Polos Creativos no IES San Mamede 24/25

Descrición:  

A Lúa, despois do Sol é o obxecto máis brillante no ceo. Isto fai que sexa doada de observar ainda cando hai certa luz do amencer ou do atardecer. No inverno os días son máis curtos, e entón pódese aproveitar unha ventá de tempo no amencer, xusto na primeira sesión de clase para poder obsérvala. Deste xeito non é necesario quedar fora do horario escolar. As nubes axudaron e puidemos facer a observación.

Por outra banda, aínda que é o obxecto máis doado de observar, a súa cantidade de cráteres, e diversas orografías e paisaxes, fan dela quizais un dos obxectos celestes que causa maior impresión nos astrónomos afeccionados. Tamén se lles explicará aos alumnos o funcionamento do telescopio astronómico tipo Newton.

Obxectivos: 

• Observar a lúa polo telescopio

• Dar a coñecer o telescopio astonómico

• Describir os elementos dun telescopio astronómico tipo Newton

• Achegar a astronomía aos rapaces

Alumnado participante: ??

Materia: Física e Química

Departamento: Física e Química

Duración: 2 sesións. 

Descrición:  

Os alumnos visualizarán videos e documentos achegados polo profesor sobre a economía circular e sobre a economía lineal.Deberán, seguidamente, explicar o concepto e a importancia do Desarrollo sostible e a Pegada ecolóxica como indicador de sostenibilidade que valora o impacto do noso modo de vida sobre a contorna .

Tamén deberán reflexionar e debatir sobre os seus hábitos de consumo e outros modelos de consumo máis responsables.

Obxectivos: 

• Comprender o concepto de Desarrollo sostible e interiorizar que é unha alternativa ao desarrollo tradicional.

•  Concienciar ao alumnado sobre a importancia dun modelo de producción que garantice un planeta sostible.

•  Sensibilizar aos alumnos sobre outros modelos de consumo máis responsable.

Alumnado participante: 1º Bacharelato

Materia: Economía

Departamento: Economía

Duración: 4 sesións. 

Descrición:  

O alumnado realizará unha estrela de Nadal que encenda e apague empregando diferente material electrónico e eléctrico. Realizarán un circuito en paralelo con 10 LED's , unha pila, un interruptos e cinta condutora de nylon.

Obxectivos: 

• Empregar e coñecer diferentes tipos de elementos eléctrios e electrónicos vendo as súas diferencias.

• Empregar e coñecer a cinta conductora.

• Aprender como se emprega e conecta un interruptor de 3 patillas.

Alumnado participante: 1º FPB

Materia: Montaxe

Departamento: Informática

Duración: 3 sesións. 

Descrición:  

O alumnado realizará diferentes medicións co multímetro, a anotara as medidas correspondentes aos compoñentes das tarefas. 

Obxectivos: 

• Diferencias entre diferentes elementos electrónicos.

• Aprender a manexar o multímetro.

• Diferencias entre valor teórico e valor real de diferentes elementos.

• Recoñecemento de elementos en placas.

Alumnado participante: 1º FPB

Materia: Montaxe

Departamento: Informática

Duración: 6 sesións. 

Descrición:  

A antotipia é unha técnica fotográfica experimental que data do século XIX e baséase nas propiedades fotosensibles das prantas.

Para a sua realización, o alumnado realizou primeiro unha emulsión a base dun triturado de espinacas que posteriormente pincelaron sobre un papel.

Unha vez seco, colocaron sobre este unha serie de elementos vexerais e expuxeronos baixo a luz solar durante varias semanas. As zonas expostas á luz solar foron mudando de cor ata quedar o rexistro en papel de cada un dos elementos.

A cianotipia é un proceso fotográfico similar no que se utiliza unha emulsión de citrato de amonio e ferro e ferricianuro de potasio que ao recibir a luz ultravioleta produce imaxes cun ton azulado.

Obxectivos: 

• Coñecer as posibilidades dos elementos naturais e a contorna para a realización de produccións artísticas.

