MODULE 2: MGA ISYU SA PAGGAWA

Paksa 1: GLOBALISASYON AT ANG MGA ISYU SA PAGGAWA

Ang mga manggagawang Pilipino ay humaharap sa

iba't ibang anyo ng suliranin at hamon sa paggawa.

Mababang Pasahod

Ang mababang pasahod ay isa sa mga pangunahing suliranin na kinahaharap ng bansa sa mahabang panahon. Iba't ibang hakbang at programa na ang ipinatupad ng pamahalaan upang masugpo ito.

Kawalan ng Seguridad

Ang kawalan ng seguridad sa pinapasukang kompanya ay isa sa mga suliraning kinahaharap ng mga manggagawa. Isa itong suliraning dapat mabigyang pansin ng pamahalaan upang mapangalagaan ang mga manggagawa sa kanilang pinapasukang kompanya.

Job-Mismatch

Ang job mismatch ay ginagamit na terminolohiya sa isang manggagawa na hindi tumutugma sa kaniyang kwalipikasyon o kakayahan ang kanyang trabaho na pinasukan.

Kontraktiwalisasyon

Ang kontraktwalisasyon ay isa sa mga iskema upang higit na pababain ang sahod, tanggalan ng benepisyo, at tanggalan ng seguridad sa trabaho ang mga manggagawa. Atake rin ang kontraktwalisasyon sa karapatang mag-organisa at mag-unyon.

Dahil sa paglaganap ng globalisasyon naaapektuhan nito maging ang bahay pagawaan na kung saan nagbunga ito ng pagtatakda ng mga pandaigdigang samahan tulad ng World Trade Organization (WTO) ng mga kasanayan o kakayahan sa paggawa na umaayon sa global standard ng mga manggagawa.

EPEKTO NG GLOBALISASYON SA PAGGAWA

1. Pangangailangan ng bansa para sa iba’t ibang kakayahan o kasanayan sa paggawa ng Global Standard.

2. Mabibigyan ng pagkakataon ang mga lokal na produkto na makilala sa pandaigidigang pamilihan.

3. Binago ng globalisasyon ang bahay-pagawaan at mga salik ng produksiyon tulad ng pagpasok ng iba’t ibang gadget, computer/IT programs, complex machines at iba pang makabagong kagamitan sa paggawa.

4. Dahil sa mura at mababa ang pasahod sa mga manggagawa kaya’t madali lang sa mga namumuhunan na magpresyo ng mura o mababa laban sa mga dayuhang produkto o mahal na serbisyo at pareho ang kalidad sa mga produktong lokal.

KAKAYAHAN NA MAKAANGKOP SA GLOBAL STANDARD NA PAGGAWA

Hamon ng globalisasyon ang pagpasok ng Pilipinas sa mga kasunduan sa mga dayuhang kompanya, integrasyon ng Association of Southeast Asian Nations (ASEAN 2015) sa paggawa ng mga bilateral at multi-lateral agreement sa mga miyembro ng World Trade Organization o WTO. Bunga nito ay binuksan ang pamilihan ng bansa sa kalakalan sa daigdig.

Isa sa pagtugon na isinagawa ng bansa ay iangkop ang kasanayan na lilinangin sa mga mag-aaral na Pilipino. Bunga ng tumataas na pangangailangan para sa global standard na paggawa (tunghayan ang Talahanayan 1) na naaangkop sa mga kasanayan para sa ika- 21 siglo.

Ayon sa ulat ng Department of Labor and Employment (DOLE, 2016) upang matiyak ang kaunlarang pang-ekonomiya ng bansa kailangang iangat ang antas ng kalagayan ng mga manggagawang Pilipino tungo sa isang disenteng paggawa na naglalayong magkaroon ng pantay na oportunidad ang bawat isa anuman ang kasarian para sa isang disente at marangal na pamumuhay.

Matutunghayan sa Pigura 1 ang apat na haligi upang makamit ang isang disente at marangal na paggawa na hinihimok sa lahat ng aspekto ng paggawa sa bansa.

