دەرزییە ماوەدرێژەکان (Long-acting / Depot injections) شێوازێکی تایبەتیان بۆ دروستکراوە کە ڕێگە دەدات دەرمانەکە بە هێواشی و پلەبەپلە بۆ ماوەی چەند هەفتەیەک یان چەند مانگێک دەربدرێتە ناو جەستە.

دوای لێدانی دەرزییەکە (کە زۆربەی کات دەدرێت لە ماسولکە)، شوێنی دەرزییەکە دەبێتە کۆگایەکی کاتی و دەرمانەکەی تێدا کۆدەبێتەوە، پاشان لەوێوە بە هێواشی دەچێتە ناو خوێنەوە.

خودی ماددەی دەرمانەکە خۆی لە خۆیدا سروشتی وەها نییە کە مانگێک بمێنێتەوە، بەڵکو دیزاین و تەکنەلۆجیای دروستکردنی دەرمانەکەیە (Dosage-form design) کە وای لێدەکات شوێنی دەرزییەکە بکاتە کۆگایەکی کۆنتڕۆڵکراو بۆ دەردانی هێواشی دەرمانەکە.

جۆرەکانی دروستکردنی ئەم جۆرە دەرزییانە:

• پێکهاتەی هێواش-تواوەوە: بەکارهێنانی کریستاڵی دەرمان کە توانای تووانەوەیان کەمە و بە هێواشی ئەتوێنەوە (وەک دەرمانی Paliperidone palmitate).

• کەپسولی ورد (Microspheres): ئاخنینی دەرمانەکە لەناو وردە-تۆپەڵەی پارچەبووی بەکەڵک (Polymer) کە بە هێواشی تێکدەشێن (وەک دەرمانی Naltrexone).

• دەرزی بە بنەمای ڕۆن (Oil-based): توواندنەوەی دەرمان لەناو ڕۆندا تا بە هێواشی لە شوێنی دەرزییەکەوە دەربدرێت (وەک دەرمانی Haloperidol decanoate).

سوودەکان

• ڕاگرتنی ئاستی پێویستی دەرمانەکە لە خوێندا بۆ ماوەیەکی درێژخایەن.

• کەمکردنەوەی ژمارەی وەرگرتنی رۆژانەی دەرمان.

• یارمەتیدانی نەخۆش بۆ ئەوەی بەبەردەوامی و رێکوپێکی دەرمانەکەی وەربگرێت.

لایەنی نەرێنی یان مەترسی

• ئەگەر دوای لێدانی دەرزییەکە نەخۆش تووشی کاریگەری لاوەکیی خراپ یان ژەهراویبوون بێت، دەرکردن یان ڕاگرتنی دەرمانەکە لە جەستەدا زۆر ئەستەمە چونکە پێشتر کراوەتە ناو ماسولکەکەوە.