CEIP LEZAMA HLHI
ESKOLAKO ORTUA
Lezamako eskolako ortuko proiektua 2012-13 ikasturtean sortzen hasi zen. Proiektua hobetzeko asmoz, 2021-22 ikasturterako, barne antolakuntza eta ortuko toki fisikoa aldatuko da.
LAN-METODOLOGIA:
Baratzeko lan-metodologia ikaste aktibo eta kooperatiboan oinarritzen da.
HELBURUAK
Naturarekin harremanak estutzeko ikasleen kuriositatea bultzatu.
Naturak duen garrantziaz jabetu eta ura, lurra, eguzkia eta izaki bizidunak oro integratu, bat bezala deskubritu.
Lan ohiturak barneratu: baratzean ibiltzeko arauak, higienea, landareekiko erantzukizuna, baratzean bizi diren animaliekiko errespetua, erabiltzen diren lanabesak, ondo erabili eta gero, zaindu eta batzea...
Eskolako ikasle guztiak parte hartu.
Baratzetik jasotako barazkiak eta fruituak umeek beraiek dastatzera animatu.
Talde lana baloratu
Lantzen diren landareen ezaugarriak ezagutu.
Laborantza ekintzen hiztegia ikasi.
Baratzeko zomorroak ezagutu eta landareei eragindako kalteaz eta onuraz jabetu.
Zabor organikoaren trataera sustatu.
hondakinak murrizteko, birziklatzeko eta berrerabiltzeko barneratu behar ditugun eguneroko ohiturei buruz kontzientziatu.
Eskolan, etxean eta eguneroko bizimoduan sortutako hondakinak modu egokian bereiztu (plastikoa, papera, organikoa).
LEZAMA ESKOLAKO ORTUAREN ANTOLAKETA, INPLIKAZIOA ETA JARDUERAK
Eskolako ikasle guztiek parte hartuko dute ortuko proiektuan.
Baratzearen koordinaziorako arduradun bat egongo da. Ortuko batzordean beste irakasle bat egongo da eta guraso talde txiki bat.
Tutoreak dira proiektuaren beste oinarria eta ardura desberdinak izango dute.
Talde bakoitzak ortuko lur eremu batean lan egingo du eta maila bakoitzean landaketa ezberdin bat egingo da. Barazki horren bizi ziklo osoari dagozkion lan guztiak ikasleen artean banatzen dituzte. Ortuko lanarekin hasi baino lehen geletan lantzen dute barazki horri dagokion informazioa: Bizi zikloa, ezaugarriak, beharrak, barietateak, arriskuak, … gainera gelan hazia ereiten dute, beranduago landaretxoa ortuan landatzeko edo etxera eramateko eta han gurasoekin zaintzeko.
DENBORALIZAZIOA
Baratzeko proiektua ikasturte osoan zehar garatuko da baina bi momentu edo fase garrantzitsu izango ditu: udazkena eta udaberria garaian.
UDAZKENA/NEGUA
hiruhilekoa:
· Batzordea sortu.
· Udazkeneko lanak antolatu.
· Baratzean landareak erein edo landatu
· Baratzeko lurra negua pasatzeko prestatu.
· Konposta egiteko lehen urratsak eman.
· Mantentze lanak.
· Uzta gehienak jaso eta geletan lanean jarraitu(errezetak, dastaketak….)
UDABERRIA/UDA
hiruhilekoa:
· Uzta gehienak jaso eta geletan lanean jarraitu(errezetak, dastaketak…).
· Udaberrirako lanak antolatu.
· Loredun eta landare aromatikoak landatu(gurpilak, paleak…).
· Konposta egiteko arduradunak eta antolaketa.
(Geletan birziklatzen).
hiruhilekoa:
· landareen ezaugarriak ezagutu.
· Ortuan landare guztien erein edo landatu.
· Landarearen behaketa egin.
· Konpostarekin jarraitu.
· Mantentze lanak.
· Uzta batzuk jaso.
KONPOSTA
Proiektuaren helburu nagusia da hondakinen prebentzioa jatorritik lantzea, eta eskoletako konpostaje komunitarioa bultzatzea, Alde batetik, errefusara bideratzen den hondakin organiko kopurua murrizteko, eta bestetik, hondakin organikoa eskolan bertan kudeatuz, honen tratamendu lanak eta garraioak suposatzen duten kutsadura saihesteko.
Horrela, elikadura ziklo osoa eskolan bertan ematen da eta sortutako konposta baratzean erabil daiteke.
Bere arauak, onurak,hondakin motak,konpostatze faseak,gertakari eta anomaliak… ikasiko ditugu.
BIRZIKLAPENA
Hauek izango dira helburu nagusiak:
Hondakinen inguruko ezagupenak areagotu.
Hondakinen inguruan pertsona bakoitzak duen garrantziaz kontzientziatu eta sentsibilizatu.
Eskolan, etxean eta eguneroko bizimoduan sortutako hondakinak modu egokian bereiztu.
Hondakinak murrizteko, birziklatzeko eta berrerabiltzeko barneratu behar ditugun eguneroko ohiturei buruz kontzientziatu.
BARATZE EKOLOGIKOAREN EZAUGARRIAK:
Ez dugu produktu kimikorik erabiliko.
Orientazioa eta klima
Lurzoruaren garrantzia eta bere ezaugarriak: saiakera praktikoen bidez.
Euri ura erabiliko dugu posiblea bada (ikasleek ere ureztatzen dute).
Konposta egiten dute eskolako eta baratzeko hondakinekin (Gurasoen laguntza izango dugu)