🐉五日節《來唱囝仔歌（2）》

五日節，縛肉粽，

肉粽好食食丘 閣芳；

五日節，扒龍船，

龍船比賽拚冠軍。

食肉粽，看龍船，

大人囝仔笑文文。

🧑‍🤝‍🧑諺語：未食五日節粽，破裘毋甘放。(臺灣的氣候在端午節之前，都還可能有轉冷，所以還沒過端午節，冬衣不能收起來，是前人觀察天氣變化所得的經驗。)

🔢一啊一 《來唱囝仔歌（5）》

一啊一，天頂一粒日。

二啊二，咱人二个耳。

三啊三，你穿三領衫。

四啊四，鳥啄四粒米。

五啊五，欲拍五个鼓。

六啊六，桌仔六个角。

七啊七，伊有七支筆。

八啊八，咱來擘番麥。

九啊九，遐有九隻狗。

十啊十，五隻羊仔十支角。

🧑‍🤝‍🧑諺語：三歲看到大，七歲看到老。

（從三歲可以看到長大的模樣，七歲可以想見年老的景狀。這是句勉人重視幼教的俗諺。）

🤤麻糍《來唱囝仔歌（2）》

麻糍𩚨𩚨芳閣甜，

鼻著喙瀾㴙㴙滴，

咬一喙，哎唷粘黐黐，

食甲喙齒剝袂離。

🧑‍🤝‍🧑諺語：吃人一口，還人一斗。(意為受人恩惠時要感恩圖報，並加倍奉還。 )

🍽️盤仔 《來唱囝仔歌（1）》

盤仔媠媠媠，頂面畫花蕊，

盤仔圓圓圓，你欲囥啥物？

🧑‍🤝‍🧑諺語：知頭毋知尾。(一知半解。)

🍰雞卵糕《來唱囝仔歌（2） 》

我愛食雞卵糕，

綿綿芳芳氣味好，

平時食𨑨迌，

生日當做寶，

食了快樂多，

食了快樂多。

🧑‍🤝‍🧑諺語：食飯皇帝大。( 形容吃飯這件事最重要，什麼事都不能打擾、)

😛挲圓仔湯《來唱囝仔歌（5） 》

一粒來，兩粒來，

五粒五粒排一排，

你一排，我一排，

紅圓仔白圓仔攏總來。

元宵食圓仔好頭彩，

冬節食圓人人愛。

🧑‍🤝‍🧑諺語：一樣米飼百樣人。( 比喻這個社會上有著各式各樣、形形色色的人。)

🐟公園《來唱囝仔歌（4） 》

阮厝踮佇公園邊，

公園內，花草滿滿是，

園內一个小水池，

水池內，有龜也有魚，

樹頂鳥隻念歌詩，

樹跤阿伯仔咧行棋。

🧑‍🤝‍🧑諺語：一枝草，一點露。（一步一腳印）

💒緊來阮兜覕《春天佇陀位》

風啊風，一直吹，

雨啊雨，一直落，

樹仔花蕊澹漉漉，

狗仔貓咪走無路，

緊來阮兜覕，

才袂予雨沃甲冷吱吱，

緊來阮兜覕，

才袂感冒發燒流鼻水。

🧑‍🤝‍🧑諺語：食緊挵破碗。（比喻欲速則不達）

✊猜拳歌《春天佇陀位》

鑽仔，鉸刀，石頭仔紙 

柑仔一斤兩箍半

兩身尪仔攑一支雨傘 

啥輸啥贏予你看

🧑‍🤝‍🧑諺語：相讓食有份，相搶食無份。（互相禮讓，說不定還會有剩餘，互相爭搶，勢必有人分不到）

🍊賣水果《來唱囝仔歌（1）》

水果伯仔（伊都）賣水果，

王梨西瓜佮蘋果，

水果伯仔（伊都）賣水果，

柑仔柳丁水蜜桃，

逐項甜，逐項好，食好請恁鬥相報。

🍎諺語：食果子拜樹頭。（飲水思源） 

👀大近視《春天佇陀位》

大近視，看尪仔冊，

行路挵著一个老阿伯，

真失禮，唉唷！真歹勢，

我真正毋是故意的，

大近視，看尪仔冊，

愈看愈入迷，

無小心挵著電火柱，

摔一个紅龜粿。

🙄諺語：目睭花花，匏仔看做菜瓜。

（眼花看錯東西。）  

🦷刷刷刷

刷刷刷，刷刷刷，

喙齒喙齒頂呱呱
正爿刷刷，倒爿刷刷
頂頭刷刷，下跤也刷刷
內底也刷刷，外口也刷刷
中央嘛刷刷刷
刷刷刷，刷刷刷，

喙齒喙齒頂~呱~呱

🏃🏻‍♂️諺語：飯後行百步，較贏開藥舖。

（飯後的散步對身體很好。） 

🌝中秋瞑《來唱囝仔歌（5）》

中秋暝，月娘圓，

家家戶戶慶團圓，

月餅好食芳閣甜，

中秋暝，月娘圓，

風吹微微帶詩意，

相褒對唱唸歌詩。

🍚諺語：八月半，田頭田尾看。

（中秋時，稻子即將熟稔，所以必須經常巡視免得稻穀過熟，錯失收割良機。）