بەردی گورچیلە بەزۆری دوای کۆبوونەوەی هەندێک ماددەی کیمیایی لە جەستەدا  دروست دەبێت

هەندێک حاڵەتی پزیشکی دەتوانێت ببێتە هۆی بەرزبوونەوەی ئاستی نائاسایی ئەم ماددە کیمیاییانە لە میزدا و هەروەها هەندێک دەرمان مەترسی دروستبوونی بەردی گورچیلە زیاد دەکات‎

:‎لەوانە

·      ‎ئەسپرین

·      ‎دژە ترشەڵۆکەکان

·      ‎میزپێکەرەکان

·      ‎هەندێک دەرمانی دژە ڕێترۆڤایرۆس (کە بۆ چارەسەرکردنی ئایدز بەکاردێت)

·      ‎هەندێک دەرمانی سەرئێشە

·      هەندێک دژە زیندەیی

لە باوترین ئەو دژەبەکتریایانەی دەبنە هۆی دروستبوونی بەردی  گورچیلە

azithromycin, ciprofloxacin, clarithromycin, clindamycin, doxycycline, gentamicin, levofloxacin, metronidazole, and tetracycline

ئەم دەرمانانە دەبنە هۆی لە ناوبردنی بەکتریایەک کە لە ریخۆڵەدا دەژی بە ناوی ( ئۆکسالۆباکتێر فۆرمیجین )کە بەکتریایەکی سودبەخشە و هەڵدەسێت بە بەکارهێنانی ماددەی ئۆکسالات وە ڕێگری لە هەڵمژینی دەکات و بەمەش ئەگەری دروستبونی بەردی گورچیلە لە جۆری ئۆکسالات کە باوترین جۆرە کەم دەکاتەوە.

کەواتە خواردنی ئەم دەرمانانە بۆ ماوەیەکی زۆر یان دووبارە دەبێتە هۆی کەمکردنەوەی ئەم بەکتریایە و ئەگەری دروستبوونی بەردی گورچیلە زیاد دەکات.