Polos Creativos no IES San Mamede

Descrición:  

O alumnado de 1º e 2º ESO irán a aula multimedia para practicar o acceso e navegación pola aula virtual.

Obxectivos: 

•  Verificar o acceso á aula virtual de todo o alumnado de 1º e 2º ESO.

• Amosar o funcionamento básico e navegación pola aula virtual. 

• Practicar a entrega de tarefas mediante arquivos. 

• Entender as nocións básicas do uso responsable da aula virtual. 

Alumnado participante: Todas as clases de 1º e 2º ESO  

Materia: Tecnoloxía e dixitalización.

Departamento: Tecnoloxía

Duración: 1 sesiín con cada grupo.

Descrición:  

RehaBand é unha solución tecnolóxica deseñada para mellorar a adherencia aos tratamentos de rehabilitación mediante o uso de pulseiras intelixentes, gamificación e seguimento remoto por parte de profesionais sanitarios e familiares. A proposta combina hardware propio (pulseiras baseadas en ESP32) con software accesible (app para móbil/tableta, chatbot de WhatsApp e xogos interactivos), e está pensada especificamente para persoas maiores que viven en contornas rurais. 

Obxectivos: 

• Facilitar e motivar a realización de exercicios terapéuticos prescritos, especialmente os activo-asistidos, mediante unha solución interactiva e accesible que permita ao paciente realizar a súa rutina con autonomía e seguimento profesional. 

Alumnado participante: 1º e 2º de DAM

Materia: Proxecto transversal, inclúe a alumnos de 1º e 2º de DAM. 

Departamento: Informática 

Duración: Curso 24/25.