• Coñecer os procesos fotográficos e a importancia da luz no acto fotográfico.

• Analizar e ser conscientes da importancia do rigor nos procesos artísticos así coma dos riscos, toxicidade e impacto ambiental dos diferentes materiais artísticos.

Alumnado participante: 4º ESO

Materia: Expresión artística

Departamento: Debuxo

Duración: Decembro 24. 

Descrición:  

Os alumnos realizarán unha postal do Nadal cun circuíto con cinta de cobre condutora e una pila de 3 V que conectará a un LED que se acenderá cando se peche a postal. Ademais realizaranse medicións de continuidade e voltaxe co polímetro. 

Obxectivos: 

• Adquirir os primeiros conceptos sobre os circuítos eléctricos e os seus compoñentes.

• Coñecer como se conecta un led.

• Facer medicións co polímetro.

• Desenvolver a súa creatividade

Alumnado participante: 1º e 2º ESO

Materia: Tecnoloxía e dixitalización I y II

Departamento: Tecnoloxía

Duración: 2 sesións (1ª avaliación curso 2024-2025). 

Descrición:  

Aos alumnos expónselle un reto: a 10cm da mesa colócase un bolígrafo en vertical e deben facer unha estrutura de papel con celo, que lles permita facer caer o bolígrafo (sen caer da mesa), ao cortar unha tira de papel de 0,5cm de ancho, colocada a 50cm do bolígrafo. Canto menos papel usen, mellor solución ao reto.

Obxectivos: 

• Practicar os pasos do método de proxectos

• Aprender a organizarse e a traballar en grupo

• Desenvolver a súa creatividade

Alumnado participante: Tecnoloxía e dixitalización I

Materia: Expresión artística

Departamento: Debuxo

Duración: Decembro 24. 

Descrición:  

Os alumnos realizarán un Lapbook sobre a evolución dun obxecto tecnolóxico.

Obxectivos: 

• Coñecer a evolución de determinados obxectos tecnolóxicos.

• Buscar información na rede e seleccionar a apropiada.

• Coñecer opcións diferentes para presentar a información de forma visual

• Desenvolver a súa creatividade e o gusto estético

Alumnado participante: 1º e 2º ESO

Materia: Tecnoloxía e dixitalización I y II

Departamento: Tecnoloxía

Duración: 3 sesións (1ª avaliación curso 2024-2025). 

Descrición:  

Realización dunha audioguía cunha selección de obras de arte dos dous museos mencionados. A audioguía marca tamén o itinerario a seguir nos dous museos, cunha duración prevista de dúas horas, aproximadamente. 

Os pasos foron: 

• preparación da documentación, 

• gravación e edición dos audios; 

• finalmente, elaboración da audioguía mediante a creación dun grupo de WhatsApp.

Obxectivos: 

• Involucrar ao alumnado na elaboración dos contidos da viaxe de estudos a París; 

• Estimular a súa motivación, desde o coñecemento, á hora de enfocar a visita a un museo de arte; 

• Realizar un traballo cooperativo; profundizar na aprendizaxe no emprego das novas teconoloxías. 

Alumnado participante: 1ª de Bacharelato e 3ª ESO

Materia: Historia

Departamento: Xeografía e Historia

Duración: Xoves 30 de xaneiro (visita ao museo do Louvre) e venres 31 de xaneiro (visita ao museo D,Orsay) 

Descrición:  

Os alumnos teñen que facer unha estrutura estable, triangulada con papel e cartón. Como mínimo deberá soportar 50 kg de peso (4 caixas de folios A4 de 12,5 kg cada unha). Os alumnos tamén poderán comprobar se se soporta o seu peso.

Obxectivos: 

• Practicar os conceptos de resistencia, estabilidade e rixidez

• Verificar a importancia do triángulo como elemento estrutural.

• Por en práctica os tipos de esforzos implicado

• Practicar os pasos do método de proxectos

• Aprender a organizarse e a traballar en grupo

Alumnado participante: 1º ESO

Materia: Tecnoloxía e dixitalización I

Departamento: Tecnoloxía

Duración: 2 sesións (2ª avaliación curso 2024-2025).

