Salen

Fleksibelt, lyst rom, som kan riggast både som konsert- og foredragssal, gudstenesterom og med kafé-oppsett. Rommet kan delast i to eller tre med skiljevegger, om ein ynskjer eit meir intimt rom. Her er nytt lydanlegg, med talarstol, tre trådlause mikrofonar (to myggar, ein handholdt) og høve til å kople inn bandrigg (bandrigg inngår ikkje i leiga, men ein kan lage avtale om leige med Refleks Ten Sing). I salen finn du

• Prosjektør og lerret i kvar ende av salen

• El-piano og nytt Yamaha-piano

• Stolar, som står stabla langs veggene, nesten 40 bord som kan hentast inn.

• Tilgang til små og store blomevasar, og enkle telysestakar

• Stort inngangsparti med garderobe og hc-toalett med stellebord.

Speidarrommet

70-tals-stova vår i andre høgda, med fleire sofakrokar, piano og stolar og bord som kan riggast som møtebord.

• Tilgang til veldig enkelt tekjøkken med vasskokar og kaffitraktar.

• Garderobe til yttertøy i trappegangen

• Hylle med spel og songbøker

• Tavlevegg

• Me kan, om ynskeleg, ordne mikrofon, forsterkar og lerret til prosjektør (må enn så lenge medbringast, våre er fastmontert i salen).

• Bruker toalett ved hovudinngangen

Bandrommet

I pandemiåra tok driftige dugnadsfolk slegge og hammar i hand og utvida og pussa opp det godt brukte bandrommet vårt. No er både vegger og tak lydisolert, og rommet et utvida - sånn at det er plass til mange. Med midler frå Kulturrom-ordninga og ei særskilt minnegåve har me rusta opp både instrument og lydanlegg sånn at det skal vere mogleg å bruke for både amatørar og meir erfarne folk! 

*liste over utstyr kjem*

Med stønad frå Gjensidgestiftinga har me nyleg laga eit lite lydstudio vegg i vegg - her håper me å få i gang kurs og aktivitet for ungdom skuleåret 2024-2025! Sit du på kompetanse me kan bruke? Ta kontakt!