Catalogación

En Koha, os rexistros bibliográficos conteñen información relacionada co material catalogado como: título, autor, ISBN, descrición física, etc.

Podemos engadir rexistros ao noso catálogo cubrindo a folla de catalogación ou capturando rexistros xa existentes nun servidor.

Unha vez o rexistro bibliográfico está creado e gardado, o sistema permitirá engadirlle exemplares.

A catalogación pódese facer de dúas maneiras:

• Catalogación directa: catalogación partindo dun formulario en branco.

• Catalogación derivada:

  • Catalogación derivada dun rexistro xa existente dentro da rede de bibliotecas.

  • Catalogación derivada dun rexistro existente fóra da rede, é dicir, nun servidor de terceiros dispoñibles a partir do protocolo Z39.50.