Descrición:  

Os alumnos teñen que resolver varios circuítos sinxelos, conectando fichas de led, interruptores, pulsadores, zumbadores.

Obxectivos: 

• Practicar a montaxe de circuítos.

• Practicar a interpretación de esquemas eléctricos e electrónicos.

• Por en práctica os conceptos de electricidade e electrónica aprendidos.

Alumnado participante: 2º ESO

Materia:Tecnoloxía e dixitalización II

Departamento: Tecnoloxía

Duración: 1 sesión (2ª avaliación curso 2024-2025) 

Descrición:  

Os alumnos teñen que resolver varios circuítos sinxelos, conectando fichas de led, e pulsadores empregando para elo cinta condutora de cobre 

Obxectivos: 

• Practicar a montaxe de circuítos.

• Practicar a interpretación de esquemas eléctricos e electrónicos.

• Por en práctica os conceptos de electricidade e electrónica aprendidos.

Alumnado participante: 2º ESO

Materia: Tecnoloxía e dixitalización II

Departamento: Tecnoloxía

Duración: 1 sesión (2ª avaliación curso 2024-2025).

Descrición:  

Fixamos o cabelo no medio do raio láser usando celofán. Asegurámonos de que o celofán non obstrua o láser.

Colocamos o láser sobre o soporte e medimos coa cinta métrica a distancia L dende este ata a parede branca, sendo no noso caso 227cm.

Conectamos o láser e apagamos a luz, na parede fórmase un patrón de difracción con zonas escuras e brillantes.

Marcamos cun lapis a posición das dúas primeiras zonas escuras que rodean o máximo central.

Acendemos a luz e coa cinta métrica medimos a distancia entre estas zonas (delta

Repetimos por varios pelos.

Obxectivos: 

• Usar un láser común para determinar o grosor dun cabelo.

• Familiarizarse co uso do láser. 

• Normas de seguridade no uso do láser

Alumnado participante: 

Materia:Física

Departamento: Física

Duración: 

Descrición:  

A consellería de educación vén de presentar unha serie de retos tecnolóxicos dentro do programa InnovaTech. No noso centro organizáronse 3 equipas con 4 integrantes cada unha, con alumando do ciclo superior Desenvolvemento de Aplicacións Multiplataforma.

Obxectivos: 

• Usar o Design Thinking para a elaboración dunha solución potente ao reto.

• Elaborar un mapa de empatía:

• Definir: Saturar e agrupar: volcado de información (saturar), organización da información, síntesis. 

• Idear (SCAMER): Substituír, Combinar, Adaptar, Modificar,  Propoñer outro uso, Eliminar, Reorganiza.

Alumnado participante: 1º e 2º de Desenvolvemento de Aplicacións Multiplataforma.

Materia: Non se enfoca nunha materia en concreto, pódese considerar algo transversal. O alumnado participante estuda a materia de Desenvolvemento de Interfaces de Usuario.

Departamento: Informática

Duración: 10 sesións.

Descrición:  

Os alumnos teñen que facer varias montaxes co Kit “Lego Education Bricq motion essential”, poñendo en práctica os coñecementos adquiridos sobre mecanismos, en particular, engrenaxes, piñón cremalleira, poleas, etc.

Obxectivos: 

• Practicar os coñecementos adquiridos sobre mecanismos

• Practicar os pasos do método de proxectos 

• Aprender a organizarse e a traballar en grupo

Alumnado participante: 1º e 2º ESO

Materia: Tecnoloxía e dixitalización I e II

Departamento: Tecnoloxía

Duración: 1 sesión (2ª avaliación curso 2024-2025) 

Descrición:  

Realizouse unha actividade formativa na que participaron os alumnos de 4º SO da materia de Dixitalización. Nesta actividade, o alumnado tivo a oportunidade de coñecer o robot Vincibot, un robot educativo deseñado para facilitar o aprendizaxe de conceptos relacionados coa programación, a robótica e a dixitalización.

