NOR GARA?

Herri ekimenetik sortutako ikastola gara, euskara eta euskal kulturarekin konprometituak eta aldi berean beste kulturetara irekiak. Etengabeko hobekuntzaren bidez eta partaide guztien elkarlanean oinarrituz, ikasle guztiak kontuan izanez, pertsona bezala bere osotasunean, prestakuntzarik onena eskaini nahirik.

539

FAMILIA

889

IKASLE

70

IRAKASLE

100

LANGILE

ZER NAHI DUGU?

Jakintza ikastola gorengo kalitatezko ikastetxe jasangarria izatea nahi dugu. Berrikuntzen bila diharduena. Herrian ondo txertatua eta ikasle guztientzat irekia. Bertako giza baliabideen prestakuntza eta asebetetzearekin, gure gurasoei eta batez ere ikasleen beharrei erantzuteko gaitasunarekin.

Historia pixka bat...

Ingurumen-hezkuntzak gero eta eragin nabarmenagoa izan du Euskal Autonomia Erkidegoko ikastetxeetan, bereziki, 80ko hamarkadatik aurrera. Hasierako proiektuak puntualak eta partzialak izan ziren, baina, pixkanaka, proiektu zabalago eta integralagoetara pasatu zen gero.

20 urte baino gehiago igaro dira Jakintza Ikastola jasangarritasuneranzko lehen urratsak ematen hasi zenetik. Egun Ikastolak Agenda 2030 proiektuaren barruan, jasangarritasunarenzko bidean jarraitzen dugu ingurumenarekin erabat konprometiturik; baina, zer dago termino horren atzean?

JASANGARRITASUNA

Jasangarritasuna hitza erabiltzen da euskeraz ingeleseko sustainability hitza Itzultzeko. Latinean du jatorria, sus tenere terminoetan: gorde eta defendatu esan nahi du.

Inguru jakin batean, baliabide biofisiko, ekonomiko eta sozialak erabili behar direla inguru geografiko horren eraberritzeko gaitasunaren arabera, eta erabilpen horrek balio behar du, ez bakarrik gaurko belaunaldientzat, baizik eta etorkizunekoentzat ere, haientzat ere onurak eta beharrezko premiak beteta egon daitezen.

Page updated

Report abuse