KFUK-KFUM Voss driv sjølvsagt med meir enn husdrift! Me prøver å fylle huset vårt med så mykje aktivitet som mogleg, for vossingar i alle aldre, og du er hjarteleg velkomen til å vere med! Du finn oversikt over aktivitetene våre på facebooksidene til foreininga og på friskus 

For barn og familiar

Vonheim open barnehage

For deg som er heime med born. Måndag og onsdag 9-15  i Vonheim, tur kvar torsdag, heile skuleåret. Du finn info på facebooksida til barnehagen

Supertysdag i Vonheim

For familiar i alle fasongar, tysdagar frå 15.45 - 16.45. Arrangerast i samarbeid med Kyrkja i Voss. Du finn info for føresette i denne facebookgruppa

For ungdom

Refleks Ten Sing

Ein raus og kreativ fellesskap for ungdom mellom 13 og 19 år. Kvar torsdag er det Ope hus med sosialisering, lekselesing, kakao og kos frå 14.30, med middag rundt langbord kl 16, før Refleks samlast til øving med kor, dans, drama, band, teknikk og matlaging i Vonheim kvar torsdag frå 18.00 – 21.00. I tillegg reiser me på turar, leirar, festival, lagar konsert og driv leiartrening. Les meir på infosida, eller ta ein kikk på Refleks sin instagram eller facebook-side

MILK-kurs

Ettårig leiarkurs for 10endeklassingar, oppstart i september. Les meir her

Bandkjellar 

Øvingsrom og lydstudio som me skal sveive i gang aktivitet i!

For vaksne

Seinkveld

Mat, prat og påfyll for vaksne i alle variantar. Onsdagar 19.30 - 21.30 Følg med på facebook for datoar

HandY

Vaktmeisterarbeid, mat og prat for mannfolk, onsdagar 18 -21. Sjå facebookgruppa «handY»  for datoer

Putl og Prat / Jolemesseverkstadskvelder

Onsdagar frå 18 - 21 frå midt i oktober til jolemessa. Triveleg samvær og jolemesseførebuingar

Voss Y’s Mens club

Tenesteklubb for vaksne karar. Møte onsdagar, sjå eige program

Hyttedugnad

Me treng fleire hender til å vere med på å vedlikehalde og sjå til hytta vår Vonhaug, som me leier ut til borne- og ungdomsgrupper på tur. 

På tvers av generasjonar

Me elskar når me samlar alle generasjoner til samlingar og arrangement. I løpet av året inviterer me til Vonheims-jolemessa, jolafest med nisse, jolatregang og andakt, dugnadar, Vonhaug-dugnad, arbeidsfellesskap, 17.mai-kafe, kveldsmat, basar, foredrag og fest. Følg med på facebook og på friskus! 

Me har plass til meir aktivitet!

Vil du dra i gang noko aktivitet? Strikkekvelder? Tweens-arbeid? Vaksen-kor? Salsa-kurs? Speidar? Det hadde vore stas - ta kontakt med dagleg leiar Ingrid!

Vil du vere medlem hos oss?

KFUK-KFUM Voss er ein medlemsbasert foreining, og for kvar medlem me får står me litt sterkare. Du finn innmeldingsskjema her, eller ta kontakt med dagleg leiar Ingrid.