Durante a actividade, presentouse o robot Vincibot e as súas características principais, incluíndo as súas funcións e os sensores cos que está equipado. Ademais, explicouse unha breve introdución á ferramenta de programación en bloques que facilita o fabricante, esto permite ao alumnado interactuar co robot dunha maneira sinxela e visual. A través desta ferramenta, puderon crear os seus propios programas básicos para controlar o robot, desenvolvendo habilidades clave en programación e resolución de problemas.

A actividade estruturouse nas seguintes fases:

1. Presentación do Robot Vincibot: Explicouse o funcionamento do robot e as diferentes partes que o compoñen, incluíndo os seus motores, sensores de proximidade, leds e material complementario.

2. Demostración de Funcións e Sensores: Mostrouse como os sensores permiten ao robot interactuar co seu contorno, detectar liñas,obstáculos e realizar movementos controlados, modificar a matriz de leds, realizar debuxos con rotulador.

3. Introdución á Programación en Bloques: Ensinouse a utilizar a ferramenta de programación en bloques de matastudio para deseñar os programas e conectar con robot por cable ou bluetooth para transmitirlle eses programas e poder executalos.

4. Práctica Guiada: O alumnado en grupos de 2 ou 3 deseñou e creou os seus propios programas para que o robot realizase tarefas como moverse en distintas direccións, cantar canción compostas polo alumnado, bailar, debuxar diversas formas, cambiar as mensaxes da matriz de leds e a forma dos ollos para mostrar, alegría ou sono. 

Obxectivos: 

• Familiarizarse cos conceptos básicos da robótica e a programación

• Presentar o robot Vincibot como unha ferramenta educativa no ámbito da tecnoloxía.

• Coñecer as funcións e os sensores do robot, e comprender como se utilizan para interactuar co contorno.

• Introducir a o alumnado no concepto de programación mediante a utilización de bloques de código, facilitando a súa comprensión da lóxica detrás dos programas.

• Fomentar o traballo en equipo e o desenvolvemento de habilidades de resolución de problemas a través da creación de programas interactivos co robot. 

• Desarrollar o interese do alumnado nas áreas de programación e robótica, preparándoos para futuros estudos no ámbito da dixitalización.

Alumnado participante: 4º ESO

Materia:  Dixitalización 4º ESO

Departamento: Informática

Duración: 1 sesión os días 17,18,21 e 24 de marzo

Descrición:  

Os alumnos teñen que facer varias programacións co Kit Robótico “Coding Set”, para que o robot realice os percorridos indicados, iniciándose así no proceso de programación e pensamento computacional.

Obxectivos: 

• Desenvolver habilidades de pensamento computacional

• Realizar algoritmos, tomar os pasos apropiados e organizalos nunha serie de comandos (plans) para resolver problemas 

Alumnado participante: 1º e 2º ESO

Materia: Tecnoloxía e dixitalización I e II

Departamento: Tecnoloxía

Duración: 2 sesións (3ª avaliación curso 2024-2025).  

Descrición:  

Desenvolvemento e proba dun escape room interactivo co alumnado de 1ºDAM coa temática e probas relacionada cos ciclos de informática.

Historia do EscapeRoom.

O computador da secretaría sufriu un ataque RAMSOMWARE, e os crackers pediron un rescate de 10 Bitcoins para obter unha chave de desencriptado e recuperar así a información secuestrada trala intrusión.É de vital importancia recuperar a información do computador para que o curso poida terminar de maneira adecuada, e non se perdan todos os expedientes.A misión do teu equipo será seguir e resolver as pistas que deixaron os crackers a través de distintos códigos QR por todo o centro, ata atopar a clave de desencriptado. ADIANTE... BOA SORTE!

Obxectivos: 

• Durante 2 sesións probamos o escaperoom para ver a xogabilidade e erros de cara a facer un máis grande a final de curso, coa posibilidade de integrar outros contidos e facelo máis interdisciplinar.

• Empregamos as tablets dos polos creativos para seguir as pistas en códigos QR.

