Ua kom tiav FAFSA
Ib yam uas nej tsis tas muaj rau daim ntawv thov nyiaj FAFSA® yog nyiaj! Daim ntawv thov nyiaj FAFSA yog ua DAWB xwb, li ntawd yog tias muaj ib qho website kom nej them nyiaj rau los ua daim ntawv, ces nej tsis nyob hauv FAFSA qhov website lawm. Nco ntsoov, nov yog nom tswv ib daim ntawv thov nyiaj, yog li nws yog nyob hauv ib qho .gov website.
Npaj Cov Ntaub Ntawv Xav Tau Los Ua Daim Ntawv Thov Nyiaj FAFSA
FAFSA cov lus nug yuav nug cov ntsiab lus hais txog nej (nej lub npe, hnub yug, chaw nyob, thiab lwm yam) thiab hais txog nej cov nyiaj tau los. Nyob ntawm nej qhov (xws li, seb nej puas yog pej xeem Asmeskas (U.S. citizen) los yog seb nej siv daim ntawv ua se dab tsi), nej kuj yuav tau ua raws cov ntsiab lus los yog cov ntaub ntawv ntawm no thaum nej ua daim ntawv thov nyiaj FAFSA:
Nej tus nab npawb Social Security (nws tseem ceeb uas nej teev rau daim ntawv thov nyiaj FAFSA kom raug!)
Nej niam txiv/tus saib xyuas tus nab npawb Social Security yog tias nej yog ib tug me nyuam kawm ntawv tos kev pab
Yog tias koj niam thiab txiv tsis muaj tus Nab Npawb Social Security, koj yeej tseem muaj peev xwm ua tau daim ntawv thov nyiaj pab FAFSA kom tiav.
Nej tus nab npawb daim ntawv tsav tsheb yog tias nej muaj ib daim
Nej tus nab npawb Neeg Txawv Teb Chaws (Alien Registration number) yog tias nej tsis yog ib tug pej xeem Asmeskas (U.S. citizen)
Cov ntsiab lus hais txog Se Nom Tswv, cov ntaub ntawv ua se los yog daim ntawv ua se rov qab (tax return), xws li cov ntsiab lus hais txog IRS W-2, rau nej (thiab nej tus poj niam/tus txiv, yog tias sib yuav lawm), thiab rau nej niam txiv/tus saib xyuas yog tias nej yog ib tug me nyuam xav tau kev pab:
Daim Ntawv Ua Se IRS Form1040
Daim ntawv ua se rau neeg txawv teb chaws los yog daim IRS Form 1040-NR
Daim ntawv ua se rov qab rau Puerto Rico, Guam, American Samoa, cov U.S. Virgin Islands, cov Marshall Islands, cov Federated States of Micronesia, los yog Palau
Cov ntawv ceev tseg ntawm nej cov nyiaj tau los uas tsis raug txiav se, xws li cov nyiaj yug me nyuam (child support) tau txais, cov laum, thiab cov nyiaj tub rog tsis yog muab pab kawm ntawv rau nej thiab nej niam txiv/tus saib xyuas yog tias nej yog ib tug me nyuam kawm ntawv tos kev pab
Cov ntaub ntawv hais txog nyiaj ntsuab; cov nyiaj tshuav tom saving thiab checking accounts; cov nyiaj nqis peev, xws li stocks thiab bonds thiab vaj tsev (real estate) (tab sis tsis xam lub tsev uas nej nyob); thiab cov nyiaj lag luam thiab cov nyiaj ua liaj ua teb rau nej thiab nej niam txiv/tus saib xyuas yog tias nej yog ib tug me nyuam kawm ntawv tos kev pab
Ceev cov ntaub ntawv no tseg! Nej tseem yuav siv nws dua. Tsis txhob xa cov ntaub ntawv no mus rau peb.
Tus FSA ID yog dab tsi?
