考試的時陣 撰稿老師: 楊幸枝
各位評審老師，各位好朋友，逐家好。我是〔 〕號，今仔日，我欲演講的題目是考試的時陣。
學生囝仔佇學校上愛老師準時下課，學囝仔佇學校上驚啥物代誌呢？「是考試的時陣」。講到考試的時陣，恐怖代誌歸大堆喔！嘛是一個噩夢的開始。欲考試之前，我著一直想欲認真咧讀冊，我是一個gau煩勞gau緊張的人。見若拿到考卷的時，手心著一直流手sioh，歸身軀流tshin汗，我的心情鬱卒通底。見若看著bue曉寫的時，著足怨嘆家己為啥物考前無卡認真一寡仔。若看到會曉寫的題目，心內著咧暗爽，好里加在有讀到。有的題目毋是足確定答案的時，我的心內著會求佛祖佮我保庇，予我智慧。若真正bue曉的時，就用點呀點叮咚點到哪一個答案就甲伊寫出來，毋知是安怎？有時運氣好，清彩臆攏對；有當時仔運氣足歹，見臆見毋對。寫完的時，嘛是一擺又閣一擺檢查，足驚一個無細膩寫毋對。我感覺有的考試毋是考學生的實力，是咧考學生誰人卡ting cin，一個無注意寫毋對，實在是會氣死驗無傷哦！有當時仔我咧想，考試是毋是控制我的運命呢？考試啊考試，你到底有啥魔法，予我心甘情願任你擺佈呢？即馬的我正是青春活潑的年歲，著愛抵押予你，哎！烏白想的心情會使講是折磨，是成績好歹的折磨，ui緊張到無奈，最後是討厭，有誰人會明白呢？有的人講不在意成績的好壞，考無好嘛bue難苦，其實攏是騙人的，他是欲掩蓋家己的傷心，不敢面對現實罷了，有影是人比人氣死人，天公伯哪會赫無公平咧。
俗語講：「一枝草一點露」，其實咱只要拍拼，毋驚難苦認真讀冊，自有上天的相助，自有生路，每一個人攏有伊無仝的人生，無一定有好的成績，將來才有出脫，每一個人愛先看會起家己，發揮家己的才能，肯定自我，建立信心，若安爾才會涷面對未來無限的考試啊！「針無雙頭利，人無雙條才」，每一個人的才調無仝，愛看重家己，按呢才是飄丿的少年家。
人講：「有一就有兩，有兩就有三，無三不成禮」，我已經歸偌擺考無好矣。毋過今年開始我欲出運囉！因為我的表姐大學畢業，準備考研究所，阿母請伊做我的家庭老師，陪我讀冊。後擺考試的時陣我一定贏。我的演講講到遮，多謝！魯力！
光復國小期末答喙鼓咱的學校
甲:我姓（光） 乙: 我姓（復） 李彩豐
合：今仔日卜來紹介咱光復
丙：我叫（國） 丁: 我叫（小）
合：招逐家光復國小來 迌（行禮）
甲：今仔日是一個好日子，光復國小成果表演，逐家逗陣來歡喜。
乙：今仔日的活動有意義，多謝逐家來支持。
丙：台跤小朋友有精神，咱逐家的熱情是無比。
丁：這个快樂的學校，望咱做伙來疼惜伊。
甲：講著咱「光復國小」好名譽，今仔趁這个機會，紹介予各位。
乙：即濟值得咱驕傲的代誌，咱愛做伙來宣揚出去，
丙：今仔日，趁這擺的機會來安排，阮加減講予恁知。
向望大家「菜脯根，罔咬鹹」，毋通來棄嫌。
丁：唉！光復是一個好所在，風水、地理攏袂 bai
科學園區對遮來，予咱支援幾偌擺。
甲：虎尾溪流過身軀邊，閣有四季分明的天氣，真是種作的好地理，嘛是科學園區的好位置。
乙：绁落去，拄著校長、主任來支持，建立溫暖、學習的好景緻，予阮一世人感念伊。
丙：光復有溫暖的人情味，校長、主任、老師若家己，閣有捷時雅這个好厝邊，予咱幫助毋通放袂記。
丁：生活學習快活佮四序，望咱逐家做伙來疼惜伊，光復國小將來會勝利。
多謝逐家。