Alumnado participante: 1º DAM

Departamento: Informática

Duración: 2 sesións (11 abril)

Descrición:  

Moitas veces consumimos alimentos sen ser do todo conscientes dos ingredientes e composición nutricional destes. Por iso, o alumnado aprenderá a ler a información das etiquetas dos alimentos, promovendo un consumo racional e saudable.

Tras unha breve introdución na que o docente explica como ler a etiquetaxe nutricional, o alumnado realizará un estudo na web dalgúns dos alimentos que adoitan consumir con máis frecuencia.

Posteriormente, os/as estudantes crearán un mural no que se mostre, de maneira visual, a cantidade de azucre por cada 100 gramos de diferentes produtos.

Finalmente, o alumnado reflexionará sobre o aprendido.

Obxectivos: 

• Aprender a ler a etiquetaxe nutricional dos alimentos, e tomar conciencia da cantidade de azucre dos produtos que se consomen con frecuencia.

• Promover un consumo de alimentos racional e saudable.

• Sensibilizar sobre os efectos do consumo excesivo de azucre na saúde e fomentar unha reflexión crítica sobre os hábitos alimenticios.

Alumnado participante: 2º ESO

Materia: Proxecto Competencial

Departamento: Educación Física

Duración: 2 sesións 

Descrición:  

O ensino de primeiros auxilios é crucial porque prepara ao estudantado para responder adecuadamente ante emerxencias, o que pode garantir, ou non, a supervivencia. Ademais, fomenta valores como a responsabilidade, a empatía e o liderado, mentres aumenta a autonomía e confianza dos/as novos ao saber como actuar en situacións críticas. Tamén promove a prevención de accidentes, contribuíndo a unha contorna máis segura tanto no propio centro educativo como na comunidade, e proporciónalles unha habilidade valiosa que poderán utilizar ao longo da súa vida.

O alumnado tivo a oportunidade de valorar a súa RCP (reanimación cardiopulmonar) empregando manequíns conectados a dispositivos electrónicos (tabletas) que establecen unha serie de medicións para valorar a eficacia das técnicas, fomentando o sentido crítico do alumnado.

Así mesmo, vivenciaron o uso dun DESA (desfibrilador externo semiautomático) e lembraron as manobras de actuación #ante unha obstrución da vía aérea por un corpo estraño (atragoamento).

Obxectivos: 

• Aprender/interiorizar técnicas de primeiros auxilios realizando medicións con dispositivos electrónicos.

• Coñecer como realizar unha RCP, empregar un DESA (desfibrilador externo semiautomático) e actuar ante un  atragoamento.

• Sensibilizar sobre a importancia do coñecemento destas técnicas para o benestar social.

Alumnado participante: 1º ESO, 2º ESO, 3º ESO, 4º ESO, 1º BAC

Materia: Educación Física

Departamento: Educación Física

Duración: 2 sesións / grupo

Descrición:  

Durante o 1º e 2º trimestre realizáronse 6 debates entre 4 equipos de cada grupo. Os equipos gañadores enfrontáronse na final. Facilítaselles un tema de debate sobre o que deben buscar información. No propio día do debate faise o sorteo que determina que equipo defende a postura "a favor" e cal "en contra". Hai catro quendas de palabra (exposición inicial, dúas refutacións e conlusión.

Obxectivos: 

• Buscar información na rede, e contrastala seleccionando fontes fiables.

• Traballar en grupo para definir estratexias comúns.

• Levar a cabo unha escoita activa e refutar as argumentacións do rival.

• Expoñer a propia opinión oralmente con estratexias propias da oratoria.

Alumnado participante: 40 alumnos de 1º ESO A e B

Materia: Lingua Castelá e Literatura

Departamento: Lingua Castelá e Literatura

Duración: 10/4/2025 a final; eliminatorias durante os 2 primeiros trimestres.

Descrición:  

O alumnado elaborará unha serie de vídeos curtos para ilustrar os pasos clave na creación de distintos tipos de cables de par trenzado (directo, cruzado, etc.) e a súa conexión con paneis de parcheo. O obxectivo é crear material práctico e visual que sirva de apoio nas sesións de taller da materia de Redes Locais.