Tus FSA ID yog ib qhov lub npe siv (username) thiab tus yuam sij qhib (password) sib txuam ua ke nej siv los nkag mus rau hauv U.S. Feem Kev Kawm Txuj (ED) cov kev khiav hauj lwm online. Tus FSA ID yog nej tus mem tes rheev npe raws txoj cai thiab yuav tsum txhob cia lwm tus tsim ua los yog txhob cia lwm tus siv dua li ntawm nej tus kheej lawm txawm yog nej niam nej txiv/tus saib xyuas, nej tus me nyuam, tsev kawm ntawv tus neeg ua hauj lwm, los yog tus neeg ua hauj lwm sawv cev txais nyiaj los xij. Nej yuav siv nej tus FSA ID txhua xyoo nej ua Daim Ntawv Thov Nom Tswv Nyiaj Pab Me Nyuam Kawm Ntawv (FAFSA®) thiab rau lub sij hawm nej cov nyiaj nom tswv txais pab me nyuam kawm ntawv.
Tus FSA ID khi rau koj li keeb tiv, yog li ntawd nws kuj yuav siv li ob peb hnub los txheeb xyuas.
Leej twg thiaj yuav tau tsim ua ib daim FSA ID?
Cov me nyuam kawm ntawv:
Tag nrho cov me nyuam kawm ntawv uas ua daim ntawv thov nyiaj FAFSA yuav tau ua ib tug FSA ID
Rau cov me nyuam kawm ntawv sib yuav lawm:
Tus me nyuam kawm ntawv tus poj niam/tus txiv (tsuas yog tias tus me nyuam kawm ntawv thiab nws tus poj niam/tus txiv tsis ua se ua ke xwb)
Rau cov me nyuam kawm ntawv tos kev pab:
Rau cov niam txiv/cov saib xyuas thiab/los yog cov niam tshiab txiv tshiab uas yuav tau muab teev rau hauv daim ntawv thov nyiaj FAFSA
Yog tias nkawv ua se ua ke ces tsuas yog ib leeg niam txiv/ ib leeg niam tshiab txiv tshiab/ ib tug saib xyuas xwb thiaj yuav tau ua ib tug FSA ID
Yog tias nkawv tsis ua se ua ke (xws li yog tias nkawv tsis yog cov neeg ua se) ces ob leeg niam txiv/ob leeg niam tshiab txiv tshiab/ob tug saib xyuas yuav tau ua ib tug FSA IDs
Tus FSA ID: Cov Niam Txiv/Cov Saib Xyuas Tsis Muaj Tus Nab Npawg Social Security (SSNs)
Tej yam peb paub tam sim no:
Txhua tus neeg yuav tau tsim ua ib tug FSA ID
Kev txheeb xyuas keeb tiv yuav raug siv rau:
Cov me nyuam kawm ntawv uas tuaj ntawm Cov Xeev Sib Koom Tes Ywj Siab (Freely Associated States)
Niam Txiv/Tus Saib Xyuas uas tsis muaj SSNs
Cov neeg siv uas tsis muaj SSNs lawv yuav muaj qhov los teb cov lus nug txog “keeb tiv raws li qhov paub (knowledge based-identity)”
Yog tias teb tau zoo – Tus FSA ID yuav siv tau thiab muaj rau siv tam sim ntawd
Tus txheej txheem xuas tes teev tseg yuav muaj rau cov uas tsis muaj cuab kav mus dhau cov lus nug txog “keeb tiv raws li qhov paub”
Tej yam ntsiab lus peb tseem tos:
Cov txheej txheem no yuav zoo li cas
Hom lus nug txog keeb tiv raws qhov paub ntawd yuav nug li cas
Cov ntaub ntawv FSA yuav kee kom muab los plov meej rau qhov keeb tiv
*Cov me nyuam kawm ntawv tuaj ntawm Cov Xeev Sib Koom Tes Ywj Siab (Freely Associated States) kuj yuav tau mus dhau tus txheej txheem no los tsim ua cov FSA IDs