Këtë vit, katolikët në të gjithë botën do të festojnë përvjetorin e pestë të letrës enciklike të Papës Francesco Laudato Si’ gjatë një jave të veçantë Java e Laudato Si'.
Enciklika është gurthemeli i mësimit të Papa Francesco për ekologjinë integrale.
Ati i Shenjtë ka ftuar katolikët në mbarë botën për të marrë pjesë në këtë nismë për një javë të gjatë të transformimit. Mesazhi i tij me video të shkurtër të ftesës e gjeni këtu.
Shkolla jonë, përmes Fondacionit Gesuiti Educazione, është partneri kryesor i këtij projekti global. Ne ju inkurajojmë që të regjistroheni tani për pjesëmarrjen tuaj në Javën e Laudato Si’, si një përfaqësues i Fondacionit Gesuiti Educazione.
Fokus mbi javën e Laudato Si’
Pasojat e pandemisë së koronavirusit kanë përmbysur jetën e miliona njerëzve.
Është një bekim që Laudato Si’ na mëson se si të ndërtojmë një botë më të mirë së bashku.
Mësimi i Enciklikës është se "gjithçka është e lidhur", dhe tani më shumë se kurrë jemi të vetëdijshëm se mënyra si e trajtojmë njëri-tjetrin dhe nderojmë Krijuesin tonë ndjekin të njëjtin drejtim.
Gjatë Javës së Laudato Si’, do të bëhemi më të vetëdijshëm përmes krizës së këtij momenti, do të reflektojmë dhe përgatitemi së bashku për një të ardhme më të drejtë dhe të qëndrueshme.
Bashkohu familjes katolike në këtë moment solidariteti duke u regjistruar këtu.
Java e Laudato Si’ përfaqëson hapin e parë të një udhëtimi një vjeçar. Përgatitja do të kryhet gjatë Kohës së Krijimit, një periudhë në të cilën katolikët janë të ftuar nga Papa Francesco për të kremtuar një kohë lutjeje dhe veprimi për shtëpinë tonë të përbashkët.
Data të rëndësishme
Seminaret formuese gjatë javës do të na çojnë në një ditë botërore të lutjes më 24 maj, në të cilën katolikët nga e gjithë bota do të bashkohen në shenjë solidariteti duke u lutur së bashku në mesditë, sipas orës lokale.
Udhëtimi javor i Laudato Sì përfshin tre momente kryesore:
Reflektim dhe përgatitje përmes seminareve trajnuese online nga 16 deri më 23 maj
Duke marrë pjesë në ditën e lutjes botërore më 24 maj
Duke ndërmarrë inciativa të planifikuara gjatë kësaj përgatitjeje për Kohën e Krijimit, nga 1 shtatori deri më 4 tetor.
Dikasteri i Vatikanit për Shërbimin e Zhvillimit Integral të Njeriut na fton të marrim pjesë në javën e Laudato Sì nga 16 - 24 maj. Bashkohu me familjen katolike botërore duke regjistruar pjesëmarrjen tënde këtu.