Obxectivos: 

• Crear material audiovisual didáctico para empregar como ferramenta de apoio no taller de redes locais.

• Potenciar as habilidades prácticas do alumnado na montaxe de cableado.

• Fomentar o traballo colaborativo e a aprendizaxe entre iguais.

Alumnado participante: 1º curso do ciclo de Sistemas Microinformáticos e Redes 

Materia: Redes Locais. 

Departamento: Informática

Duración: Febreiro de 2025 

Descrición:  

O proceso comeza coa elección do deseño da chapa, elaborado por unha alumna de 4º ESO, escaneamento e axustado do deseño ao tamaño da chapa (37 mm) e fotocopiado do mesmo para o alumnado. 

A continuación elabórase o texto instrutivo para ensinarlle a alumnado e profesorado o uso da máquina e dáse a coñecer. Procédese a recortar o deseño e  montar as chapas para todos os grupos de ESO, FPB e bacharelato.

Obxectivos: 

• Sensibilizar a comunidade educativa sobre a existencia da violencia de xénero

• Desenvolver unha actividade colectiva coa creación das chapas

Alumnado participante: 2º ESO, 3º ESO, 2º bacharelato, alumnado voluntario da biblioteca escolar

Materia: Lingua Galega e Literatura, Voluntariado da biblioteca escolar

Departamento: Lingua Castelá e Literatura, Bibliotec Escolar

Duración: Unha sesión cos grupos na materia de Lingua Galega e Literatura, varios recreos co alumnado voluntario da biblioteca escolar.

Descrición:  

Imitando un vídeo publicado pola editorial Xerais, o alumnado recomenda un libro cun vídeo, no que se ve a cuberta e os temas, que se visiona no monitor da entrada do centro; e cun cartel que se expón nos corredores. O alumnado de 3º ESO recomenda os cómics lidos no terceiro trimestre; o de 4º ESO, as obras estudadas de Castelao e do primeiro terzo do século XX; o grupo de 1º bacharelato, poesía actual e o de 2º bacharelato, prosa actual.

Obxectivos: 

• Recomendar unha obra literaria en galego.

• Enunciar os temas das obras.

• Gravar co móbil o lombo e a cuberta do libro.

• Editar un vídeo con Capcut, como ferramenta gratuíta dende o móbil, ou con Canva, como ferramenta de deseño gráfico e composición de imaxes.

• Realizar capturas de pantalla e elaborar un cartel coa cuberta e os temas da obra.

Alumnado participante: 3º e 4º ESO, 1º e 2º BAC 

Materia: Lingua Galega e Literatura 

Departamento: Lingua Galega e Literatura, Biblioteca Escolar

Duración: 2 sesións , abril 2025

Descrición:  

Partindo dun traballo realizado pola Real Academia Galega, o alumnado de 1º ESO crea un cartel cuns versos dunha cantiga popular que previamente recolle na súa ​contorna ou selecciona nalgún dos libros que sobre o tema se atopan na biblioteca. A continuación, elixe unha palabra e incorpora unha fotografía de autoría propia relacionada con ela. Finalmente, cada alumna/o fai a descarga en formato PDF, garda o documento na súa memoria USB e realiza  a  impresi​ón. Os carteis os carteis exp​óñense nos corredores e no blog do Equipo de Dinamización da Lingua Galega ocartafoldovento.blogspot.com.

Obxectivos: 

• Conmemorar as Letras Galegas.

• Achegarse ao cancioneiro popular galego.

• Facer un traballo de campo acudindo a informantes da zona ou consultar o cancioneiro popular galego na biblioteca.

• Elaborar un cartel cunha imaxe e uns versos dunha cantiga.

• Citar o informante ou a fonte de información consultada.

• Realizar unha fotografía para ilustrar o cartel.

• Traballar con Canva como ferramenta de deseño gráfico e composición de imaxes.

