Eskola Kirola
Eskola Kirolarekin, besteak beste, heziketa, garapen psikosoziala, inguruarekiko errespetua, talde-lana eta euskara sustatu nahi ditugu, eskola-orduz kanpoko kirol jardueren bitartez.
Eskola Kirolarekin, besteak beste, heziketa, garapen psikosoziala, inguruarekiko errespetua, talde-lana eta euskara sustatu nahi ditugu, eskola-orduz kanpoko kirol jardueren bitartez.
ESKAINTZA
ESKAINTZA
Kirol anitzeko programa
Kirol anitzeko programa
LH3 eta LH 6. maila arteko ikasleentzat Oarsoaldeko gainontzeko ikastetxe eta udalekin batera antolatzen den ekimena. Ikusi Oarsoaldeko kirol anitzeko programaren laburpen bideoa.
Mendizaletasuna sustatzeko jarduerak
Mendizaletasuna sustatzeko jarduerak
LH3tik DBH4ra arteko ikasleek eta haien familiek mendiaz gozatzeko duten aukera, Urdaburu Mendizale Elkartearen eta Ikastolaren arteko elkarlanari esker.
Hastapen-jarduerak
Hastapen-jarduerak
Eskola-orduen barruan, ikasleei horren ohikoak ez diren kirol modalitate edo jarduerak ezagutzeko aukera ematen zaie.
HELBURUAK
HELBURUAK
- Kirolaren eta jarduera fisikoaren balioak sustatzea.
- Elkarbizitza sustatzea. Ikastolako kirol-taldeek Ikastola ordezkatzen duten neurrian, txiki-txikitatik autoestimazioa eta norberak bere buruaganako konfiantza lantzea. Horrekin batera, egoera desberdinetan izan behar dituzten jarrerak eta balioak lantzea (emakume eta gizonezkoen arteko parekidetasuna, tolerantzia, integrazioa, aniztasuna, elkartasuna, kiroltasuna, epaile zein beste taldeetako jokalariekiko errespetua, joko garbiaren balioa, erantzukizuna eta konpromisoa, joko-arauekiko begirunea…).
- Euskararen erabilera sustatzea eta bermatzea.
- Adin ezberdinetara egokitutako kirol-jarduerak ikastea, jolasa ardatz hartuta.
- Etorkizunean ohitura osasuntsuak izaten lagunduko dien kirol-aniztasuna bermatzea. Haurrari jarduera eta modalitate ugari ezagutu eta bizitzeko aukera ematea, etorkizuneko bere aukeraketa errazten laguntzeko asmoz.
- Higiene-ohiturak sustatzea (dutxatzeko ohitura, aldatzeko arropa ekarri eta janztea...).
Informazio gehiagorako: Unai Esnal (Eskola Kiroleko arduraduna)
Informazio gehiagorako: Unai Esnal (Eskola Kiroleko arduraduna)
eskolakirola@oreretaikastola.eus / Tel.: 943 52 03 97 (luzapena: 243) / Mug.: 696 289 141
eskolakirola@oreretaikastola.eus / Tel.: 943 52 03 97 (luzapena: 243) / Mug.: 696 289 141