Táakpesajbáai

Le Cóonsejo ti’ Cuencas te’ej tu Petenil Yucataana’ múuch’ yéetel le CONAGUAo’, táan u páayt’antikech ka táakpesabáaj te’ej múuch’ táambalo’ob kun meentbil ti’al a woksik a t’aan te’ej tu tuukulil u meyajta’al le ja’ ku ya’ala’al ti’ ich castelan t’aan Programa Hídrico Regional 2020-2024 kun máak’a’antbilo’.

Le meyaj je’ela’ leeti’ kun tsolik bix u tukulta’al yéetel kun meentbil le meyajo’ob k’a’ana’ano’ob ti’al ka ila’ak u chíimpoolta’al u tojbe’enil u yaantal ma’alob ja’ ti’ wíinik yóok’sal ma’ u meentik loob ti’ u toj óolal, beey xan ka kanáanta’ak tu láakal le ba’alo’ob kuxa’ano’ob tak báak’lik ma’ u k’ab wíinik meentmililo’ob te’ej ja’abo’ob ku taal tu xóot’ol u lu’umilo’ob Campechéej, Yucataan yéetel Quintana Rooj. U yoksa’al u t’aan tu láakale’ jach k’a’ana’an ti’al ka páajchajak u jóok’ol táanil le ba’ax u k’áat le meyaja’.

Te’ej múuch’ táambal je’ela’ táan k kaxtik k ojéeltej ba’ax talamil ka kuxultike’ex tu yóok’sal yéetel ba’ax meyajilo’ob ka wa’alike’ex k’a’ana’an u meenta’al ti’al ka jóok’ok’o’on táanil ti’.

Le ja’o’ u tojbe’enil tu láakal wíinik, le beetike’ táan k páajtik a táakpesikabáaj a ts’áaj a t’aan ti’ u tuukulilo’ob u meyajta’al.