Dyma gyfres o syniadau, tasgau parod a dolenni defnyddiol ar gyfer eu defnyddio i ddathlu diwrnod T. Llew Jones sydd yn cael ei gynnal ar yr 11eg o fis Hydref.

Here are a series of ideas , ready made tasks and useful links which can be used to celebrate T. Llew Jones’ Day , which is held on the 11th of October.

Hoffwn eich gwahodd i gymryd rhan mewn prosiect creadigol arbennig i ddathlu Diwrnod T. Llew Jones 2025. Rydym yn bwriadu creu stori gadwyn ar y cyd rhwng dosbarthiadau blynyddoedd 5  6 ysgolion Ceredigion (* byddai’r weithgaredd yn addas i’w wneud gyda dosbarthiadau cymysg bl 3 i 6 hefyd)  yn ystod yr wythnos sy’n arwain i fyny at Ddiwrnod T.Llew Jones ar yr 11eg o fis Hydref. Bydd pob ysgol yn cyfrannu paragraff i ddatblygu stori wedi’i hysbrydoli gan y gerdd ‘Yr Hen Dŷ Gwag’ gan T. Llew Jones. Bydd y prosiect yn gyfle i annog ysgrifennu creadigol ac i gydweithio a chyfathrebu yn ddigidol rhwng ysgolion. I ddechrau bydd yr ysgol yn cyfathrebu mewn galwad fideo Teams gyda’r ysgol sydd wedi ysgrifennu y paragraff blaenorol. Yna bydd y dosbarth yn mynd ati i ysgrifennu’r paragraff nesaf cyn ei rannu gyda’r ysgol fydd yn ysgrifennu y paragraff nesaf, mewn galwad fideo Teams.

Os oes gennych ddiddordeb i gymryd rhan yn y prosiect bydd angen cwblhau yr holiadur byr canlynol erbyn y 26ain o fis Medi. Wedi i chi gofrestru diddordeb byddwn yn anfon rhagor o fanylion am y broses, amserlen a sut i gyfrannu paragraff eich dosbarth. Os oes gennych unrhyw gwestiynau mae croeso i chi gysylltu gyda eryl.jones@ceredigion.gov.uk. Edrychwn ymlaen at glywed gennych!

Sesiynau Dysgu Byw / Live Lessons