Alumnado participante: 1º  ESO 

Materia: Lingua Galega e Literatura, Equipo de Dinamización da Lingua Galega

Departamento: Lingua Galega e Literatura, Equipo de Dinamización da Lingua Galega

Duración: 2 sesións, maio 2025.

Descrición:  

O alumnado consulta na biblioteca do centro o Dicionario dos seres mí​ticos galegos e nos ordenadores a páxina https://galiciaencantada.com/. Elixe vinte e tres, un por cada letra do alfabeto e anótaos nun folio. Despois, selecciona a definición e a descrición dun deles e toma nota.

Con esta información, ao longo da primeira e segunda avaliación realízanse as actividades: 

Alfabeto mítico

No Samaín, a docente confecciona un texto instrutivo coas indicacións para usar a web de deseño gráfico e composición de imaxes Canva e o alumnado fai un deseño en formato A3 vertical dun alfabeto que debe inclu​ír:

●       Fonte de letra con temática de medo en diferentes cores.

●  Nome de cada ser m​​ítico dentro dun rectángulo con borde redondeado e de cores.

●       Cita da fonte de información​ empregada.

Nadal m​ítico

No Nadal, tamén en Canva, as alumnas e alumnos confeccionan unha tarxeta coas seguintes indicaci​óns:

●       Unha cor de fondo.

●       Unha mensaxe de felicitación relacionada co Nadal e coa temática tratada.

●       A definición​ ​do ser mítico elixido.

●       Decoraci​ón con  imaxes da festividade.

●       Cita da fonte de información empregada.

Unha vez rematados o alfabeto mítico e a tarxeta de Nadal, cada alumna/o fai a descarga en formato PDF, garda o documento na súa memoria USB e realiza impresi​ón para expoñer os traballos nos taboleiros do centro. Ademais, son publicados no blog do Equipo de Dinamización da Lingua Galega ocartafoldovento.blogspot.com

As actividades Alfabeto mítico e Nadal mítico fixéronse en colaboración co Equipo de Dinamización da Lingua Galega.

Conferencia sobre seres míticos

No segundo trimestre, cada alumna/alumno imparte unha conferencia sobre un ser mítico na que indica os datos xerais, lugar e elementos fantásticos ou sobrenaturais relacionados con el. Por último, comenta tres argumentos polos que o elixiu. A conferencia consta das seguintes partes:

●       Saúdo formal.

●       Presentación do relator ante o auditorio.

●       Indicación do tema.

●      Explicación do guión ou sumario enumerando os apartados que vai desenvolver.

●       Exposición.

●       Conclusión co agradecemento ao público pola súa atención.

Obxectivos: 

• Revisar o alfabeto galego, confeccionar definicións e traballar o texto expositivo, descritivo e argumentativo.

• Coñecer os seres m​íticos galegos.

• Buscar información proveniente de diferentes soportes, seleccionala e xerarquizala.

• Citar as fontes de información empregadas en traballos acad​émicos.

• Traballar con Canva como ferramenta de deseño gráfico e composición de imaxes.

• Expoñer oralmente con claridade e coa axuda dun guión de apoio diante dun auditorio 

Alumnado participante: 1º ESO

Materia: Lingua Galega e Literatura, Equipo de Dinamización da Lingua Galega 

Departamento: Lingua Galega e Literatura, Equipo de Dinamización da Lingua Galega

Duración: 6 sesións , comezo en outubro de 2024 e remate en xaneiro de 2025 

Descrición:  

Os alumnos teñen que conectar a placa electrónica Makey Makey á computadora para funcionar como un emulador de varias teclas do teclado e botóns do rato, baseándose no concepto de condutividade. Realizamos varias actividades como:

• Localizar materiais capaces de conducir a electricidade.

• Empregar a placa como mando de control para videoxogos, mediante o uso de froitas. O xogo programarémolo con scratch.

• Crear un piano con materiais condutores.

Obxectivos: 

•  Aplicar os coñecementos adquiridos sobre condutividade.

• Aprender a conectar a placa makey makey.

• Realizar algoritmos, tomar os pasos apropiados e organizalos nunha serie de comandos (plans) para resolver problemas.

