Ko Wai Mātou?

'He ao te rangi ka ūhia, he kai te whare wānanga ka tōroa'

Nō ngā pito, ngā whāruarua o te motu, tēnei a Te Whiri. Ahakoa nō whea mātou, he whānau kotahi, e hoe tahi ai.

He akomanga rumaki, e noho i raro i ngā parirau a Ngāti Raukawa ki te Tonga.

Nō Te Miri ki Te Remu, mai Te Remu ki Te Tapa, mai Te Tapa kia Mātou o Te Whiri, tae atu ki ngā tuakana o Te Mutunga Iho. Neirā mātou ngā uri, ngā kakanō o Te Korowai Whakamana.

Tōku reo, tōku ohooho, tōku mapihi maurea. Ko te kai a te Rangatira, ko Te Reo! kia ita, kia mau!

Tā mātou Kaiako - Whaea Kahurangi

He mama, he koka, he tuakana, he tuāhine i tipu ki raro i te kotahitanga o ngā iwi o Te Ūpoko o te Ika, āra, ko Te Ati Awa, ko Raukawa, ko Toa. He mokopuna hoki o te Tairāwhiti, ki Te Wairoa. He kaihapai i te rama nō te iwi Mōrehu hoki nei.

Naku te whiwhi kia poipoi i ngā purapura o Te Whiri mo te oranga tonutanga mo te āpōpō, e kiia nei Ngā Rangatira mo te Ao.