閩南語唸謠：點仔膠

點仔膠，黏著腳，

叫阿爸，買豬腳。

豬腳箍仔燉爛爛，枵鬼囝仔流喙涎。

閩南語唸謠：天黑黑

天黑黑，欲落雨，鯽仔魚，欲娶某。

魚擔燈，蝦拍鼓，水蛙扛轎大腹肚，田螺舉旗叫艱苦。

閩南語唸謠：１２生肖

一鼠賊仔名，二年駛犂兄，

三虎爬山坪，四兔遊東京。

五龍皇帝命，六蛇給人驚，

七馬走兵營，八羊食草嶺。

九猴爬樹頭，十雞啼三聲，

士一狗仔顧門埕，十二豬是菜刀命。

閩南語唸謠：ABC

ABCD狗咬豬，

阿公仔坐飛機，

摔一下冷吱吱，

叫醫生來共伊醫，

醫一下腳骨大細枝，

醫一下腳骨大細枝。

閩南語唸謠：大頭仔

大頭仔，大頭仔生後生，

唱歌欲唱Do Re Mi 。

Do Re Mi ，Do Re Mi，大頭仔賣肉羹。

肉羹肉羹結歸圓，

大頭仔講伊欲賣肉圓。

肉圓歹食無人買，大項仔氣著賣碗粿。

碗粿碗粿冷吱吱，大頭仔氣著賣花枝。

花枝花枝真臭臊，大頭仔換來賣米糕。

米糕米糕燒滾滾，頭仔講伊欲賣米粉。

米粉爛爛傷細碗，大頭仔毌知欲按怎。

閩南語唸謠：初一早

初一早，初二巧，初三睏到飽，

初四頓頓飽，初五隔開，

初六挹肥，初七七元，

初八原全，初九天公生，

初十有食食，十一請囝婿，

十二查某囝轉來拜，

十三食泔糜仔配芥菜，十四結燈棚，

十五上元暝，十六拆燈棚。

紅棗干

紅棗干，紅雨傘；你點燈，我來看。

 看啥物？看新娘，新娘高抑低？

 夯椅子拜老爸，老爸無穿襖。

 夯椅子拜兄嫂，兄嫂無穿裙。

 夯椅子拜龍船，龍船趨趨飛。

坐飛機

坐飛機，看天頂；坐大船，看海湧火；

坐火車，看風景；坐公車，錢卡省；

坐牛車，順續挽龍眼。

白鴒鷥

白鴒鷥，車糞箕，車到溪仔墘，

跋一倒，抾著兩先錢。

一先儉起來好過年，一先買餅送大姨。