Upang makatugon sa mga kasanayang ito, isinasakatuparan sa K to 12 ang pagdaragdag ng dalawang taon sa basic education ng mga mag-aaral na tinatawag na Senior High School. Sasanayin ang kasanayan ng mga mag-aaral para sa ika-21 siglo na maging globally competitive batay sa balangkas ng Philippine Qualifications Framework – ang Basic Education, Technological- Vocational Education at Higher Education (DepEd, 2012).

APAT NA HALIGI PARA SA ISANG DISENTE AT MARANGAL NA PAGGAWA (DOLE,2016)

Ano ang una niyong naiisip sa mga larawang ito?

KALAGAYAN NG MGA MANGGAGAWA SA IBA’T IBANG SEKTOR

A. SEKTOR NG AGRIKULTURA

▸ Lubusang naapektuhan ang mga lokal na magsasaka dahil sa mas murang naibebenta ang mga dayuhang produkto sa bansa.

▸ Kakulangan para sa mgapatubig.

▸ Suporta ng pamahalaan sa pagbibigay na ayuda lalo na kapag may mga nananalasang

sakuna sa bansa tulad ng pagbagyo, tagtuyot, at iba pa.

▸ Pagkonbert ng mga lupang sakahan upang patayuan ng mga subdibisyon, malls, at iba pang gusaling pangkomersiyo para sa mga pabrika, pagawaan bagsakan ng mga produkto mula sa TNCs.

▸ Patuloy na pagliit ng lupaing agrikultural at pagkawasak ng mga kabundukan at kagubatan.

B. SEKTOR NG INDUSTRIYA

▸ Imposisyon ng IMF-WB bilang isa sa mga kondisyon ng pagpapautang nila sa bansa.

▸ Pagbubukas ng pamilihan ng bansa.

▸ Import liberalizations.

▸ tax incentives sa mga TNCs.

▸ deregularisasyon sa mga polisiya ng estado.

▸ at pagsasapribado ng mga pampublikong serbisyo.

MGA INDUSTRIYANG NAAPEKTUHAN

Konstruksiyon

Telecommunikasyon

Beverages

Mining

Enerhiya

C. SEKTOR NG SERBISYO

▸ mababang pasahod sa mga manggagawang Pilipino.

▸ malayang patakaran ng mga mamumuhunan.

▸ samu't saring suliranin tulad ng over-worked.

▸ mga sakit na nakukuha mula sa trabaho lalo na sa hanay ng mga mga manggagawa sa BPO.

▸ Patuloy na pagbaba ng bahagdan ng bilang ng Small Medium Enterpirses (SMES).

Ang lugar ng industriya na nabuo ng mga kumpanya na bumubuo ng kita sa pamamagitan ng pag-aalok ng hindi madaling unawain na mga produkto at serbisyo ay tinatawag na "sektor ng serbisyo"

Saklaw ng sektor na ito ang pananalapi, komersiyo, panseguro, kalakalang pakyawan at pagtitingi, transportasyon, pag-iimbak, komunikasyon, libangan, medikal, turismo, Business Processing Outsourcing (BPO), at edukasyon.

Mabuting naidulot ng Globalisyasyon

Malaking tiyansang makahanap ng magandang hanapbuhay
Mabilis na transportasyon
Magandang klaseng tirahan at lugar na pagtitirhan
Magandang klaseng paaralan
Maraming ospital
Maraming pagkukunan ng makakain
Maraming mga bagay na mabibilhan

Masamang naidulot ng Globalisyasyon

Pagtaas ng mga presyong bilihin dahil ang mga produkto ay nanggagaling pa sa ibang bansa.
Epekto ng globalisasyon sa kita ng lokal na manggagawa
Lumalawak na agwat sa pagitan ng sweldo ng mga tao sa iba’t ibang antas ng lipunan. ito ay ang tinatawag na income inequality.
Tumataas ang demand ng mga produkto, na nakapagdudulot ng pagkuha ng mas maraming likas na yaman.