• Comprobar o funcionamento da placa makey makey con Scratch.

• Aprender a conectar a computadora co mundo real.

Alumnado participante: 1º e 2º  ESO 

Materia: Tecnoloxía e dixitalización I y II.

Departamento: Tecnoloxía

Duración: 2 sesións (3ª avaliación curso 2024-2025).

Descrición:  

O alumnado saca fotos e vídeos de diferentes instalacións do centro para crear un posible vídeo promocional.

Obxectivos: 

• Traballar en grupo

• Utilizar programas de edición de vídeos e imaxes.

Alumnado participante: 1º FPB.

Materia: Ofimática e Arquivamento de Documentos.

Departamento: Informática.

Duración: 02/06 ata 13/06.

Descrición:  

Os alumnos teñen que facer varias programacións co Kit Robótico “Vincibot”, para que o robot realice os retos indicados, iniciándose así no proceso de programación e pensamento computacional.

Obxectivos: 

• Desenvolver habilidades de pensamento computacional

• Realizar algoritmos, tomar os pasos apropiados e organizalos nunha serie de comandos (plans) para resolver problemas.

• Coñecer as partes de un robot.

• Diferenciar sensores e actuadores

• Practicar a programación mediante a utilización de bloques de código.

Alumnado participante: 2º  ESO 

Materia: Tecnoloxía e dixitalización II.

Departamento: Tecnoloxía.

Duración: 1 sesións (3ª avaliación curso 2024-2025).

Descrición:  

Cada alumno conta cun Kit de robótica educacional STEM “MBOT RANGER” co que debe realizar a montaxe dun robot tanque, seguindo o manual de instrucións. Unha vez montado, deberán identificar as partes do robot e realizar a programación e control do mesmo, mediante a utilización de bloques de código na tablet ou ordenador, para iniciarse no mundo da robótica.

Obxectivos:

• Desenvolver habilidades de pensamento computacional

• Realizar algoritmos, tomar os pasos apropiados e organizalos nunha serie de comandos (plans) para resolver problemas.

• Coñecer as partes de un robot.

• Diferenciar sensores e actuadores, e tarxeta controladora.

• Practicar a programación mediante a utilización de bloques de código.

Alumnado participante: 1º Bacharelato.

Materia: Ofimática e Arquivamento de Documentos.

Departamento: Tecnoloxía.

Duración: 5 sesións (3ª avaliación curso 2024-2025).

Descrición:  

O alumnado convértese en xornalista despois de asistir á actividade didáctica Percorrido literario por Ourense.

• En 1º ESO, confeccionan unha páxina dun xornal para o que propoñen un nome e redactan en formato dixital a noticia da visita realizada coas seguintes partes: sección, titular informativo, redactor/a, data, entrada, fotografía de autoría propia acompañada do pé de foto e corpo da noticia incluíndo os seis interrogantes. Para rematar, cada alumna/o fai a descarga en formato PDF, garda o documento na súa memoria USB e realiza impresi​ón.

• En 2º ESO, confeccionan unha páxina dun xornal, Pequeno Esparaván, e redactan en formato dixital a crónica do autor/a preparado para a lectura diante da súa casa ou taller e do percorrido realizado coas seguintes partes: titular, data, redactor/a, entrada, corpo, conclusión e imaxe propia con pé de foto. Para rematar, cada alumna/o fai a descarga en formato PDF, garda o documento na súa memoria USB e realiza impresi​ón. 

Obxectivos: 

• Analizar xornais en formato impreso e dixital e familiarizarse coa organización e contidos.

• Coñecer os distintos xéneros xornalísticos.

• Recoñecer as características da noticia/ crónica fronte a outros xéneros.

• Traballar cun procesador de texto e con ferramentas de deseño gráfico e composición de imaxes.

• Redactar unha noticia/crónica respectando as características do xénero.

Alumnado participante: 1º  e 2º ESO  

Materia: Lingua Galega e Literatura

Departamento: Lingua Galega e Literatura.

Duración: 3 sesións en cada nivel (Marzo 2025)