هەندێک لەبنەما سەرەکیەکانی دیزاینی ناوخۆ

لە دیزاینی ناوخۆیی خانویەکدا، هەندێ بنەمای سەرەکی هەن کە پێویستە بە وریایی ڕەچاوبکرێن بۆ ئەوەی ماڵێکی ئارام و جوان و کارایی بنیاتبنرێت، لێرەدا بەکورتی باسی هەندێک لەو بنەمایانە دەکەین.

 (Circulation and space) ١- پەیوەندی و دابەشکاری بەشەکانی خانوو 🏠

پێویستە نەخشەی خانووەکە بەشێوەیەک دیزاین بکرێت کە هەر ژوورێک وەک  (هۆڵ، ژوری میوان، ژووری نوستن، چێشتخانە…) بەپێ پێویستی خاوەن ماڵ و گونجاندنی لەگەڵ ستانداردەکان ڕوبەرەکەی بۆدیاری بکرێت، پێویستە بۆشایی گونجاو هەبێت بۆ هاتووچۆ لەنێوان هەموو کەلوپەلەکانی ژورەکە بۆ نموونە نێوان (قەنەفە و مێزی ناوەڕاست)،  (کەوانتەری مەتبەخ و ئایلەندی مەتبەخ یان مێزی نانخواردن)

٢- ڕەنگ 🎨

ڕەنگەکان کاریگەرییەکی زۆر گەورەیان هەیە لەسەر هەست و لایەنی دەرونی مرۆڤەکان

. ڕەنگی کاڵ : کە ڕەنگێکی ڕۆشنە و جێگاکە گەورەتر پیشان ئەدات -

. ڕەنگی تۆخ : جێگاکە گەرم و جیاوازتر پیشان ئەدات -

پێویستە هەماهەنگی لەنێوان ڕەنگی دیوار و سەقف و فەرش و فێرنیچەری ژورەکاندا هەبێت

 (Lighting) ٣- ڕووناكی 💡

ڕووناكی بەشێوەیەکی گشتی سێ جۆرە 

General Lighting  -

         ئەمجۆرەیان پێکدێت لە ڕوناکی سەرەکی ناو ماڵەکە 

Task Lighting -

وەک ڕوناکی سەرمێز و ئەو جێگایانەی پێویستی زیاتری بە ڕوناکی هەیە لەچاو بەشەکانی تری ژورەکە. 

Accent lighting -

ئەم جۆرەیان بۆ تیشک خستنە سەر شتێکی دیاری کراوە وەک ( تابلۆ، پەیکەر، لۆگۆ,لا دیوارێک، هتد ) 

پێویستە ئەو ڕوناکیانەی کە بەکاردەهێنرێن بەهەموو جۆرە جیاوازەکانیانەوە هەماهەنگی تەواو لەنێوانیان هەبێت تا کەشێکی ئارام ببەخشێ بە چاو و  مێشک

٤- کەلوپەلی ناوماڵ 🪑

پێویستە سەرجەم کەلوپەلەکانی ناوماڵ بەپێی قەبارەی ژوورەکان هەڵبژێررێ

 کەلوپەلی قەبارە گەورە بۆ ژوری بچوک جێگاکە تەنگ و بچوکتر ئەکاتەوە -

کەلوپەلی کەم و قەبارە بچوک بۆ ڕوبەرە بچوکەکان گونجاوترە و ڕوبەرەکەی گەورەتر دەردەکەوێت -

٥- هەماهەنگی ئەو ماددانەی کە بەکاردەهێنرێت

پێویستە زۆر بە وردی کار لەسەر هەڵبژاردنی ئەو ماددانە بکرێت کە بەکاردەهێنرێت لە دیزاینی ناوەوەدا چونکە تێکەڵکردنی ماددەکان بۆنموونە ( جۆرەکانی مەڕمەڕ و تەختەی سروشتی) یان هەر ماددەیەکیتر،  بە شێوەیەکی گونجا و حساببۆکراو جوانیەکی بێهاوتا و ئارامییەکی زۆر ئەبەخشێ بە چاو و بە دەروون، بەپێچەوانەوە کارێکی نەگونجا و بێزارکەر دەردەچێت

٦- بابەتی ژینگە 🌿

زیادکردنی ڕێژەی سەوزای و ڕوناکی سروشتی کاریگەری زۆری لەسەرتەندروستی و هەست و ئارامی دەرونی  نیشتەجێبووان دەبێت

(Balance & Harmony) ٧- هاوسەنگی و هەماهەنگی  📏

پێویستە  فێرنیچەر و کەلوپەلی ناوماڵ بەهەموو جۆرەکانیەوە هاوسەنگی و هەماهەنگی هەبێت لەنێوانیان لەڕوی قەبارە و ستایل و کوالێتی و ڕەنگەکانیانەوە تا بتوانرێت پێکەوە کاربکەن و سودیان لێببینرێت لە کاروباری ڕۆژانەدا

ژیار عبداللە ‌حاجی حسێن

ماستەر لە ئەندازیاری تەلارسازی