Liberasyon

Ito ay tumutukoy sa paglaya ng isang grupo o bansa mula sa isang mapaniil na pamahalaan, mananakop, o kaugalian. Ito ay simula ng pagtataguyod ng mga ideya at ng kultura kung saan may pagkakapantay-pantay at pagkakaisa.

Suliranin sa sektor ng serbisyo

Mababang pasahod sa mga manggagawang Pilipino
Malayang patakaran ng mga mamumuhunan
Tax incentives
Labis na pagtratrabaho
Mga sakit na nakukuha mula sa trabaho lalo na sa hanay ng mga manggagawa sa Business Processing Outsourcing (BPO) dahil na rin sa hindi normal na oras ng pagtatrabaho
Patuloy na pagbaba ng bahagdan ng bilang ng Small-Medium Enterprises (SMEs) sa bansa dahil pinasok na rin ng mga malalaking kompanya ang maliliit o mikro-kompanyang ito sa kompetisyon kung saan sila mas lamang sa lohistika, puhunan, at pinagkukunang-yaman

EMPLOYED PERSONS BY SECTOR, SUBSECTOR, AND HOURS WORKED, PHILIPPINES JANUARY 2018 AND JANUARY 2019 (IN PERCENT)

Pinagkunan: https://psa.gov.ph/statistics/survey/labor-and-employment/labor-force-survey/title/ Employment%20Situation%20in%20January%202019

SUBCONTRACTING SCHEME

Ang subcontracting scheme ay tumutukoy sa kaayusan sa paggawa kung saan ang pangunahing kompanya ay kumokontrata ng isang ahensiya o indibidwal na subcontractor upang gawin ang isang trabaho o serbisyo sa isang takdang panahon.

DALAWANG UMIIRAL NA ANYO NG SUBCONTRACTING

LABOR-ONLY CONTRACTING

▸ Ang subcontractor ay walang sapat na puhunan para gawin ang trabaho o serbisyo kaya ang pinipiling manggagawa ay may direktang kinalaman sa mga gawain ng kompanya.

JOB-CONTRACTING

▸ Ang subcontrator ay may sapat na puhunan para maisagawa ang trabaho at mga gawain ng mga manggagawang ipinasok ng subcontractor.

Gawain 4. Halina’t tuklasin, trabaho sa atin!

Panuto: Punan ang talahanayan sa ibaba. Ibigay ang trabahong kabilang sa sektor ng Agrikultura, Industriya at Serbisyo na matatagpuan sa inyong lugar. Isulat ang sagot sa hiwalay na papel.

Pamprosesong mga Tanong:

1. Ano ang natuklasan mo sa mga trabahong matatagpuan sa iyong komunidad?

2. Sa anong sektor mas maraming manggagawa? Bakit kaya mas maraming manggagawa ang nabibilang sa sektor na ito? Patunayan.

3. Pumili ng isang trabaho. Anong suliranin sa paggawa ang kinakaharap ng mga manggagawa nito? Ano ang maaaring dahilan ng mga suliranin sa paggawa?

Paksa 2: MGA SULIRANIN SA PAGGAWA AT EPEKTO NITO

Unemployment

● Ito ay nangyayari kapag ang mga tao ay walang trabaho ngunit aktibong naghahanap ng trabaho.

● Ito ay isang kondisyon kung saan ang mga manggagawa ay walang makita o mapasukang trabaho.

Underemployment

● Ang isang manggagawa ay maaaring isaalang-alang na walang trabaho kung may hawak silang isang part-time na trabaho sa halip na isang full-time na isa, o kung sila ay labis na kwalipikado at may edukasyon, karanasan, at kasanayan na lumampas sa mga kinakailangan ng trabaho.

