Polas súas características xeográficas e sociais, pode incluírse na categoría de centros de carácter pluricultural e macrocentro.
O centro desde hai anos aposta por unha incorporación global e integral das tecnoloxías da información e a comunicación no sector do ensino público, experiencia que comezou no ano 2001 e quese inscribe dentro do Proxecto Arteixo Innovación.
Desde fai xa uns anos o Ceip Ponte dos Brozos iniciou o seu camiño cara á internacionalización e a apertura cara a outras realidades para conseguir que o centro sexa un lugar de referencia proporcionando materiais, recursos e boas prácticas nun contexto de ensino público, integradora, sostible, inclusiva e de calidade.
Desde o ano 2014 pertencemos ás Escolas asociadas Unesco e no marco desta organización fomos seleccionados como boa práctica. O artigo no que se detalla a traxectoria do centro titúlase: Mobile learning as a long-term institutional innovation strategy in Spain: case study by the UNESCO-Fazheng project on best practices in mobile learning.
Nos últimos anos a nosa traxectoria no ámbito das TIC, a inclusión e as minorías étnicas tiveron diversos recoñecementos:
- Primeiro premio do MECD á Inclusión de alumnos que se atopan en contextos sociais desfavorecidos polo traballo titulado "Español con iPad para alumnado estranxeiro", ano 2012.
- Primeiro Premio Nacional de Educación do MECD para escolas polo traballo "Recreo con códigos", ano 2016.
Tamén participamos nun proxecto Erasmus + K-229 como centro coordinador: " Walking through the memory with immersive technologies"