Talahanayan 3. Total Population 15 Years Old and Over and Rates of Labor Force Participation, Employment, Unemployment and Underemployment, by Region: July 2019 (In Percent)

Pinagkunan: https://psa.gov.ph/statistics/survey/labor-and-employment/labor-force-survey

Sa kasalukuyan, binago ang katawagan sa mga ganitong uri ng manggagawa upang maging katanggap-tanggap sila gayundin sa mamamayan, tinatawag ito ngayong homebase entrepreneurship, small business, project contract, business outsourcing, business networking sa mga ahente ng seguro, real estate, buy and sell ng mga sapatos na may tatak, damit, food supplements, organic products, load sa cell phone, at iba’t iba pang produktong surplus at iniluwas mula sa mga kapitalistang bansa.

Ang tugon ng Pilipinas sa hamon ng globalisasyon sa paggawa ay ang patuloy na pagbubukas ng bansa sa pandaigdigang pamilihan.

Mga Karapatan ng mga Manggagawa

(Ayon sa International Labor Organization (ILO)

1. Ang mga manggagawa ay may karapatang sumali sa mga unyon na malaya mula sa paghihimasok ng pamahalaan at tagapangasiwa.

2. Ang mga manggagawa ay may karapatang makipagkasundo bilang bahagi ng grupo sa halip na mag-isa.

3. Bawal ang lahat ng mga anyo ng sapilitang trabaho, lalo na ang mapang-aliping trabaho at trabahong pangkulungan. Dagdag pa rito, bawal ang trabaho bunga ng pamimilit o ‘duress’.

4. Bawal ang mabibigat na anyo ng trabahong pangkabataan. Samakatuwid, mayroong nakatakdang edad at mga kalagayan pang-empleo para sa mga kabataan.

5. Bawal ang lahat ng mga anyo ng diskriminasyon sa trabaho: pantay na suweldo para sa parehong trabaho.

Mga Batas na Nangangalaga sa mga Karapatan ng mga Manggagawang Pilipino

1. Batas ng Pangulo Blg. 442 - Batas na nagtatakda ng Kodigo sa Paggawa

2. Commonwealth Act Blg. 444 - Ang unang batas ukol sa walong oras ng paggawa

3. Batas Republika Blg. 1933 - Batas na nagtatadhana ng walong oras ng paggawa ng mga manggagawa

4. Batas Republika Blg. 679 – Batas na nagtatakda na pagkalooban ng maternity leave

5. Batas Republika Blg. 1052 – Batas na nagtatadhana ng patakaran ukol sapagkatanggal ng mga manggagawa

6. Batas Republika Blg. 1131 – Batas na nagbabawal sa pagtanggap ng manggagawa na wala pang 18 taong gulang

7. Batas Republika Blg. 772 – Batas na nagtatakda ng pagbabayad sa mga manggagawa na napinsala sa oras ng trabaho

Gawain 5. Larawan-Suri

Panuto: Batay sa larawang makikita sa ibaba, sagutin ang sumusunod na mga tanong. Isulat sa hiwalay na papel ang iyong sagot.

1. Ano ang mensahe ng larawan?

2. Sa iyong palagay, ano ang mga dahilan ng suliraning ito sa paggawa?

3. Bilang isang mag-aaral, ano ang iyong magagawa upang makatulong sa pagsugpo ang inilalarawang suliranin sa paggawa?

4. Paano ka makatutulong sa pag-angat ng kalidad ng paggawa sa ating bansa?

PANGKAT 1

LIDER

Kenji Eleazar Nepomuceno

TEKNIKAL

Bridgette Dianne De Torres

Fyah Bern Estrellones

Danica Czaira Gaudan

TAGA-ULAT

(Lahat ng Miyembro)

Cyna Jahlem Aberia

Angeline Bulaybulay

Keisha Faye Orantes

John Lexter Abion

Mark Angelo Biñas

Marc Benson Catimbang

Ralph Vincent Constantinopla

Erick Vinasoy Forto

Dranrev Gale Samson

Page updated

Report abuse